بلاي حبيت نجديه

38

الجوهره: هالحين عماتي عندنا كيف بتركهم واروح معك؟
سلطان: شعلي منهم بعدين حتى نجد مزعجتني تقول جب الجوهره
الجوهره: كم يوم ناخذ؟
سلطان : يومين
الجوهره: طيب بس بجهز اغراضي
سلطان: لا تتاخرين ترا معي عامل
الجوهره: غريب وش يبي
سلطان: جايب خيل عزوز و العامل ما يدل بيلحقنا
الجوهره : عبدالعزيز حتى هنا خيل
سلطان: وابوي مدلعه قايلي اجيبه
الجوهره: ياحلوه عمي
سلطان بمزح : وانا مافيه ياحلوي
الجوهره ضحكت وقالت : سلطان!
سلطان : ها عاني بنتظرتس برا وسلمي على عمتي قولي سلطان مايبي يشغلتس عن ضيوفتس
الجوهره: ابشر
سلطان: تبشرين بالجنه يارب
________________________
عند سيف كان مع العنود واقفين عن الابل
سيف : ما اخبرتس خوافه
العنود: ماني خوافه مير مابيها تاكلني
سيف ضحك بصوت عالي ومصدوم وقال : ما تااكل
العنود: الا تغض !
سيف: عضتها خفيفه ها عانيني امسكها
العنود: كذاب ما تقرب منها
سيف: تبيني اطمر عندها؟
العنود: امش بس
سيف تلطم و نط
نهيان وهو جاي لهم قال : مااايصلح دكتور قلب وحركات اخر شي راعي ابل؟
سيف: كيف اقولك ان نصها لي
نهيان: اوب اوب ونصها؟
سيف : هي كلها 210
نهيان: اسلم
سيف: 100 راس لي و سلطان له 53 و عزوز 47 عزيزان توه مبتدي
نهيان: اقعد وكم وصل سومها فرديتك
سيف: سوم وصلت سته مليون
نهيان: يا رجل ! ولا بعتها
سيف: اخبر لا كبرت بيزيد سعرها
نهيان التفت على العنود وقال : داهيه ذا
العنود ضحكت وصدت
سيف: ورعي وينه
نهيان: كان هناك
سيف: يازينه زيناه
نهيان : عاد اخليكم
راح نهيان والتفت سيف للعنود وقال : علامتس؟
العنود: مافيني شي
سيف عقد حواجبه وقال : وجهتس وجه التعبان
العنود: طبيعي تعب الحمل و عبود الله يصلحه عذبني
سيف: وش مسوي
العنود: ما تعرف حركاته الحقه علشان البسه لبس زين ولا اركض وراه علشان ياكل
سيف: اوريتس فيه
العنود : لا عاد بالله الا عبودي تراه ضعيف بس يعاند
سيف: ماذبحنا غير العناد
________________________
ام فهد : يا ناس قهد وينهو
ام صالح: كان هنا
ام فهد بخوف : بروح بروح ادوره عند العيال
ام سيف : شفيتس يا نوره بتلقينه ماهو صغير
ام فهد : ياشيخه قلبي ماهو مرتاح
نجد صدت و دمعتها كانت بتنزل بس مسكتها
ام فهد راحت للجلسه اللي فيها العيال و الشياب
ام فهد بخوف كانت تتلفت وتدور فهد بينهم
عبدالعزيز: ياخاله وش بغيتي
كلهم التفتوا على ام فهد
ابو فهد : شصاير ؟
ام فهد وعيونها امتلت بالدموع وحست بغصه قالت : فهد وينهو؟
هزاع : تلقينه واقف عند الابل
ام فهد : ماحولها احد
ابو فهد قام من مكانه وقال : محمد انت وحمد قم انت وياه دور اخوك
محمد: تبشر
حمد: سم
عبدالعزيز و عمر وصالح وحمد قاموا يدورونه
ابو فهد جاء لعند ام فهد وقال : فهد صغير يوم تخافين عليه افا عليتس؟
ام فهد : اي اخاف عليه ذا ورعي لو اشوف احفاده بخاف عليه
ابو فهد ضحك وحط يدينه ورا ظهرها و مشاها معه وراحوا بعيد عن الكل
ام فهد وعيونها كلها دموع بس ماسكها : يا تركيي منت خايف
ابو فهد : فهد يا نازل الديره ياخذ كم غرض ولا عنده شغل
ام فهد : كلللها المفروض يبلغني قبلها
ابو فهد : سالتي نجد ؟
ام فهد: يعني بتدري نجد وانا ما دريت ؟
