بلاي حبيت نجديه

البارت35

حمد بضحكه : ابد ان بغيتينا نصلخها ولا نهاوشها
سيف: حد السكين زين يافهد
فهد : مو انا اللي بحدها عمر
عمر : ما تشوفني ماسك الغنمه؟
عبدالعزيز: جب جب السكين
ام سيف: عزوز يامي ثوبك لا يجيه شي
ابو سيف : عزوز ولا يجي ثوبه شي ! لو قلتي سيف ولا سلطان ممكن
ام فهد : حرام عليك تراني عاد ما ارضاها على ورعي
عبدالعزيز: ياااا بعد عيون ورعتس يا خاله
كان الكل مبسوط الكبار مع بعض و البنات يتمشون ونص العيال عند الابل و نصهم يصلخونها
عبدالعزيز: ريييما خلي الدلع وقوي قلبتس
ريما : ماهو دلع لو دلع ما اقطع الذبيحه ! بس ما احب اشوف الدم كذا
نجد: خوافه لا تصدقها
فهد كان رافع ثوبه وعاصب راسه و رافع اكمامه ويحد السكين
ريما : فهد على حركاتك ذي شكلك خبره
فهد: بالشمال فبيت جدي كلن يذبح عشا ابوه عيب عندنا لو تجيب لك عامل يصلخ ذبيحتك حتى لو ماهي عزيمه بينا
علياء : وانت كل ما شفت ذبيحه صلختها
فهد : ماهو كذا عاد
دانه : عمر ماعنده شي يخسره
عمر : ترا بذبحها اللي يخاف من الدم ينقل
عبود : خالو انا انا بصلخها
عمر : عبود مايصلح بتعذبها وانت ما ذكيتها زين انت تساعدين شوي
ريما : عبود وش ذا القلب امش لا احطك مكان الذبيحه ونصلخك
حمد بضحكه : حاااييي هههههههههه
نجد : فهد لا تنسى تسمي
فهد : بسم الله وبدا يصلخ الذبيحه وثوبه امتلى دم
نجد بقهر : فهدد ثوبك !
فهد : عادي عادي ، بس بالله جيبيلي مويه
راحت نجد
عمر : فهد ياغبي جيبوك مليانه شكلك نسيت تطلع اللي بداخلها
فهد : يالليل نسيت تعال طلع اغراضي
عمر: يديني متلطخه
فهد : عزووزز
عبدالعزيز من بعيد بصراخ: ماني يمك الحطب كسر يدي
فهد : يالليل
علياء : انا اطلعها عادي
فهد : لا خلاص عادي مايحتاج
جت نجد ومدت المويه لفهد
فهد بهمس: شربيني
نجد : فهد مو وقته شوف الناس حولنا
فهد : كيفي زوجتي
نجد: فهود اشرب بس مو قدامهم
فهد : يدي وصخه !
نجد: عادي علبه المويه ترميها
فهد ضحك وشرب المويه
ريما : نجد تعاليي
نجد راحت لريما وقالت : شفيتس
ريما : انتبهي من علياء ما ارتحت لها !
نجد خافت وقالت: ليه شصاير
ريما : ابد زوجتس غبي ناسي اغراض بجيوبه وينادي العيال يطلعونها ومحد يقدر يدينهم وصخه وعلياء قالت انا اطلعها !
نجد : وقربت منه وطلعتها!
ريما: لا وين عيا فهد
رجعوا مع البنات وهم يشوفون العيال وهوشتهم مع الذبايح
عبدالعزيزجاء ركض وهو يغرق عمر بالمويه وفطس ضحكك
عمر: يااا كللللببببببب ثوبي ما جاه دم وانت تحط مويه !!
عبدالعزيز : يا النسيييب ناظر
فهد : عزوز لا تتهور لا تتهور جيوبي فيها اشياء اهم مني ومنك
عبدالعزيز: وااحدددد
فهد : عععزووووززز قسم بالله اوراق دوامي حلفت انا بس اطلعها واغرقك بنفسي
عبدالعزيز: ثنتيييننن
فهد تلفت وناظر نجد وقال : نجوده طلعي الاغراض اللي بيجيب ثوبي
جت نجد وقالت : هنا؟
فهد : اي اي فيه ثلاث اوراق و البوك ومفتاح السياره وشوفي جيبي ذا اللي قدام فيه ظني فلوس طلعيها
نجد: الحين عندك بوك فلوسك ليه نصها هنا ونصها هنا
فهد : سم يا حضره الفريق ، ودق لها تحيه
ضحكت نجد وقالت : اشك القهوه اللي شربتها فيها شي
فهد : يا حلالاه لو اسرقتس لحضني هالحين واضمك
نجد : تذكر ابوي فيه
عبدالعزيز بصوت عالي ومن بعيد : ثثثلااااثثثثثهه
كان معه دبه المويه الكبيره وجاء ركض وكبها على فهد ونجد وهج وهو يطيح على وجهه
نجد بصراخ : اللله يااخذكك
فهد ضحككك ضحك مو طبيعي وسحب نجد لحضنه ويضحك
نجد: عبااايتتتتييييي
فهد وهو ميت ضحك : شوفيي ههههههههههههههههه شوفيي طيحتته
نجد: فهوود عبايتيييي
علياء و دانه وغاليه و غاده و نوادر يراقبون بصدمه وضحك
علياء: وع ما تستحي ترا توهم مملكين شوفي كان جالسه بحضنه!!
