بلاي حبيت نجديه

البارت 13

حمد : ريما شوفيني شوفي عيني
ريما قدرت تفتح عيونها خفيف
حمد : ياربي العيون الحلوه
العنود بخوف : تكفون البرد لا يدخلها
بعد ما هدت ريما
سيف بعصبيه : عبدالله الحيوان وينه والله لا اربيه والله
كان سيف من النوع العصبي واذا عصب مايعرف كبير ولا صغير وهو اشبن ما عليه الغلط
العنود : هد طيب
ساره : سيف وانا اختك عبدالله ورع وش عرفه
سيف : ورع وهو عمره بيجي سبع ! انا يوم اني كبره ما افارق ابوي بالمجالس وهو عقله لهالحين ورع ويينه هو بس
ام سيف : انا طالبتك تتركه
سيف : يمممه تكفين خليني اربيه زين
ابو سيف كان خايف على ريما هو وابو صالح وابو فهد وحمد
وريما بينهم ابو سيف ريماا انا جدي شوفيني ناظرته ريما وضحكت
ابو سيف : الحمدلله مافيها شي البنت
ابو صالح : ياربيي لك الحمد يارب
ابو فهد : الحمدلله على سلامتها
ابو سيف : ساره تعالي شوفي بنتس واتركي الصباح عانيها تضحك مافيها شي
اما عبدالله الصغير خاف من صراخ ابوه وجاء
عبود : اا انا اسف
سيف ما كان يشوف من قوه العصبيه ومعروف سيف اذا عصب ما ينقرب
العنود : تكفى يا سيفف تكفى خله خله بيعرف غلطه
سيف : العنووود بعديي عني ما ابي افجر عصبيتي فيتس
العنود : ان كان ضربك لي يبعد عصبيتك عن ولدي اضربني بداله
سيف بعد العنود من قدامه وصفق عبود الكف اللي من قوته طاح بالارض
سيف : ورع انت ورع !!! الليي كبرك رجال ويخاف على اخوانه وانت تسوي سواتك والله والله يا عبدالله لا اوريك
ابو سيف قطع كلامه ويهاوشه : كسر يا سيف كسرر صاحي ورع ابو ست سنين تصفقه كذا !
سيف جلس ومسك راسه وهو توه يستوعب اللي سواه بعد صراخ
ابو فهد : افا يا سيف هذا وانت العاقل فيهم !
نجد وتصيح : عبودي ناظرني ياقلبي
كان عبدالله الصغير نفس سيفف بالضبط من المستحيل دموعه يطلعها يكتمها بقلبه مستحيييلل يبكي قدام احد
ابو سيف : يا السمي عايني اوجعك سيف علمني والله لا اكسر يده والله
عبود وهو يناظر ابوه وهو حبه لابوه ما يقارن بشي حتى بعد ما ضربه كان وده يبكي بحضن ابوه كيف الحين وهو ابوه اللي ضاربه
العنود: عبوديي ماما ياقلبي انت لا تسكت كذا عادي ابك اذا بكيت احسن من انك تسكت
كانوا كلهم خايفين من سكوت عبود ( من قبل سيف يوم انه صغير كان يكتم بقلبه لين اللي جاء اليوم اللي من سبب تافهه كان بيوقف قلبه من القهر ودخل غيبوبه لمده ثلاث اسابيع ) وخافوا يصيرله نفس سيف
ام سيف : عبود شوف كلنا. نبكي عادي مافيها شي ياروح جدتك
ام صالح وهي تصيح وهي ما تدري تلقاها من صالح اللي متغير على الكل ولا حفيدتها
سيف بحده : خل اشوف دمعتك والله لا اوريك ولد سيف ما يبكي تففههمممم
ابوسيف بصراخ : اععقبببب واقطعععع انت رح عن وجهي لا اغضب عليك

