بلاي حبيت نجديه

البارت 21

نجد : احد ما يدري عن حياته؟
ساره : نجد تكفين خلاص
العنود: حنا ماشين لرياض الحين استودعناكم الله
ام سيف: بحفظ الله
نجد والعنود وريما : مع السلامه
راح سيف والعنود و عبود لرياض
وابو سيف طلع لمحله و عبدالعزيز مع ابوه
والبنات مع امهم بالبيت
___________________________
عند سلطان والجوهره

كان سلطان نايم والجوهره استغربت
الجوهره : سلطان ، سلطان
سلطان صحى وناظر فيها وابتسم وقال : كم الساعه؟
الجوهره :11
سلطان قام من مكانه بقوه وقال : كيف 11 !
دخل للحمام مسرع وغسل وجهه و تروش وتوضى وطلع يصلي
الجوهره ناظرته وسكتت
سلطان: ورا ما قومتيني فاتتني صلاه الفجر وبغيت الحقها ب الظهر
الجوهره: انت ما صحيت ولا قومتك اكثر من مره
سلطان: من التعب صار نومي ثقيل ، المهم افطرتي؟
الجوهره: لا لان ما نزلت تحت
سلطان : كان صفقتيني مو تقعدين بجوعك ياروحي ، اجل جهزي نطلع نتغذا مره وحده غدا فطور
الجوهره : هههههه اصفقك مره وحده !
سلطان: هي وقفت عليك تصفقت لين قلت بس
الجوهره : لانك وقتها تستاهل
سلطان: اما استاهل شدعوه جوجو هذا وانا زوجتس الحين
الجوهره : ترا ما نسيت حركتك يوم تطقطق علي
سلطان وهو يلبس ثوبه : متى
الجوهره وهي كانت تلف طرحتها : فبيت خالي عبدالله يوم ماقدر امشي وقلت الجوهره تقدرين تسوي كذا وتحرك رجولك
سلطان: هههههههههههه هذا من الحبب شعرفتس
الجوهره : اي مرره من الحب
سلطان مسك يدينها ووباس خدها وقال بهمس : احبتس
الجوهره استحت وحمر وجها وضحكت
سلطان رفع حواجبه وقال : قلت احبتس
الجوهره باست خده وحضنته وقالت : اعشقك ياللي ماخذ قلبي
اوه وقتها سلطان محد قده حضن الجوهره بقوه وهو يحس عظامهم بتدخل فبعض بعد منها وقال : نمشي ترا انا ما انعطي وجه واقعد اتكي بحضنتس
الجوهره بضحك : مشينا
________________________
صالح صحى وطلع برا وشاف ابوه وامه وحمد بالحوش
صالح : مسيتوا بالخير
ابو صالح صد
وام صالح : مسيت بالنور
صالح: الواضح ان الوالد زعلان
ابو صالح: نزلت راسي قدام اخوي
صالح: يبه هما قلت انت وعمي ان طلقتها طاح الحطب
ابو صالح: ماشفتك طلقتها
صالح : بطلقها
ام صالح: وين جود
صالح: هذاني بقومها بمشيها
ابو صالح: الحمدلله رجع لك عقلك
صالح ابتسم وقام دخل الغرفه وقعد يتامل جود بعدها بدقايق قال : جود بابا
جود: همم
صالح : ماودتس نروح الالعاب؟
جود فتحت عيونها وجلست : نروح؟
صالح : ايه نروح وليه ما نروح قومي يا بابا تجهزي
جود هزت راسها و بدلت ملابسها وطلعت
ام صالح : جوجو مافيه بوسه لجده؟
جود ركضت لجدتها وباست راسها ويدينها وقالت : احبتس يا احلى جده
ام صالح : ياربي لا تخليني منها وانا اموت فيتس يعيون جدتس
ابو صالح : لا لا وانا؟
جود : وانت احبك كثيييييير
ابو صالح مد لها فلوس وهمس باذنها : لحد يشوفها هذي لتس لحالتس
جود هزت راسها بـ ايه وباست حمد وطلعت مع ابوها
صالح: ترا ماراح نروح على طول الالعاب باقي بدري باخذتس معي للمكتبي ناخذ ساعه ولا ساعتين ونروح الالعاب
جود : طيب بس بابا جوعانه
صالح: خسى الجوع يجيب لنا اكل اللي يشتغل عندي ابشري
وصلوا ونزل صالح ومعه جود
سعد : حيي الله صالح و جود
جود : الله يبقيك يا عمي
صالح : من قدك صرت عم
سعد : شعندي جايب جوجو عندنا
صالح : اهخخ ياخوي سالفه طويله مير وين محمد الهندي؟
سعد : تلقاه عند الباب ، تبي قهوه؟
صالح: اي بالله وقتها توي صاحي وراسي مصددع وجود جوعانه ولا فيه وقت اجيب لها اكل
