بلاي حبيت نجديه

68

بيت ابو سيف كان بحاله استنفار
عبدالعزيز: عقالييي ويييينننن
نجد : ييمهه تكفين احس تاخرنا
سيف: علامكم تصارخون
سلطان: ييبيههه ابو محمد يبيك عند الباب
ريما : عزوز اي واحد عقالك
ام سيف: ياعيال واحد يودينا المشغل تاخرنا
سيف طلع مستعجل قال: انا ما اقدر بروح اقابل الغدا انا و سلطان
ام سيف: تونا بدري
سلطان وهو طالع و يضبط شماغه: الله يحفظتس لنا يمه وش بدري يبيلنا نشوف وش مسوين و وش مو مسوين طلعوا العيال مستعجلين
ريما: عزوز ودنا
عبدالعزيز ؛ يمممههه ثوبي وينن
نجد: عزوز وجع نكلمك
عبدالعزيز: هااه وشو
التفت وشاف دانه واقفه لا شعورياً ابتسم وقال: وش تبون
نجد: ودنا المشغل تكفى تاخرنا
ام سيف: يابنات جهزوا كل شي ونجد بتزينك بالقاعه ومعك ساره وانا وريما و دانه وحصه(ام صالح) و شروق ( ام غاليه)  و غاليه بالمشغل
دانه : تاخرنا مارحنا المشغل
ام سيف: عزوز
عبدالعزيز: سمي
ام سيف: بنروح معك كلنا و نجد ننزلها بالقاعه و بعدها نجيها
عبدالعزيز : طيب امشوا مير بجهز اغراضي قبل تروحون وابتلش
ام سيف: لا تصج راسي حطيت لك كل شي بغرفتك مير عقالك الظاهر ضيعت بين الجديد والقديم
عبدالعزيز: وريني انا اعرف
ام سيف: دقيقه واجيبه
ام غاليه: غاليه للحين نايمه!!
دانه : ياربيي من هالبنت تحب النوم شسويي انا
ام غاليه : قوميها بنمشي
دانه : يمه تعبت وانا اصحيهاا
عبدالعزيز ضحك وقال : نفس نجد ما تقوم الا بالموت
دانه : نجد اهون ذي اقومها وترجع تنام
عبدالعزيز ما كان مركز بكلامها كثر ما انه ضايع بعيونها ومبتسم
دانه حست بنظراته توترت وصدت
دانه : غاده و نوادر و نوره بيجون؟
ام غاليه: اي ظني بيجون من ترفه
عبدالعزيز: ابك اخلصوا علي تكفون يمه علمتس لا جاء ابوي مو تقولين عزوز ماله فايده هالحين تلقينه يلعن فيني يقول عزوز ماجاء وساعدني
ام سيف طلعت وهي تلبس عبايتها قالت : ياكذبك كذباه ابوك ما يقول كذا
عبدالعزيز: اييه من الحب ما تدرين وش يقول

قطع عليهم طق الباب
عبدالعزيز: جااك جاك
ام سيف: لايكون ضيوف
ام غاليه : وش الضيوف ذولي ماعليتس فيهم رايحين رايحين
عبدالعزيز فتح الباب وقال : هلااا والله ابراهيم
ابراهيم : طال عمرك عمي الشيخ ارسلني لك طال عمرك ويقول تعال وراك بالبيت
عبدالعزيز : اهخخ يا ابراهيم تكفى محد بيفهمني غيرك

ابتسم ابراهيم وهو يشوف عبدالعزيز اللي بنفس عمره وهو يحبه بس خايف من مكانته بالنسبه له يبقى هو صبي ويشتغل عندهم بس يستانس من عبدالعزيز اذا كلمه وكانه خويه ولا اخوه
ابراهيم: افا ياعمي وش فيك؟
عبدالعزيز: جاك الثاني ابراهيم لا تقولي عمي ترانا اخوان
ابراهيم ابتسم