دانه: لا تبالغين جمبه مو بحضنه بس علشان حاط يدينه ورا ظهرها
غاليه: هههههههه شوفوووا بصييحح طيحه عبدالعزيز
نوادر وهي ميته ضحك : ضعيييف عيا يقوم
فهد غسل يدينه وسحب دبه المويه وكان باقي نصها وراح يلحق عبدالعزيز
عبدالعزيز بصراخ : لاااالاالااااالللااااال ثوببيييب فييه اغراااااضضض
فهد لحقه وتعثر بحجر وطاح وميت ضحك
ركض عبدالعزيز يدور ريما او نجد مت لقى الا دانه وعلياء وغاليه ونوادر
عبدالعزيز وهو كان مبهذل وثوبه رابطه و عاصب راسه ونص ثوبه مويه جاء ركض وقال : دانه
دانه : لبيه
طلع اللي بجيبه وقال : خليها معتس بس شوي ركض فهد ورش على عبدالعزيز و دانه
دانه بصراخ: ماليي دخلل
عبدالعزيز كان ممييييييتت من الضحك انهااررر لدرجه جلس وهو يضحك
وقال : ابشري بعزتس يا دنو والله لا اخذ حقي وحقتس منه
دانه خقت على كلامه الحلو معها و هي من زمان معجبه فيه وزاد اعجابها!
علياء طقتها وقالت : منتي بهينه ماعاد تبعدين عن نجد
غاليه: يخرب بيته يجنن
نوادر: بنات ذولي اللي جيناتهم زينه شفت عيال عمي وجتني غلقه
دانه : كلهم عيال عم بس عيال عمي خذوا منهم كل شي الا الجمال
جتهم نجد وقالت : بنات تعالوا بنجلس لحالنا بعيد عن الحريم علشان نسولف
دانه : ايه افضل
غاليه: شصار على عبايتس
نجد : اسكتي تكفين خذيت ساعه علشان ابدلها كل ذا من الحيوان عزوز
العنود: بنات تعالوا
كلهم جلسوا مع بعض
العنود والجوهره و ساره و علياء ودانه وغاليه ونوادر و نجد وريما و مي و مها ( ام فارس لاكنها صغيره )
ساره : احس من زمان ما جلسنا مع بعض
نوادر : ايي عاد الصدق اشتقت لكم
ساره : ياعيوني اخر مره شفتكم بزواج سلطان ولا لحقت عليكم كنت مشغوله
غاليه: ايي حتى ماجلستي
ساره : اي معتمدين علي
نجد وهي مقهوره على خالتها مها ناظرت مها وقالت :كيفك خاله مها
مها: الحمدلله تمام ، بعدين خير تقولين خاله مو علشان فروس كبرني
نجد: دوم يارب ، وابشري هههههههه بس صدق خالتي تراتس اخت امي
مها : ادري بس لا تقولين خاله ، حظ فهد فيتس والله
نجد: يابعد عيني
مها: بتروحين حايل؟
نجد: مدري والله
جاء فارس : ماما ماما
مها : هلا امي؟
فارس: بابا يبيك
مها: علياء بالله روحي له
علياء : يوه خالي لا جيته خلاني اكرف
نجد بعصبيه: اسحبي عليه مها خليتس
عقاب بصوت عالي ينادي: يياا مها
مها: هلا
عقاب : تعالي
مها راحت لعقاب وقالت : هلا
عقاب : علامتس ساعه اناديتس؟
مها : جيت وش بغيت
عقاب: علامتس جالستن هناك
اكتفت بالصمت مها وجلست تناظر فيه
مها: عقاب يرحم لي من جابك اخلص وش بغيت
عقاب: انا اعلمتس لا رحنا البيت
راحت مها وتنهدت وقالت بقلبها : يارب صبرني
ريما : ساره صالح يبيتس
غاليه : ياليل المتزوجات خلونا نسولف
ساره : حسيتني كبيره لان قبل اقول ياليل المتزوجات ههههههههه
جود : ماما بابا يبيتس
ساره: طيب بجي
ريما : ساره وين ريما !
