بلاي حبيت نجديه

31

نجد : معليش العنود طلعي اللي فبطنك انا بتفاهم معه طول !
ام سيف : ما بعد انخلق
ريما : مستعجله
العنود: على وشو مستعجله الله يهديك
الجوهره: ياقلبي يا نجد تحب الوراعين
نجد: حتى انتي لازم تجيبين عشره
الجوهره: انتطرك تجيبين عشره بعد
نجد : استغفرالله
ام سيف : خلوا السوالف جهزتوا كلل شي ؟
الكل : ايه
ام سيف: رمضان قرب
نجد: الله يجيبه على خير
ام سيف : يا العنود بتصومونه عندنا؟
العنود: ان شاءالله باذن الله
ام سيف: وانتم يا الجوهره انتي وسلطان هنا؟
الجوهره: اتوقع اول اسبوع
نجد : لييييهههه؟؟؟
الجوهره: بسم الله خوفتيني
ريما : ليه صدق
الجوهره: دوام سلطان مررره دقيقين و مافيه اجازه الا بسبب ومرره حتى ما يطلع الا على الوقت المدير ماش
نجد : وليه ما يغير هالوظيفه ويفتك
الجوهره: سلطان يقول علشان توه جديد العيون عليه لين ينقل الرياض ثم كل شي سهالات
نجد: تكفين الجووهره صوموا معنا حاولوا ولا خليك وخليه يروح لحاله
الجوهره: هههههههه ومن يطبخ له
ريما: تدكرت بدايه دوام سيف مديره اللي كان نذل
ام سيف : اعوذبالله يا ذاك لا تاخر سيف دقيقه عطاه محاضره
نجد : ياخي يمه اشتقت لابوي متى يجيي
ما كملت كلامها الا ودخل ابو سيف وسمع كلامها ضحك وقال
ابو سيف : ابوتس جاء يا بعد قلب ابوتس
جت نجد ركض وحضنته وقالت : الله يحفظك لي يا اطلق ابو
ابو سيف : ههههههه يا بعد البنات كلهم تعالي
دخل ابو سيف وقال : يا العنود انتي والجوهره العيال بيدخلون
تغطوا البنات وبعدها بدقايق
سيف : ياولد
ام سيف : ادخل
دخلوا كلهم وعبدالعزيز تقدم وانسدح بحضن امه وقال:اهخخ ياراسي بينفجر
ام سيف : بسم الله عليك علامك
سيف : اهم شي انتس تصدقينه ، لف على العنود وقال : عبود وينه
العنود: نايم دخل
ابو سيف : ينام هالوقت
ام سيف : من اصبح الصبح وهو برا يلعب ليينن الساعه 4:30 ونص و تروش و اخذه النوم
سيف : ههههههههه اخبر اخبر النومه اللي بعد اللعب و بعد الترويشه
سلطان: يوووه ويذبحك الجوع وتجيب امي الاكل
عبدالعزيز: بعدها خذلك اطلق نومه لين تسمع سوالف خالتي ام صالح وام فهد فوق راسي
الكل ضحكك على سوالفهم
ابو سيف : اخبارتس يا الجوهره
الجوهره: بخير الحمدلله
ابو سيف : عليه ملاحظات سلطان
سلطان شرق بالقهوه ويناظر الجوهره
الجوهره : فيه فيه بسيطه
سلطان: افااا
ابو سيف : وش فيه
الجوهره: مابه الا العافيه ياخالي مير امزح
سلطان: على اني ماني مسوي شي بس خفت
ام سيف ;يا بنات لكم قدره؟
نجد: سمي يا شيوخه
العنود: ان كان شي مو ثقيل ابشري
الجوهره: اي سمي
ريما : امري
ام سيف : رمضان قرب وبنروح مكشات يومين ولا يمدينا نفرزن لرمضان
ريما : يييمممممه تكفيين لاا
ابو سيف: ههههههههه الا نجد ماهي بمعكم
ام سيف : اولنا نجد
نجد : يمه تكفين
ريما : تعقبين تبين نسوي كل شي يعني !
الجوهره: ترا كلها تلفينها شفيكم
العنود: اي جالسين جالسين