عبدالعزيز: انا القاها من الوالده ولا من الوالد اصبر بطلع معك
عبدالعزيز: يممممهه
ام سيف: وشهو
عبدالعزيز: بروح لعبدالله واجيتس
دانه : وين تروح تستهبل حنا متاخرين
عبدالعزيز: دقايق بروح لابوي مرسل ابراهيم يناديني وارجع
ام سيف: لا تطول
عبدالعزيز: افا عيلتس ركض
طلع عبدالعزيز لابراهيم وقال : طولت؟
ابراهيم: لا ابد طال عمرك
عبدالعزيز : يومم ماجيت بسياره
ابراهيم : لا والله
عبدالعزيز: اجل خلنا نركض ركض ابوي لو ماجيت ذبحني
راحوا يمشون بخطوات مسرعه لين عند مجالس ابو فهد اللي بيكون فيه العرس
عبدالعزيز وهو يلقط انفاسه : سم يبه
ابو سيف: ساعه ساعه علشان تجي
عبدالعزيز: سم شبغيت
ابو سيف: وينك وينك طول هالوقت
قرب عبدالعزيز وهمس باذن ابوه : عند شيخه وبناتها
ابو سيف بس من سمع اسم شيخه ابتسم وضحك
عبدالعزيز: اعرف لك
ابو سيف: بس عاد
عبدالعزيز: وهالحين مخليني اجيك وهم جاهزين ولابسين عباياتهم
ابو سيف: اجل رح وخلص اشغالهم
ابو فهد : عزوز
عبدالعزيز : سم ياعمي
ابو فهد : ماعليك امر شيل مع محمد صحون الغدا حمد مدري وين طس
عبدالعزيز: على خشمي
ابو سيف: ابراهيم
ابراهيم: سم طال عمرك
ابو سيف: الله يرضالي عليك رح للخياط ابو عامروقله عطني ثياب ابو سيف
ابراهيم : ابشر سم
_______________________________________
ترف : يممه فهد يبيتس
ام فهد: خليه يصبر عند الباب بجيه لا يدخل البنات هنا
فهد : يمممه تبون شي ؟
ام فهد : لا انت شجابك المفروض ترقد هالحين وتريح
فهد : خوفي ينقص عليكم شي
ام فهد : رح ماعليك
طلع فهد ومن البيت وقابل عبدالعزيز ومحمد وقال : ارحبوا
عبدالعزيز: يا الخسيس تخلي اخو زوجتك يكرف
فهد : وانت بعرسك منت بكارفني
عبدالعزيز ضحك وقال : تمون يابعد عيني
طق الباب وقال: يا ولد
ام فهد : دخلوها بالمطبخ قدامكم
دخلوا محمد وعبدالعزيز ونزلوا الصحون
محمد : بسبقك علشان تركي ما يذبحني
عبدالعزيز نزل الصحن والتفت وشاف بنتين وصد
نوف : ييممهه
جنان : بسم الله
عبدالعزيز صد وقال : ياولد
طلعوا وهم خايفين إما عبدالعزيز قال : ابك انا علامي مقرود
ام فهد ضحكت وقالت: السلام
عبدالعزيز رد السلام وقال : اخبارتس يا خاله
ام فهد : اجل دخلن عندك البنات
عبدالعزيز: الحمدلله اني ما شفتهم كنت صادق
ام فهد: ماعليه يا انا خالتك دامه بالغلط اخذ هذا الصحن و خذ هذي الحلويات و الفطاير ذي و اخذ اللي وراك الحافظات
عبدالعزيز باستغراب: وين اوديها
ام فهد: لامك وخالاتك وجدتك والعرب اللي عندك
عبدالعزيز: تدرين يا خاله اني متاخر على امي وفيه احتماليه تذبحني
ام فهد : هب يا الدلع ودها ومنت مطول
عبدالعزيز: على خشمي
_________________________________
ابراهيم : السلام يابو عامر
