بلاي حبيت نجديه

البارت 24

ريما : لالا نبي سالفه خالتي ام فهد وامي وابوي و عمي ابو فهد
ابو فهد : اي سالفه
ريما : مدري تخبر ياعمي الوانيت الحمر؟
ابو فهد وابو سيف وام سيف وام فهد ضحكوا بصوت عالي
ابو سيف : ايا مليعينه منهو اللي معلمتس؟
كلهم ناظروا ام سيف
ام سيف : والله اني ما قلت شي وبعدين علامكم علي
ابو فهد : مشكوك فيتس
ريما : لا لا جدتي علمتني
ام سيف : ياويلي امي !
نجد : اما تخافين منها احس مايصلح
ام سيف : ماهي سالفه خوف
عبدالعزيز: وش سالفه الوانيت
ابو فهد : لا اله الا الله ماهو وقته
ريما : ابد ابوي وعمي تركي كانوا يتكون فيه اخر الليل و ..
ابوسيف بضحك : بنت خللاص
ترف : معليش كنت بروح انام لازم تقولون السالفه
ريما : عزوز تراني تحت التهديد انقذني
عبدالعزيز فتح يدينه وقال : تعال جمبي و اغطيتس بالفروه والله محد يقربتس
ريما : خلاص انا بوجه عزوز
قامت وجلست جمبه وغطاها عزوز بفروته
نجد : لا صدق صدق اثبتوا كلامي اني من المسجد
ترف : اجل انا شقول
فهد مسك راسه وقال : السماء لا تطيح علينا ياويلي ويلاه
الكل ضحك على كلام فهد
فهد : انتي اكثرر وحده مدلعه ولا ينرفض لتس طلب لو تقولين ابي النجوم قال ابوي رح يا فهد علشان اختك وامي بتقولي مافيك خير لو تردها
ام سيف: هههههه عاد ذي ترف الغاليه
ترف : ماينمزح معك؟ ، المهم ريما قوليي
ريما : لا تضيعون السالفه جدي و جدتس ياترف من زمان هم اخويا ودايم يجيون الديره و يخلون جدتي وجدتس هنا وهم يروحون الرياض شغلهم هناك ينتظرون طلبياتهم اللي من الهند ( الذهب )
الكل : ايوه
ريما : ابد والله امي و امتس وبنات الديره لاجاء اخر الليل خذوا قهوتهم وشاهيهم وقعدوا عند الوانيت و تقهوا وسولفوا
عبدالعزيز: ترا بشوتس بالنار ! بس ذي السالفه
ريما : عزوز طاير انت اصبر
ابو سيف وهو ميت ضحك : لا اله الا الله
ريما : ابوي وابو فهد كانوا يقعدون بالوانيت هههههههههه ويتسمعون بسوالف البنات
ابو فهد : لا لا ما ارضى على الكلام ذا عيب
فهد : افا يابويييي
ريما : اهخخ ياربيي وطبعاً ابوي وعمي طلعوا خفيفين ويحبون ومسوين العشاق
ابو سيف : بنت لا تزودين الكلام عاد
ريما : والله ذا كلام جدتي تقول حتى ابوتس خطب امتس ثلاث مرات
امي وخالتي والله كانوا ثقال بسم الله عليكم
فهد : اجل ان حبيت بتزوج اللي احبها
ابو فهد : بالله عليك
فهد : هما انت خذيت اللي تبيها !
ابو فهد : يعني تحب يا السلوقي
فهد بخوف : ها من قال لا
ابو سيف : مشكوك فيك
ام فهد : مااشش نجد ماهي بيمنا
نجد لفت وقالت : لا معكم
ابو سيف: وش نقول طيب ؟
نجد : عن ترف
عبدالعزيز: لا بالله اختي عقلها طار
ابو سيف : شكلها ضايقه منك يا عزوز
عبدالعزيز: مدلعه شسوي فيها انا اختي ريما بسس
نجد : من زينك الله يعز سلطانوه بس وينه
حمد : والله سلطان انسيه خلاص تزوج
نجد : لا بيصير نفس سيف متزوج وعنده ولد وللحين ساره عنده غير
عبدالعزيز: شف باعتنا تراتس اكثر وحده مدلعينها
ريما : اي بالله ابوي مايرفض لتس طلب وامي تشوفتس ورعتها للحين
ساره : فوق ذا كله ما نسيت يوم كللهم وقفوا معتس على ريما
نجد : كل ذا تمنون على محبتكم
ام فهد : ههههههههه لا بالله الصدق ينقال انتي اصغر وحده واخر وحده منا وكلنا مدلعينتس
عبدالعزيز: على طاري مدلعينها وش قايله لسند انتي ؟
ابو سيف : سند ! وين جاها ؟
فهد حس النار قبت بقلبه سند ونجد ؟ وش بينهم
نجد : سند ماغيره الغبي؟
عبدالعزيز : اي تدري يبه وش قايلي؟
ابو سيف : وشو
عبدالعزيز: جايني يقول جتني وحده من خواتك قالت شف ابوي بالمجالس ولا
نجد ضحكت بصوت عالي
ابو فهد : تذكرت ههههههههههه
عبدالعزيز: المهم ان سند ماقصر راح ولا لقاك وقالها ابوتس مو فيه يا بالقهوه او بمحله تبين اناديه يقول الا تقولي انا بروح مايحتاج قلت يابنت القهوه فيها رجاجيل الا وتقولي شكلك ناسي من انا تراني بنت عبدالله عن الف رجال وروحت