سيف بعد ما هدا الوضع : لييت يدي انكسرت قبل امدها علييه والله ما حسيت الا صفقته ما حسيت بنفسيي واللي سويته خوفن علييه ما يتعود على الغلط
ابو سيف : تخاف عليه وتقول لا اشوف دمعتك !
سيف : يبهه ما بييه ينكسر ويبكي انا
ابوسيف : ومنهو اللي قالك اذا يبكي يعنيي انكسرتر مييينن ربي ليه خلا بني ادم يبكي ؟؟؟؟ مو علشان يعبر عن اللي بداخله ؟؟ وانت تقول ينكسرر
سيف ناظر بعبود واشر له تعال قام عبود وركض وحضن ابوه بقوووه
العنود كانت تبكي وخايفه على عبود
قام سيف وهو شايل عبود لبعيد
ابو فهد : الله يصلح الحال
فهد كان يشوف الصد من نجد وانقهر زود
وريما كانت جالسه بحضن ام صالح وتضحك
ساره: سيف الله يصلحه ماكان مفروض يمد يده بعدين صغار وش عرفهم
ام سيف : يا العنود شبلاتس
العنود ؛ خوفي على عبود بعد ما يكتم في قلبه
ابو سيف : سيف انا اللي بوريه
ابو فهد : استهدي بالله  وما تسوى السالفه
ريما : ريما تعالي عندي
مشت ريما ركض لعمتها وحضنتها كانت ريما تحب سميتها مرررره
—————————————————————
سيف : اوجعتك؟
عبود: لا
سيف : انا اسف
عبود : عادي انا غلطان
سيف : يعني تعرف انه غلط
عبود سكت وقال : بابا انا اسف واخاف عمه ساره تزعل مني وراح يصيح
سيف ضحك بعد ما شافه صاح خاف يكتم بقلبه
بعد ما هدا رجع عبود وسيف
قعدوا وهدا الوضع قام عبود من حضن امه لساره وباس راسها
عبود : عمه اما اسف كنت العب معهاا بس اقلد الحلاق ما كنت ادري بيصير كذا
ساره حضنته بقووه : عبودي تدري اني احبك ومستحيل ازعل منك صح؟
عبود هز راسه ام سيف : خلولي من حفيدي نصيب
ابو صالح وهو يقول لام صالح : ولدتس ذا انا اعرف اربيه
ام صالح: متغير متغير مدري علامه اسلوبه مع حرمته متغير ومع عياله ولا يهتم فيهم
ابو سيف : ماعليه كنا نبي نقعد اسبوع وقعدنا ثلاث ايام
___________________________
مشوا لديرتهم وكل واحد فبيته اما ابو فهد واهله رجعىا لحايل
ام فهد : يقولون نجد جاها خطاب
فهد كان مركز بالخط وانصدم من كلام امه وام فهد لاحظت ملامحه
ترف : صدق يمه متى مادريت ماقالت لي نجد؟
ام فهد : ايه ما امداها اليوم كلمناها انا و ام سيف
ابو فهد : ماشاءالله ومن خطبها وكيف تخطب قبل اختها اللي اكبر منها
ام فهد : حمدلله ريما خاطبها حمد ولد ناصر
ترف : واو فاتتني اشياء
ابو فهد : ماشاءالله
ام فهد : خطبها الدكتور طارق
فهد : انشدت اعصابه وشد على الدركسون اكثر
ابو فهد : خيره الرجال
ام فهد : اي والله ما ينرد امه طيبه و ابوه دامه خوي عبدالله وهو دكتور وسمعته زينه ما بيردونه مير خواته قشر
ترف : اي اعوذبالله شايفين نفوسهم
ابو سيف: الله يستر على الناس
ام فهد : والله انقهرت
ابو فهد : ليه
ام فهد : كنت ابي نجد لفهد بس ربي ما كتب
ابو فهد : فهد بياخذ من بنات عمه
ام فهد : يابو فهد عاتد بكل شي الا الزواج
ترف: يمه وش قالت نجد عن طارق
ام فهد : مدري ظني موافقه
ترف : اما
ام فهد : مدري قالت نجد بفكر
ترف : يارب ترفض وناخذها لفهد
ام فهد : ان كان لها خير الله يوفقها معه ، واهم شي كلكم لحد يفتح الطاري مع اهل نجد ابداً علشان ما يقولون تعلم بكل شي خلوا كل شي كانه ما ردينا
الكل : ابشري
فهد ما يدري كيف وصل بيتهم ودخل غرفته بدون ما يتكلم ورمى نفسه على السرير ودموعه تنزل من القهرر ويدعي على نفسه مليون مره ليه كان ياخذ ويعطي مع ضي؟ ليه سمح لنفسه يضحك معها؟
_______________________________
ام سيف علمت ابوسيف عن صالح وكل شي
ابو سيف: تربيته على يدي الكلب
اما العيال ناموا من التعب
والبنات كلهم الا ابو سيف طلع للمحل وام سيف فبيتها
________________________________
ابو صالح باستغراب يسال اللي تشتغل بالبيت : يا كوثر متاكده صالح ما ينام هنا
كوثر : والله ياعمي ما جاء ابداً
ام صالح : ولا يبدل ملابسه
ساره بغصه: كنت ماخذه له ملابس على اساس ينام بالمزرعه بس شكله خذاها معه
حمد : يعني ساره ماقصدي اتدخل
ساره : سم ياحمد ولا تستحي ما اشوفك الا مثل اخواني الصغار
حمد : تسلمين ، هالحين يعني فيه مشكله بينك وبينه
ابو صالح لف
ساره : لا والله مافيه ولو حتى سوء فهم ما ادري وش فيه كان بس يرجع
متاخر للبيت وبس اقول وين كنت يقوم الدنيا علي ولا يكلمني ابداً لدرجه يجي ينام وانا نايمه واصحى اجلس مع خالتي برا يصحى ويطلع من البيت مايجي الا بالليل وانا نايمه وعلى هالحال !
ابو صالح : اوريه انا اوريه
ام صالح : يابنيتي لا يكون علمتي ابوتس
ساره ببتسامه: لا وين
ابو صالح : انا اربيه يبي يخرب بيني وبين اخوي بالفعاله الشينه
ام صالح : كان وش زينه مدري وش غيره