بلاي حبيت نجديه

28

بعد ما الكل نام ورجع بيته الا بيت ابو فهد
ابو فهد : ويينهو اخوك
محمد : مدري يا يبه انا توي وصلت شوفه عينك من حايل
ام فهد : غريبب غريب حمد مو من عادته كذا
نجد : اا ممكن طيب عند واحد من اخوياه
ابو فهد : ما يقعد لين ذا الوقت ، فهد وينهو
ام فهد : بدوامه
ابو فهد : محمد رح لفهد بدوامه وعلمه
محمد : ابشر
راح محمد لفهد وصادف سند
محمد : سند
سند : هلا بمحمد وينك مختفي
محمد: كنت بحايل المهم ما عليك مني شفت حمد؟
سند باستغراب: حمد ! كان قبل ساعتين هنا وجاء ورع صغير قال فيه رجاجيل يبونك وطلع لهم وبعدها ما شفتع
محمد باستغراب: ومنهم هالرجاجيل
سند: علمي علمك ما شفتهم
محمد: زين مشكور
راح محمد لدوام فهد و وقفوا سيارته عند البوابه
العسكري : مننوع الدخولل
محمد : اخوي هنا
العسكري: وقت الزياره انتهى معليش
محمد : تستهبل علي انت اقولك اخوي داخل عندكم
العسكري : ياخوي حتى ذا مكان شغل و تعرف العقيد منصور مرره شديد
محمد : ياخي افهم انا اخوي اللواء وانت تقولي عقيد !
العسكري : اخوك اللواء فهد بن تركي !
محمد : ايه
العسكري: ورني هويتك
محمد: سم
العسكري اشر بيده يفتحون البوابه
وقال : اذا ردوك اللي داخل قل جاي للواء فهد
محمد : مشكور وما تقصر
العسكري : ابد ونعم فيك وباللواء ولا يقصر معنا بالاجازات (وضحك)
محمد : ابشر والله بسعدك ههههههه
دخل محمد المبنى الكبير اللي يمليه العسكر المسلحين وهو يتلفت ولا عارف وين يروح
محمد : اخوي وين مكتب اللواء فهد ؟
العسكري : معليش بس ممنوع احد يدخل عنده
محمد : انا اخوه
العسكري : اثباتك
محمد مد عليه هويته
العسكري ابتسم وقال : ونعم
محمد : ماعليك زود
العسكري تعال معي
عند فهد حذف الملف العاشر على الطاوله بعد ما خلص منه ومسك راسه وتنهد
فهد : اهخخ يافهد ماتوقعت اول ما اجي تستقبلني هالملفات ومتراكمه ، سكت لثواني وقال : لجل عين تكرم مدينه اهخخ يا نجد
طلع فهد من مكتبه وشاف محمد من بعيد جاي
محمد : فهد
العسكر اللي عند الباب و العسكري اللي موصل محمد كللهم دقوا التحيه لفهد
محمد ابتسم وهو يشوف اخوه بهالمنصب و هيبته
فهد : استرح
العسكري : طال عمرك الاخ يقول انه اخوك و يبيك بموضوع
فهد لف على محمد وعطاه نظرات استنكار وقال : ما اعرفه
العسكري مسك محمد
محمد : يا حضره اللواء مو وقته شي ضروري
ضحك فهد وقال : كفو يا حامد مسكته على طول
حامد : كفوك الطيب تعليمك الله يسلمك
فهد : تقدر تشوف شغلك
دق التحيه و طلع
فهد التفت لمحمد وقال : علامك مخروش
محمد : خل ندخل طيب
قال محمد لفهد كل شي
فهد : وما سالتوا عيال الحاره عنه !
محمد : الا سند قالي ان جاه ولد صغير قاله فيه رجاجيل يبونك وبعدها محد شافه وبيني وبينك شكيت بالرجاجيل ذولي
فهد عصبب و عروقه برزت و واحتدت ملامحه وقال : رح البيت عند ابوي وقل له فهد ماهو راجع الا ومعه حمد
محمد : فهد بجي معك ترا وبدور اخوي !
فهد : مااا ابي اضرك يا محمد
محمد : اللي يضر اخواني يضرني يضرني !
فهد : قل لابوي اني ابيك وتعالي هنا
محمد : ابشر مير اللي عند الباب بستقعدويستقعدون لي
فهد مد له الكرت وقال : هذي تثبت انك اخوي واول ما يواجهك عسكري حطها بوجهه هذا اذا ما دق لك تحيه بعد المهم لا تتاخر
محمد : سم
فهد : يااا عسكرييييي
حامد : سم طال عمرك
فهد : ناد لي العميد سلمان الان
حامد : ابشر ، ودق التحيه
فهد : استرح
بعد دقايق جاء سلمان
فهد : يا سلمان اخذوا اخوي اخذوه !!