ابو سيف : ههههههه كفو بنيتي
بعد ساعه الكل نام
_____________________________
عند سيف و العنود بالرياض
العنود: عبود حرارته مرتفعه
سيف : تعبباان تعبان من خط السفر و وراي دوام تكفين عطيه خافض حراره وكمديه اذا ما نفع وديته المستشفى
العنود: طيب نام انت ارتاح
عبود : ماما بردد ما ابي اتروش
العنود: ياقلبي يا ماما علشان يروح البرد
عبود: ماما ماببببيي
العنود: يا ماما اخاف تزيد عليك الحراره طيب تعال
راحت العنود وبدلت ملابس عبود لملابس خفيفه وعطته خافض حراره وقعدت عنده تحط له كمادات وتغيرها ولا نامت
_______________________________
الساعه 5:30
ابو فهد : يا عيال الصلاه
ابو سيف : اصبحنا واصبح الملك لله يا الله ياعيال
طلعوا ابو فهد وابو سيف و حمد وفهد ومحمد وعبدالعزيز
ام سيف : يابنات قوموا صلوا نجد ريما ساره ترف يممه قوموا
ام فهد : ان ما قاموا عليتس فيهم
نجد: يمه طييب بقوم وربي ماني طايره
____________________________
رجع سيف من المسجد ودخل غرفه عبود شاف العنود تصلي و عبود منسدح وعلى راسه الكمادات قرب من عبود وباس راسه ويلمس جبهته يشوفه اذا باقي حار ولا. ، خلصت العنود ولفت لسيف و عبود
سيف : تقبل الله منتس يا روحي
العنود ابتسمت وقالت : منا ومنك
سيف : مارقدتي؟
العنود: وين يجيني النوم وعبود الحراره لاعبه فيه
سيف : اوديه المستشفى ؟
العنود: الحين خفت مرره بس خوفي شوي ترتفع عليه
سيف : انتي نامي معه وانا بروح دوامي وان الحراره ارتفعت كلمي اهل جارنا خالد اذا مررره زادت جيبيه عندي
العنود: قل ان شاءالله ما ترتفع عليه
سيف: باذن الله اجيكم مافيكم شي
العنود : ان شاءالله ، خلني اجهز لك الفطور و اغراضك
سيف : خليتس انتي تعبتي ولا رقدتي امس فطور ماني ميت من الجوع اكل مع العيال هناك ولبسي ادله بس انتي لا تتعبين نفستس
العنود ابتسمت وقالت : ابشر
قرب منها سيف وباس راسها وقال : الله يحفظتس لي
العنود: ولا يحرمني منك
طلع سيف لدوامه و العنود نامت جمب عبود
___________________________
الكل كان مجتمع حول النار والقهوه تدور بينهم وسوالف الصباح الا فهد
ابو سيف : ورعي وينهو؟
ابو فهد : والله مدري عنه
ترف : يبه اليوم نادر بيجي على العصر ( زوجها)
ابو فهد : زين قلتي لي من بدري علشان اكون موجود
نزل فهد وهو لابس بدلته العسكريه
فهد : صبحهم بالخير
الكل : صباح النور
نجد الابتسامه شاقه وجها وهي تناظر فهد انا فهد انتبه لنظراتها وشافها ونجد صدت
ام فهد : امداك دوامك يصير هنا
فهد : خويي قال لازم تروح اول لان الفريق ما يمدحونه واقشر فاضي يقولي من بدايتها كذا يا اللواء فهد
عبدالعزيز: ععزز يا اللواء فهد
فهد : الله يعزك انا ماني بمرتاح لييين اصير فريق اول باذن الله بس يبيلها صبر وقوه قلب
ابو سيف : فكنا من اللي فبالك
ابو فهد : من غير تروح ورا المهمات وتذبح العالم ويحطونك براسهم
فهد : وخلهم يحطوني براسهم
حمد : فهد ودي اكلمك بموضوع
فهد اشر على خشمه وقال : على هالخشم مير هالحين ولا اذا رجعت؟
حمد ي: لا الحين
فهد : اجل بروح هالحين تعال معي ، قام قهد وباس راس امه وابوه وابو سيف وام سيف ( يعتبرها نفس امه )
فهد : تامروني على شي؟
الكل : سلامتك
ابو فهد : حمد لا تتاخر علشان تروح مع محمد لحايل
عبدالعزيز: انا ياعمي بنزل حايل مع محمد
ابو فهد : بكيفكم
فهد اشر لنجد تقوم بدون احد ينتبه
فهد : حمد شغل السياره قبلي
حمد : ابشر
فهد كمل فنجاله وناظر نجد ، اما نجد راحت للحوش الخلفي ولحقها فهد
فهد : اشتقت لتس
نجد : ايه واضح مررره لدرجه امس طلعت وخوفتني عليك ولا طمنتي
فهد : مابيتس تشوفيني معصب
نجد : الاعذار جاهزه
فهد : اهخخ يا نجد
نجد : بسم الله عليك شفيك
فهد : تدرين اني طالب اني انقل لديره هنا
نجد : ما انكر اني فرحت بس صدق انت اللي طالب انك تنقل !