سعد : افا هذا وانت متزوج
صالح وهو ماسك راسه وجالس على الكرسي وبيدي القلم : قلت لك سالفه طويله
سعد : شكلها كايده
صالح : جوجو اقعدي هنا بقول لمحمد يجيب اكل وانتي لا تطلعين ، لف لسعد وقال : سعد انتبه لها
سعد : ابشر بي
بعد دقايق رجع صالح ودخل المكتب وشاف جود تلعب بالاوراق اللي على مكتبه جاء يركض وقال : لا لاا لا تلعبين فيهاا
سعد : بسم الله علامك
صالح : هذا وانا موصيك
جود: هذي عمي قال العبي فيها
ناظر صالح الاوراق وشافها اوراق فاضيه وجود تلعب فيها تنهد براحه ولف على سعد وقال : احسبها اوراق مهمه
سعد : قلنا اني فاهي بس مو لهدرجه اعطيها اوراق مهمه
جلس صالح على الكرسي و جود على الكرسي اللي قدامه و تلعب بالاوراق
بعد خمس دقايق
جود : بابا جوعانه
صالح: اقوى منتس ميت من الجوع
سعد : يخسي الجوع اقدع من التمر
صالح : ودي اكل بعدها اتقهوى
دخل محمد الهندي ومعه الاكل ومده لصالح
صالح : يعطيييك العافيه
محمد: الله يعافيك يبغى شي تاني ؟
صالح : سلامتك بس صك الباب وراك
اكلوا كلهم و سعد انغصب ياكل من صالح
و صالح علم سعد بالسالفه كلها بس كان بعض الاسماء ما يقولها علشان جود ما تنتبه
سعد : والله مصيبتك مصيبه
صالح: شايف بس مانقول غير ربي يحلها
سعد : بس ترا شسمه اللي فبالي وبالك يمكن تعاند هالفتره ولا واضح تبيك لو ما تبيك طلبت الطلاق من زمان فهمتني؟ بس يمكن تبي تشوف باقي تغليها ولا بس وانا اخوك بعد سواتك ماتوقع انك تحبها
صالح : مريض انت ولا مريض؟ سعد انت اكثر واحد تعرف انا وش كثر احبها ومو بس احبها الا اعشقها ! بس مدري شسويت بنفسي مشيت ورا متعب الزق و دهورني بستين داهيه ولا حتى يوم يعني خذيتها ماكنت ترا احبها بس على شان اللي خبرك والله يسامحني والله ندمت ندم قد شعر راسي
سعد : قايل لك لا تمشي ورا متعب لا تخاويه ما سمعتني وصلت فيك تضربني علشانه
صالح : لا تذكرني ياخي وحلفت عليك تسامحني
سعد : الله يسامح الجميع مو علشانك سامحتك علشان الخوه اللي بينا والعشره
صالح : اهخخ بس مو كاسر ظهري غير هاللي عندي ( يقصد بناته بس علشان جود مايقدر يقول اسمها ) احس بغصه لا شفتهم
سعد : ما حسيت فيها بوقت غلطك !
صالح : سعد يا سعد ابيك عون صرت فرعون
سعد : وش بتسوي هالحين؟
صالح : والله ابد باخذ هالمزيونه وبوديها الالعاب بمشيها شوي
جود ببتسامه : متى نروح
صالح : بس اخلص من اللي عندي
سعد: عندي وعندك خير عندنا ناس يموتون بالالعاب
صالح: عسى اهلك مو معك؟
سعد : الا ليه
صالح : اجل سلامتك
سعد : خلصت انت؟
صالح: باقيلي هالمعاملتين واقضي
سعد : متى وقت تسليمهم؟
صالح : بعد بكره
سعد : خلها اكملها انت فبيتي
صالح : لا ما ابي اكلف عليك
سعد احتدت نظرته لصالح وقال : تراك متغير مررره متغير مدري وش اللي مغيرك
عقد حواجبه صالح وقال : افا وش اللي مغيرني؟
سعد : مدري عنك مسوي الرسميه واللي مابي اكلف عليك قم لا ارنك بالملف
صالح : هههههههههه تموون تمون على هالرقبه
سعد : قم وراي ثنين ان تاخرت ما وديتهم الالعاب ذبحوني
صالح : الحمدلله احد يعاني نفسي
سعد : نعناني بس صابرين
_______________________________
اما عند ساره استخارت وحست براحه ونفس الوقت ما تبي ترجع بسهوله تبي يكون لها اقل شي قدر وان يحاول مره ومرتين على رجعتها وتعلمه ان مو دايم تعطيه فرص
طقت الباب ريما وقالت : ساره صاحيه؟
ساره : تعالي ياقلبي انتي ايه
ريما : كيفتس ؟
ساره : بخير الحمدلله شفيتس يامي تعبانه فيه شي مضايقتس؟
