بلاي حبيت نجديه

البارت 15

⏰ يوم الخميس الساعه 5:15ص
📍نجد العذيه
صحى سيف يتوضى لصلاه
سيف : ياعياال الصلاه
ابو سيف : مشينا العيال يلحقونا
سيف ابشر
راحوا للمسجد ودخلوا
سيف شاف عبود لاول مره يجي قبله ضحك
جاء عبود يمشي وباس راس ابوه وقال : صبحت بالخير يبه
سيف : صبحت بالنور اشوفك اليوم سابقني
عبود : قلت لماما تقومني الساعه خمس اول ما قومتني توضيت ورحت لحالي بعدها جاء جدي فيصل بعدي بدقيقه
سيف : الله يرضى عليك ، خذ هالفلوس عطها امك لا رجعت
عبود: ابشر ، ماراح تجي عندنا؟
سيف: مدري لان اليوم مشغولين واجد
عبود: اساعدكم ؟
سيف: بعدي بس لا خلك عند امك لا بغت شي تكون قويب منها
عبود : ابشر
صلوا و سيف وصل عبود للبيت وراح
عبود: يممه
العنود: بالمطبخ انا
عبود: خذي هذي من بابا يقول لا احتجتوا شي وقال انه مشتاق لنا بس هو مشغول
مها ( ام العنود) : ركبوا خيمه العرس امس؟
عبود: مافيه شي

بيت ابو سيف
كان ازعاج وحوسه والبيت مفتوح والناس داخله و طالعه
اجتمعوا كلهم على الفطور
ابو صالح واهله وابو فهد واهله و ابو سيف واهله على القهوه
وجده العيال والبنات ام شيخه( ام سيف) كانت موجودة
الكل مجتمع الا نجد مو معهم تنهد فهد وهو يراقب بعيونه
سلطان: صباح الخيررر
الكل : صباحح النور ، هلا بالمعرس ، صبحك الله بالنور
ام سيف: يا بنات القهوه الثانيه وين
ريما : هذي يمه جبتها
ريما : بشوف نجد
ام فهد: هي نايمه ؟
ريما : لا بس عيت تطلع وتقعد معنا
ام فهد: بجي معتس
ابو صالح: يا عيال اليوم الظهر لازم كم شي جاهز ورانا عشا الليله
الجده : يا سيف
سيف : سمي يا جده
الجده: ورعك وينه
سيف: عند امه
الجده : جيبه جيبه خله يجهز بعرس عمه ويفرح
سيف: اي ياجده بجيب اهلي كلهم بعد الفطور
ابو سيف: لا اله الا الله ابك ياعرب صجيتوا روسنا ( يقصد العيال)
الجده : والله يابو سيف المفروض قايم عليهم بعصاتك
ابو سيف: المفروض
( ام فهد قالت لعيالها انها تمزح نحد ما انخطبت؛
طلعت نجد وشافت فهد جالس وسكتت كانت ودها تضمه وتعاتبه
الجده: ما بغيتي يا نجد
نجد: سمي ياجده
الجده : وانتي يم فهد ولا ما تزوجين فهد
ام فهد بضحك: باذن الله بس نلقى البنت السنعه
فهد: قريب ان شاءالله
الجده: بتاخذ لك نجديه ولا شماليه
فهد: والله نجد مافيها قصور بس فيها عناد وانا ماني بقادر على عنادها و الشمال ان كان فيه قصور ها مافيه عناد بيطيح الاختيار عند الشمال.، التفت لنجد وشاف نظراتها القويه ،
نجد: يبه
ابو سيف: شبغيتي يابوتس
نجد: بروح عند ساره
ابو سيف : لاحقتن علاها باتسر تجيتس
نجد: يبه ماراح اطول
ابو سيف : ومن يوديتس
نجد : من ذولي على كثرهم ما منهم فايده
حمد: افاا اناا مالي فايده ؟
الجده : خلي الدلع واقعدي مافيه روحه والناس عندتس
نجد: جدده ! كل اللي هنا اهلي من فيه غريب علشان ماروح ؟
الجده : يا شيخه امسكي بنتس
ابو سيف : اليوم مافيه طلعه ماتشوفين الناس حولنا !
ابو فهد: خل بنيتي تروح انا اوصلها
ابو سيف : لالا مايحتاج ماهي برايحه
نجد وهي مقهووره من اللي داخلها سكتت
ابو صالح : متى نسمع بخبطه فهد
ابو فهد بضحكه : قريب قريب
فهد ما استغرب لان كلام ابوه دايم
ابو فهد : انا كلمت اخوي بندر لاكن مارد علي
فهد بصدمه من كلام ابوه وكيف يخطب له وهو مايدري من الاساس !!
ام فهد من الصدمه سكتت
آم صالح: ماشاءالله اجل بتصير معرس يا فهد
نجد انصدمت وكان احد صافقها كيف كيف وهو اللي يحبها الحين يبي غيرها؟ ويتزوج من بنات عمه !
