بلاي حبيت نجديه

البارت 20

صالح : وش جابتس عندهم؟
منال : اختصرت مشوار المفروض قايله من زمان
صالح: لا بالله انتي خربتي كل شي سويته
منال بدلع قربت من صالح وقالت : صلوحي لا تزعل مني بس كنت ابي اصير قريبه منك دايم
صالح تنهد وناظر فيها وقام
منال : وين ؟
صالح : جهنم
طلع صالح وركب سيارته
منال : اف منه احسن خل يروح
راح صالح وجلس بسياره قدام مسجد ولا شعورياً نام

الصباح الساعه 6:00
عند صالح
بعد ما خلص صلاة دخل البقاله شاف بنتين صغار
البنت : بابا عادي اخذ هذا لماما ؟
الاب : يابابا الحين بتروحين مدرسه الظهر تاخذينه لها
البنت الثانيه : بابا ابيي هذا احبه مررره
الاب : اي اللي تبونه خذوه

تنهد وابتسم وهو بتذكر ريما وجود و يتذكر اخر مره طلع مهم البقاله
تذكر ان اخر مره قبل شهر وعليها يوم رايح المزرعه لا وبعد كان معصب
اخذ اللي يبي وراح لسياره
قال : شسويت بنفسك يا صالح؟ هذولي بناتك وصاروا بعاد عنك وزوجتك تركتك و بناتك ماعاد يحبونك نفس اول ولا زوجتك ولا امك وابوك وش بليت بنفسي فيه انا؟ الله ياخذك يا متعب
متعب هو اللي معرف صالح على منال ( كانت صديقتهم بمعنا كل يوم مع واحد وصالح تزوجها علشان تصير له لحاله وهو بالاساس ما يحبها بس نكب نفسه بنفسه)
توجه لبيت ابوسيف استغرب الهدوء قرب وطق الباب ومحد رد تنهد وناظر للبيت وسكت راح للبيتهم وبالطريق صادق عبود
صالح : عبود وين اهلك؟
عبود : فبيت عمي ابو فهد
صالح : زين
راح صالح لبيت ابو فهد وطق الباب
عبدالعزيز : جاك جاك ، فتح الباب وشاف صالح
صالح: هد ياولد العم وانا جايكم واسوي اللي يرضيكم
ابو سيف : منهو اللي عند الباب
صالح: انا ياعم
ابو فهد : خلوه شوفوا وش يببي ونشوف نهايتها
دخل صالح وقامت ساره ودخلت داخل
صالح قال بقلبه : ياويلي من زعلها وش سويت بنفسك يا صالح هذي ساره اللي تحبها؟
صالح : السلام عليكم
الكل وعليكم السلام
ابو فهد : اقعد اقعد وانا عمك ، فهد صب قهوه
فهد : سم
صالح : سلمت ، ياعم اللي تبونه تبشرون به وانا وربي شاهد علي اعترف بغلطي ومدري وش اللي مخليني اسوي وكذا ومن قبل تدرون ناوي اطلقها وارجع لبناتي وبيتي وزوجتي
سيف بحده : ومن قالك ان زوجتك بترجع لك ؟
صالح انصدم ماتوقع الموضوع بيوصل انه بيطلق ساره ماتوقع بيوم بيصير كذا !
صالح: وكيف ما ترجع ؟
عبدالعزيز: لو ما تبيك بكل سهوله تطلقها
صالح: بعقلك انت
سيف بعصبيه : ايه بعقله
ابو سيف : الشور شور ساره انت وهي تتفاهمون
صالح : هذا اللي بيصير ياعمي
ابو سيف: شف اختك يا سيف تبي تتفاهم معه ولا
سيف : سم
سيف بعد ما قالها كل شي : ها تبين تكلمينه ولا؟
ساره : ما ابي اشوف وجهه
سيف: اللي تبينه
طلع سيف وقال : ما تبي تكلمك
صالح بضيق : اللي تشوفه
لف على جود وريما وابتسم وقال : تعالوا
عبدالعزيز: وين ماخذهم
صالح باستغراب: شارب شي بناتي تراهم !
عبدالعزيز: منت ماخذهم عن امهم توك تذكرهم وانت تروح عنهم بالشهور !
صالح : عزوز فكني منك ماني ماخذهم من امهم انا ! بعدين بجيبهم شوي ابيهم
ابو سيف: عزوز اترك الرجال مع بناته
صالح شال ريما ومسك يد جود وطلع