بلاي حبيت نجديه

البارت 33

رجع فهد بيته وعلم ابوه بموافقه ابو سيف و والكل نام بسلام

( الصباح الساعه 7:30 )
العنود: عبود قم
عبود : ماما توي جيت من المسجد ونمت
العنود: الصلاه صارلها ساعتين قم خلاص
عبود : يبه قايم؟
العنود: ايه وقده افطر وقاعد يتقهوى
صحى عبود و لبس طاقيته ودخل سيف
سيف: صح النووم
عبود : صح بدنك
العنود: والله وكبرت يا عبودي
سيف : وبيجينا ورع صغييير يا اخت يا خو لعبودي
عبود : ماما جيبي ثنين مع بعض
العنود: ههههه وهو بكيفي؟
عبود : ابي اخت علشان ادلعها وأخو علشان يفزع لي وافزع له
سيف : قل اللي يجي من ربي حياه
عبود : صح
العنود : سيف
سيف : لبيه ياعيوني
العنود : ودي بكم غرض تشتريهم قبل نروح للمكشات
سيف : ابشري بس اكتبيها لي بورقه ان كانها واجد واجيبها
العنود: من عيوني وتبشر بالجنه
سيف : ابوي ينتظركم مشينا
طلعوا كلهم برا ويتقهونن
اما عند الجوهره وسلطان كان سلطان ناييم
الجوهره: سلطان ترا طولت وانت نايم
سلطان: امداني طولت توي غطيت بعد الصلاه
الجوهره: طيب هالحين تاخر الوقت
سلطان وهو مغض عيونه : كم الساعه
الجوهره : 7:30
سلطان: اخو سيف الدوام
الجوهره: هههههههههههه اي دوام بسم الله علييك
سلطان وقف وبعد دقيقه استوعب انه بالديره مو بالشرقيه
سلطان: ابك عقلي طار الله ياخذ العدو
الجوهره بضحك : اهخخ يا سلطان ضحكتننيي لذي الدرجه ماثر عليك المدير
سلطان: الله ياخذ عقله ، بعدين وش له الضحك ذا كله علي ؟
الجوهره وهي ميته ضحك وكلامها متقطع : وقفتك وقفتك ، وضحكت زياده
سلطان ضحك ومسك راسه وقال : هاجعله دوم دامتس بتضحكين
الجوهره: اهخ  ياربيي دمعت من الضحك يوم قلت اخو سيف
سلطان : تبين من يعضك صح؟
الجوهره: فكني منك تسويها عقب ذاك اليوم
سلطان: احبتس طيب
الجوهره: مو كثري صدقني
سلطان: لاني اكثر
الجوهره: لا والله انا اكثر
سلطان: تعقبين
الجوهره: تعقب انت
سلطان: متى بتجيبين سيف بن سلطان ؟
الجوهره حمر وجهها وسكتت
سلطان: حيي ولدي اسمه لحاله هيبه
الجوهره: ويمكن بنت؟
سلطان: وان بنت ازين و ازنين
الجوهره: اتوقع خليتك تصحصح
سلطان: طيرتي عقلي بزينتس و بالساعه
الجوهره: وحده صادق و وحده تسليك
سلطان: قربي واعلمك ان كان تسليك ولا
الجوهره: فكني تدخل علينا نجد ثم وش يفهمها
سلطان: واحد وزوجته وش فيها؟
الجوهره: سلطانوه عاد ما تترك حركاتك امش
سلطان بحركه سريعه سحب الجوهره
الجوهره: سلطان فكني
سلطان: زوجتي وكيفي
الجوهره: سلطان ان سويت اللي فبالك كيف بطلع ؟
سلطان: مافيها شي
الجوهره: الا فيها
سلطان سكتها ببوسه على خدها وقال : الله يحفظتس لي
الجوهره استحت واكتفت بالصمت
سلطان: هههههههه علامتس
الجوهره: مافيني شي
سلطان: جوجو لين متى ترا عادي انا زوجتس للحين تستحين
الجوهره : امش طيب
