بلاي حبيت نجديه

66

مجيد : عزوز تمشي معنا باتسر؟
عبدالعزيز: لا وش باتسر شوي وامشي عشان يمدي اصل الديره
مجيد: اما عاد اليوم !
عبدالعزيز: ايه بعدين خلاص قدني اشتقت لامي وابوي واخواني وخواتي
مجيد: طاح الحطب؟
عبدالعزيز ابتسم وقال : طاح ابوه
_______________________
الكل كان مجتمع فبيت ابو سيف ابو صالح واهله وابو فهد واهله والجده الا فهد كان بدوامه ويضبط اجازته
سلطان: حمد علامك
حمد : علامي؟
سلطان: مدري عنك قابلني قابلني
محمد : بتلعبون كيرم؟
دانه : اقول بس ترا حاجزينها قبلكم
ريما : اي وربي بس ابوي ارسلني اسوي شاهي
ابو صالح: بس ياولد انت وياه صجيتوا روسنا
الجده : سلطان هذا كبرك وبتلعب
سلطان ضحك وقال: يا حليلتس ياجده خالي فيصل وابوي وعمي تركي وعمي ناصر كلهم يلعبون بعد
الجده: اجل الله يخلف
ابو سيف: افا ياعمه
الجده ضحكت وصدت
ام فهد : غريبه نجد وينهي
غاليه: مع مجودي
ام فهد: قلبها تولع بالورع
ابو سيف: اليوم الامام قرايته غريبه
ابو فهد: ايه مسرع بالصلاة
ابو صالح: هو تعبان ولا حس بالتعب اسرع
ابو سيف: يقوم بحمله واحدن ثاني
ام صالح : شيخه علامتس !
ام سيف: هلا
ام غاليه : لا هلا و غيره انتي علامتس
ام سيف تنهدت وصدت تمسح دموعها بقهر
ام صالح: علشان عزوز؟
ام سيف: وانا من بعيد عني من عيالي؟
عبود صارخ بقوه وتالم وقال : ييييببببببههه
ابو سيف: اخو نااصر !
ركض له سيف و العنود لحقته ومعهم ابو سيف و ريما وام سيف
العنود شهقت وصدت
عبود ماسك فكه وكان ينزف دم طاح عليه
اما سيف بخوف : تعال تعال
ابو سيف بخوف : من وشو
فارس بخوف : كان يركض و طاح على الزاويه ذي
ام سيف جلسته بحضنها و ريما ركضت وجابت مويه
بعدها بدقايق
سيف تنهد وقال : الله يصلحك ويهديك
عبود : الحين بكره ذا بيكون علي بالعرس !
ابو فهد : عادي يابوك خله عليك
عبود : لااا لا لا ومليون لا انا ماني بمخلي ذا علي وعندنا عرس !
العنود بحده وصوت خفيف: خله لا ترفع ضغطي
عبود بصراخ : موو بكيفكمم
سيف بعصبه وحده : عبود !!!
عبود بلع ريقه ونزل نظره تحت بخوف
سيف بحده : كم مرره قلت صوتك ما يعلى على امك !
عبود بخوف. : مو قصديي اسف
العنود بهمس : سيف خلاص خوفته
سيف: خليه بكره يتمادى يمد يدينه علينا انا وانتي
عبود: اسف
حضن العنود رهمس باذنها: احبك ماما
العنود باسته وقالت: وانا اموت فيك
\______________________________
عبدالعزيز: يا خاله كثر الله خيرتس وما قصرتي
ام خلف: يايعد عيوني وانا امك ابد ماسويت الا واجبك كـ ضيف
عبدالعزيز: الله يسلمك
عبدالعزيز قرب وباس راس ابو خلف وقال : توصي؟
ابو خلف : سلامن لابوك وقله بنجيكم باذن الله بانسر
عبدالعزيز ابتسم وقال : حياكم الله
راح عزوز ومسك خط لديره
______________________________
عقاب: مها
مها : هلا ياعيني صحيت؟
عقاب ابتسم وقال : ايه بس وينهم فارس وريان مالهم حس
مها : فارس مرني سيف واخذه و ريان نومته
عقاب: نرم العافيه سويلي قهوه تقند الراس
مها: ابشر بها
——————————————————-
الساعه4:30
ابو فهد: والله يا جوه عالم
ابو سيف: ما ادانيه هو و ولده
سيف: حتى عياله شرانين
ابو صالح : ماعليك منه
ابو فهد: وخصوصًا وليده ثامر تراه خبييث اخبره
قطع عليهم دخول عبدالعزيز وقال: اجي ولا ازعل زود
ام سيف ركضت له وحضنته بقوه بقوه ونزلت دموعها
عبدالعزيز وهو حاضنها همس لها :ماقلت لتس ماني بمطول ؟
ام سيف جلست حاضنته وهي تصيح وجوه نجد وريما وحضنهم
ابو فهد : اقعدوا بغرفه علشان تاخذون راحتكم وانت ياعزيز لاحقين عليك
عبدالعزيز راح للغرفه و امه يمينه و ساره و ريما ونجد يساره. ومبتسمين
عبدالعزيز وهو حاط يدينه ورا ظهر امه : امري وتدللي والله ليجيك تبين رقبي عانيها حلالتس و اقولتس اسف اسف اسف اني كسرتس وطلعت
ام سيف نزلت دموعها وحضنته زياده ضحك عبدالعزيز وقال : ياحظي حظاه
نجد وهي تصيح : عزوز قسم بالله حنا بدونك بنموت وربي حتى بيتنا ماعاد له طعم نفس قبل
عبدالعزيز : يا بعد ررح عبدالعزيز انتم
دخل ابو سيف وعبدالعزيز تزل راسه وصد ،،،،،،،،،،،،،،،،

بارت قصير ماحبيت اسحب بدون ابلغكم ماراح اطول ممكن يوم او يومين وانزل بارت باخذ راحه شوي اكتبلوا لي توقعاتكم عزوز ياخذ وجدان ولا دانه و وش سبب ان عبدالعزيز صد من ابوه يوم دخل؟
تعبانه هالفتزه رلا عندي وقت حتى اكتب البارتات + احب تفاعلكم و كومنتاتكم