ابو عامر : هلا هلا
ابراهيم : الله يعافيك ثياب الشيخ ابو سيف
ابو عامر وهو يدور الثياب : ثياب الشيخ . ثياب الشييخ يااا عامرر وين ثياب الشيخ ابو سيف
عامر : سم سم يبه هذي هذي
ابو عامر : سم يا ابراهيم
ابراهيم : حاسبك الشيخ؟
ابو عامر : يبيلها سؤال؟
ابراهيم: توصي؟
ابو عامر : سلامتك
راح ابراهيم لابو سيف وقال : سم ياعمي هذي هي
ابو سيف: تعال
راحوا عند سياره ابو سيف وقال : هذا الثوب لك و ههذييي يا طويل العمر شرقيات لك و الشماغ بعد لك وشف الكرتون هذا جيبه
ابراهيم ابتسم وقال : هذا
ابو سيف: اييوه ذا فيه طاقيه وعقال لك
ابراهيم: بس طال عمرك
ابو سيف: لا بس ولا شي خلاص خلصنا شغل ابيك تروح البيت و تتضبط وتجيني
ابراهيم ابتسم وتقدم بيبوس راس. ابو سيف سحبه ابو سيف وحضنه وقال : انت بحسبه ولدي و لدي ما يحضر عرس اخته الا بثوبن جديد وترا ابد قماش ثوبي وقماش ثوبك نفس الشي
ابراهيم ابتسم وقال : ما تقصر
ابو سيف: ناد لي قاسم وعيسى ورح البيت اجهز
ابراهيم : على خشمي
ابو سيف: عليه الشحم
____________________________________
عبدالعزيز: ييممهه ياولدد
ام سيف: ادخل
عبدالعزيز شاف نجد وريما كيف منسدحين و واضح معصبين وهم ينتظرونه ضحك وصد
دانه بقهر : لا بعد ويضحك
عبدالعزيز فطس من الضحك وقال : ماتبيني اضحك ابشري
ام سيف بعصبيه: و وجعاه تاخرنا
عبدالعزيز: طيب شوفي اللي دخلته ذا كله من ام فهد
ام سيف: شيله بالسياره و وده بنتغذا بالقاعه و نزله مع ساره ونجد وحنا ودنا المشغل تاخرنا
عبدالعزيز: ياويل عزوز ويلاه لو اموت وش تسوون
ام سيف ضربته مع ظهره وقالت امش امش قدامي ماغير تتمنى الموت
عبدالعزيز ضحك وقال : سمي
راحوا كلهم وعبدالعزيز كان يسوق ويهوجس
ام سيف : وش تفكر به
عبدالعزيز: سمي؟
ام صالح: الله يستر من اللي فبالك
ابتسم عبدالعزيز وقال : نجد وساره انزلوا
نجد : يمه بتطولون
ام سيف: لا بنجيتس بس نخلص
عبدالعزيز: يمه شوفي تحتس فيه كرتون؟
ام سيف: ايه وش كرتونه ذا
عبدالعزيز: فيه عقال جديد شريته
ريما : عزوز انت بتحارب وش ذي السيوف كلها
دانه : شكله بيغزي العرس
ريما شرقت بالمويه
ام صالح وهي ميته من الضحك : صحه صحه
ريما : داانه مو صاحييييهه
عبدالعزيز: ماعليه ماعليه
دانه : صدق وش ذا كله فوق 10 سيوف وش تبي فيها
عبدالعزيز: وش بنسوي فيها بنعرض فيها
دانه : اييه صح
ام سيف: عزوز وراك مسرع
عبدالعزيز: ماني بمسرع الله يحفظتس لي
ام غاليه : غاليه و وجع ان شاءالله
غاليه : همم
ام سيف: علامتس
ام غاليه: انا ماني جايبه بنات انا ماغير راقده ذي البنت ذبحتني
دانه : يمه شدخلني انا