ابو فهد : وانتي ناسيه دوامه ؟ لو رايح شغل بدوامه مستحيل يعلم احد فينا ممنوع يعلم امه وابوه يعلم يا اخته يا زوجته شخص واحد وما يعلم احد لييين يخلص
ام فهد: بروح لنجد
ابو فهد : ماهي قايله لتس
ام فهد : نجد بنتيي لا شافتني خايفه عليه بتقوليي
راحت ام فهد لنجد وهي تسارع خطواتها
ام فهد : نجد
نجد التفت وهي ماسكه دموعها من اول وقالت: سمي
ام فعد : سم الله عدوتس تعالي وانا عمتس نبيتس
نجد هزت راسها وقامت و مسكت يدها ام فهد وراحت لابو فهد
ابو فهد : حي الله نجد
نجد : الله يبقيك
ابو فهد : تدرين انتي صح وينهو فهد
نجد بخوف : ليه صاير له شي؟؟؟
ام فهد : بسم الله على ورعي لا يمه ما صاير له شي بس ماندري وينهو
نجد ناظرت بساعتها ومر على روحه فهد خمس ساعاتت قالت :عنده مهمه
ام فهد: وليه ما قالي
نجد: يقولي ممنوع اعلم احد من اهلي الا زوجتك وان كنت منت متزوج ما تعلم احد و قالي بروح وبعد 5 ساعات علمي امي وابوي
ابو فهد : الله يرده سالم
نجد وام فهد : امين
_______________________________
في بيت طين فاضي وشله مهجور يطمسه الظلام
وبرا دوريات الشرطه
سلمان: ماخلصت طال عمرك
(على انهم اخوياء لاكن وقت الشغل لازم احترام)
فهد التفت على حامد و سلمان و منصور قال : هذي وصيتي اذا صار لي شي وقدر الله ومت وصلوها لاهلي
منصور: بعد عمرن طويل يا حضرت اللواء
حامد : باذن الله نمسكهم ونطلع من هنا سالمين
طلع فهد يده من شباك السياره و اشر بيده ينزلون العسكر
نزلوا العسكر بسرعه هائله و توزعوا حول البيت
فهد قال بقلبه : اللهم اني استودعتك نفسي و والديني و نجدي يارب اطل بعمري للحظه اتزوج نجد
حامد: سم طال عمرك هذا اللاسلكي
فهد اخذ اللاسلكي و ضبطه بجيبه ولبس الكاب و مسح على سلاحه ووقف عند الباب
اشر بيده للعسكر و تقدموا و كسروا الباب وتقدموا قبله وتقدموا نصهم والنص الثاني عند الباب
فهد: فتشوا غرفه غرفه انطلقوا
توزعوا العسكر بالغرف و بثانيه سمعوا صوت رصاص متوجه لفهد
حامد بصراخ : انتببهههه طال عمرك
وقف فهد وبدا يطلق عليهم اللي فوق وكانت اعداداهم هائله
فهد اخذ اللاسلكي وقال : حضره الفرييق احمدد يا حضره الفريق احمد
الفريق احمد : سم يا فهد
فهد : طال عمرك المجرمين اعدادهم هائله ومن المتوقع اكثر من عسكرنا ارسل لنا عسكر الطوارئ للموقع
الفريق احمد: ثواني وتكون عندك
فهد بدا يطلق وكان يصيبهم و بمهاره
طلع واحد من ورا فهد ومسك فهد وحط السلاح على راسه
حامد: فهددد
المجرم : ان كانكم تبونه حي نزلوا السلاح
________________________\
ام فهد كانت تتقهوى مع الكل وفجاه حست ضيق بقلبها انكب الفنجال ومسكت قلبها وقعدت تسمي
ابو سيف : انكب الشر
ابو فهد : شفيتس
ام فهد : فهد فيه شيي فهد فيه شي ومتاكد
ابو صالح: اذكري الخير ياخوتس مايصلح اللي تقولينه
ام سيف : نوره علامتس دايم فهد يروح مهمات هدي وادعي ان ربي يسلمه
ام فهد : قلبي دليلي وليدي فيه شي فيه شي
نجد صدت ودموعها نزلت
ساره شدت على يدينها وقالت: ياقلبي انتي تذكرين الكلام اللي تقولينه لي اذا راح صالح ؟ برجع اقوله اك باذن الله ما صاير شي
