بلاي حبيت نجديه

البارت 16

عبود جاء يركض لابوه وباس راسه
سيف : الله يرضى عليك يا الشيخ
دخل سيف وباس راس فيصل ورفع يده للباقي بمعنا سلام( يشوفهم كل يوم ماكان لع داعي السلام الحار )
فيصل : اخبار اميمتي
سيف: خلاص امك اخذناها
فيصل : والله بعيده عنك انت وياها
ضحك سيف ولف على العنود وقال : ها جاهزين؟
فيصل : تغد عندنا
سيف: والله ياخالي اهلي ينتظرون وهناك عندنا عمي ابو صالح وابو فهد وكللهم ينتظروني لين اجي
فيصل : هاجل معذور
شروق: ترا ما تحسبه اليوم انها كانت عندنا!
سيف : باللهي وين كانت يعني
العنود: حسبي الله حسيتني اغراض عندك تاخذوني على كيفكم
سيف بضحك : افا من قال
عبود : بابا جود وريما فبيت يبه؟
سيف: لا يا بابا بيجون شوي
فيصل : يا عبود بتروح لعمامك خلاص
عبود هز راسه ايه وقال : بعد بكره بنروح بيتنا تعال عندنا
فيصل: على خشمي احسب شهر واجيكم موعدي عندكم بالرياض بالمستشفى بجيك انا و خالك عبدالرحمن و جدتك
سيف : اي ياخال يقولك الوالد تعالوا تغدوا عندنا و قالي ان كان مارده يتغدا يجيون بعده على شاهي بعد الغدا خالك واهله ، عاد ياخالي من زمان عن هالجلسات
فيصل : على خير بعد الغدا جايينكم
سيف : باذن الله
شهد : اجل خل العنود نجيبها معنا
العنود: لا انقلعي
شهد : فشلتينا
العنود لفت على سيف وقالت لا تصدق ترا علشان بيحطون علي غسيل المواعين وانا هاجه عنها ، لفت لشهد وقالت : انا اهج منها بالرياض والقاها عندكم
سيف بضحكه : ولا عليتس مشينا ، لف لشهد وقال : طاحت عليتس
طلعوا و وقف سيف عند البقاله وقال انزل يا الشيخ عبدالله خذ اللي تبيه
انطلق عبود للبقاله ولف سيف على العنود وقال : تبين شي؟
العنود : جيب شي مع الغدا للكل نشربه
سيف : نازل اجيب لهم لاكن شي ثاني؟
العنود: لا ياعيوني سلامتك
__________________________
بعد الغدا
⏰1:15
📍نجد العذيه - بيت الكرم ابو سيف -

سلطان: اايييبباااهه  يا حلى العنودد
ام صالح : بيجبيك سكر
سلطان: ماهو بجايني
ام فهد : قم ياولد عرسك بكره لا تنصرع علانا
ام سيف : ازين خليه انا تعبت منه ضغطي صك المليون
ابو سيف وهو يمسح يدينه من المويه وجلس وقال : افا منهو وانا اوريتس فيه
ام سيف : ولدك يبيني اموت شكله كل يوم على هالحلى
ابو فهد : ولد ماتشوف امك انت
سلطان: ياعمي تراه حلى
ام سيف : وانتظرك لين تتعب واروح معك المستشفى واتعذب معك
سلطان: خلي هاه اخر لقمه
ام سيف : يا العنود ليتس طلعتي هالحلى بعد ما ينقلع عني
سلطان : الحمدلله
نجد وهي جالسه و بيدها بياله الشاهي وتناظر فيها وتفكر وفهد يتامل فيها وحس انه كسرها صد وناظر ابوه اللي هو وابو سيف وابو فهد حول ورقه ويخططون
ابو سيف : يارجال اقولك هنا ازين
ابو فهد : انت لو تطيعني شوف الزاويه ذي صاده
ابو صالح : ابك ما شوف زين ناظرتي وينها يا ام صالح عطيني النظاره
ام صالح : سم هذي هي
وام فهد وام صالح وام سيف والعنود و ريما يسولفون عن الزواج بكره
سلطان و سيف وحمد ومحمد يلعبون اونو و عبدالعزيز و حمد كيرم
دخلت عليهم ساره
ساره : السلام علييكم
الكل بحماس : وعليييكممم السلاامممم
جود بحماس: عمممه نجد شوفي فستاني نفس فستانكك لونه ابييضض
نجد بضحك : ياقلبيي انا ياحلو الفستان وراعيته
فهد لا شعورياً ابتسم ووده يفهم نجد ويكلمها بس مايقدر ابداً وان قدر نجد بتوافق انها تسمعه ولا؟
نجد : يبه
ابو سيف : لبيه ياعيون ابوتس
نجد : يبه الغوايش حقتي يبيلها تلميع وانا بلبسها بكره وش اسوي؟
ابو سيف : وريني اياها واقولتس يبيلها ولا
راحت نجد وجابتها لابوها
ابو سيف : مافيها شي
نجد : الا يبه شوف حتى لمعتها رايحه
ابو سيف : والله ماشوف فيها شي ولف يمينه كان فهد جالس قال : تشوف لمعتها رايحه؟
فهد : مدري
نجد : خلاص مب لازم
ابو سيف قال: خلاص  قم يا عزوز ود ذهب اختك للمحل وخل قاسم يلمعه لف لام سيف وقال : ها فيه شي تبون اوديه مع غوايش نجد وشوفي البنات عندتس
ساره : انا يبه خاتمي وغوايشي
ابو سيف : هاتيها
عبدالعزيز: اوقف لعب علشان غوايش بالله تشوفونه شي مهم
فهد : اقعد انا اوديها
عبدالعزيز: تسوي خير
ابو سيف : اوريك انت
فهد: انا ولا هو كله واحد
طلع فهد وهو يحس نفسه مخنوووق رجع وهو معه الاكسسوارات وعطاها البنات
————————————————-
منال: يعني ما تقدر تنام عندي اليوم
صالح: لا زواج ولد عمي عبدالله  بكره صعبه ارجع بدري واترك ساره
منال: يليل ساره ذي
صالح: انا جايك اروق ولا اغث نفسي !
طلع صالح معصب وراح لييت ابو سيف
منال بخبث: اوريها اجل بتصير اخت المعرس ههههه لازم تصير الفرحه فرحتين ويعرفون بزواجي
___________________________
الساعه 2:30 العصر
بيت ابو سيف
حطو الفرشات الكبار بالحوش الكبير و التكايات و المدات و القهوه والشاهي والحلى وجلسوا كللهم اهل ابو سيف واهل ابو فهد واهل ابو صالح واهل ابو فيصل كلهم بعيالهم واحفادهم