فهد : ورب البيت وكل ذا علشانتس
نجد ابتسمت وناظرته بامتنان
فهد : وعلى اساس بعدها اخطبتس وطلع لي موضوع اختس وابوي
نجد: موضوع ابوك اكبر من اختي
فهد : بالاخير حسيته مقتنع بكلامي بعد ما شافني معند
نجد: فهد انا خايفه
فهد : اعقبب تخافين وانا معتس؟ وش اللي مخوفتس؟
نجد : ولد عمي حمدان سمعت من ابوي انه خاطبني وكان يكلم امي
فهد بحده : اي واحد منهم !
نجد : اتوقع طارق
فهد : بسهوله قولي مابيه !
نجد : فهد بيسالني ابوي ليه
فهد : خلاص بروح هالحين واخطبتس من ابوتس
نجد : ياخي اخاف ردك لاننك خطبتني بعده !
فهد : طارق يحلم حلللم حلم انه يتزوجتس
نجد : مدري يا فهد بس
فهد : لا بس ولا شي خلي الموضوع علي ولا كلمك ابوك لا ترفضين لان لو خطبتس بعدها بيستغرب سبب موافقتس !
نجد بخوف : يعني اتزوج طارق !
فهد : اذبحتس انا؟
نجد : انقلع عني
فهد : نجد يا قلب فهد اسمعي وافهمي قصدي اولل
نجد تكتف وناظرته : اسمع
فهد : يالبى المهم اسمعي انتي قولي لابوتس بستخير وخذي يومين وقولي ما ابيه بعدها بخطبتس بعدها وسوي نفستس تستخيرين هههههههههه
نجد : واذا ابوي غصبني !
فهد : كلنا ندري انه ماراح يغصبك بس طارق ذا انا اعرف له
نجد : سلامات وش بتسوي له
فهد : شعندتس تدافعين عنه؟
نجد : تدري عاد بيصير خطيبي
فهد بحده مسك يدها وقال : نجد ترا بتبكين
نجد : اح فهود اوجعتنيي
فهد : تحبين تعانديني
نجد : بعدين حاول تخفف روحاتك للقهوه
فهد : وليه ان شاءالله
نجد : ترا بوريك عاد مو كافي علي اسمع بنات الديره يمدحونك ولا اقول شي !
فهد : وليه ما تمدحيني معهم؟
نجد : شكلك ناسي من انا بنته واي شي اقوله محسوب علي
فهد : احبك
نجد : وسالفتي؟
فهد : احبك طيب !
نجد : فهودد !
فهد لا شعوريًا تقدم وباسها نجد تجمدت مكانها اما فهد ضحك وقال : اعرف كيف اهجدك
نجد راحت وهي مصدمه كيف فهد يسويها مره ثانيه
اما فهد طلع عند حمد
فهد : عسى ما تاخرت
حمد : لا عادي
فهد التفت لحمد وقال : شفيك
حمد بلع ريقه وقال: فهد تعرف نواف ولد مساعد؟
فهد : الله لا يحييه ايه شفيه
حمد : ياخي انا تهاوشت مع اخوه مره لان صدم سيارتي وجلس يصارخ علي وهو الغلطان المهم وصلت لضرب بس انا ما علمت احد
فهد بحده : ورا ما قلت لي
حمد : ما ودي اشغلك يكفي انك شايل همومنا
فهد : طييب كمل
حمد : وو هذا امس جايني نواف قال والله لا اوريكم يا
فهد : كمل !!
حمد : عيال تركي
فهد بعصبيه ومنهو يكون علشان يهددنا شكله ناسي منهم عيال تركيي
حمد : ياخي فهد انا ماني خايف منه ولا من اخوه ولا من اهله كبرهم بس ابوي لو عرف بيتعب وانا مو حارق قلبي الا ابوي
فهد : ولا عليك خل الموضوع علي
حمد : ابشر
وقف فهد عند دوامه وقال : رح يا حمد البيت الساعه 1:30 تعال مرني
حمد : ابشر