بلاي حبيت نجديه

البارت26

ابو سيف : استاذنكم يا رياجيل
الكل اذنك معك
ابو سيف : يا اخواني تعالوا
ابو فهد وابو صالح وابو سالم قاموا معه
ابو سيف : ما فيك قصور وما ورا سؤالي شي مير منهو انت
زياد: انا زياد خوي سيف بالمستشفى ارسلني وقالي رح لابوي وقله سيف يسلم عليك كثير السلام تعال يابوي انت وامي وخالي ابو سالم وخالتي ام سالم ولا اخواني ولا خواتي يجون وضروري و وصاني ما امشي الا رجلي على رجلكم
ابو سيف : ونعم
زياد : ماعليك زود
ابو صالح : بس وانا ابوك شاللي يثبت كلامك
زياد : من حقك ياعمي تقول كذا بس تعرفون هالسياره ( اشر على جيب سيف)
ابو سيف ضحك وقال : لا وصلت اجل تقهوى وعين خير ثم نمشي
زياد : لا ياعمي ضروري الحين
ابو سالم:  ابد انا جاهز وام سالم دقايق وتكون جاهزه باذن الله
ابو سيف : وانا جاهز مير باقي ام سيف وبتجهز
زياد : اجل انا انتظركم برا
كانت سيارته موقفه عند بيت ابو فهد وهو واقف برا
ابو سيف : يا شيخه
ام سيف : سم ؟
ابو سيف :  بنمشي الرياض
ام سيف باستغراب: ليه ؟
ابو سيف : سيف مرسل خويه يبينا نجيه
ام سيف: علامه لايكون فيه شي ؟
ابو سيف: ماعليه خلاف ان شاءالله مير اجهزي لحالك
ام سيف : والبنات؟
ابو سيف: عند اخوي ابو صالح مير امشي بناخذ ثلاث ايام مير علمتس بناتس لا يجون
ام سيف بخوف: ابشر
نجد: افا يبه وين بتروح دامك ماتبينا
ابو سيف : شغل ضروري ونجي
نجد: شفيه وجهك يبه صاير شي؟
ابو سيف: مدري يابوتس سيف مرسل خويه علشان يجيبنا والولد حالف ما يتكلم
نجد : بسم الله على اخوي يبه ابي اروح معك
ابو سيف : وين تروحين انا بروح مع خويه تقولين بروح
نجد: تكفى يبه طيب بجي مع عزوز
ابو سيف بحده : لا انتي ولا عزوز ماحنا مطولين شبلاتس صايره ورعه
نجد : يبه علامك تكلمني كذا !
ابوسيف : ماني بفاضي روحي عني
نجد حست الموضوع كبير اول مره ابوها يكلمها كذا وهي تتقبل هواش وزعل الكل الا ابوها ما تقوى تجمعت الدموع بعيونها وقالت : ابشر
وراحت لعند ام فهد وقعدت
ام فهد: وراتس ضايقه
نجد : ابوي اول مره يكلمني كذا
ام فهد : عادي مشغول تلقينه ، ابيتس تقعدين عندي
نجد : مدري سمعت ابوي يقول نروح بيت عمي ناصر
ام فهد : ماودتس القعده معي ترف وواحت حايل وابو فهد والعيال دايم طالعين
نجد : مدري بس ابويي
ام فهد : انا اقوله
طلعت ام فهد  لابو سيف وقالت : يابو سيف
ابو سيف: سمي
ام فهد : طلبك وانا اختك بتردني؟
ابو سيف : لا بالله ما اردتس سمي
ام فهد : سمعت ان البنات بيروحون بيت اخيك ابو صالح مير ابي نجد ترقد عندي على ما تجون
ابو سيف : ابشري اعتبريه صار
ام فهد : تبشر بالجنه
طلعوا كلهم مع زياد اما عبدالعزيز اخذ ريما وساره و وداهم بيت عمه وهو لحق ابوه وامه لرياض