ناظرت فيه وعيونها فيها الدموع وماسكه غصتها
فهد لاحظ عيونها ولا قدر يقول شي يفكر بمصيبته و يبي نجد تفهم انه يبيها ما كان يلعب عليها
ام فهد تصنمت وناظرت بنجد اللي ماسكه دموعها ونجد بعد ما شافت ام نجد حست انها تلعب عليها وتكذب عليها بكل شي
ام فهد : متى خطبت من اخوك؟ مادريت
ام صالح بعدم تصديق لكلامها : معقوله ما تدرين
ابو فهد : كل شي صار سريع و ولدي ما يرفضني وخطبت بنت اخوي لولدي مافيها شي وهذاتس دريتي معهم
ام فهد كانت ملامح وجها واضح المصدومه واكتفت بالصمت
نجد قامت
ابو سيف : نجد يابوتس جيبيلي مويه
نجد بغصه وهي تحاول تخفي دموعها : ابشر
ودخلت المطبخ
ريما : شفيتس انتي
نجد: شفيني يعني طفشت وابوي يبي مويه
ريما: جهزي اغراضتس
نجد كانت بتطلع مسكت راسها بقوه
ريما : شفييتس؟
نجد : مدرييييي
ريما يمه
نجد طاحت من طولها على الارض
ريما : ييممممممهههه نجدد يمممه الحقي نجد
ابو سيف قام يركض وام سيف تلحقه
ام سيف : يمه بنتييي نجدد يممه قوميي
ابو سيف: جييبوا السياااررررههه
ركضوا يجهزون السياره واللي يجيب عبايتها وعبايه ام سيف
فهد خاف وركض يشغل سيارته وحطها عند الباب
جاء ابو سيف يركض وام سيف ومعهم نجد واخذها للمستشفى
ابو سيف : ياا فهدد اسرع
ابو سيف : نجدد يابوتس نجد يبه صحصحي ، ياااربب لا توريني باغلى ما املك الشر
ام سيف كانت تبكي على حال بنتها
وفهد يدعي بقلبه ان مايجيها شي
وصلوا المستشفى واخذوا نجد و ابو سيف وام سيف وفهد برا
راح فهد للمصلى وصلى ركعتين وقام يدعي : يا ذا الجلال ولاكرام سبحانكً وسبحان قدرتك ياااارب انك تشفي نجد وتعافيها يارب تكفى يارب مالي في هالدنيا احد مخليني احب الدنيا الا نجد لا تخليني افقدها
______________________________________
ام سيف : ليتنا مخلينها تروح
ابو سيف : لو اللي صار بسبب ان ماخليتها تروح ماراح اسامح نفسي
الدكتور: اهل نجد ؟
ابو سيف : ايوه
الدكتور: الحمدلله هي بخير لااكن البنت متاثره نفسيًا فيه حاجات تضايقها
جاء فهد وسمع كلام الدكتور
الدكتور: نجد من الواضح فيه اشياء مضايقتها من الاسابيع اللي راحت لف وقال غريب انتم اهلها اكيد شفتوا الفرق
ام سيف: طيب وش بيصير
الدكتور: لا تضايقونها وحاولوا تعرفون المشكله علشان تلقون حل
ابو سيف : ان شاءالله بس نبي نشوفها
دخلوا عند نجد
ابو سيف : نجد ياقلب ابوتس انتي شبلاتس وش صايرلتس؟
نجد: مافيني شي تعبانه شوي
ام سيف: فيه احد مضايقتس ؟ والله والله ما اخليه بس علميني
نجد وهي فبها الغصه : لا مافيني شيي
ابو سيف: كل ذا علشان قلت لا تروحين لاختس؟
ام سيف : لو كل ذا القهر علشان ردتس ابوتس والله ما يبقى شي بخاطرتس دامني حيه
نجد : لا يمه ماعليتس مافيني شي
ابو سيف كان يفكر وش اللي مضايق بنته ؟ معقوله علشان رفض روحتها مستحيل لف لها وقال : تبين تروحين لساره ؟
نجد : لا
نجد من النوع العنيد اذا احد رفض لها شي مستحيل مستحيل ترضى بعدها
مثل سالفه الشاهي😂
ام سيف تبكي ولفت عليها نجد وقالت : يمه والله مافيني شي تكفين لا اشوف دمعتس
الدكتور كتب لنجد خروج وطلعوا كلهم
كان فهد عيونه على نجد اللي تجذب اي احد يناظرها عيونها الناعسه و المكحله خلقه وسعها و رموشها الكثيففه ولون عيونها قال بقلبه : اهههخخ ياربب
وصلوا البيت ونزلوا كلهم
سلطان بمزح: ورعه تبين تخربين زواجي صح؟
نجد بعبط : اهخ يا القهر ما خربته
سلطان: هههههههه سلامتس يانظر اخوتس وما تشوفين شر بس وش عندي ورع طول اصبعي ويعنني مضايقني شي وش شفتي من الدنيا توتس ام 19
نجد : الحمدلله ما قلت 12
سلطان: كله نفس الشي
كلهم ضحكوا من حركات سلطان اللي تبين حبه لاخته من كلامه و مزحه معها
سيف : اذا كل ذا علشان بيت سوير تعالي اوديتس عندها
ابو سيف : والله بعد ما شفت طيحتها حلفت ما ارفض طلب
ام سيف بضحكه من بين دموعها على حال بنتها : اول ما دخل وشافها قال تبين اوديتس لساره
كلهم ضحكواا
حمد : عمي يمثلني وانا احاول اتمسك بقراراتي قدام اللي اجبهم
ابو سيف : وهو اغلى من نجد احد؟
عبدالعزيز مسك راسه وقال : قبسستت قبست
كلهم ضحكوا ولفو لريما
ريما بصدمه : يمه وشو صح اني فاهيه بس مو لذي الدرجه
سلطان: هو نازل عليها العقل ولا علشان حمدانوه مستحيه منه
ريما : شدخلل
ابو فهد : تراني ما ارضى على ريما علمتكم عاد
ريما : ترا مدري شصار
الجده : الضعفيه تسولف معي
سلطان: ابوي قال....
