بلاي حبيت نجديه

البارت العاشر

فهد بقلبه ( والله ما اخبر زعلتس كايد يا بنت الاجاويد )
وصلوا ونزلوا وجت ساره وحضنت نجد
ساره : خوففتيتي علييييتس
نجد : يمه سوير شفيتس تكفين لا تصيحين والله اني اخذ قوتي منتس
ساره : يابعد روحي انتي
كانت ساره ام لاخوانها وخواتها بعد امها كانت البنت الكبيره والكل يحبها ونفس الوقت يسمع كلامها كانت تشوف اخوانها مثل عيالها على انها صغيره بس تحبهم حب مو طبيعي
نجد : تراهم كلللهم مزعليني وابيتس تاخذين حقي
ساره : ابشري باللي ياخذ حقتس علامهم
سلطان: كذوب تراها ، قرب وهو يبوس راس ساره
ساره : وراكم مزعلينها
ام سيف : تدلع وانتي تصدقينها
نجد : تخيلي ساحبين علي كلهم شارين شاهي الا انا!
ساره : ولا عليتس فيهم اسويلك اطلق شاهي
نجد : يابعد عيوني
بعد ما سلموا على نجد و تحمدوا لها بالسلامه
فهد كان يناظرها بحب لفت له نجد وشافته يناظرها مثلت الزعل ولا ناظرفيه
فهد بدون ما حس بنفسه قال بصوت عالي : اخوو حمد
حمد : ابشربي
ابوفهد : علامك
نجد متوقعت انه يجيب العيد كذا وكملت الزعل ومسويه نفسها مشغوله
نجد : يبه بروح للبل
ابو سيف : روحي يابوتس
اخذ شوي ولحقها فهد
فهد : نجد
نجد لفت له وسكتت
فهد : اما تزعلين علشان شاهي !
نجد : السالفه ماهي بسالفه شاهي بس ماتوقعت ما اهمك لذي الدرجه
فهد : اعقب والله انتي على البال والخاطر يا المزيونه
نجد وهي تمسح على البل : ايه صح واضح وشفت هالشي بعيوني
فهد جاء ومسك يدينها وحط عينه بعينها
نجد توترت وخافت منه اما فهد من شاف عيونها ضااع ضاع فبحر عيونها اللي تاخذ العقل وتاسر القلب ناظر بعيونها وقال : احبك
نجد كان زعلها كايد وقالت : الله يحبك
فهد رفع حاجبه باستغراب وقال تسمعين كلامي؟
نجد تكتف وقالت : اسلم
فهد :
تموت روحي ليا صرت زعلان
واجيك من دافع احساس يودك
اراضيك واداري خاطرك قدر الامكان
الا يابعد ناسي ترا قلبي يحبك !
لفت نجد وجهها وهي تحاول تخفي ابتسامتها فهد قرب منها ومسك وجهها بين كفوفه وثبت عيونها بعيونه وقال : احبك وماعاد خليتي فيني عقل
نجد : على اساس انت خليت. فيني عقل حتى اول ما صحيت افكر شصار فيك
فهد : اهخ لو تدرين شصار فيني من استفزعتي فيني مدري كيف جيت لا عندتس يوم شفتس طايحه بغيت اذبح نفسي شلتس بين يديني اوركض فيتس من المجنون والله خفت خفت افقدتس والله
نجد : استحت وقالت بسم الله على قلبك
ابو فهد بصوت عالي : يافهد
نجد : يمه عمي لا يجي
فهد : ماني رايح لين اسمع احبك !
نجد : مافيه
فهد : افا علشاني طيب ؟
نجد ضحكت وقالت : احبك
فهد : ااااهههخخخخ يا قلبيي
نجد : فضحتنا صوتك عالي رح لعمي
فهد : على خشمي
قعد فهد معهم
ابو فهد : وين كنت
فهد: بالحمام الله يكرمك يابوي ويكرم السامعين
الكل : كرمت
بعد شوي جت نجد وهي مو قادره تخفي ابتسامتها
فهد وهو مروق والتفت لها وابتسم لا شعورياً
ابو فهد : عاد ياخواني تدرون حنا جايين علشان ترف وهذا حنا خلصنا و نبي ننكس لديرتنا بس هاه يخوانب لازم انتم واهلكم وتجون لمنا
عبدالعزيز: انصدم ماتوقع ترف بتتزوج وهو حاط عينه عليها كل هالفتره استغفر ربه وسكت
ابو فهد : باقي اربع ايام على زواج بنيتي وان كنتوا تغلوني تحضرون وتقعدون عندي اسبوع
نجد ناظرت لفهد بمعنا لا تروح فهد تنهد وقال : تعودت على نجد العذيه ( كان بقلبه يقصد نجد ) كيف بقدر اتركها
ابو فهد : هين انت خربت مير الديار ياوليدي تطلب اهلها
ترف : عاد صح نجدكم حلوه بس حايلنا ما مثلنا مثيل
سلطان: الا نجد العذيه ما نرضى عليها من كثر ما نغليها سمينها ورعتنا عليها
نجد ناظرته بصدمه : وش ورعتنا
سلطان: ورع ورع لو يصير عمرك 90 اشوفك ورع
ترفه : علشانها اخر العنقود ولا اللي كبرها عادي يتزوج
نجد بسرعه قال : أستغفرالله
الكل ضحك من رده فعلها الغريبه
ابو سيف : ليا جيناكم وقعدنا اسبوع ما يبقى دون زواج سليطين شي
سلطان: باذن الله
الكل على خير راحوا كلهم يجهزون لضيفهم
نجد : ساره
ساره : هلا ياقلبي
