بلاي حبيت نجديه

البارت السابع

منال : هههههههه قول انك فضيت منها مو مشتاق لي
صالح : اخسييي ما اشتاق لك انا حتى وهي قدامي اتخيلك بدالها
منال بدلع : يااقلبيي انت ، غيرت ملامح وجهاا بالزعل وقالت : لايكون ماراح تنام عندي
صالح: وهو انا اقدر بنام عندك اسبوع بعد
منال طبعت بوسه عليه نهايه شفايفه وعلى دقنه
صالح: لاااا لا لا كذا كثير على قلبيي
منال: صلوحي
صالح: يااروح صلوحي وعيونه وحياته و طوايفه
منال: متى تعترف بزواجنا بكره اذا جت لك اللبيبي حرام مايعرف جدته وجده
صالح بعد منها وجلس على الكنب : منال الكلام ذا متفقين عليه من زمان صح ولا؟؟؟
منال: ادري بس
صالح: لا بس ولا شي
منال: يمه حتى وانت معصب تاخذ العقل
_______________________________
عند ساره : يمه انا قلبي قارصني منه والله فيه شي صدقيني
ام سيف : وش فيه يعني
ساره : مدري يمممهه ، طاحت بحضنها تبكي
نجد: والله لا اعلمم ابوي والله ما اسكت
ام سيف : نجد طبيعيي هي وزوجها بينهم مشاكل مو كل مره ابوتس و اخوانتس يتدخلون
__________\__\___________________
ابو سيف وابو فهد وابو صالح ناموا بالمجلس
وام فهد وام سيف وام صالح و ترفه ناموا بمجلس الحريم

اما عند سيف وسلطان وعبدالعزيز وحمد وفهد و محمد وحمد الثانب والعنود و الجوهره ونجد وريما وترف كانوا جالسين برا يسولفون

نجد: شرايكم نلعب؟
فهد ابتسم وقال : تم
سلطان : يارجال وش تم ذي بتخليك تراكض بذا الليل
نجد: انت على كيفك هو
الجوهره : طيب خلنا نسمع منها
سلطان بابتسامة شاقه وجهه : من عيوني
ريما مسكت راسها : يافضحنا من الخفيف

ترف : خلاص عادي تكلمي نجد
نجد: اخيراً احد عاقل
سلطان عدل جلسه وقال : شتقصدين
نجد: عزوز تكفى تكفى عليك فيه
عبدالعزيز مسك سلطان وسلطان قرب من اذن عبدالعزيز وهمس له : عيب زوجتي فيه بعدين مو حلوه يقولون عيال عبدالله بس يتهاوشون ضحك عبدالعزيز وبعدوا من بعض وباسوا خشوم بعض
نجد: الله يشفيكم
العنود: نجد اخلصي
نجد: اللعبه سؤال و جواب
تلفتت تدور علبيه مويه وكانت مع فهد علبه
نجد : اا فهد خلصت من المويه ؟
فهد فز قلبه من نطقها لاسمه وقال : ايه سمي
نجد : بنبدا
ترف : حمد ناصر و ريما
ريما : صبر ما عندي سؤال !
حمد : اي شي
سلطان: الحين تستخير
عبدالعزيز: ارقدوا نخلص بكره
ريما : خييير !
حمد ضحك وقال : خلوها تفكر
ريما: صراحه سؤال فبالي دايم
حمد : اسلمي
ريما بضحك ؛ ليه تخليني قديم يا الاخو دايم الحارس اذا لعبنا كوره ترا توجع وفوقها تتحمست انت وتصك وجهي مضيع المرمى!
سيف : هههههههه صدقني مو سؤال عتاب ذا
حمد : وين اودي وجهي الزبده مدري
نجد : ياعلتي يا البرود حمد وريما باردين واجتمعوا
لفت نجد العلبه وصارت بينها هي وفهد
فهد ضحك وقال : اسلمي
سلطان: الحين تفكر
نجد : خليت البرود لك جاهز سؤالي
نجد : وش تسمي اللي تدخل بشخص ثاني ويراقبه !؟
عبدالعزيز: ملقوف
ريما : سبحان الله صدق ملقوف شدخلك تجاوب
فهد ضحك وقال : مو شرط ملقوف ممكن الشخص ذا معجب او نقول محب ويراقب حبيبه ويخاف عليه علشان كذا تشوفينه تدخل؟ ، ابتسم وحط عينه بعينها وتنهد
اما نجد حست ببروده وقلبها يطق بسرعه وسكتت حست انه اعتراف