ريما : لا بسس
ساره : شفيتس احد قايل لتس شي
ريما : لا بس بعد حركه صالح خفت من كل الرجاجيل و ودي حتى اهون ماتزوج اخوه
ساره : وي وي لا ابداً لا تفكرين كذا مو كل اصابعتس سوا حمد انا اعرفه واعرفه زيينن حمد طيب وحنون والله والله ليحطتس بعيونه وانا لو اشوف او اشك شك قلت لتس لا تتزوجينه وبعدين انتي استخرتي صح؟
ريما : ايه
ساره : خلاص دامتس ارتحتي يعني ربي طارح فيها الخير افا عليتس بس
ريما : طيب وانتي وش بتسوين؟
ساره : والله يا امي استخرت مرتين واحس مرتاحه بعد ما شفت الندم بعيونه بس خلي هالكلام بيني وبينتس انا ماراح ارجع له بسهوله ونفس الوقت احس ما ودي ارجع وبعد لين متى بجلس فبيت ابوي انا وبناتي؟
ريما : سااره تستهبلين؟ لو ابوي سمعتس تقولين كذا ذبحتس ابوي يبيع عمره علشانها ليه تفكرين كذا؟
ساره : والله مدري انا تعبت واللي صارلي مو بسيط
ريما : خلينا من هالموضوع شرايتس تروحين معي
ساره : وين؟
ريما : بنروح لبيت خالتي ام فهد قبل يمشون لحايل
ساره : يوه بتخلى الديره بدون سيف والعنود و خالتي ام فهد وترف
ريما بحزن : سلطان بيسافر شهر العسل
ساره : وعزوز بيروح الشرقيه علشان شغله !
ريما : ياقلبي على امي وابوي
ساره : اي والله
ريما : علشان كذا خليتس حتى جود وريما اذا رحتي بيتس نفقدهم
ساره : يابعد روحي ياريما والحمدلله منتي بعيده عندي ان تزوجتي جيتي جمبي غرفنا جمب بعض
ريما ضحكت ونزلت راسها
ساره : ودي بكم غرض شرايتس نروح انا وانتي ونجد وترف لسوق وبترك ريما مع امي وام فهد
ريما : تم بس قولي لامي
ساره : قدتس انا تراني كبيره وامي ما بتردتس دامتسرمعيى
ريما : اجل امشي
___________________________________
حمد : يبه
ابو صالح : هلا
حمد : يبه شكلك نسيت زواجي
ابو صالح: ماعاد اداني طاري هالزواج
ام صالح بضحك : يارب لك الحمد
حمد: عجبتس الوضع هاه ههههههههه
ام صالح : بس عاد
ابو صالح: رمضان هل علينا ماعاد باقي له شي بعد رمضان نهرج بعرسك
حمد : اللي تشوفه يا الغالي
ابو صالح ابتسم وقال : الله يرضى عليك
____________________________________________
عند جود وصالح
وقف صالح قدام شقق كثيره
جود: بابا هذي مو الالعاب !
صالح : خليتس دقيقه وبجي لا تتحركين
جود : وين تروح
صالح : صديقي بيته هنا بعطيه اوراق واجيتس
جود : طيب
نزل صالح ودخل عند منال
انصدم من صوت الرجال وصوت ضحك عالي !
صالح بحده : منالل
منال ماردت من الخوف فتح الباب بقوه وانصدم من الرجال اللي جالس بغرفه نومه و معه منال ! لا وبملابس مو ساترتها ابد
منال بخوف : ااا صالح
صالح: ولا كلمه
منال : اخوي اخوي
صفقها كفف من قوته طاحت على الارض وحذف عليها ورقه طلاقها وطلع من الغرفه وقفلها ودق على الشرطه
نزل صالح عند جود وهو ماسك راسه من الصدمه شلون متزوجه وتسوي كل هذا وهو خذاها واكتفى فيها والمشكله ان هي تزوجت صالح برضاها علشان ما تطيح بالحرام ! وصلوا الشرطه ونزل صالح
جود بخوف : بابا وش فيه
صالح : شوي واجيتس خليتس
صالح قال لشرطي ان شاف واحد مع زوجته بالبيت و يخلي الشرطه تقوم بشغلها
صالح : بالاخير انا طلقتها ولا لي دخل فيها لو تحرقونها ولا لي منها عيال
الشرطي : يعطيك العافيه تقدر تتفضل
راح صالح لجود وقال بقلبه : وش كنت متوقع؟ وحده من رجال لرجال وتزوجتها برضاك وتركت زوجتك اللي مقصر بحقها علشان ذي
جود : بابا
صالح: عيون بابا
جود: اذا تعبان عادي مانروح
صالح: لا يا بابا بنروح