سلمان : قلت لك ذولي فيهم الشر
فهد بصراخ وكده : اييك تجيب لي عيال مسااعد كلللهم كللهم عندييي
سلمان: سم طال عمرك بس انت هد
طلع سلمان هو ومعه اكثر من عسكري و راحوا بيت مساعد
مساعد : جاك جاك
سلمان: وين عيالك
مساعد : وش تبي فهم
سلمان : مطلوبين لتحقيق
مساعد : عيالي ما يسوون شي
سلمان: لو سمحت يا عم لا تعطلني عن شغلي
طلعوا عيال مساعد واخذهم سلمان
راح سلمان عند فهد ودق التحيه
فهد : استرح
سلمان: جبتهم كلهم
فهد : بشوف شغلي مهم ، حاااممددد
حامد دخل ودق التحيه وقال: سم طال عمرك
فهدد: طلع اي شي مع عيال مساعد ايي شي وفتشهم زين ودخلهم التحقيق
حامد : ابشر ، ودق التحيه
فهد : استرح
بعد دقايق دخل فهد الغرفه
فهد : ها يا عيال مساعد تبون نخلص الموضوع بسرعه ولا ؟
نواف : اخلص شتبي !
فهد : لالا لا بتندم على اسلوبك ترا
نواف تافف ولف وجهه
فهد : وين حمد؟
حازم بلع ريقه وناظر اخوانه
فهد لاحظ التوتر على حازم وقال : ها يا حازم وينه؟
نواف : بجيبي وشدرانا عنه
قرب فهد وصفقه كفف وضرب بطنه وطاح على الارض
فهد بعصبيه قرب وضربه زود
سلمان: طال عمرك خله كمل التحقيق
فهد : ها يا مسلط اشوفك ساكت ؟تتكلم ولا تلحق اخوك؟
حازم بخوف : ما ندري عنه تبي نكذب يعني
فهد بعصبيه مسكه من ياقه ثوبه وحذفه على الارض
حازم : اهخخ
مسلط طلع السكين و طعن فهد من كتفه
فهد لف على مسلط و صرخ ببققووه : ااخوووو حمدد اخوووه
العسكر كلهم مسكوا عيال مساعد و اولهم مسلط
سلمان: حاااممممددددددد
حامد بخوف : سم
سلمان: ما قلنا لك ما تخلي معهمم شيي صح ولا!!!!
العسكري: طال عمرك تعال نشيل السكين اللي بكتفك
فهد كان قوي وصبور و جسمه قوي ويستحمل
فهد بحده وصراخ: ابعد عني انت وهو ولا يشوفون العافيييه لين ينطقون بمكاان اخويي سسااااممنععععع انت وهو !!
سلمان: طال عمرك اخوك برا
فهد التفت وشاف محمد ولف ورا
محمد : فهدد !!! شفييك وش ذا الدمم
فهد وهو يحس اعصابه انشهدت ولا يبي يطلع هالسكين الا يتطمن على امه وابوه
فهد بهدوء: امش البيت
محمد : فهدد قليي من مسوي كذا
فهد : ياخوي امش
طلعوا وكان مكان دوام فهد قريب من بيتهم
محمد : تكفى يا محمد طلع اللي بيدك
فهد : امش قداميييي انا اهون قدام اميي تفهم ماني برايح المستشفى لين اطمنها اني مسكت اللي مخفين ولدها !!
دخلوا البيت
ام فهد بقل حيله: ها يمه لقيتوا حمد؟
فهد وهو مو حاس بنفسه ويحس بدوخه : لا يمه بس لا تخافين عرفت منهم ورا حمد و اوريتس فيهم
نجد بخوف : فهدد وش الدم ذا !!
ام فهد بخوف : فهدد كتفتك كله دممم
محمد: يمممه يعاند ولدككك بكتفه سكيينن يا يممههه وحالف ما يروح المستشفى الا وهو مطمنك ومطمن ابوي تكفين قولي شي
ابو فهد : فهد ذي فيها حياتككك ياولدددد
ام فهد : نجدد انتي إنتي تعرفين قد علمك سيف على الاسعافات الاوليه
نجد وهي ماسكه دموعها : اييه اعرف
فهد ماكان بوعيه ويشوف الدنيا ضباب
نجد : فهدد ركز معيي فهد لايغيب وعيك يافهدد
قطعت نجد بدلته وشافت السكين الصغيره بكتفه وعميق صدت ونزلت دموعها
ام فهد فقدت وعيها و وداها الغرفه ابو فهد و لحقه محمد و يحاولون يصحونها
فهد وهي بنص وعيه شاف نفسه بحضن نجد و نجد تنزل دموعها تنزل وشد على يدها
نجد وهي تصيح : فهدد تكفى لا تغفى ركز معييي
فهد : ن نجدد
نجد طلعت السكين و بدت تضمد له الجرح ولفت عليه الشاش
فهد بهمس: احبك
نجد نزلت دموعها زياده وحضنتهه وفهد شدد عليها وقال : جعل ربي ياخذ عمري ان شفت دموعتس مره ثانيه
نجد بصوت باكي : فهد وش تحس فيه الحين؟ حرارتك بترتفع بس لا نخاف
فهد : اخاف وانا بحضنتس؟
نجد : بتروح المستشفى هالحين
فهد : انتي دكتورتي
نجد من بين دموعها : فهدد تكفىى
فهد مسح دموعها وباس يدينها
انفتح باب غرفه ام فهد و طلع محمد ونجد بعدت عن فهد
محمد : يرضيك فوق خوفي عليك خوفت امي معك
نجد : لازم يروح المستشفى لازززم
فهد غاب عن وعيه وشبه نام
ام فهد : ييممه ولدي شفيه
نجد: وبتجيه حراره بس لا تخافين علشان جرحه بس لازم يروح المستشفى
ابو فهد : اهخخ يا عيالي شصاير فيكم
محمد بوديه المستشفى
ابو فهد: بروح لعمك ابو صالح بخليه صالح وحمد يعاونونك