سلطان: تتحدين اعطيك وحده ثانيه؟
الجوهره: لا خلاص ما حنا فبيتنا
سلطان: جعل يومي قبل اللي تستحي ياعرب
الجوهره: بسم الله عليك
سلطان: تعالي تعالي نطلع
الجوهره: ابشر
طلع سلطان و وراه الجوهره وقعدوا بالمجلس مع الكل
ابو سيف : مابغيتوا تقومون
سلطان: لو تدري بس وش صار فيني
الجوهره تذكرت قومت سلطان وضحكت وصدت
نجد : ماتت الجوهره من الضحك
سلطان: لحول هالحين تمسكها سنه
ابو سيف باستغراب: علامكم
الجوهره: سلامتك ، ورجعت تضحك
سلطان: ولا وصلت للباب علمتيهم على الاقل قدامي
عبدالعزيز: جوعان بس تحمست لسالفه اكثر جوي عاد الضحك
سلطان: جوك الشماته
العنود: يمه الجوهره شفييكك لا تموتين من الضحك
الجوهره بضحك : ما تسوى السالفه
سلطان: بس علشان قمت واحسب اني بالشرقيه و ارتعت يوم قالت الساعه 7:30
نجد : ونص السالفه بجيبك
ام سيف : نجد ترا فهد بيجي الساعه 11 بيملك
نجد : خليه يجي شدخلني
ام سيف : صاحيه انتي
نجد : شسوي طيب
الجوهره: منتي صاحيه؟
ريما بهمس : يعني جهزي عمرتس علشان يشوفتس
نجد: ومن قالك بخليه يشوفني؟'
ابو سيف : ترا بنتغذا بالمكشات
سيف: باذن الله
ابو سيف : عبدالله انت وجود تعالوا افطروا
جود : انا مابي
عبود : ماني بماكل لين تاكلين
جود : انا مو الحين اكل شوي شوي
عبود: انا نفسك
سلطان: اما عاد يا عبود وش ذا الخفه ياا البناخي بعدين شعندي جوجو عاجبتس الوضع الحق الحق يا سيف على ولدك
سيف : هههههه والله منت بهين يا عبيدان
ابو سيف : قلبه مثل قلب سميه
عبود ضحك وقال : وشو
عبدالعزيز: كم سنه ونسمع منك ياولد علشان تدخل
العنود: ماتخيلها من عبود
ام سيف : ما تخيلتها لعيالي قبلتس وهذاهم تزوجوا
نجد : احس سيف يصلح
سيف : ههههههههه
ام سيف : يا سبحان الله
عبدالعزيز: سبحان الله في وش
ام سيف : مدري تذكرت ايامكم وراعين ياسبحان ربي
ابو سيف : وانا ما طرالي الا ايام سلطانوه
سلطان: علامي
ابو سيف: ماخليت فيني عقل
ريما : كان راعي مشاكلل
سلطان بضحك : انا ؟
سيف : جحد كل شي
ابو سيف : والله ياكنت تلعب لعب لا مدرسه تمسك ولا عصاتن تربيك
سلطان: افا
ام سيف : حتى ابو نايف ما سلم
الجوهره: ابو نايف الشايب؟
سلطان: هو نفسه مير كان غثيث يعلم علي اذا ما رحت للعصر بحلقه القران
ام سيف : ازين
العنود: ههههه لاعب فيهم
سلطان: حتى زوجتس ماهو طالع منها
سيف: والله اني اهون منك
ابو سيف : منول اكرفهم كرف الويل هالحين مدلعهم
عبدالعزيز: يبه اذا الحين مدلعنا اجل لا كرفتنا شتسوي
ام سيف : الا والله مدلعكم منول الصباح بالمدرسه ليين تجي الساعه 12 بس يرجعون يتغدون وعلى المسجد يصلون ثم حلقات قران ليين الساعه ثلاث ثم على طول لمجالس ابوكم ليين المغرب وما عاد تشوفون الدرب
سيف : ولا جاء المغرب رحنا لخالي فيصل وفينا طاقه !