نجد : ساره فكيني من سلطان تكفين
ساره : سلطانوه اعقل لا اعلمك الادب
سلطان: متى تستوعبين اني كبرت وكم اسبوع واصير معرس وانتي تعامليني ابو ست سنوات
ابو سيف : ساره تعالي
ساره ابشر
ابو سيف : ساره يابوتس فيه شي صالح ؟ علامه ما جاء
ساره ما تحب تشغل ابوها وقالت : لا يابوي والله ما ادري قالي عندي شغل وراح
ابو سيف حس ما تبي تقول وخلاها على راحتها
فهد اشر لنجد تجيه عند البل
وراحت له نجد
فهد : نجد قلبي وش فيتس متضايقه؟؟
نجد : كيف بتروح اربع ايام !
فهد : هي بس اربع ايام انا ماني بقادر استوعب بعدها وش بيصير بعد زواج سلطان ؟ برجع لشمال وانتي بنجد ! لا وفوقها بقعد بالشهور ما اجيك لا والف لا
نجد : اااه يا فهد وتقولي ليه متضايقه؟
فهد : ولا يضيق خاطرتس وفيه حل فبالي بس تكفين ادعي ادعي ان كل شي يضبط
نجد طير الهواء لثمتها ورجعتها  ولفت ورا
فهد على انه بس لمح لمحه الا انه انصدم من حلاوتها معقوله كذا حلوه ! قال : يقولون النظره الاولى حلال صح ولا
نجد  ناظرته وكانت عيونها فيها دموع
فهد : افاا ! لا اشوفها
نجد : وش الحل طيب ؟؟
فهد : قلت لتس خلي الموضوع علي ، عادي اخطبتس؟
نجد ناظرته وقالت : بس باقي انا صغيره !
فهد : مو شرط زواج الحين نملك وكم سنه الزواج
نجد : فهد ما كانك تعرف الناس بيقعدون يطلعون علي كلام لين اموت
فهد : يعقب من يفكر تفكير انه يطلع عليك كلمه !
نجد : عندنا مايحتاج لو وحده تملك وتقعد اكثر من ثلاث شهور ما تزوجت قالوا فيها وفيها
فهد : انتظرتس طول عمري ماعندي مشكله
نجد : وهي تتامل الابل قدامها وعيونها فيها الدموع
فهد : ياليت تناظريني مثلهم
نجد بضحك : منت ناوي تبدل ترا ماباقي شي وضيوفنا يجون
فهد: حبيت ثوبي ذا عقب ما اخترتيه
نجد : امم ودي اشوف عليك اللون الكحلي احس حلو
فهد رفع حواجه وقال : افا تحسين ما تاكدتي
نجد : ههههههه لا شدعوه بسم الله عليه حبيبي اي شي عليه حلو
فهد ناظر فيها وقال: ها شقلتي ؟
نجد : ما اعيد كلامي مرتين مالي شغل
فهد : نجوده !
نجد : ياعيونها
فهد : كذا كثير على قلبي
نجد : احبك
فهد : اعشقتس
نجد : لا تكثر جيات ترا فيه حريم !
فهد : بجي علشانتس
نجد : لاحقن علي - لفت وراحت
فهد : نجد
نجد : قلبها؟
فهد : طفشتي مني ؟
نجد : افا من قال بس بروح اتكشخ علشان ما يقولون نجد ماهي بمزيونه
فهد : ههههههه ابك واصلني العلم انتس مزيونه من قبل تسرقين قلبي
نجد: علشان تدري ان اللي تحبها مزيونه
فهد : خابر
نجد ارسلت له بوسه بالهواء
فهد ضحك وقال بقلبه يا ارض احفظي ما عليكِ
_____________________
ام سيف : الحريم بيجون وانتي ما لبستي
نجد : هذاني بلبس بس وين المكياج حقي حقي؟
ام سيف هناك
اوتفت البنات✨
نجد : لابسه مخور لونه ابيض وفيه من قدام تطريز لونه فضي ولبست ذهب ابيض خفيف وحلق و شعرها الاسود اللي بطبيعته ناعم عطرته بعطرها و الكعب الابيض الصغيرو حطت كحل وكان يزيد يزين عيونها الواسعه و روجها الوردي النود على الطبيعي وطرحه لونها ابيض واطرافها تطريز فضي

ريما : لابسه مخور رمادي وفيه فصوص لونها احمر تلمع خفيف من عند الصدر و الاكمام والباقي رمادي ساده وشعرها اسود الناعم ولبست ذهبها الابيض و تبخرت ولبست كعبها الشفاف و طرحه رماديه ونهايتها فصوص حمرا

ساره : كانت قمه بالجمال ذاك اليوم لابسه مخمور اسود وفيه تطريز من الصدر لونه فضي والاكمام تطريز لين النص ولابسه الطرحه الشفافه وفيها لمعه و ذهبها الابيض و الميكب الخفيف اللي كان يبرز ملامحها ويبين حلاوتها والكعب الاسود

كانوا بنات عبدالله حلوات بشكلل ومعروفين بذا الشي و انيقات

ام سيف : نفس لبس الامهات النجديات قبل بس كانت تتميز بالهيبه والرزه ومعروفه بالجمال والزين لابسه جلابيه نجديه لونها ازرق فاتح يميل لرمادي و طرحتها مو ثقيله ولا خفيفه و البرقع اللي زادها هيبه و كحلها الاسود اللي زادها جمال و وسع عيونها وبناتها ماخذين حلاوت امهم و حده ملامح و عناد وقوه ابوهم