بلاي حبيت نجديه

البارت 36

فهد : اللهم الهمني الصبر
نجد ناظرت فهد وهو كان معصب ونظراته حاده وهي تعطيه نظره الاستغراب بمعنا وش فيك
سكت فهد وبعد دقايق نزف خشم فهد دم وكان كثيييييرررر وقام من مكانه
ام فهد لحقته
ام فهد باستغراب: يمه شفيك علامك
فهد: بسيطه يمه تعودت
ام فهد بحده : عايني اهرجك انا !
فهد: سمي يمه
ام فهد: تغار عليها اجل علامك عليها؟ ليه تخليها تسوي ذا كله يا فهد انت علامك!
فهد : يمه وش تتكلمين ترا مو فاهم شي
ام فهد : اتكلم عن وقفتك مع علياء عند البل !
فهد : نجد قايله لتس!
ام فهد بعصبيه و حده وهي معروف عنها ما تحب الغلط لو حتى من عيالها:
اص وقص نجد ما فتحت فهمها ولا قالت شي انا شايفتك بعيوني وسامعه سوالفك معها انا قلبي مو مرتاح من زماان مو مرتاح لها هذي بتخرب بيتك يا فهدد اصحى على نفسك ماخذ بنت الناس وبعد كم شهر بتتزوجها وانت طايح لي سوالف مع بنت عمها وضحك لحالكم ! والله يا فهد والله ثم والله ان ما عقلت لا اربيك واعلمك ان ربي حق لو ياصل الموضوع لابوك

فهد : يممه ما ابي اقول شي اندم عليه يا يمه هي جت وتسولف معي بس !

