بلاي حبيت نجديه

البارت 18

الساعه 12 الظهر
نجد : عزوووززز تاخرناااا
عبدالعزيز: ساعه انتي وهييي انتظركم برا ! تعقبون والله ما تروحون لين اتروش
ترف : عبدالعزيز بدون مزح مو وقته تاخرنا
عبدالعزيز: زوجتس وش فايدته ما يوديكم كلكم؟
ترف : يالليل ماهو جاي الا على العصر مو الحين
ريما : عزوز ترانا خواتك
حمد : لعنبو اللي ما يوديتس امشوا كلكم
ريما بضحكه : كففو
عبدالعزيز: ازين انا بروح اتروش
نجد : بناااتت امي وخالاتي وش قالوا نجيب معنا بالمشغل ؟؟
ترف: اتوقع قهوه وشاهي
نجد : ياراسيييي ما سويتها !!
ترف : نجدد برووود برود مو صاحييهه
ريما : ولك ساعتين شتسوين
ترف : تاخرنا وكله منتس
فهد : علامكم كلكم على نجد الضعيفه ورا ما سويتوها انتم دامكم معصبين عليها
نجد : شايف كيف حمدلله والشكر
ترف : يالللليييللل قسم بالله امي بتعلمنا الادب
نجد بزعل : اعقبي انتي وياها مخلين كل شي علي !
ريما : شسويتي بالله
نجد : ترا سويت كل شي علميني مين مسوي الفطور اليوم؟ مين مسوي القهوه والشاهي الصباح؟ مين مسوي الغدا؟؟ مين مكوي ثياب اخواني؟ مين جهز اغراض جدتي؟ كل شي على راسي والحين تلوموني بالقهوه والشاهي جعل يدي تنكسر اذا سويتها وانا انتظر. بالسياره واشوف سناعتس انتي وياها
طلعت نجد وكلهم ماسكين الضحكه من عصبيتها
فهد : والله حرام عليكم
ترف : بعد بس خلني اروح اسويها
طلع فهد ولحق نجد
فهد : جعلي فدا للمعصبين
نجد : صدق كل شي علي
فهد : احبتس
نجد ضحكت وقالت : تتوقع كثري؟
فهد : لا لاني اكثر
نجد: لا تخسي انا اكثر
فهد سمع صوت حمد جاي وراح
كلهم ركبوا من حمد و توجهوا للمشغل
________________
ام سيف : ها يا بنات جبتوا القهوه؟
ريما : ايه
ام سيف : صبيلي راسي صدع
ام فهد : اللي خلصوا يروحون البيت
العنود : إنا تقربياً خلصت
ساره : انا بعد
نجد : عنوديي
العنود : هلا؟
نجد: تكفييين بشوف عبودي بالبشت
العنود: مع ابوه الحين
نجد : تكفين طلبك لا يروح الا وانا شايفته
العنود: ابشري