ساره : عند زوجتس
ريما : وجع ما بعد صار زوجي
ساره : خطبتس ولا؟
ريما : ادري خطبني بس خلاص اسكتي
دانه: يووه ريما تستحين
ريما : لا وين
راحت ساره لصالح
ساره : لبيه ياعيوني
صالح : وشهو رحتي للبنات و نسيتيني
ساره : نساك موتك ولا انا انساك؟
صالح : طيبب انا نازل الديره
ساره بخوف من اللي فبالها : ليه؟؟
صالح ضحك وقال : مو نفس المزرعه تطمني بروح انا و اخوانتس بنجيب البندق نسيته
ساره : طيب انتبه لعمرك
اشر صالح على خشمه
ساره : عليه الشحم
صالح: ابي شاهيك اللي بالمخ لا رجعت تكفين
ساره : من عيوني بس لا تسرع
صالح: ابشري
رجعت ساره للبنات و ابتدت سوالفهم
بعد ساعه
عبدالعزيز تنحنح
ريما لفت عليه وقالت : شتبي
عبدالعزيز: وش شتبي الناس تتكلم زين
نجد: وهي صادقه شتبي ترا بعلم ابوي
عبدالعزيز: وش انا مسوي ياورعه انتي وياها !!
ساره : عزوز امي ماعليك منهم قولي وش بغيت
ريما: هذا انتي يا ساره محد مخرب اخواني غيرتس تراهم كبار وذا اللي وراك امي تدور له على عروسه وانتي تقولين له يا امي تره مو ابو ست سنين
دانه: ساره ماخذه وضعيه الام
عبدالعزيز: ريما ترا بغطيك بالفنجال يا النتفه
ريما : عزوووزز !
عبدالعزيز: المهم دانه عطيتس اغراضي قبل شوي ابيها
ساره : اي اغراض ؟
دانه : هو وفهد كانوا يلعبون بالمويه وعطاني اغراضه بس
سارع لفت على عبدالعزيز
عبدالعزيز: دورتكم ما لقيت بوجهي الا دانه
نجد : يا كذاب والبنات الباقي
دانه استحت وقالت : شدعوه نجد !
نجد غمزت لها وضحكت
عبدالعزيز: ماعليتس منهم يا بنت العم بس عطيني اغراضي
اخذ اغراضه المهمه وراح
ساره : مشكوك بوضعكم
نوادر : لا حرام صدق جاء ولا لقاكم وعطاها لانه مستعجل
ساره : شدعوه ادري اعرف اخواني انا
غاليه : ضحكتيني يا ساره كلهم يخافون منتس
ساره : اي افا عليتس
راحت نجد ونادت فهد
فهد : عيوني
نجد : نروح للبل نسولف هناك؟
فهد : شوي شوي الحين والله مو فاضي ابوي مستقعد لي
نجد سكتت وقالت : تمام
بعدها بساعه راح فهد للابل
ونجد لفت وشافت علياء رايحه لفهد وكاان بعيد عن الكل عند الابل
لحقتها بحيث ما تنتبه
وقفت نجد ورا سياره و ورا السياره شبك الابل و واقف عندها فهد و علياء متجهه له
فهد كان يصوت على الابل ويضحك
علياء: السلام
فهد استغرب وقال : وعليكم السلام
علياء: وراك لحالك
فهد : مو لحالي كان معي نهيان بس راح
علياء: اي صح مبروك
فهد ضحك وقال : الله يبارك فيك
علياء : عاد توقعتك تاخذ شماليه
فهد : قدر ومكتوب
علياء لفت وتمثل ان طرحتها طاحت وبين وجهها ( ما بقت من المكياج شي الا وحطته كانت حلوه بس ما مثل حلاوه نجد حلاوه )
صد فهد وقالت علياء : معليش
فهد : عندنا بالشمال ما يتغطون كذا
علياء باستغراب: كيف يطلعون كاشفين وجهم
فهد : لا بس يتلثمون
علياء: حلللوو
فهد ضحك وقال : بسالك
علياء: لبيه ياعيني ، ههههه تعودت ترا اي احد اقوله ياعيني معليش
فهد احس بشعور غريب اتجاه علياء وسكت بعدها بثواني قال:عندتس اخوان
علياء: لا بس عندي من ابوي ولا اعرفهم ولا يعرفوني
فهد : افا
نجد كانت تحترق بقلبها هذا وهي صارت حلاله وفوق انه شافها طاقها سوالف معها ! وليته قدام خلق ربي لا لحالهم ! سكتت وفوقها مصرفها وهي طالبه تروح معه وتسولف و وقفت مكانها