بلاي حبيت نجديه

62

( البارت ما يناسب اللي قلوبهم تحب عزوز وتكره منيره🥲)

بعد ما الكل عايد بعد والسوالف بالمجالس
ابو صالح: اذبحوا ذبايحكم ماعاد باقي على الظهر شي
ابو سيف: يا عيال اذبحوا الذبايح
عبدالعزيز: سم
حمد : عزوز ابي خدمه
عبدالعزيز: اسلم
حمد: بسلم على ريما
عبدالعزيز ضحك وقال : تصدق نسيت انها صارت زوجتك
حمد : هذي المشكله
عبدالعزيز: كلمت ابوي؟
حمد : سكران انت !
عبدالعزيز : خل الموضوع علي
حمد : كفو
عبدالعزيز جلس جمب ابوه وقال : يبه
ابو سيف: سم
عبدالعزيز: يبه قصر صوتك هالحين حمد يبي يعايد على ريما خلاص صارت زوجته
ابو سيف ضحك وقال : خله يسلم علاها خلاص قد هي زوجته
عبدالعزيز: اجل تم
راح عبدالعزيز عند الباب وقال : يااولد
ام سيف: ارجع وراك كل اللي بالمجلس ما يحلون لك
عبدالعزيز: بنحاش انا كذا
ضحكوا كلهم
ام صالح: يا مليعين يا عزوز وراك ما عيدت علي
عبدالعزيز : والله يا خاله من كثر اللي عيدتهم مدري من عيدت ومن ما عيدت
ام صالح: هذاني جايتك
جت ام صالح وعيد عليها عبدالعزيز وقال : اخبارتس يا خاله
ام صالح : بخير الحمدلله
عبدالعزيز: داريه ولدتس مرسلني يقول ناد زوجتي بعايد عليها
ام صالح: حمد ؟
عبدالعزيز: اي نفسه
ضحكت ام صالح وقالت : يحق له ياوليدي
عبدالعزيز: يحق له يحق له ما نقول شي
ام صالح: من غير تراه ما شافها حتى يوم ملكوا
عبدالعزيز: اني داري ياخاله
ام صالح : بروح اقولها
بعدها بدقايق
ريما : عزوز تستهبل وين بقدر اشوفه والبيت زحمه كذا مو لازم
عبدالعزيز: الا لازم بعدين ترا الولد ما شافتس ابد وانتي حلاله مافيها شي
بعدها بنص ساعه قدر عبدالعزيز يجمعهم بغرفه
عبدالعزيز: قسم بالله لو ما تسمون اول ولد علي لا اوريكم تعبت وانا ادبر لكم غرفه
حمد : ان ريما ما عندها مشكله تقدر تسميني من هالحين ابو عبدالعزيز
عبدالعزيز: اجل تم
حمد : خلاص رح
عبدالعزيز: تطردني بعد سم سم
التفت حمد لريما وكان اول مرره يشوفها انصدم من حلاوتها كانت حلللوه بشكل محد يتصوره ومن يلوم حمد ما يعرف البنات ولا قد شافهم لا عنده عمات صغار ولا خالات صغار ولا خوات ابتسم وقال : وش هالزين يابنت عبدالله
ريما استحت وحمر وجهها وحست بحراره
حمد مسك يدينها وقال : كل عام اونتي حبيبتي وزوجتي وكل عام وانتي معي
ريما : وانت بخير
حمد ضحك وقال : ريما شجاتس
ريما : وشو
حمد : وجهتس قلب احمر تراني زوجتس عادي
ريما انفجرت ضحكت وقالت : حمد شتبيني اقول
حمد ماقدر يمسك ضحكته وقعد يضحك ضحك موطبيعي
ريما وهي تحاول تمسك ضحكتها : وش اللي يضحككك
حمد مسك وجهه وقال : مدري عنتس
ريما هنا انفجرت مره ثانيه
محد يدري هو ضحك مستحين من بعض ولا ما توقعوا هاليوم ولا علشان اول مره يتقابلون
حمد : خلاص ريما والله بطني يوجعني من الضحك
ريما وهي ميته ضحك : شدخلني انت اللي تضحكني
حمد : وانا مدري شاللي يضحكني
ريما : خلاص عاد
حمد : سمي المهم متى تبين زواجنا؟
ريما بحياء : مدري اللي تشوفه
حمد : لو على اللي اشوفه قلت هالحين
ريما: مستعجل
حمد : من زمااان
ريما وهي ماسكه الضحكه : شفيك
حمد وهو كاتمها : احس قاعدين نستهبل
ريما انفجرت من الضحك وحمد اقوى منها كانوا يضحكون من بعض كانوا يلعبون وهم صغار وما يطيقون بعض الحين يتفقون متى زواجهم!
