بلاي حبيت نجديه

47

فبيت ابو سيف
نجد : سييف قم ترا تاخرت
سيف تافف وقال : نجد ترا بشوتس خلاص عاد روحي
عزوز بصراخ والله لالعنتس
نجد : بسم الله
دخلت عندهم ريما وهي خايفه وتضحك
ريما : سيوف تكفى انا في وجهك عزوز بيجلدني
سيف وهو مغمض عيونه : شمسويه
ريما قفلت الباب و عزوز برا يطقه بقوه
نجد : وش مسويه انتي
ريما بخوف تضحك
عبدالعزيز: اورييتسس وين بتروحيين يعني ماكون ولد عبدالله اذا ما بكيتس
ريما بصوت عالي : تعقبب وانا بنته
عبدالعزيز: رييييماااا لا تحدينييي على الردا
سيف : عزوز اذلف انت ونجد وريما صجيتوني
نجد : بس عاد طول وقتك راقد ! رح للعنود وجب عبود علشان امي بتجي اليوم والصدق اشتقت له
ريما وهي ميته ضحك : يمه سيف تكفى عزوز عند الباب
قام سيف وهو يتسحب وفتحت الباب
دخل عبدالعزيز وجاء بيمسك ريما و وقف قدامه سيف وقال : ورع مالي قدره تراني امش قدامي
عبدالعزيز : سيف انت ما تدري وش مسويه !!
سيف: لو ذابحتك مو وقته
طق الباب
سيف اشر لعبدالعزيز وقال : الباب !
عبدالعزيز ناظر ريما وقال : وين بتروحين يعني؟
نجد : عزوز البابب !
عبدالعزيز: جاك جاك ، حي الله سوير
ساره : ساعه تفتحون
عبدالعزيز قرب وهو يبوس راسها وقال : صبحتي بالخيرطيب
ساره ابتسمت وقالت : صبحت بالنور والنوير ياعيون اختك
سيف وهو جاي من بعيد : ايييه هن الحب لناس وناس لهم ربهم
جاء لعندها وباس راسها وقال : حي الله المزيونه
ساره: الله يبقيك ياقلب اختك مير وين البنات
نجد طلعت من غرفتها وقالت : هنا هنا موجودين افا عليتس
ساره : ما بعد افطرتوا
نجد  باست راسها وقالت: اخوانتس توهم صاحين تخيليي!
ساره : عزوز لا تطيح جود
عبدالعزيز: افا عليتس
جود : ابي بقاله
عبدالعزيز: ابشري بالبقاله مير خليني افطر ونروح لها
ساره : ماعليك منها امس حمد موديها و قبلها الصباح رايحه مع عمتي حلى البقاله !
عبدالعزيز: شعليتس سوير خليها
ساره: ريما وينهي
ريما بصوت عالي : ساره يا اخيتي انا مهدده انا بوجهتس لا طلعت؟
ساره ضحكت وقالت : عليتس الامان مير مين اللي ناويتس
نجد : يعني مين بالبيت ما عنده عقل
عبدالعزيز: تبين تلحقينها
نجد : شدعوه ياخوي؟
_________________________________________
عند مها وام سيف
مها : ما بعد شبعت منتس
ام سيف: يابعد عيوني يا اخيتي مير باذن الله ب رمضان بتجون لديره صح
مها : باذن الله
ام سيف: وبالعيد؟
مها : ثالث العيد بروح لامي
ام سيف: انا بجيكم الرابع
مها : مدري كيف بجيكم و ذي معنا
ام سيف: شقلت لتس انا؟ مو قلت طنشيها ولا كانها موجوده
مها : ابشري
ريان: بروح معتس
ام سيف: شرايتس اخذه معي
مها : لا وين ويخليني لحالي
ام سيف: بعد ثلاث ايام رمضان وانتي بتجين عندنا 10 رمضان هونينها
مها : عقاب بيخليه
ام سيف: ماعليتس منه عبدالله يكلمه
مها : تروح مع خاله وتخليني ؟
ريان ضحك وقال : ابي اروح العب مع عبود و جود
مها: لا جاء ابوك قله
__________________________________
ابو فهد : لا سلطان ولا فهد  لهم فايده بالسفره ذي
ابو سيف : رقود ما عندهم سالفه اجودهم صالح
صالح ضحك وقال : بالوجود ياعمي
ابو صالح : ضعيفين ارقابهم تكسرت
التفت ابو سيف وضحك وقال : مير زين كفانا الجيب
ابو صالح: ورا ماغير انت و ابو فهد و ورا سلطان وفهد يكفي
ابو فهد : جيب صالح فيه بركه
ضحك صالح وقال : بركته منكم ياعمي
ابو سيف: فارس وراك ساكت
فارس : ابي امي
ابوسيف: عانينا بنروح لرياض خلك رجال وقوي
فارس : سم
ابو فهد : ترا العشاء في بيتي
ابو سيف : لا تكلف على ....