ام فهد : هالحين وانا امتس ناخذ راحتها مافيه احد
نجد : ياقلبي يا خالتي
ام فهد : عقبال ما تسكنين معي على طول
نجد : يوه ما اتخيل اعيش بحايل طول عمري
ام فهد : هههههههه ياحظ حايلنا الاقشر ما تحبينها
نجد : لا شدعوه احبها بس احس ما اصلح اقعد ايها دايم
ام فهد : عاد تدرين يوم اني كبرتس كنت جايبه فهد و حامل بمحمد وحمد
نجد : مرره صغيره
ام فهد : تزوجت وانا ام 16 قعدت سنه ما حملت ثم حملت بفهد وبعدها بسنتين حملت بمحمد وحمد
نجد : عاد الصدق تحبين نجد ولا حايل اكثر؟
ام فهد : احب نجد بس مو كثر حايل مكان انولدتي فيه تربيتي فيه اخوانتس فيه وخواتس وامتس وابوتس اكيد تحبينه جيت هنا مع تركي علشان شغله جيتها وعمري ام 16 و جبت فيها فهد حمد ومحمد ترف عشت فيها 18 سنه  وعاد تدرين السنه اللي راحت ابو تركي كبر ويبي عياله دايم حوله ورحعنا لحايلنا
نجد : عاد مايحتاج يوم رحتوا شفت الموت
ام فهد : هههههه قالت لي امتس
نجد : اذكر اكثر شي فقده العصريه انتي وامي مع بعض و وانا وترف وريما و ساره نلعب سوا صدق صدق جلسنا سنه وعليها علشان نتعود بدونكم
ام فهد : اذكر ما كملتوا شهرين الا وجيتوا
نجد : مستحيه اقولك من دموعي
قطع عليهم صوت فهد : ييااولددد
غطت وجها نجد
ام فهد : ادخل ماقدامك الا زوجتك
فهد ابتسم من هالكلمه ودخل
فهد : يالبى زوجتي
ام فهد : استح مني اقلها
فهد : امزح
ام فهد : كاشفتك من زمان
فهد : كاشفتني في وش
ام فهد: علي يا فهود علي انا امك؟
فهد بضحكه : وشهو
نجد: اهم شي هو مو فاهم
فهد باستغراب: الناس وين
ام فهد : ابو سيف وام سيف وعبدالعزيز راحوا الرياض والبنات راحوا عن عمهم ابو صالح ونا طلبت ابو سيف نجد ترقد عندنا
فهد : اقعد مختارتس من بد الكل
ام فهد : ايه شعليك
ابو فهد دخل وقال : السلام علييكم
الكل رد السلام
ابو فهد  : اوووه بنيتي عندنا الليله
ام فهد : ماهو بس الليله لين يرجعون من الرياض
ابو فهد : الله يحييها
نجد : الله يبقيك
ام فهد : تراكم ما تغديتوا احط لكم غدا؟
ابو فهد : كان نجد تبي الغدا هالحين حطوه
نجد استحت وقالت : ابد اذا جوعانين نحطه ليه ما نحطه
فهد : الا بالله جوعان
ابو فهد : طحتي لتس على واحد بطني
فهد : يبه المفروض تعزز لي
نجد : ههههههههه
ام فهد : بروح احط الغدا
نجد : عنتس انا بحطه
ام فهد : لا بالله
نجد : شدعوه خالتي تراني من اهل البيت ولا؟
ام فهد : يابعد عيني اكيد
فهد : يبه عينت لي محمد وحمد
ابو فهد : خبري بهم بالقهوه
فهد : ليلهم طويل
____________________________________
* الرياض - المستشفى
* 3:30 العصر
ابو سيف : وراك جايبنا المستشفى!
ابو سالم : صاير شي؟
زياد : انزلوا معي
نزل عبدالعزيز من سيارته وقال : سيف فييه شي !