حمد : قسم بالله ماكنت اتوقع بيوم اتزوجك
ريما : الغريب كنا نكره بعض
حمد : لا تعقبين ما كنت اكرهتس
ريما : والله دايم تصفقني بالكوره ترا ما نسيتها
ضحك حمد وقال: للحين ما نسيتي
دخل عبدالعزيز وقال : ما خلصتوا
حمد : شتبي
عبدالعزيز: اقعد وش اللي يضحكم ورا وجيهكم حمرت
ريما : مدري عن ولد عمك
عبدالعزيز بصدمه : تراه زوجك
ريما وهي ميته ضحك : ادريي
حمد حاول يمسك ضحكته قدام عبدالعزيز بس يوم شاف ريما ميته ضحك و وجها حمر من كثر ما ضحكت انفجر زود
عبدالعزيز: الله يشفيكم اطلعوا منتم وجه تتزوجون قلت بدخل واشوف ريما مستحيه وحمد مسوي رومانسي اخر شي تضحكون
__________________________________
ام سيف : عزوز خذ واذبح الذبايح
نجد : يمه انا والبنات بنطلع بنشوفهم وهم يذبحون الذبايح
ام سيف: وشوله
نجد : يمه تكفين
دانه : بنات بسرعه
طلعت نجد ومعهم ريما و دانه وغاليه وعلياء وغاده
علياء : عزوز ثوبك !
غاليه : علياء وش عزوز تمونين !
عبدالعزيز : ثوبي ذا غير الاول ماهو الجديد
نجد بحماس : عزوز يالله
عبدالعزيز: محد بيبذحها الا ريما
ريما : تعقب والله ما اذبحها
عبدالعزيز: يا الرخمه
ريما : تعقب ماني رخمه
فارس : انا اناا بذبحها تكفى عزوز تكفى
عبدالعزيز: مافيه ياولد هذي روح وانت منت عارف لازم تذبحها بسرعه
عبود : طيب انا انا اعرف
عبدالعزيز: انقلع وياه
غاده: اخلصوا
عبدالعزيز ضحك وقال: اذا دانه قالت اخلص ذبحتها
دانه بتوتر : هاه انا شدخلني
ابتسم عبدالعزيز وقال: بس كذا
نجد : عزوز !!!
عبدالعزيز: وشو
ابو سيف: اخلصوا يا عيال
عبدالعزيز : يا دانه اخلصي
دانه ضحكت وقالت : اخلص علينا انت
عبدالعزيز : تم
بدا يذبحها عبدالعزيز وثوبه تغرق دم و ويدينه وشماغه اللي كان عاصبه ارتخى وصار على نص شعره واكمام ثوبه كان رافعها وثوبه رابطه على خصره
نجد : عزوز ياوصخ كلك دم هالحين
عبدالعزيز: عادي بمسحه فيتس
نجد : اي خير تعقب
عبدالعزيز بمزح ركض لنجد ونجد صارخت وهجت داخل
ريما وهي تكابر ماتبي تبين خوفها علشان ما يلحقها قالت : اقول كمل
عبدالعزيز: امسح فيتس؟
ريما : ههه ما يخوف كمل بس
عبدالعزيز : دامه ما يخوف تعالي
ريما هجت وهو ميت ضحك
عبدالعزيز: دانه امسح فيتس؟
دانه : لا لا لا فكني عبايتي جديده ونظيفه
عبدالعزيز: عادي
دانه : لا مو عادي
عبدالعزيز: وااحد ثنين ثلاثه
هجت دانه وعبدالعزيز ميت ضحك
غاليه : بروح قبل يجيني الدور
غاده : اهج من اخواني وتجيني انت !'
عبدالعزيز: ها يا علياء ما باقي غير انتي
علياء ضحكت وقالت : لا بس صاير حلو قعدت اتاملك
عبدالعزيز بصدمه : هاه !
علياء: يوه صايره اخبط بروح ازين
عبدالعزيز : يا انا فيني شي يا ماعاد فيه حياء
دخل عبدالعزيز غرفته وراح يبدل
بعد ما تروش ولبس وطلع انصدم من منيره بغرفته !!
