بلاي حبيت نجديه

74

تقديم للأحداث بعد خمس سنين بالضبط

كل اهل ابو سيف وابو صالح وابو فهد راحوا لرياض بيوتهم جمب بعض

( دانه وعبدالعزيز )
تزوجوا وجاب ولد و سماه على صالح لان لولا الله ثم صالح ما اخذ دانه وجاب بنت وسماها ديم علشان انولدت بالمطر عاشوا حياتهم بحب و موده بينهم وعبدالعزيز طاير بدانه و ببنته و ولده

( ابطالنا فهد ونجد🥺 )
كبر ماجد وصار عمره ست سنين و جابوا له اخو وسموه تركي عمره خمس على ابو فهد و جابوا ولد ثاني وسموه عبدالله عمره سنتين على ابو سيف عاشوا ابطالنا مع بعض و للحين فهد مغرم بعيون نجد و يشوفها احلى بنات حواء

( عقاب و مها)
استمرت علاقتهم لكن بصد من مها لان على كلامها ماعاد بقلبها حب لعقاب وكل اللي بينهم عيالهم فارس و ريان اما عقاب ندم اشد الندم انه كان يسوي اشياء ماله داعي فيها من ناحيه منيره ويوم ما يعدل بينها وبين مها

( سلطان و الجوهره)
يووه يا سلطان طاير بالجوهره و فبنته اللي سماها شيخه كملت خمس سنين و جاه ولد توه مولود عمره شهرين ومسميه سند على صديقه

( سيف والعنود )
سيف كمل باقي حياته بعقلانيته وثقله وبعد ما كمل عبود 10 سنوات كرمه ربي و حملت العنود وجابت بنت ويا فرحه سيف والعنود ذاك اليوم بعد سنين ربي رزقهم غير عبود بـ رهف وكمل عمرها سنه ونص

( حمد و ريما )
اللي هادين ومالهم حس لا بين اهلهم ولا براويتنا عاشوا طول حياتهم بحب وموده بينهم و جابت ريما ولد و سموه حاتم

( صالح وساره )
استمرت حياتهم كـ اي زوجين وبناتهم جود وريما كبروا ورزقهم ربي باخو ناصر سمي ابو صالح كمل عمره خمس سنين و جابت ولد ثاني وسماه حمد

(حمد محمد اخوان فهد تزوجوا شماليات وسكنوا بالرياض)

________ يوم العيد 10/1 الاجتماع بيت ابو سيف___________

الصباح دخل فهد لبيته بعد صلاه العيد و استقبلوه ماجد وعبدالله وتركي
فهد فتح يدينه وحضنهم وقال : هلا هلا هلا كل عام وانتم بخير ياعيون ابوكم وين ماما؟
ماجد : ماما فوق
فهد : تعالوا خذوا عيدياتكم
تركي : شكراً
ماجد : شكراً
فهد : العفو شرايكم اعطي عبود؟ ( عمره سنتين ما يفهم😂)
ماجد : ايي اخوي لازم تعطيه
تركي : اذا ما عطيته ما ناخذها
فهد : اقعد يا الفزعه بعطي اخوكم خلاص
نجد نزلت وقالت : ماشاءالله مو ناوي تعطي عبودي؟
ضحك فهد وهو تاخذ عقله نجد بحلاوتها و ملامحها وقال : الا بالله بعطيه
نجد قربت منه وسلمت عليه وحضنها فهد بقوه
نجد همست له : مجود وتروك يفهمون ترا
فهد ماردت عليها و باسها وقال : كل عام وانتي عييدي
نجد : وكل عام وانت معي وحبيبي
فهد: هذي عيديتتس
نجد : كثر الله خيرك
فهد: خيرنا واحد
نجد : نتهقوى هنا قبل نروح ؟
فهد : اي ، يالله ياعيال تعالوا
نجد ضحكت وقالت : تذكر بيتنا اللي بالديره؟ تذكر يوم كنا لحالنا بس مجودي معنا
فهد : تذكرين ايام البل؟
ضحكت نجد وقالت : الله لا يعيدها
فهد : اي بالله ايام الزعل
نجد صبت له قهوه و حطت له من الحلى
نجد : مجودي انت وتروك انتبهوا لعبودي لا يوصخ ثوبه
فهد : الله يا الدنيا وصار عندي ثلاث عيال
ضحكت نجد وقالت : ناقصنا بنت
فهد : علشان تستقوين خليك كذا
نجد : ماشاءالله مستفزع بعيالك يعني
ضحك فهد و باس راسها وقال: يابعد هالدنيا انتي
تركي : متى نروح بيت يمه شيخه
نجد: شوي يا ماما بس ليه تسوي لاخوك كذا
ماجد : عبود ما يخلي شماغه
فهد : عطني عطني شماغه اوريك فيه
عبود قام يصيح علشان فهد اخذ منه الشماغ
نجد : فهود حرام عليك
فهد : ها يا وليد فهد طاح العناد
نجد: ياويلك من ربي
قرب فهد من عبود ولبسه شماغه
فهد: ترا بشوتك
نجد: خير عاد ولدي
فهد: تراه ولدي بعد
نجد: اي واضح
ضحك فهد وقال : منتي صاحيه
نجد: نمشي
فهد: اي باخذ العيال ونطلع برا
نجد: باخذ نور ( الخدامه ) عيالك بيطلعون عيني
ضحك فهد وقال : خذيها تساعدك هناك
طلعوا كلهم و ركبوا ومتوجهين لبيت ابو سيف
__________________________________
عند عبدالعزيز ودانه
عبدالعزيز: دنوو
جت ديم ركض لعبدالعزيز وحضنها بقوه وقال : ياااحلوو البنات ياناس
صالح جاء وباس راس ابوه وقال : كل عام وانت بخير
عبدالعزيز نزل ديم وحضن صالح وقال : وانت بخيير ياقلب ابوك وش ذا الرزانه ما عرفتك
جت دانه و عبدالعزيز للحين كل ما شافها قلبه يحسه بيطير من مكانه سلم عليها وجلسها جمبه وقال : شعندي صلوح صاير عاقل
دانه : توصياتي لي يومين اقنعه يصير عاقل
ضحك عبدالعزيز وقال : تعالوا تعالوا يوووه ياربب تحفظهم لي
ديم: ماما ابي كيكه
دانه : مو الحين يا ماما فستانتس بتوصخ
ديم بطفوله : بلييز ماما
نظرات عبدالعزيز كانت كذا🥺
عبدالعزيز: الله ياخذني ان ما عطيتس تعالي
دانه : عزوز بالله بيتوصخ فستانها ومابعد رحنا
عبدالعزيز: ماعليتس ماهي موصخه عمرها انا بعطيها
دانه: يا العناد فيك انت وبنتك
عبدالعزيز ضحك وقال : احبتس طيب
دانه : حلى تعرف تصرف المواضيع
عبدالعزيز: نمشي ؟ يمدي ابوي يحترينا
دانه : اي خلصت
عبدالعزيز ابتسم وقال : ننتظرك برا انا وديومه وصلوح
دانه: تمام ماني مطوله
طلعوا لبيت ابو سيف كلهم
____________________________________
فبيت ابو سيف الكل اجتمع من العوايل الكبار و الصغار وكانوا الحريم بمجلس و الرجاجيل بمجلس والكل كان مبسوط