____________________________
حامد: نزل السلاح انت افضل لك
المجرم: وش يفرق انا ميت ميت بس تبون خويكم معي هالحين
فهد اشر بعيونه بمعنا لا تنزلون اسلحتكم
المجرم وهو حاط يدينه على راس فهد بثانيه فهد بعد نفسه ولف يدين المجرم وطيحه على الارض
فهد قرب السلام منه وطلق على رجله ( يبيه حي )
المجرم صررخ بكل حيله وطلقوا طلقه موجهه لفهد لاكن صابت سلمان
وبدا الرصاص من فوق يطلق
بعدها بثواني اختفوا
فهد بعصبيه : المفروض نجيبهم حييين اللي براا وييييينننن الخطهه اللي لنا اسبووع اعيدها و اكررها عليكم شصاار عليهااااااا شصاااااااارررر
حامد: هد طال عمرك
منصور: كل شي ممكن يتغير
العسكري من فوق بصراخ : طالل عمرك قدرنا نسيطر عليهم كلهم فوق
فهد ابتسم توقع الخطه والخطه اللي له فيها اسابيع يدربهم عليها ما سووها
ركض فهد لسلمان
سلمان: بسيطه بسيطه
فهد : سلمان خلك معي لا تغفى
سلمان : ف ففهد اهلي اهلي مالهم غيريي
فهد : باذن الله اهلك اهلي بس هد انت الحين
فهد : اخذوا المجرمين كلللهم و ودوهم المركز والحيوان هذا ودوه المستشفى مع تشديييد الحراسه تشديدها فاهمين؟؟
شال سلمان و راح معه للمستشفى
فهد : افا يا سلمان يا خوي الدروب يا خوي الشمال
( فهد يعرف سلمان من كان بالشمال ويوم نقل فهد سلمان نقل معه )
سلمان بصوت متقطع : اهلي... ااهللي ما لهم ... غيري ما عنددهم احد
فهد : قلت لك اهلك هم اهلي مير وينهم ساكنين
سلمان : بديرتكم .... عند .. عند محل ابو محمد ورا ظهره البيت
فهد : لا تتعب نفسك يا سلمان عندك عياال
سلمان: فهد ... عيالي . امانه عندك
فهد : سلمااانننن لا تقول كذذذا يا سلماان بيطول الله بعمرك وبتشوفهم معرسين وبتحضر عرسي ما ودك تحضره
سلمان ابتسم وشد على يدين فهد وغاب عن وعيه
وصلوا للمستشفى و ودوا سلمان
زياد : انت تقرب للدكتور سيف؟
فهد : اخوي ليه؟
زياد : الواضح ان المتصاوب اصابته بالقلب وصراحه اشطر الدكاتره سيف ياليت يجي باسرع وقت
فهد : كيف يعني بتنتظرون لين يجي سيف !!
زياد : لا يا الغالي عندنا دكاتره كثييير بس امهرهم سيف بما ان الاخ المتصاوب واضح ذو منصب عالي وما ودكم تخسرونه
فهد ركض لسيارته ومسك خط للمكشات حقهم
بعد طريق ساعتين وصلت سياره فهد
كلهم قاموا لفهد
فهد بسرعه فتح باب السياره وركض لسييف
فهد : سسييبف سيييففف
سيف: شفيك ابشر بي وش بغييت
ام فهد بخوف : وش الدم اللي على لبسك
فهد والغصه ذابحته و واضحه من كلامه : ياليته دميي
ابو فهد : شصااييرر
فهد : الرصاصه كاانتت بتصيبنيي و حماني منهاا ولد الاجاويييد يا يبه
سيف جاء ركض وهو لابس ثوبه وعاصب شماغه قال : مشينا
ابو سيف: وين رايحين
فهد : خويي خوويي يا عمي الاصابه جت بقلببه ومالها الا سيف
راحوا فهد و سيف مسرعين للمستشفى
ام فهد مسكت راسها وهي تستغفر
ابو سيف : الحمدلله على سلامه فهد وباذن الله خويه ما جايه شي
الكل كان خايف عليهم
بعد ساعه وصلوا سيف وفهد للمستشفى وركض سيف و بدل ملابسه و عقم يدينه ودخل و بدا يسوي العمليه
عند فهد وزياد
فهد : كيف تتوقع جرحه؟
زياد : الصدق وانا ما ابي اخوفك بس احتماليه بسيطه ما يموت واذا ربي طول بعمره بتصير معجزه لان الاصابه قريبه من القلب