ابو سيف: وانت وش جابك ورانا
عبدالعزيز: يبه علامه سيف
ابو سيف : والله مدري يابوك والولد عيا يتكلم
سبقتهم ام سيف ودخلت ولحقوها
موطف الاستقبال : تفضلوا
دخل زياد وراهم
زياد: اهل الدكتور سيف
الموظف: ياهلا بنفس الغرفه
زياد : شكراً لك
اخذهم لين عند باب الغرفه
زياد: هنا تقدرون تدخلون
ام سيف فتحت الباب وشافت سيف منزل راسه بسن رجولت وحاط يدينه على راسه والعنود حاطه يدها على راس عبود وتقرا عليه
ام سي: شفييكمم شفيه ورعي؟؟
سيف: اهخخ يا يمه
ام سالم راحت للعنود وحضنتها اما العنود انهارت بحضن امها
وام سيف حاضنه سيف وتقرا عليه وهن مكتفي بالصمت
تكلم سيف وقال كل اللي صار
ابو سيف حس بدمعته تحرق خده من القهر يحب سميه ويغليه ويخاف عليه من الهواء كيف لو صار فيه كذا !
ابو سالم : شقال الدكتور
سيف: اربع او ثلاث ايام ويصحى بسس
العنود رفعت راسها وقالت : بس ايش
سيف: يمكن لا قام ما يذكرنا ! يمكن مو اكيد
ابوسيف بحده : وانت وينكك عنه ليه ما اخذته المستشفى يوم حرارته مرتفه!
سيف بحزن: يا يبه شدراني انا احسبها حراره عاديه وبتروح
ام سيف: ماهو وقته يا عبدالله ماهو وقته ماراح يرجع الوقت يوم انك تلومه
قطع عليهم عبدالعزيز: ياولد
ابو سالم : ادخل
سيف لا شعوريًا قام وهو يحضن عبدالعزيز
عبدالعزيز: ما يشوف شر البناخي
سيف : اخخخ ياخوي اهخخ
عبدالعزيز: تعال معي
—————————————————————
ام سيف: العنود وانا عمتس احمدي الله انه بخير وصحه وعافيه وان شاءالله بخير لا تتعبين نفتس بالصياح يا امي ربي يبي يختبر صبرتس صيري قويه وتقربي من ربتس وادعيه
ام سالم : وهي الصادقه يا امي قومي معي قومي وصلي لتس ركعتين وادعيله
ابو سيف : من متى وهو تعبان؟
العنود: امس بالليل بس نزلت حرارته الفجر وبدون سبب ارتفعت مره ثانيه
ابو سالم : تصبر تصبر ياخوك باذن الله بخير سميك
ابو سيف قرب وهو يمسح على راسه ويبوس يدينه
ابو سالم تعال ياخوي ما صلينا العصر مشينا نصلي برا
راحوا وباقي العنود وام سيف و ام سالم
ام سالم : شبلاه وجهتس اصفر
ام سيف : علشان وليدها
قطع عليهم سيف دخل ومد الكيس فيه اكل وقال : ترا ما اكلت من امس
العنود بقل حيله : مالي نفس
سيف : اذا مو علشاني علشان هالولد لا تتعبين نفستس والله مافيني حيل اشوفتس تعبانه
ام سالم : ماعليك عندي انا
جلس سيف وهو يناظر بـ عبود وعيونه دمعت وصد
ام سالم مدت الاكل للعنود والعنود حست بلوعه وركضت للحمام يكرم القارئ
ام سالم باستغراب: شفيتس
العنود ماردت
سيف راح لها وقال : شجاتس بسم الله عليتس
العنود مسكت بطنها وراسها وقالت : مدرري
طلعها سيف من الحمام يكرم القارئ وقال سيف : تعالي ارتاحي اجهدتي نفستس وبعدين.......
ماكمل كلامه وراحت للحمام مره ثانيه
استغرب سيف وقال : من يومين وانتي على هالحال و وجهتس دايم اصفر شفيتس؟
العنود ماردت و طلعت
ام سيف: يمي علشان ما تاكلين تصيرين ما تحبين الاكل
سيف : تروحين معي لدكتوره تحت؟
العنود هزت راسها بـ لا
سيف: اللي تبينه هالمره ان بقيتي على هالحال بوديتس غصب