بلاي حبيت نجديه

البارت السادس

العنود: سيف
سيف: لبيه ياعيني
العنود: لبيت حاج قهوه ولا شاهي
سيف : عطي ابوي وامي قبل
العنود: عطيتهم شفيك بسم الله
سيف : ما انتهبت عطيني قهوه ابي اصحصح
العنود: سم
عبود : يبه
ابو سيف : سم يا الشيخ
عبود: ابي اجي قدام معك
سيف : عبود اقعد مكانك لا تقروش جدك
ابو سيف: خله خله تعال يا السمي
عبود: بابا انا ما اقروش جدي شوف ها ( جلس بحضن ابو سيف وكتف يدينه )
ام سيف: وه ياربي رباه بسم الله على ورعي علامك علاه يا سيف ورعي اجودي
العنود: سيف خذيت حبوبك؟
سيف: ياليييل نسيتها
العنود: كنت حاسه
سيف : نسيتها بالبيت ما اخذتها ماهو لازم
العنود: ما نسيتها جبتها انا ،خذ
ام سيف : وش حبوبه
سيف : تعبان هاليومين
ام سيف : بسم الله علاك ما تشوف شر
________________________________
نجد : اقول عزوزي
عبدالعزيز: لبيه
نجد: صدق صدق من ودك نزوجك
عبدالعزيز : ابي تجنبيه
نجد : عبزوز سامج لا صدق
سلطان: زوجوه جوزا
نجد: تخسي تاخذ من اخواني اصلاً تدرون بنات الديره كلهم خاقين عليكم؟
سلطان: اما
نجد : قسم بالله مو مصدقيني ادري بس وربي كللهم يحاولون يصيرون قريبات منا علشانكم هههههههه
عبدالعزيز: كيف يعني
نجد : لدرجه اعترفوا يوم بعد زواج ولد ثامر تذكرون؟
سلطان : ولد ثامر ماجد ؟
نجد: ايييه نفسه كانوا البنات وكلنا يعني نشوفكم من فوق وطبعاً محد ماخذ الزين ويتكلمون فيه غير اخواني ومابي اظلم الباقي وكم واحد بس انتم غير
عبدالعزيز: يالبى ذي الاخت البطله دوريلي من المزايين اخذها
ريما : اقول بس متى نوصل احس راسي يوجعني
نجد : مليت منكم بروح مع سيف ابي ابوي
سلطان: ورع انتي وش ابي ابوي
نجد : شعندك عاقل من زمان ما كلمت الجوهره
سلطان اول ما سمع اسمها حس قلبه بيطلع من مكانه ابتسم لا شعورياً قال : علشان امي ما تقول دايم عندها انت هههههههههه
___________________________________
ساره : اقدع يا صالح
صالح سكت
ساره : اقول صالح
صالح مارد
ساره : صالح فيك شي
صالح : ها ها ما تخلين الواحد يفكر
ساره بخوف : بسم الله صاير شي
صالح: لا شتبين
ساره بلعت ريقها وقالت : ولا شي
___________________________________
وقفوا بمكان علشان يصلون
صلوا الحريم والرجاجيل وكانوا جالسين اغلبهم واللي راح يتشمى واللي يقضي حاجته
بالفرشه فيها ابو سيف وان سيف و عبدالعزيز وسلطان و ريما وابو فهد وفهد وان فهد وترف قاعدين مع بعض ( البنات متغطين )
ونجد كانت نايمه بالسياره
ابو سيف : سلطان قوم اختك عانها بالسياره ولا صلت ولا تقهوت معنا
سلطان: يبه ازين خلها
ابو فهد : اعوذبالله علامك على بنتي ترا نجد بحسبه بنتي ما ارضى عليها
سلطان: اسمحولي باللي موجودين وهو يلف على فهد وعبدالعزيز الا انتم وراعين . ننننننننججججججججددددددد قووومييييي
ابو سيف : وجعاه
سلطان: جزاتي ؟
نجد من السياره والشباك مفتوح لاكنها منسدحه وما تدري ان كل ذولي معهم تحسب بس اهلها : هااه
سلطان: قومي بعدين لا تقولين كلام ماله فايده علشان ما تندمين
نجد : تعقب انا ما اندم على كللامي قال ايش قال تندمين ياشيخ ارقد بس
ابو سيف قطع كلامها علشان ما تتهور : نجد معنا عرب ترا
نجد استغربت وطلت شافت كل ذولي جالسين حستت بالفشلهه وقعدت
ابوفهد : احرجتوا بنيتي حرام علاكم
ابو سيف : تعالي يابوتس
نجد نزلت وهي تضبط عبايتها وحست بالفشلهه والارض مو شايلتها
اما فهد اللي بدون سبب ضحك وابتسم بداخله وهو الود وده خلاها تنام بحضنه ومحد يزعجها
ابو سيف : ههههههه صح النوووم
نجد باحراج : صح بدنك
سلطان: عينتوا لسان طايح منا ولا منا
ريما : ها؟
عبدالعزيز: والله كاني شفته اصبر بدور حولي
ام سيف : بس عاد شجاكم على ورعتي
سيف يمثل انه شرق
ام سيف : بسم الله علاك علامك
سيف : حرااام عليتس ياميميتي نجد ورعه !!!
كلهم ضحكوا
ونجد بس تعطي نظرات تذبح. بس بالنسبه لفهد كانت تاسر قلبه
ام فهد : انشهد ان ولدتس ماتشوفينه يكبر ابداً
ابو سيف : عينتوا لي صالح وينهو ؟
عبدالعزيز وهو يناظر بترف ويحاول قد ما يقدر ما يشوفها بس مفضوح
ريما طقته بخقه وقالت بهمس : عينك لا نطلع يا راعي الاجنبيه
عبدالعزيز: هاه
سلطان: يبه صالح يوم مشينا شفته موقف عند البقاله تلقى جودي وريمو لعبوا فيه وقاعدين ساعه
ابو سيف : جعلي ما افقدهم
ام سيف حست قلبها يوجعها وهي حست صاير شي
سيف : العنود بالله شاهي
تلعن
العنود : ابشر
_________________________________
ساره كانت متضايقه من صالح اللي له فتره متغير عليها
وصلوا ووقف عند البوابه وقال:  انزلوا
جود : بابا بتجلس معنا بالمزرعه
صالح : لا يا بابا عندي شغل
ساره باستغراب : وش شغله ؟
صالح : شغل لايكون بتدخلين بشغلي بعد
ساره : باللهي عليك وشهو شغله اذا دوامك وماخذ اجازه !
صالح تنهد ولف عليها قال : ترا صبرت كثير يا ساره
ساره : اذا معصب واخلاقك تبن خلها لنفسك موفاضين لك نداريك
فتحت الباب ونزلت وجود مسكت ريما ودخلوا
صالح فتحت الباب ونزل اغراضهم وتركها عند الباب وراح
ساره : جوجو الكلام اللي بيني انا وبابا مايطلع تمام!
جود : ابشري
________________________________
الساعه 8:00 مساء * ملاحظه * ( ابو سيف وابو فهد وابو صالح اخويا من كانوا صغار وعيالهم متربين سوا علشان كذا عادي يجلسون مع بعض بس البنات يتغطون ولا فيه تواصل بين عيالهم وبناتهم الا سلام )
كان الجوء بارد وشابين النار وكلهم حولها وسوالف