عبدالعزيز: ثم نسحبها نومه ليينن ما احس الا امي شايلتني واسوي نفسي نايم علشان ما تخليني امشي
الكل ضحك على عبدالعزيز
ام سيف: ايا مليعين وترضيها علي
عبدالعزيز قرب وهو يبوس يدين امه وقال : الله لا يحرمني منتس شسوي احبتس
ام سيف طقت يده بخفه وقالت : اي ورع انا تمشيها علي
نجد: دامنا فاضين وماعندنا سوالف شرايكم كل واحد يقول موقف صارله او يوم كان مبسوط فيه وهو صغير وللحين ما نساه
سلطان: حلو بس انتي وريما ما تشاركون معنا باقي وراعين
نجد : باللهي؟
ابو سيف : ههههههههه نبتدي من شيخه
ام سيف : انا ؟
ابو سيف : مدري تخبرين شيخه غيرتس
ام سيف : يوم ما انساه وكنت مستانسه فيه ؟ ايامن واجد والله
نجد : نسمع لتس ما عندنا شي
ام سيف: كنت حامل بـ سيف و اول حمل لي وضعيفه انا ما اعرف شي وتجيني السناعه بالوقت الغلط واقلب البيت كلله انظفه لحالي و اسحب الاغراض الثقيله ولا همي لييينن حسيت بالالم اللي ما اقدر اتحرك وفيه وحده الله يذكرها بالخير ما تعرفوها اسمها ام ملفي جتني وعاد ما قصرت تعرف بالامور هذي وهاوشتني كنت باقي ورع ما اعرف شي وخوفتني الله يمد بعمرها تقولي يمكن ولدتس اللي فبطنتس ما يعيش و ابد يوم ولدت بـ سيف ذاك اليوم ما انساه ابد من الفرحه وصدقت كلامها
ابو سيف : ما تطقيني ام ملفي علشاني دايم ازعجها واجيبها لمكم هههههههه
سيف : الله يجعل ربي ياخذ من عمري ويعطيتس ياقلب ولدتس انتي
نجد : توك تحبها؟
سيف: نجد ترا بذبحتس
——————————
الساعه 11:04
فهد : تاخرنا يا يبه
ابو فهد : تاخرنا 4 دقايق تراك صجيتنا
الشيخ : السلام علييكم ورحمه الله وبركاته
فهد : وعليكم السلام والرحمه وينك يا شيخ تاخرت علينا
الشيخ : المعذره كان عندي شغل
ابو فهد : لا تاخرت ولا شي مشينا
توجهوا لبيت ابو سيف وكانت بواباته مفتوحه على المجالس و بالوجه ابو سيف وعياله و العم ناصر و صالح وحمد
ابو فهد : السلام عليييكم
ابو سيف : وعليكم السلام ، اقلطوااقلطوا
دخلوا كلهم
عبدالعزيز بهمس لفهد : حي الله معرسنا
فهد كان متوتر وضحك وقال : الله يبقيك
الشيخ :تعال يا فهد بجمبي
جلس الشيخ ويمينه فهد و يساره ابو فهد
مسك ابو سيف كف فهد ويد الشيخ فوقهم
الشيخ : قل معي يابو سيف
ابو سيف : اسلم
الشيخ : قول زوجتك يافهد بنتي نجد
ابو سيف ابتسم وقال : زوجتك يافهد بنتي نجد
الشيخ : فهد قول معي قبلت بنتك نجد زوجه
فهد ابتسم وبهذي اللحظه الارض مو سايعته من الفرحه والابتسامه شاقه وجهه  ونبضات قلبه تسارعت و يدينه بردت شد عليها ابو سيف وابتسم قال فهد بصوت مسموع : قبلت بنتك نجد زوجه
الشيخ رفع يدينه وقال : الف مبروك
الكل : الله يبارك فيك
الشيخ : باقي العقد
فتح الدفتر وقال : بسم الله
الشيخ : معرسنا فهد بن؟
فهد : فهد بن تركي بن محمد ال سليمان
الشيخ : ونعم
فهد : ماعليك زود
الشيخ : و بنتنا نجد بنت عبدالله بن؟
ابو سيف بابتسامه : نجد بنت عبدالله بن فيصل ال قايد
الشيخ : انعم واكرم
ابو سيف وعيال ابو سيف : ماعليك زود
الشيخ : توقيع المعرس و العروسه و الشهود هنا
بعد ما خلصوا
الشيخ : في امان الله
الكل قام يبارك لفهد وسلام بحراره
عبدالعزيز: عاد لا تصدق عمرك يا فهد ياويلك وراها اخوانها
سلطان: عاد اذا وصل لا عندنا الموضوع بيكون كايد لان نجد ما تسكت عن حقها