ام فهد : بس بعينك بس منهي هي علشان تاخذ وتعطي معها لحاالكم ركز فيها لحاكم ما معكم احد وش تسميها علمني؟ لو انت تشوف نجد مع نهيان لحالها وش بتسوي ؟ فهد لا ترفع ضغطي اللي فيني مكفيني ياافهد
راحت ام فهد وهي معصبه ولا تشوف قدامها وجلست مكانها
ام سيف : شفيتس ؟
ام فهد : مافيني شي
ام سيف: لو عندتس بدريه وش بتسوين
ام فهد : هذي بذات لو تفتح فمها وتقول شي يغثك لا نتعشاها الليله!
ام سيف ضحكت وقالت : يابعد عيوني يانوره الله يحفظتس لي
ام فهد : امين
رجع فهد مكانه وسكت
ابو سيف : افاا افا يا فهد ياوليدي علامك؟ خشمك ما ينزف دم الا اذا عصبت وش معصب بك؟
فهد: ابد ياعمي ولا شي شكله مخبط ، ورجع نظرته لنجد
نجد كانت تمثل انها مشغوله بالقهوه
بعدها بدقايق وصلوا العيال
ابو صالح : جو و الوضع بيقلب تحدي
نزل سلطان وهو معه البندق و الرصاص ومده لابوه
ابو صالح : امداكم؟ مسرعين انتم
صالح: لا ماني مسرع
عقاب : الله يهديك مسرع والله
صالح : اهم شي وصلنا سالمين
جت جود تركض لصالح و صالح فتح يدينه لها وحضنته
صالح : جبت لتس اغراض انتي وريما بالكيس ذاك ( اشر بيده)
ابو سيف: الوضع تحدي الكل الليله بيرمي والهدف هذا هو خذ يا عزوز ثبته هناك
ريما : يوه عاد انا يدي اذا شلت البندق ترتخي
سيف : افا صيري نفس نجد ما يهمها
زايد : حييي يا نجد
نجد ضحكت
عقاب: يا نجد وراتس الماء عطيني منه
نجد وهي حاقده عليه قالت : ابشر
جت ريما عند نجد وهي تصيح مسكتها نجد وقالت شفيتس
وريما قعدت تصيح ولا تعرف تعبر مسكتها بيدها
مدت يدها اليسار لعقاب عقاب عصب !
قالت نجد : يسار ماتشناك يابو فارس بس يدي اليمين ماسكه فيها ريما
عقاب ابتسم وقال : يسارتس يمين
فهد هدا شوي وصار يفكر باللي سواه وقعد يلوم نفسه مليون مره على حركاته وقال بقلبه : انا علامي ؟ بتحلق سالفه ضي شكلها ! بس برود نجد عن السالفه مو طبيعي فيه شي بعدين انا دلخ تارك الناس كلهم واسولف مع علياء يعني لا اسلوب ولا كلام ولا جمال وش ذا الدلاخه نجد اللي كلن يتمناها عيال الديره ينتظرون اشاره منها وانا اروح لعلياء ! شجاني
قطع عليه ابو سيف وقال
ابو سيف: فهد
فهد: لبيه ياعمي سم
ابو سيف: دامك تهوجس انت اولها ، لف على الباقي وقال : ماهو تقصير فيكم
هزاع : افا ياولد العم ما به رسميات هنا
فهد ابتسم وقال: ابشر بس
نزل عقاله و عصب راسه وقام
علياء بهمس لدانه : ياربيي يا الحركه ذي تموتني
دانه : علياء عيب والله الرجال متزوج
علياء: ههههه واللي تقولك جابته على وجهه
دانه: اثباتس زواجتس منه
علياء: ههههه جهزي الفستان
ابو سيف: عاد انت لواء ان ما جبتها عيب
ضحك فهد وجاب الهدف
ابو فهد : بعدي ولدي
ابو سيف : كفو، ها من بعده
ابو صالح: نظري ماش
ابو فهد : وانا اقوى منك
هزاع : تبوني البس نظراتي واجيكم ما تصلح ذي
سيف: انت يبه
جابها ابو سيف وعياله وعمر و صالح وحمد
ابو سيف: كفو ، ها يا بنيات من تتقدم فيكم
الكل التفت لنجد
نجد: هههه يمه شفيكم
ريما: انا مابي
ابو سيف: تعالي معي وانا بثبته لتس
راحت ريما واطلقت وجابت الهدف
سيف: نجد قومي نشوف تقدرين ولا رخمه
نجد : والله ياخوي ما جابته امه اللي يقولي رخمه
الكل : حاااييي
ضحكت نجد و مسكت البندق وحطته على كتفها و تناظر بالبندق وتحدد الهدف وكانت مسكتها احترافيه وكانها لها خبره بالموضوع
ضحك ابو سيف وناظر ابو صالح وابو فهد وهو يحس بفخر بنجد
سلطان: اقققعددد يا التركيز
عبدالعزيز بابتسامه شافه وجهه: بسم الله عليتس الرحمن
بعدها بثواني جابت الهدف نجد وضحكت
ابو سيف: حيي
عقاب كان معجب بنجد و يفكر يخطبها ( مايدري عن فهد )
عقاب: منتي هينه يا نجد كيف عرفتي
نجد : ماايبي لها
ورجعت تلعب مع ريما اما فهد انقهر زود ماتوقع نجد بتصد عنه كذا او الواضح ما تهتم بوجوده نفس قبل
هزاع: ودكم نقلبها ليله شعريه
صالح: واللي ماهو شاعر
عمر : عادي يا صالح اللي علينا نعزز
————————-
انتهى اليوم والكل تقريبًا نام الا ابطالنا نجد وفهد اللي كلن يفكر بالثاني
راحت نجد عند الابل بجلال صلاه بحكم الكل نايم ولا احد بيشوفها ومعها شاهي حبق و الليله قمرا و هدوء والناس نايمه وكانت تفكر بحياتها كيف بتكون مع فهد تنهدت وسكتت حست احد حضنها من ورا
فهد : الحلوه ما نامت ؟
نجد بعدت منه وقالت : لا
فهد : تعالي نقعد هناك بالنفود وجيبي الشاهي
نجد هزت راسها وهي بتحاول تكابر
راحوا و صبت نجد لفهد و لها وسكتوا
فهد : شفيتس اليوم مو عاجبتني
نجد رفعت حاجبها باستغراب وقالت : عمري ما عجبتك !
فهد: فيتس شي ؟ قصدي منتي على بعضتس ولا بالزين خابرين نحد زيتس
نجد: الحمدلله مافيني شي
فهد: مدري بس مو نفسك قبل
نجد بتسليك :هزت راسها وهي تخفي دموعها
فهد: نجد ياخي سولفي
نجد : ماعني شي يسولف فيه !
فهد : احبتس
نجد ابتسما بتسليك وسكتت
فهد عرف علشان علياء اكييد قال : اليوم تخيلي كنت بنادينس عن البل بعد ما قلت لتس ماني فاضي بس جاء معي نهيان وراح
نجد: لا ماعليك دام علياء معك منت طفشان
فهد : جت تبارك بس ومستغربه اني لحالي
نجد ببرود : اها عصب فهذ وقال : نجد!! ترا ما احب ذي الحركات
ما ردت نجد ولفت على الدفتر وتكتبت
وفهد انسدح ويتامل النجون و القمر ويرجع نظره لنجد
كتبت نجد