عبدالعزيز: يمه ترا بسافر مع اخوياي لمكه وجده يومين ثلاثه ونرجع
ام سيف: متى
عبدالعزيز باستغراب : بعد العرس ليه؟
ضحكت ريما وقالت : ضعيف يمه لا تقولين له
ام سيف: قلت لابوك؟
عبدالعزيز: لا بس ماهو بقايل شي
ام صالح: يابعد عيني ياعزوز
عبدالعزيز: وراكم
ام سيف بضحك بدت تصفق وتغني وتقول :
شدو البدوان والبل تباريها الجيوب
من غلاها كل ماتمشي  يبارونها
عبدالعزيز ضحك وقال: لا تقولينها
ام سيف: هالله هالله وشد حيلك مع ابوك وراكم شداد
عبدالعزيز: اجل من مكه لشمال
ام سيف: اي يقول ابوك مربعه الديار اللي هناك
دانه ضحكت وقالت: يعني تخيل تخيل بدال ما تجهز حرامك تجهز ثياب الشداد
عبدالعزيز ابتسم وقال : دوم يارب
ريما : أيي ماشاءالله لو ريما قلت وجع
عبدالعزيز: انا اقوله؟
ريما : يمه نبي البقاله
ام سيف: تاخرنا يابنت
ام صالح: نزلنا يا عزوز و ود ريما
عبدالعزيز: وانتي ياخاله لو تقول ريما طب بنار قلتي طب
ام صالح ضحكت وقالت : عاد ذي ريما
وقف عبدالعزيز وقال : اللي يبي البقاله يقعد والباقي ينزلون
نزلوا كلهم الا ريما
ريما : دانه خليك
دانه : هاه
ريما : محرم انا ماعليكم
عبدالعزيز التفت لريما وقال: بالله
ريما : اقول بس
نزلت ريما وركبت قدام
ضحكت دانه وناظرها عبدالعزيز وابتسم انتبهت دانه لنظرته وسكتت
ريما : تخيلوا لو مو انا موجوده تصير قعدتكم سوا حرام
عبدالعزيز: على كيفتس
ريما: والله شف لو انزل بس رحتوا فيها
عبدالعزيز: لاعادي
ريما : ماشاءالله بحكم انك مين يوم انك معها
عبدالعزيز ابتسم وقال : زوجتي
دانه حمر وجها وحست بحراره وسكتت
اما ريما ضحكت وقالت : عععزووزز خيييرر !!!
عبدالعزيز ضحك وسكت
ريما: عزوز وش اللي سمعته
عبدالعزيز: كل شي تصدقينه؟
ريما : رح رح البقاله بس وترا بننزل
عبدالعزيز: وش ينزلكم
ريما: تكفى عزوز وش ترا بس بناخذ اغراضنا
عبدالعزيز: اذا دانه قالت بنزل تم
ريما : عزوز ترا زودتها عيب !
عبدالعزيز: شقلت !!
دانه كانت ميييته من الحياء انصدمت من كلام عزوز
وقف عبدالعزيز وقال : انطلقوا
ريما: ليه غنم عندك
عبدالعزيز: اي صح انتظروا الصبي يفتح لكم
ريما : زين افتح لنا
عبدالعزيز بمزح مسك يد ريما وقال : عيدي عيدي
ريما وهي تتالم وتضحك : هههههه عزوزز خلاص خلاص يدي ياحيوان
عبدالعزيز طفى السياره وقال : انزلوا
نزلوا وريما سبقتهم التفت عبدالعزيز لدانه وقال : وش تبين يا زوجتي
دانه باحراج : هاه
ضحك عبدالعزيز وقال : زوجتي شفيها
دانه ناظرته باستغراب وسكتت ودخلت
عبدالعزيز اعجبته الكلمه وابلش دانه فيها منها يلمح لها ومنها يستانس اذا شافها مستحيه
بعدها بدقايق خلصوا
عبدالعزيز: ريما انتي وزوجتي روحوا السياره
ريما : عزوز عيب !