عبدالعزيز بحده : شجابتس هنا !!
منيره بدلع : جيت اتطمن عليك لانك طولت
عبدالعزيز: صاحيهه انتي يابنت اصحي على نفستس انتي زوجه عقاب لو يدري عنتس تدرين وش يسوي بتس !!!!
منيره حست عبدالعزيز ماراح يقبل باللي فبالها قالت: شدعوه وش سويت كلها جيت اتطمن
عبدالعزيز: اطلعي اطلعي ازين لك
منيره صارخت بكل صوتها وتقول : الحقووونييييييي
عبدالعزيز بخوف : يابنت لا تبليني بنفستس من مرسلتس علي !!
الكل من سمع صراخ منيره بغرفه عبدالعزيز اجتمعوا حولها
طلعت منيره وهي تصارخ : عبدالعزيز عبدالعزيز سحبني لغرفته
عبدالعزيز كان مصدوم وساكت وماسك راسه
ام سيف: عزوز وش هالكلام اللي سمعته !!!
الكل الكلل اجتمع على غرفته
ابو سيف صفق عبدالعزيز بكف وقال : هذي اخر تربيتي فيك
اما عقاب مسك عبدالعزيز وقام يضربه ضرب ما يرحم
سحبوا عقاب والكل مستغرب من عبدالعزيز والاكثر مو مصدق عبدالعزيز المحترم يسوي كذا اللي بعمره ما رفع عينه !
ساره بصراخ : الله ياااخذتس يا الكذابه الله ياخذذتس انتي اليوم طالعه له بدون عبايه ويوم شفتيه صد قمتي تتعذرين انك ما شفتييهه و تسولفين معه وانتي قريبه منه وهو راح تركتس الله لا يوفقتس تحطين بلاتس عليه
عبدالعزيز بصراخ : واللي نفسيي بيده انييي ما قربتهاا ولا جيييتهاا يااخي انا عبدالعزيز انا عبدالعزيز ولد عبدالله !!!
ام سيف انهارت وهي تصيح والاغلب مصدق عبدالعزيز والنص شاك بالموضوع الا عقاب اللي كان مصدق منيره تصدقين تام
عبدالعزيز: اوزنها بعقلك ياعم عقاب كيف باخذها من بين الحريم كلهم ولا بعد بغرفتيي كييف ذييي صدقتوها وهي اللي جايه عندييي
الكل منصدم من الموضوع وابو سيف ماسك راسه من الصدمه
ابو صالح بحده : ما يحلها غير الحلف على كتاب الله وانتم تعرفون اللي يحلف كذب وش مصيره
الكل التفت على عبدالعزيز
عبدالعزيز بقهر : لااا تطالعونييي كذذاااا
ابو سيف: على وضوء انت؟
عبدالعزيز هز راسه بـ ايه
ابو سيف: احلف
عبدالعزيز: لذي الدرجه محد مصدقني ؟ يبه انا ولدك تربيتك يا يبه انت اكثر واحد تعرفنيي يبه ليه تسوي كذا
ابو سيف: وياا خساره تربيبتي فيك
عبدالعزيز: وان الحق طلع معي وجهيرمنتم شايفينه
سيف: عزوز حنا نبيك تحلف علشان بس نبين الصدق
منيره وهي تصيح: ما حلف الا لانه يدري انه غلطان
عبدالعزيز: وشوو الغلطااانن وشهووو لا تجننيني و لا تحطين بلاتس علي يابنت الناااس
ابو سيف بحده : عبدالعزيز !!! احلف
عبدالعزيز بقهر حط يده على المصحف وهو ميت من القهر
ابو صالح : قل ياولدي اقسم بالله العظيم
عبدالعزيز بصوت راجف وماسك الغصه : اقسم بالله العظيم
ابو صالح: اني لم امس شرف منيره زوجه عقاب
عبدالعزيز تجمعت الدموع بعيونه وقال : اقسك بالله العظيم اني لم امس شرف منيره زوجه عقاب
ابو صالح: وان الله على ما اقوله شهيد
عبدالعزيز: وان الله على ما اقوله شهيد
عبدالعزيز دخل غرفته و قام يشيل ملابسه كلها
عقاب : حق ولدك يا عبدالله لازم يقام
ابو صالح: بس ما صاارر بينهم شي يا عقاببب اذا صدق كلام زوجتك هو ما سوا لها شي بس اخذها علشان يقام الحد
ابو صالح: احلفي يا منيره
منيره بخوف ورجفه : ما اقدر
الكل التفت لها وعقاب احتدت نظرته
منيره: ماني طاهره
مها : كيف وانتي امس صايمه !!