فهد بخوف : وش السوات
زياد: علشان كذا قلت لك جب سيف
بعد نص ساعه طلع سيف
فهد : بشر يابو عبدالله
سيف : بقدره قادر عاش ولا اللي مثله مستحيل يعيش لاكن دخل بغيبوبه احتماليه قومته استحاله اقل من ثلاث شهور
فهد عيونه دمعت وقال : عياله وزوجته ماعندهم غيره محد من اهلهم فيه
سيف قرب وحضن فهد بقووه
سيف: مشينا امك ما نشفت لها دمعه ماغير تصيح عليك وهذاك ابو سبع ارواح ما جاك شي
فهد ضحك بين دموعه وقال : هذا وانا نسيبك
سيف: اوووه نسيت
فهد : امش امش
راحوا كللهم للمكشات وصلوا ونزلوا
راح فهد لامه وهو يحضنها بقوه ويبوس راسها ويدينها
ام فهد قامت تصيح اكثر وهي حاضنته
ابو فهد : بسك عاد اترك امك وتعال
فهد بهمس لامه : الله ياخذ من عمري ويعطيتس
ام فهد طقت يده بمزح وقالت : حتى دعاء زي الناس ما تعرف تدعي
فهد باس راسها وضحك وقعد جمب ابوه وبعيونه يدور نجد
ابو سيف: لا تنكسر رقبتك هذي هي يمينك جمب امك
التفت فهد يمينه وشاف نجد وضحك وصد
علياء: وشهو الدم اللي عليك
فهد : دم خويي
ام فهد : يااا قلبي على اميمته
فهد بلع ريقه وقال : الله يرحمها
الكل : الله يرحمها
فهد : هالحين هو ماعنده لا ام ولا ابو كلهم ميتين و اخوان ما عنده و زوجته اللي اعرفه تصير بنت عمه والمصيبه عمه ماهو بالرياض
ابو فهد : الله يرحمهم بس وين المشكله
فهد : سلمان موصيني على اهله وقالي عيالي عندك وانا لو تذبحوني ما اخلي وصاته وابي احد يروح معي ويقول لزوجته عن اللي صار وانا موجود لا صاروا يبون شي وهو مو صاحي الا اقل شي بعد ثلاث شهور
سيف: غريب ليه ما قالك ودها اهلها
فهد : فيه شي اكيد بينه وبين اهلها ولا ليه يقولي مالهم احد غيري
ابو سيف : رح لاهله تلقاهم على نار
فهد التفت لامه قال : تروحين معي؟
ام فهد : عمري ما رحت ما اقوى على شوفه دموع خلق ربي
فهد التفت لنجد قال : تروحين معي؟
نجد التفت لابوها وسكتت
ابو سيف: مافيها شي زوجك وتروحين معه
سيف: نجد حضتس بالاجر لا رحتي وصبرتي بنت الناس
نجد هزت راسها وقالت : اي عادي بس لو ساره تروح معي
ساره : انا؟
نجد : اي انتي حكيمه انا بقعد اقولها اشياء ما تصلح هالحين ويمكن اقعد اناظرها
صالح : مابها شي يا ساره
فهد : شقلتي
ساره : خلاص عادي
فهد : خذوا مفتاح السياره خلوكم فيها ببدل واجي
ام سيف: كلموها بهداوه وان صاحت ولا شي امسكوها خلوكم قريبين منها وقولوا لها حنا موجودين واهلكم ولا تخافون كلها كم شهر ويرجع لكم بالسلامه
ساره : يمه روحي بدالي
ام سيف ناظرت ابو سيف
ابو سيف: والله ماهي شينه لو رحتي انتي
ام سيف : زين اجل امشي يا نجد ننتظر فهد بالسياره
ركبوا نجد و ام سيف و ينتظرون فهد
فهد تروش على السريع ولبس ثوب اسود و عصب راسه بشماغه الابيض وركب السياره
فهد : حي الله ام زوجتي وزوجتي
ام سيف ضحكت وقالت : الله يبقيك ياوليدي
فهد : نجد لا جيتيها قولي حنا اهلتس ومعتس و سلمان موصي فهد عليكم ولا تفكرين لو تفكير انتس تترددين لو بغيتي شي و سلمان موصي فهد الا لانه نفس اخوه
نجد : ابشر بس يمكن عندها عيال كبار
فهد : لا اكبر عيالهم ابو تسع سنين ظني عنده بنت كبيره بس مو ذاك الكبر
ام سيف: الله يستر على المسلمين