قطع عليه صوت ابو سيف قال: انت اقطع
ضحكوا كلهم
ابو صالح : علامك خله يكمل
ابو سيف: زعل بناتي واخبره كايد
فهد بقلبه : اشهد بالله انه كايد
ريما : السالفه فيها زعل وشهي
سلطان: انا تحت التهديد
ريما : ان ماقلت هنا اللي بزعل مو علشان السالفه
حمد : لا لا كل شي الا زعلتس علينا
سلطان مسك راسه وقال : اثقل
حمد: محد كلمك المهم بس شي عاديي عمي قال لنجد وهو اغلى من نجد احد
عبدالعزيز: يعني جحدنا او بالاخص جحدك انتي يحبتس واجد
ريما ناظرت لابو سيف وقالت : اخلصوا علي من اي مسجد جايبيني؟
ام سيف: اعوذبالله
الكلل الكل ضحك من ريما ما توقعوا كذا بيكون ردها
ابو فهد : هههههه الله يسعدتس يابوتس من زمان ما ضحكت هالضحك
ريما : ويااك ياعمي
ابو سيف: خوفي الزعل مايجيني الا لارحتوا ثم وش يرضيها
ريما : ليه ترضيني انت بس تراضي نجد اصلاً
عبدالعزيز: ما قلت قبست انا؟
ابو صالح : افا يا ريما هذا وانتي العاقله
الجده : بتتزوج وهي تغار على ابوها
ريما : الدفاع الثاني عن نجد ، بقوم اجهز اكسسواراتي ازين
نجد : يمه زعلت
وكلهم ضحكوا الا ام سيف قالت : خل اشوف واحد يقول لريما شي ان جت
ابو صالح : وانا اخوتس انا وابو فهد يشملنا التهديد؟
ام سيف استحت مهما كان ما تمون لهدرجه
ابو سيف : وانا وراك ماحطيتني بالحسبه ولا يعني ماشي ماشي علي؟
ابو صالح : عقب كلامها عز الله بيمشي علينا كلنا
ام سيف بضحكه : محشومين مير ماله داعي الكلام
ام فهد قامت
ام سيف : وين ؟
ام فهد: بروح لريما
ام صالح : وانتي مشغلتس ربتس اي واحد يزعل لحقتيه
ضحكوا باصواتهم العاليه
سلطان: يوووه ياطيب قلبتس يا خاله
ام فهد : من زين الزعل يوم نسكت عنه ، وراحت لريما
ام سيف ناظرت نجد وقالت : وانتي مع ابوتس هالحين
نجد وهي كانت تفكر بفهد قالت : سمي؟
ام صالح : تقولتس لا تفكرين واجد
حست نجد بنظرات فهد وسكتت
سيف وهو يلعب مع محمد وحمد التؤام وحمد الثاني كيرم وبالجهه الثانيه يسولفون وام فهد و ريما بالمطبخ يتساعدون ريما ما زعلت مبسوطه لاختها لاكن تمثل الزعل لان تدري بغلاتها عند ابوها
بعد خمس دقايق من الحال
سيف : وررع نزلللل
حمد : تراك غشاش مو علشانه ولد عمك تمشيله وحنا يا الضعيفين لا
سيف: شدخل ذا هالحين نزل اقولك
محمد : ياليل سيف تراها لعبه
سيف : علم اخوك
ابو سيف : بس يا ولد اقصر حسك
سيف : انا بروح
ابو فهد : الغدا؟
سيف : ايه هو بروح اجيب اهلي علشان الغدا ، لف لنجد وقال : غرييييبه ما قلتي مر البقاله جيب وجيب وجيب
نجد بضحك : تبيني اوصيك؟
سيف : ماقول لا
نجد : اجل تعرف وش اوصيك على الغدا مايحتاج
سلطان: معروفه اصلا
ابو فهد : كفو عليتس فيهم
نجد : يابعد عيني ياعمي
طلع سيف وراح لبيت فيصل ابو العنود
كان الباب مفتوح وطقه وقال بصوت عالي وثقيل : ياا عرب
فيصل: اقلط اقلط
سيف: السلام علييكم
الكل : وعليكم السلام
عبود جاء يركض