عبدالعزيز: روحي بس
راحوا لسياره و دانه كانت ساكته
ريما: ترا عزوز دلخ ماعليتس منه لا قالها مره ثانيه هفيه بالعصير اللي معتس .. هيه وين اغراضك؟
دانه: ما حاسبت ما امداني
ريما : وش تحاسبين وش فايده عزوز
دانه : سلامات وش عبدالعزيز فلوسي معي بس ما امداني احاسب قال روحوا وتركتها
ريما : بعقلتس انتي
قطع عليهم عبدالعزيز ركب وقال: خلاص ؟
ريما: لا باقي دانه
دانه: خلاص مابي شي مو لازم
عبدالعزيز عقد حواجبه والتفت لدانه وقال : وشو اللي مو لازم
ريما: دانه تستهبل ما اخذت شي تركت اغراضها تقول ما امداني احاسب
عبدالعزيز: تحاسبين وانا موجود؟
دانه : ماله داعي خلاص
ما سمع كلامها ونزل عبدالعزيز
دانه : ريما ماله داعي
ريما: الا له داعي
بعدها بثواني جاء عبدالعزيز ومد الكيس لـ دانه وقال : سمي
دانه ابتسمت وقالت : مكثور الخير
عبدالعزيز وهو اذا سمع صوتها يبتسم ويحس بشعور غريب قال: حلالنا واحد
دانه انحرجت وعبدالعزيز ضحك وصد
ريما بحسن نيه : اي حلالنا واحد كلنا عيال عم
عبدالعزيز ضحك وقال : ياحلوتس يا ريما
ريما: اقول بس ياحلوك انت
______________________________________
7:00 المغرب
ابتدت مراسيم الزواج وكانت القاعه مليانه بالناس وزحمتهم
ريما : نجودددتيييي
نجد بخوف : رييما كيف شكلي
ريما : بسم الله الله تهبلييين تبهلييين تكفين نجد تكفين اقري اذكارك
نجد : رييما تكفين خايفه
ريما: وش تخافين منه بسم الله عليك
نجد : مدري ريما شوفي
ريما خافت وقالت : نجدد خير شفيك لا تسوين بنفسك كذا مافيه شي يسوى الخوف !!
ام سيف دخلت وقالت : وياازين البنات
نجد : يممه تكفين خايفه
ام سيف: بسم الله عليتس وش خايفتن منه؟
نجد : مدري
ام فهد طقت الباب ودخلت وابتسمت
ام سيف : تعالي شوفي شتقول تقولي خايفه
ام فهد : بسم الله ماشاءالله حصنتك بـ لا اله الا الله يا امي وش خايفتن منه؟
نجد : مدري
ريما : نجد قريتي اذكارك؟
نجد : لا
ام سيف: وش انا قايله لك؟
فوق حلاوتها كان شكلها بالفستان الابيض يجنن كانت حلوه حلوه بشكل محد يتصوره من حلاوتها الكل انبهر و لا شعوريا يذكر ربه محد قد شاف وحده من حلاوتها
نجد : نسيتها
ام فهد حضنتها وقالت : اقريها هالحين وياااحظ فهد بهالزين
نجد ناظرتها وابتسمت وقالت: الله يحفظكم لي
ساره بخوف : نجد شرايك ما تطلعين
أم سيف: وليه
ساره : يمه تكفين خايفه على نجد
نجد : ليه
ساره: خوفي ما يذكرون ربهم
نجد : بالغتي ساره !
ساره : لا ما بالغك بسم الله عليك تهبلين وطالعه قمر وفوقها الناس ما تذكر ربي اذا الحين الحين وانا جايه يقولون عمرها ما جاء 20 وتزوجت تبين يذكرون ربي
ام سيف قربت من نجد وبدت تقرا عليها والكل كان مبتسم وينتظر هاليوم ومستانس
______________________________________________
عند الرجاجيل ابتدوا بالسامري حايل
وكلهم جهزوا سيوفهم ابو فهد و جمبه ابو سيف وابو صالح وهزاع وعقاب عساف وحسن ( اخوان ابو فهد ) و ابو تركي ومحمد وحمد وسلطان وسيف وصالح
ابتدوا يغنون