بعد ساعتين
ام سيف : ياربي يا عزوز تاخر علانا
نجد : بشوفه برا ولا
ام سيف :شوفيه
طلعت نجد وطلع بوجها فهد
فهد : بوه
نجد بصرخه : يمممه
فهد : ههههههههههههههههه ياللبىى
نجد : حرام عليك خوفتني
فهد: بسم الله عليتس وش مطلعتس؟
نجد : ادور عزوز الحيوان تاخر
فهد : انا بوديكم بداله بيتاخر
نجد : ترانا كثير
فهد : كلكم حبتين
نجد : لا والله انا وامي وريما وساره والعنود وترف وخالاتي ثنتين ٨ !
فهد : والله مدري عنكم شكلي بوصلكم ردين الجاهز يجي الحين
نجد : بقول لامي
فهد مسك يدها
نجد : هيه شتبي
فهد : بشوف الاسواره
نجد : مناكيري بتخرب
فهد : ياحلوها عليتس
نجد : احبك ، وهجت
بعدها بدقايق
ركبوا كلهم مع فهد
فهد : لا اله الا الله جيبي راح فيها
نجد : يمه مافيه مكان !
ترف: خلاص حنا يا الباقين نقعد وفهود يوديهم ويجينا
فهد: ترف بتاخر كذا
ام فهد : منت متاخر ثوبك وشماغك واغراضك بالسياره وصلنا والبس اول ما توصل ورح
نجد : ياليتني ولد
ام سيف :وراتس
نجد : بسهوله يخلصون وحنا نقعد ساعات
راحوا كلهم وقعدت نجد وترف و ريما
ريما: شرايكم نلبس هنا اخاف نروح ونلقى الناس !
نجد : ياخي اعرف حريم ديرتنا يجون بدري
دخلوا وبدلوا ملابسهم كانوا جاهزين من الاساس بس ناقص فساتينهم والاكسسوارات
طلعوا كلهم مع فهد
فهد : باكلها يوم نزلتهم لقيت الرجاجيل جايين وانا ما جهزت
ترف : حنا جهزنا بالمشغل ولبسنا يوم رحت عادي وقف اقرب مسجد ورح للحمامات وبدل واطلع
فهد : شكلها كذا ببدل ثوبي واجيكم ماراح اطول
نجد : تكفى لا تطفي المكيف
فهد : هههه ابشري الحين برد وتبين مكيف !
ريما : ماعليك انت رح بس نبي نخلص
فهد : واصله معتس مير ابشري
ريما و ترف كانوا يسولفون اما نجد ماخذ تفكيرها فهد
طلع فهد وهو بس لابس ثوب فتح الباب
فهد : ترف امسكي حطيه تحت و شوفي فيه تحت كرتون فيه طاقيه وعقال لف على نجد وقال : نجد وراتس بالضبط بالمرتبه اللي ورا وشماغي معلق عطيني اياه
عطته نجد وهي تضحك اول مره يقول نجد مو نجوده وضحك فهد وعرف ليه تضحك وصد لبس طاقيته و الشماغ ووغير شرقياته( يكرم القارئ) كل ذا تحت انظار نجد اللي طول وقتها مبتسمه وفهد ماخذ عقلها ومانلوم نجدنا كان فهد جميييل وملامحه جذابه وكثر ماهي جذابه حاده ، ركب فهد السياره
فهد : تبخرتوا؟
ترف: زين امدانا نلبس
فهد طلع عطره وبدا يتعطر وشخص وراحوا للبيت
دخلوا كلهم
ام سيف : تاخرتوا
نجد: ايه وقفنا علشان فهد كان يبدل
ام سيف : ادخلوا الحريم داخل
نجد وهي تدور العنود صادفتها عجوز ونادتها
العجوز: ماشاءالله تبارك الله انتي من بنته؟
نجد ضحكت باحراج وقالت : بنت عبدالله
العجوز : ماشاءالله ابوتس الشيخ عبدالله
نجد : ايه يا خاله
العجوز: متزوجه؟
نجد سوت نفسها مشغوله وقالت : معليش يا خاله ما اسمعتس مير اختي تناديني وراحت لساره
ساره: ههههههه اجل بتاخذتس لولدها
نجد : وع ! ، المهم حلو شكلي؟
ساره : تهبلين بسم الله عليتس الرحمن
نجد : ياربي يا ناس احبتس ، وين ريما و جود؟
ساره : خليتس منهم يختي احس ماني مرتاحه
نجد : بسم الله عليتس علامتس؟
ساره: مدري احس قلبي فيه ضييق
نجد: علشان سلطانوه حسيتي كبر ههههههه
ساره وهي حاسه بيصير شي سكتت ومثلت الابتسامه وقالت : ايه شكله
نجد راحت تدور ريما وجود
نجد : ييممممممهه جود تاخذيين العققفللل ماشاءالله
جود : ههه احبك يا احلى خاله
نجد: عمريي انا ، لفت لريما وشالتها
ريما بطفوله : فستان
نجد : اصيرلتس فستان
ريما: ماشاءالله سميتي
نجد: وين عبود؟
ريما: مدري
راحت نجد عند الباب وفتحت نصه وهي تنادي : عبوود
فهد كان مار من البيت وسمع نجد تنادي قرب من الباب وقال : ادخلي لا اوريتس
نجد : بسم الله ماطلعت انا
فهد : ادخلي ولا يكثر الرجاجيل ما تشوفين وش كثرهم!
نجد : طيب بس ناد عبود
فهد : طيب ادخلي لا ادخل عليتس
نجد: بسم الله طيب
بعد دقيقه
فهد : عبود عبود
عبود : سم
فهد : عمتك نجد تبيك
عبود : ابشر
دخل عبود وترك الباب مفتوح ونجد كانت جالسه وتنتظره
نجد وهي فاتحه يدينها : عبوووودددد
عبود جاء ركض وهو يضمها
فهد لا شعورياً قرب من الباب وشاف البنت اللي لابسه فستان لونه احمر المرسوم على جمسها ومن فوق بدون اكمام  و شعرها الحرير على كتوفها لونه الاسود وضحكتها و عيونها الوسيعه ورموشها الكثيفه و الميكب الخفيف اللي زاد حلاوتها وغمازتها اللي تاسر القلب
نجد : ياربي يا الحلو فديته
عبود : صرت نفس بابا لابس بشت
نجد : يارب اشوفك معرس وارقص بعرسك لين اموت
عبود بضحك: هههه لالا انا ما اتزوج
نجد : وليه ياحبيبي
عبود رفع كتوفه بمدري
فهد استوعب على نفسه ورجع على ورا وقال بقلبه انشهد انها موتن حمر وياويل حالك يافهد
راح لخيمه الرجاجيل و واقف يصب القهوه
نجد : خلاص روح لبابا وانتبه لنفسك
عبود : ابشري
بعد ساعات وصلوا الطقاقات وبدت طقوس الزواجات بالديره من تصفيق و ترحيب
ابتدت الطقاقه وهي تقول