بلاي حبيت نجديه

69

ام سيف: نجد يمه البسي عبايتس وجهزي
نجد: يمه صار صدق
ام سيف: اجل العرس بكبره لعب؟
نجد ضحكت وقالت: مدري
بعدها بدقايق طلعت نجد لفهد
فهد: تو ما نورت السياره وحياتي
نجد ابتسمت وناظرت فيه
فهد : بتذبحني عيوتتس على البرقع
نجد: وانت بتذبحني بعيونك الحلوه
فهد شغل اغنيه ابو نوره صحيح النظره ما تكفي وماسك يدين نجد ومبتسم ويسوق

انتهى الزواج على خير واجتمعوا فبيت ابو سيف الا ابو فهد واخوانه فبيتهم

عبدالعزيز: اههخخخ ههخ يبه بموت
هزاع ضحك وقال: يازينك يا عزوز عقبال عرسك
عبدالعزيز ابتسم وقال: امين
ريما كانت ساكته والكل مستغرب
ابو سيف: علامتس يا ريما
ريما وهي ماسكه دموعها: ياخي كيف بنام بالغرفه لحالي بدون نجد؟
عبدالعزيز: ماعليه شهرين بعدها تتعودين ( يقصد تتزوج حمد)
حمد لا شعوريًا ابتسم وصد
ابو سيف: ولد !
عبدالعزيز: سم
ابو سيف: ايييه يا عياال عبدالله تدرون وش ورانا
عبدالعزيز: وش
ابو سيف: شداد
سيف: يبه انا ماظني اقدر طولت وانا ماخذ ذي الاجازه من زمان ما داومت
سلطان: وانت يابوي اخبر بمديري
ابو سيف: ماعليه العيال فيهم البركة
عبدالعزيز: ابشر بنا
حمد: ابشر بي ياعمي
صالح: وابشر بي
عقاب: ونا معكم مير بسري على ديره*** واوحع لكم( ديره مها و شيخه)
ابو سيف: على خير
هزاع: وانامعكم
دانه كانت مستغربه من نظرات عبدالعزيز وهي كانت خايفه منه اما عبدالعزيز الابتسامه شافه وجهه
هزاع: دانه
دانه خافت ان الوها شاك التفتت وقالت: سم يبه
هزاع: سم الله عدوتس جيبيلي ماء
دانه : ابشر
غاليه: والله يا عمي لو حنا عيال ابشر بنا
دانه ابتسمت وقالت: ابه والله
ريما : احس وناسه
ابو سيف ضحك وقال: لا بالله يازين البنات ويازين حسهم بالبيوت
هزاع: انشهد مير غاليه ودانه ان بغبتهم بفزعه العيال عز الله القاهم
شروق: كنت تاخذهم مع بشداد البل
ريما : حظكم انا ما جربت غير مره
دانه: تستانسين بس موت تعبب
ابو سيف ضحك وقال: ياويلك من الله يا هزاع
هزاع ضحك وقال: والله منول غاليه تقود الرحول
غاليه: والله يبه ماشاءالله علي صرت بنت و ولد
دانه: تذكرت يوم جدي غصبني وعصب راسي
____________________________________
دخلوا الفندق ( بالرياض )ودخلوا غرفتهم
فهد: تعبتي؟
نجد: لا قريبه الرياض اصلاً
فهد ناظرها وابتسم وقال: بجيب عشا بطلبه من اللي تحت خذي راحتس
نجد ابتسمت ونزلت راسها بحياء ضحك فهد بفرحه و طلع راحت نجد و بدلت ولبست فستان قصير يناسبها كعروس ناعم ورفعت نص شعرها ونزلت اكسسواراتها ولبست طقم ناعم سلسال وحلق تعطرت و حطت المسك على اماكن النبض و مررته على رقبتها وبعدها طلعت و شالت ملابسها بعدها بدقايق دخل فهد
فهد: لا لا لا كذا كثير على قلبي
نجد ضحكت وقالت : وشو
فهد فتح ازرار ياقه ثوبه و قال: شكلك ناويتها قبل العشاء
نجد خافت وتوترت وهي من غير خايفه من هالموضوع
فهد باستغراب: شفيتس
نجد: مدري خايفه
فهد ضحك وقال : من ذاك الموضوع
نجهزت راسها بـ ايه
فهد : آفا تخافين من فهودي؟
قطع عليهم صوت الباب
فهد ابتسم وقال خليتس بخليهم يدخلون الاكل
بعدها بدقايق
فهد: نجودده يا نجد فهد تعالي
جت نجد وجلست على الطاوله وفهد مقابل لها
فهد: ابيتس تاكلين لييين تشبعين
نجد وهي متوتره بدت تاكل اما فهد اللي مو كان مصدق عيونه ومره ياكل و مرتين يناظرها بحب ويتامل كل شي فيها
فهد: نجوده وش ذا الاكل حتى العصافير ما تاكل كذا
نجد ضحكت وقالت: طيب كذا اكل
وبعدها بدقايق خلصوا فهد ابتسم وقال: بعد ما تشيلين الاكل تعالي
نجد خافت زود وهي تدعي انه ينسى الموضوع
دخلت نجد الغرفه وكانت الاضاءة خفيفه وشافت فهد جالس على طرف السرير يناظرنا
ناظرها فهد و ابتسم وحاوط خصرها بيدينه ووجيهم كانت قريبه من بعض و وحست نجد بانفاس فهد قريب منها قلبها بدا ينبض بقوه وهمس لها : احبتس
نجد وهي متوتره ابتسم وقالت : تتوقع كثري؟
فهد نزل عند رقبتها وبدا يبوسها ودافن وجهه عندها نجد بقت حاضنته وهي خايفه من اللي بيجي سحبها لسرير و.............................
____________________________________________
ام سيف: ياقلبي على ورعي
سلطان: ورعتس راقد
ام سيف: يا ريما جيبيله لحاف
ابو سيف: ما يحتاج خلوه يرقد داخل
حمد: عزوز يا عزوز
عبدالعزيز: همم
حمد: قم لغرفتك
قعد عبدالعزيز لاكن سمع شي صدمه صدمه حياته وخلاه يصحصح
هزاع: والله وكبرنا ياولد عمي بناتي كلهن انخطبوا
ابو سيف: غاليه ونخبر منهو خذاها مصعب ولد جاركم صح
هزاع: هالله هالله و دانه خطبها مني ولد خالي لولده وليد
دانه صح ماكان بينها وبين عزوز شي ولا يفرق معها لان للحين تحسه يمزح ولا يحبها بس حست بشعور غريب  التفتت لعبدالعزيز اما عبدالعزيز والخوف دب بقلبه و انصدم من اللي سمعه
ابو سيف: الله يكتب اللي فيه الخير
سيف: تمسون على خير النوم ذبحني
ابو سيف: بحفظ الله
___________________________________
الكل نام وعدت الليله على خير