ابو فهد قطع كلامه وقال : ما اقاطعك ياخوي دربي مير لا كلافه ولا شي وانا معلم اهلي من منول
______________________________________
ام فهد : محمد
محمد : سمي
ام فهد : رح لبيت ام صالح وقلها اليوم العشا عندنا اليوم ومر بيت ام سيف وقل لعيالهم
محمد : سمي
ام فهد : وانت يا حمد رح جب الذبايح
حمد : على خشمي
ام فهد : عليه الشحم
محمد : حمد وراك تبحر
ام فهد :  يهوجس
محمد : حمد اروج نبي نقضي امورنا
حمد : تصدقون اني انود
ام فهد : تونا بالصباح
حمد: مدري يا ميمتي مير بحط راسي عليتس
ام فهد : تعال يا امي
_____________________
وصلوا لرياض كلهم
صالح: الحمدلله على سلامتنا
الكل : الله يسلمك
صالح: والله يا عيال ماعاد اشوف واحد منكم يكمل بدالي ماباقي على الديره شي
ابو فهد : فهد قم اخذ مكان ولد عمك
فهد : ابشر يبه
وقفوا عند بيت عقاب
ابو سيف: سلطان
سلطان: سم
ايو سيف: رح ناد امك وانا بنتظركم بالسياره
سلطان: ابشر ، فارس تعال
سلطان: ياولد
ام سيف: دقيقه يمه فيه حريم
مها: يازين سلطان زيناه
راحت مها لسلطان و تسلم عليه بحراره
سلطان باس راسها وماسك يدينها بقوه وقال : اخبارتس بشرينا عنتس
مها: بخير ياعيون خالتك
سلطان : ياجعله دوم مو يوم
مها : يااربي انك تحفظ لي بناخيي
سلطان ضحك وقال : امين امين
قطع عليهم فارس وهو ينادي امه جاء عند مها وضمته بقوووه بقوه وصدت ونزلت دموعها
ام سيف ؛ اسمحيلي ياحصه مير سلطان جاء
حصه: اذنتس معتس افا عليتس
سلطان: هلا هلا حي الله أم سلطان
ام سيف ضحكت وقالت: الله يبقيك
بندر جاء يركض وقال : فااارس
مها ضحكت وقالت: قلبي انا مشتاقين لبعض
ام سيف: وين ابوك
سلطان: كلنا رجعنا سوا راحوا عماني وعبالهم لديره
ام سيف: زين وعقاب؟
سلطان باستغراب: وش تبين فيه
ام سيف: بذبحه يعني وش ابي به ! ابي ابوك يكلمه باخذ ريان معي
سلطان التفت لريان وقال : ماشاءالله تبارك الرحمن تبي تسري معنا
ريان ضحك وقال : ايه
سلطان: تجون عندنا برمضان بس ابوك بيجي بعد بكره وقله بنروح عند عمي ابو سيف وعياله تم؟
فارس بحماس: تممممم
سلطان ضحك وقال: شدخلك اكلم اخوك مير شكلك تعودت على خطوط السفر
سلمت ام سيف على حصه ويناتها ومها
سلطان ركب وشغل السياره وينتظر امه
ابو سيف: امك وينهي
سلطان: مدري
جت ام سيف وركبت وقالت : عساني ما تاخرت
ابتسم ابو سيف وقال : ماعليه يا الغاليه
ام سيف ابتسمت وقالت : لا تعبتوا
سلطان وابو سيف: لا ندمتي
________________________________
نجد : ما ابي اروح
ساره: ماهو بكيفتس
ريما : ليه
نجد: بنات تكفون ما ابيي
ساره : ايه لييه ما تبين؟
نجد : ما ابي اشوف فهد
ساره : علامتس عليه وش مسوي
نجد: مو مسوي شي بس انا متحديته بعدين خلاص دايم نجلس معهم نجلس بالمجلس
ساره : الله يشفيكم وش تحديه
نجد: تكفين ساره
ساره تنهدت وناظرت نجد وقالت: الشكوى لله بس ما تجلسين بالبيت وانا بنفسي بصرفه علشان ما يشوفتس
نطت نجد جمب ساره وحضنتها بقوه وقالت : انتي اطلق اخت
ساره : تسلكين لي روحي روحي شوفي القهوه امي بتجي ترا
طق الباب
ريما: جاك جاك
محمد: السلام
ريما : وعليكم السلام
محمد : يقولكم ابوي تعالوا عندنا قبل ياصل ابوكم لان كلنا مجتمعين وننتظره هناك