نجد : خلاص اسويلكم حشوتها و اجهز لكم اغراضها واسوي لكم العشاء الليله و اسوي القهوه والشاهي والحلى والفطاير و انتم تلفونها
العنود: عندي الف مليون سمبوسه ولا اسوي ذا كله
نجد: ما اطيقها ما اطيقها
ريما : بكيفتس بس ياويلتس تقولين مالي خلق !
سلطان: يمه وين الكيرم؟
سيف : شفها هناك
سيف رفس عبدالعزيز من بطنه
عبدالعزيز: اههخ علامك على بطني انت
سيف : قم عن امي
عبدالعزيز: يووه يا الغيور تراك صرت اب
سيف : طيب قم العب
عبدالعزيز: راسي مصدع
سيف: قابلني ياورع
عبدالعزيز: بيكسر راسك الورع
سيف : سم ما سمعت؟
عبدالعزيز: امزح امزح شفيك
سلطان : بعد راسك لا اكسره لك بالكيرم
ام سيف: علامكم على اخوكم
سلطان: ولدتس ذا حمار
عبدالعزيز : شف عندكم تسبوني لين اتزوج ثم اتحداكم تفتحون فميكم
سلطان: منه لين تتزوج يغير الله من حال لحال
سيف : ريما كملي الرابع
نجد : خير ان شاءالله وليه مو انا؟
سلطان: وراتس تقطيع و تسوين لحم السمبوسه ههههههههههه
نجد : ما تضحك يا النفسية
ام سيف : روحي سويها اخلصي علشان يمدينا نلفها
العنود: بشوف عبود طول وهو نايم
الجوهره : بساعد نجد
ام سيف: لا لا اجلسي انا كان ودي نتساعد من البدايه على كل شي مير العناد في راسها
الجوهره: بروح ارتب ملابس سلطان ما بعد علقتها من جينا
لفت ام سيف على ابو سيف وقالت : باقي تعبان؟
ابو سيف ابتسم وقال بهمس : ساره وصالح طاح الحطب بينهم وتوه جايني قاسم يقول شرا صالح بـ 60 الف لساره وبناتها وهذي هي فلوسه معي وقبل اجيكم مريت لصالح برد فلوسه وحلف الف وسيفين ما يرجع شي لانها رضاوه لساره
ام سيف ضحكت وقالت : الله يبشرك بالخير
ابو سيف : تروحين معي قبل يمسي الليل؟
ام سيف : وين؟
ابو سيف : نروح المزرعه ليين ياذن المغرب ونرجع؟
ام سيف: مزرعتنا القريبه؟
ابو سيف : ايه ايه تعالي لان بالمكشات بنحرم منتس يومين
ام سيف: هههههه ابشر بروح اجهز
ابو سيف: لا تطولين ماعاد به عصر
راحت ام سيف تتجهز
و طبعاً على هالحال
و الجوهره بغرفتها ترتب ملابسها وملابس سلطان ما كانت تتوقع هاليوم ملابسها وملابس سلطان مع بعض و عند العنود كانت تصحي عبود و عبود يقنع امه انها كلها دقايق ويقوم و نجد كل عاده بالمطبخ وتتحلطم وام سيف تتجهز و عند عبدالعزيز وسلطان وسيف وريما حول الكيرم واصوات ضحكهم عاليه
تنهد ابو سيف وقال : يارب لك الحمد
طلعت ام سيف وهي لابسه عبايتها
عبدالعزيز: ويين يمه
ام سيف: بروح مع ابوك
عبدالعزيز: بروح معكم
سلطان صفق راس عبدالعزيز بخفه وقال : بزر انت
ريما : انا يمه بروح
نجد بصوت عالي من المطبخ : بروح معكمم
ام سيف ناظرت ابو سيف وضحكت
ابو سيف : ولا واحد كلكم بالبيت ماني بمطول
طلعوا ابو سيف وام سيف وراحوا المزرعه
________________________
ام سيف: شايله هم بكره
ابو سيف: افا من وش
ام سيف: هم بدريه اللي ترفع الضغط
ابو سيف ضحك بصوت عالي
ام سيف: ايه اضحك