منيره : اليوم !
الكل شك فيها
ابو صالح: ماعليه احلفي هالحين حلف بدون تلمسين المصحف وبعد كم يوم تحلفين على المصحف
منيره وهي خايفه من الكل وخايفه من عقاب وخايفه من اهلها
عقاب بحده : احلفييييي
منيوه ما قدرت وقامت تصيح اكثر
الكل ناظر عقاب
اما عقاب خنقها بيده وقال : احلفييييييي
منيره : مااا اقدرر
ابو صالح: وليه !؟
منيره وهي منهاره ولا تقدر ابداً ترقعها ولا تسوي اي شي : لاني اكذب
الكل التفت انصدم من منيره و ام سيف كانت منهاره صارخت على منيره وقالت : الله يااخذ حق ولدي منتس الله بياخذه حسبي الله عليتس حسبي الله شككتي الناس كلهم فيييهه خليتي ابوه يمد يده عليه وخليتي اللي ما يتسمى يمد يده عليه الله لااا يسامحك الله لا يسامحك
عقاب سحبها و اخذها لبيته ومنيره كانت تترجاه
صفقها وضربها ضرب كان مميت محد يصبر عليه
عقاب بحده : جهزي اغراضك كلللهااا وببتروحين عند اهلك ولا لك قعده عندي
منيره بترجي : تكففى ياعقاب تكفى خلني عندك والله ما تسمع حسي تكفى اهلي لا يعرفون
عقاب: قللت لتس اجهزي واخلصي علييييييي
عقاب راح واتصل على عبدالرحمن وقاله يجي بنص الطريق علشان ياخذها وقال انهم ما توافقوا بيطلقها
عبدالرحمن باستغراب: صاير شي
عقاب : لا
سكر عقاب و شاف منيره جاهزه وقال : قلت لاهلك ما توافقنا
اخذ طريق ديرتها ومسك خط
________________________________
طلع عبدالعزيز وهو معه شنطه فيها ملابسه
ام سيف: يا امي انتي عزوز وين بتروح
ابو سيف انقهر انقهر وبزود انه ظن بولده كذا وشكك بثقته كذا
ابو سيف: وين رايح
عبدالعزيز: انا حلفت ان الحق معي ما تشوفون وجهي
ام سيف وهي تصيح : يمه عزوز كيف بتتركني يا يمه كيفف يامي تكفى لا تردني
عبدالعزيز بقهر وحس دموعه تجمعت بعيونه حضن امه بقووووه وهمس باذنها : ماني بمطول يا الغاليه
ام سيف: انا انا ادفع كفاره حلفك مير يامي لا تحرمني منك
عبدالعزيز التفت وشاف نجد وريما مد يدينه لهم حضنهم وقال : دموع خوات عبدالعزيز غاليه لا اشوفها
نجد: عزوز حنا مصدقينك بعدين منيره بنفسها قالت انها تكذب قسم بالله و عيت لا تحلف يعني كلنا نقول ان معك حق لا تروح تكفى
عبدالعزيز: انا حلفت دامهم شكوا فيني وخلوني احلف مالي قعده
ريما وهي تصيح : كييف مالك قعده كييف هذا بيتك عزوز لا تقول كذا
عبدالعزيز : ماني بمطول وان اشتقوا لي دقوا علي من جوال امي
ساره : عزوز تكفى لا تروح
عبدالعزيز: سارونه انا حلفت تدرين وش حلفت وقلت لكم ماني بمطول
ابو سيف: وين انت رايح
عبدالعزيز بحده : مالي قعده هنا يا يبه
قرب عبدالعزيز وباس راس ابوه وطلع وراح
ابو سيف: العيد يكمل و ولدي كم يوم ويجي والسالفه ما تطلع لحد بنت الناس ولازم نستر عليها يا ام سيف جهزي غدا الضيوف
ام سيف ما كانت يم احد كانت تصيح على ولدها
مها : بس يا اخيتي خلاص دام بانت الحقيقه وكلنا ندري عزوز ما يسويها واعتبري انه مسافر وبيجي دام قال ماهو مطول
ام سيف: وهو وش ذنبه يوم حتى فرحه العيد مع المسلمين ما فرح الله ياخذها  ونفتك منها
مها : اجل انا شقول
_________________________________________