ريما : زين
عبدالعزيز: يا بنات
ساره: هنا هنا
عبدالعزيز: مشينا؟
نجد : باقي ما لبست
عبدالعزيز: اخلصوا قبل ابوي وامي يجون
ريما : عزوز تكفى جب لي من البقاله ايس كريم
نجد: وانا بعدد
ساره ؛ وراعين انتم
عبدالعزيز: ابشروا من عيوني وش لي بالدنيا غير خواتي؟
نجد: ووي ما عرفناك
ريما: ياحلوك حلواه
ساره: لا تبطي
عبدالعزيز: انتم اللي لا تبطون باخذ جود البقاله وانتم جهزوا علشان نروح بيت عمي ابو فهد
البنات كلهم : ابشر
———————————————————————
عقاب : نزلنا؟
منيره : نزلنا
طقوا باب ابو عبدالرحمن وفتح لهم عبدالرحمن
عبدالرحمن : يا الله انك تحيه اقلط اقلط
ابتسم عقاب وقال: الله يبقيك
دخل وراه منيره وراحت لخواتها وامها وعقاب جلس مع عبدالرحمن وابوه
ام عبدالرحمن: شخبارتس يا امي عساه ولد اجاويد؟
منيره : ايه يمه الحمدلله بس قالي بكره بنمشي لرياض
سعاد : حظتس يامنيره بتسكنين بالرياض وتصيرين من بنات المدن
هند : اي والله بتخلين الديره اللي محد يبيها
منيره : وانا زعلانه واقول ما اروح شهر عسل نفس الحريم
سعاد: الرياض لحالها شهر عسل
منيره: علشان رمضان جاي قالي بعد العيد ما يخلي ديره الا و يوديني لها
ام عبدالرحمن: وزوجته الثانيه شقال عنها
منيره : ماقال شي
ام عبدالرحمن بكييد : دامه ما جاب طاريها يعني ما يواطنها بشطارتس تخلينه يطلقها وتصيرين زوجته وتغنينه عنها
منيره ضحكت وقالت: اصبري علي تربيتس انا
ام عبدالرحمن: كفو عليتس
هند : شعليتس منها خليتس بحالتس وهي بحالها
ام عبدالرحمن: مالتس دخل انتي ، بروح لنسيبي
راحت ام عبدالرحمن ومنيره للمجلس
عقاب وقف وقال : حي الله خالتي
ام عبدالرحمن: الله يبقيك يا امك
عقاب سلم عليها بحراره وقال : اخبارتس عساتس بخير
ام عبدالرحمن : نحمده ونشكره
عقاب ناظر منيره وابتسم و حط يده على المكان اللي جمبه بمعنا تجلس فيه
راحت منيره وجلست جمب عقاب
عقاب بهمس : يازين الزين
منيره ابتسمت وقالت بهمس : الله يحفظك لي
أبو عبدالرحمن: تقولي تمشي باتسر
عقاب: باذن الله
عبدالرحمن: الله يستر عليكم وعلى المسلمين
عقاب: اللهم امين
_______________________________
عبدالعزيز: يا بناااتت
نجد: ططييييبببب
عبدالعزيز: شفيتس ما ودتس بالروحه
نجد: عزوز تساعدني؟
عبدالعزيز : ابشري بي
نجد قالت لعزوز انها متحديه فهد ما يشوفها و انها ما تبيه يشوفها ولا يكلمها الا بعرسها وهو حالف انه يقدر
عبدالعزيز: أبشري بصرفه لتس لين تدخلين
نجد : يااقلبي يا عزوز الله لا يحرمني منك
عبدالعزيز: ولا منتس يا ورعتنا
ساره : مشينا؟
ريما : مشينا
طلعوا كلهم لبيت ابو فهد وصادفوا بالطريق سيف و عبود
نجد: عبووودييي يا اللي ساحب على عمانك
عبود: ههههه ما سحبت
ريما : اصلاً زعلانه منك
عبدالعزيز: نجد روحي ورا باخذ فهد
نجد: وانت
عبدالعزيز: بعد ما تدخلون بنرجع
نجد: كفو عزوتي
طق الباب عبدالعزيز
فهد: جااك جاك
فتح الباب فهد وقال: حي الله اهل عمي ابو سيف
عبدالعزيز: الله يبقيك تعال بقولك شي
فهد وعيونه تتلفت ويدور نجد قال : ضروري
عبدالعزيز: ابك ايه ضروري تعال
عبدالعزيز سحب فهد ولف ظهره وقال :تعال بوريك شي
اما نجد وساره وربما دخلوا
بعدها بدقايق