الكل ضحك
سيف بهمس لفهد : ادري ودك تشوفها عيونك بتنطق
ضحك فهد وقال : اذا ممكن وما عندها مشكله
سيف : بشوفها وابشر
دخل سيف عند قسم الحريم و وقف عن الباب وقال بصوت حاد : ياولد
العنود: ادخل
سيف: مبرووك يا نجد والله يوفقك ويسعدك بدنياك ولا تنسين ان وراك سند وظهر واخوان يعزونك ولا يرضون عليك الكلمه ولا تترددين ابد ابد بشي
نجد دمعت عيونها وحضنت سيف بقوه
سيف : انا ابن ابوي علي بالحرام لو تبين نكنسل السالفه بكبرها كنسلناها
ام سيف : نجد شبلاتس
مسحت دموعها نجد وضحكت
ابو سيف وسلطان وعبدالعزيز دخلوا
سلطان: حيي الله عروستنا
عبدالعزيز: افا يا نجد بتتزوجين وتتركينا؟ ومن يزعجني ويهاوشني كل يوم؟
نجد مسكت دموعها وسكتت
سلطان: يااا قلب اخوتس انتي تعالي تعالي يا اخت سلطان
مد يدينه لنجد وجات نجد وحضنته
سلطان: وانا اخوتس صحيح انتس تزوجتي مير حطي براسك اخوانك لهالحين وراك وسندك وظهرك ومحازمك وقت الشدايد ولا ترضين لتس المذله ولا الغلط ولا بيوم تسكتين عن حقك ولا تفكرين ان محنا موقفين معتس
نجد ماقدرت تمسك نفسها وقعدت تصيح بقوه وهي حاضنه سلطان
ابو سيف بخوف : نجد علامتس يابوي؟
عبدالعزيز: نجدد شفييتس ! ماتبين فهد ؟
نجد ما كانت تبكي ما تبي سيف بس كانت باسعد لحظاتها ما عرفت تعبر عن مشاعرها حبيب قلبها خطبها و انعقدت اساميهم اخذت اللي كل بنت من بنات الديره يتمنونه وفوق ذا كله كلام اخوانها وحنيتهم معها
نجد مسحت دموعها وقالت : الله يحفظكم ليي
ابو سيف : نجد ان ما تبين الزواج بكبره علي بالطلاق مايتم
نجد هزت راسها بلا وقالت : لا بس كلامكم خلاني قويه
سيف : افا عليتس بس المفروض قويه من غير !
ام سيف: والله وكبروا بناتي
سيف : صحح نسيييتت
الكل التفتوا على سيف
سيف: شي بيني وبين نجد، نجوده تعالي
راح سيف على جمب مع نجد وقال : فهد يبي يشوفتس صرتي حلاله خلاص
نجد : ها؟
سيف : وش ها زوجتس خلاص ويبي يشوفتس
نجد : مدري
سيف: وشهو مدري هههههههههه
نجد : سيفوه ما يضحك
سيف : انا اشوف تجلسين معه تفهمينه اكثر صح نعرفه من زمان بس تفهمينه اكثر
نجد هزت راسها وسكتت وهي كان ودها ما تشوفه ابد علشان تشوفه يشتاق ولا
سيف: جهزي عمرتس وانا بدخله المجلس هذا
نجد : ابشر
وراحت نجد و نادت ريما وعملتها
ريما : خذي ذا الفستان يجنن عليك
نجد : تمزحين صح ؟
ريما : ترا زوجتس يا الخبله عادي
نجد : مدري ريما احس ما ابي
ريما : اقول بس امشي
لبست نجد فستان وردي فاتح ماسك من فوق لين الخصر بعدها واسع شوي و فكت شعرها الاسود ورفعت نصه وبينت رقبتها الطويله و لبست طقم ذهب ابيض سلسال وحلق و اسواره وحطت ميكب خفيف زاد حلاوتها وكانت قمه بالجمال ! وتسحر العين
ريما : يممه تهبلين بسم الله ماشاءالله
نجد : مدري احس مو مره
ريما : وش مو مره تستهبلين صح؟؟
نجد : لا بس متوتره احس شعري مو مره
ريما : والله حللوو خليه كذا تعالي ببخرك
حطت المسك على اماكن النبض لنجد و بخرتها
طق الباب سيف وقال : اوووه وش ذا الزين كذا كثير علينا
نجد استحت وسكتت
ريما اشرت له بمعنا احرجها
سيف : تعالي تعالي ينتظرنها الولد
فهد كان متوتر وساكت صح قد شاف نجد بس كلها صدف ولا تتعدا الثواني تنهد والابتسامه شاقه وجهه ويناظر للباب
دخلت نجد .....