القديمين كانوا دايم يقولون فلان لفلانه وكانوا يقولون عبدالله لبدريه بس القلب وما يهوى كبر عبدالله وقال لاخوه ناصر انه ما يبي الا شيخه ولو ان بدريه بنت عمه ، وبدريه هالحين متطلقه لاكن ساكنه بالديره ومع اخوانها على انها كبيره قد شيخه الا ان حركاتها مثل الصغار تحاول تلفت انتباه عبدالله لانه كان حلم طفولتها واي شي فيه شيخه او لابسته تقول المفروض انا مكانها المفروض ذا كله لي و ما تواطن شيخه

ابو سيف : وش عليتس منها هالحين
ام سيف : وانا ناقصه يكفي قبل وش سوت فييني و ظلمتني مع عامل المزرعه وانا لا اعرفه ولا يعرفني لو ما انكشفت كذبتها اكلتها

( قبل سنين كانوا طالعين المزرعه مع الكل وكانت شيخه و نوره ام فهد قاعدين برا لحالهم وسامرين و بدريه انتبهت على شيخه انها مو فيه وظلمتها بانها شايفتها مع عامل المزرعه لين كشفت عمرها وقالت بالليل يوم وقالت نوره ام فهد انها كانت معها و حلفت على المصحف علشان يصدقون ان شيخه بريئه على ان ابو سيف مصدق شيخه اكيد الا انها كانت تبي تقطع الشك و بدريه ما كانت تبي تحلف وهذا اللي بين كذبها )

ابو سيف: بس أنا مصدقتس ! وبعدها ما سوت شي
ام سيف: بعدها حطت كذبات على قدها وتقعد تمدح فيك قدامي وانا ما اصبر
ابو سيف: هالمكشات لزوم عيال عمي فيه وبعدين اختصرتها على عيال عمي منها اقدر اشوفتس
وصلوا ونزلوا للمزرعه
ابو سيف: يا كاامل كاامل
كامل: سم يا عمي
ابو سيف: القهوه جاهزه
كامل : اكيد
ابو سيف: والعمال؟
كامل:  كلهم برا المزرعه بغرفهم اللي برا نفس ما امرت
ابو سيف : بعدي ها اطلع وسكرت البوابه وان صوت عليك فك البوابه
كامل : ابشر
طلع كامل والتفت ابو سيف على ام سيف ومسك يدينها وقعدوا بالجلسه اللي برا كانت المزرعه تفتح النفس وخضاارر و براد و وسطها الجلسه
ابو سيف : ها العمال كلللهم برا تقدرين تاخذين راحتس
نزلت ام سيف برقعها و و طرحتها وكانت باسعد لحظاتها
قرب القهوه ابو سيف
ام سيف : عطني انا اقهويك
ابو سيف : واذا انا ودي اللي اقهويتس؟
ام سيف : نقول سم وابشر
ابو سيف مد الفنجال وقال : تقهوي
ام سيف : سلمت
ابو سيف : تصدقين من شريت ذي المزرعه اقول بجيب زوجتي هنا واجيب بنات وعيال واخليهم يتزوجون وجيبون زوجاتهم و عيالهم
ام سيف: الحمدلله كلها تحققت
ابو سيف : اي بالله الحمدلله
ام سيف : عبدالله عندي طلب
ابو سيف : امري انتي ما تطلبين تامرين امر وش بغيتي بس
ام سيف: ما يامر عليك عدو يابعد عيوني بس ودي بعمره بمكه
ابو سيف : تم و صار
ام سيف: بالله ؟
ابو سيف: قد رفضت لتس طلب؟
ام سيف: لا والله الكذب خيبه
ابو سيف نزل شماغه جمبه وحط راسه بحضن شيخه
عبدالله: اشتقت احط راسي بحضنتس
شيخه: تصدق تذكرت قبل ثلاثين سنه يمكن وزود تونا معاريس نفس هالجلسه وحطيت راسك بحضني وقلت ابي يجيلي عيال وبنات وبسمي الاول سيف على خويي  وبسمي ساره على امي و بسمي نجد على نجد العذيه
عبدالله: وعزوز و سلطانوه و ريوم باختيارتس
شيخه وهي حاطه يدينها فوق راس عبدالله وتمسح على جبهته و شعره
عبدالله: اهخخ يا شيخه تدرين كذا تخف علي حمول كثيره
شيخه : الله يحفظك لي
سحب عبدالله يدينها وباسها
_______________________________
الساعه 6:30
ابو سيف صلى مع العمال برا جماعه ورجع لام سيف
ابو سيف: تقبل الله
ام سيف: منا ومنك
ابو سيف: رجعنا؟
ام سيف: توكلنا على الله
ركبوا السياره ومشوا
ابو سيف: وصيت كامل يشتري مقاضي للبيت و وداها للبيت
ام سيف: كثر الله خيرك ، ودي بنص رمضان اروح يم امي و خواتي بالديره عندهم
ابو سيف: كيف بقدر بدونتس
ام سيف : كلها كم يوم ولاني ماخذه الا عزوز