بلاي حبيت نجديه

71

طلع وهو ماسك ظهره وبالصدفه شاف دانه وياحلوها من صدفه انصدم من ملامحها الهاديه اللي تجذب الواحد دخل وتنحنح ودانه بخوف دخلت الغرفه الثانيه وتغطت عبدالعزيز طلع وتلفت مافيه احط طق باب الغرفه
قالت دانه : مين
عبدالعزيز: فيه احد؟
دانه: عبدالعزيز مافيه غيري مقدر تدخل
عبدالعزيز: تعالي بقولتس شي
دانه بخوف فتحت الباب وقالت : وشو
عبدالعزيز من شاف عيونها حس بنبضات قلبه تزيد ناظر عيونها وقال : دانه يرحم لي والديتتس لا توافقين على ولد خالتس
دانه باستغراب: ليه
عبدالعزيز: تسالين ليه دانه انا احبتس احبتس واللي خالقني تكفين لا توافقين تكفين يا دانه لا تخليني انا ماقد تعلقت فبنت كذا ولا قد حبيتت اصلاً ما كنت ادري انه حب ما اعرف وش الحب اصلاً كنت بس من اشوفتس احس بشعور غريب تكفين لا تكسرين هالقلب
دانه وهي ماسكه دموعها : بس لو صادق كان خطبتني قبله
عبدالعزيز: واللي نفسي بيده اني صادق دانه شوفي شوفي
سحب يدينها وحطها على قلبه انصدمت دانه من انه مسك يدنها وحست بقلبه ينبض بسرعه ويدينه بارده ناظر عيونها وقال : كل ما شافك يسوي كذا ارحميه تكفين
دانه : ما اكذب عليك واقول اني ما حبيتك عزوز انا حبيتك بعد بسس ماشفت منك شي يثبت لا كلمت ابوي ولا سويت اي شي
عبدالعزيز:تبيني اكلمه الحين؟
دانه نزلت دمعتها وصدت
عبدالعزيز بقهر : ليييه ليييه الدموع هذي لييه
دانه: لاانيي احبك احببك وبيوم وليله يطلع لي ذا مدري من وين طلع
عبدالعزيز: اهخخ يا قلبي قلبيي ارفضييه يا دامتس تحبيني
دانه : بس ابوي موافق علييه ولا اخذ رايي ولا قال تبينه ولا
عبدالعزيز وعيونه امتلت بالدموع وقال : والله ما ياخذتس وانا عايش
دانه : عزوز انا خايفه عليك وعلي واخاف ابوي يفهم غلط
عبدالعزيز: وهالقلب من يرحمه؟
ريما من بعيد : عزووززز قممممم
دانه بخوف راحت ودخلت الغرفه وعبدالعزيز غمض عيونه بقهر و لف و طلع للحوش الرئيسي
ام سيف : عزوز يمه وينك
عبدالعزيز: هلا يمه
ام سيف: جهزت الناس بتجي
عبدالعزيز: اي
ام سيف: ايه وانت منت لابس غير ثوب و طاقيه
عبدالعزيز: شماغي نسيته
ام سيف ناظرت عيونه وقال: شفيك
عبدالعزيز: مافيني شي
ام سيف: وش الموضوع اللي كنت تبي تكلمني فيه و اقرب ازرار ثوبك مسكرها غلط شف الاخير تاركه
عبدالعزيز تنهد وناظر امه وقال : ابي تخطبين لي دانه
ام سيف وهي تضبط ازرار ثوبه : دانه خطبها ولد خالتها ما تدري يعني؟
عبدالعزيز: و السوات
ام سيف: ادور لك بنت ثانيه
عبدالعزيز: بس ما ابي الا دانه
ام سيف: بس اقصر حسك وش بينك وبينها يوم انك ملزم
عبدالعزيز: مابينا شي بس انا ابي دانه يعني ابيها
ام سيف : عزوز الفكره شيلها من راسك ابوها وافق وبيملكون اطلع من السالفه
عبدالعزيز: وقلب ولدتس يمه؟
ام سيف: عزوز يا امي ابوك لا يسمعك تكفى
عبدالعزيز: يمه تكفين القلب ما يبي الا داانه يا يمه لا تكسرينه
ام سيف حضنت عبدالعزيز وقالت : تتيسر يا امي تتيسر
__________________________________
الساعه 3:30 العصر كان بيت ابو سيف مزحوم بالناس و ريحه القهوه و العود ماليه البيت بالبيت الحريم و الرجاجيل بالحوش و المجالس اللي تبع البيت
وصلوا فهد ونجد وقف فهد عند باب الحريم وقال : اقري اذكارتس
نجد: من عيوني
ابتسم فهد وقال : استودعتس الله نزلت نجد ودخلت داخل اما فهد طلع لرجاجيل وقال بصوت حاد : السلام عليكم
الكل رد السلام بحماس و سلمىا عليه بحراره
اما عند نجد دخلت و راحت عند الحمامات يكرم القارئ نزلت عبايتها ضبطت شعرها و زادت روجها و تعطرت و دخلت المجلس اللي كان مليان من الحريم و اصواتهم العاليه التفتوا كلهم لنجد وقالت : السلام عليكم
الكل رد السلام و بدت نجد تسلم عليهم كللهم منهم الحاسد ومنهم اللي مستانس ومنهم المتكبر
ام فهد: يازين الزين تعالي بجمبي
ام ظافر: هذي الغاليه اجل
ام فهد : اي والله غاليه ر زوجه الغالي
ام سيف ناظرت نجد وعيونها بدت تدمع ماتوقعت بيوم نجد تكبر كذا و تتزوج ابتدت السوالف بالمجلس و النظرات على نجد
نوف بهمس: اجل تبون فهد يلتفت لنا و المزيونه ذي مقابلته دايم
سلمى : بعيده عنا يا بنات شوفوا شوفوا يمه تهبلل
هيفاء: يمه يا عيونها ياوك كانها رسمه وااسسعهه و رموشها كثيفه
وضحى: بنات اذكروا الله
هيفاء: مصيبه ذي ما يجيها شي شوفي يدينها كيف كانها لعبه مو يدينا
سلمى: يديني متحرقه من اخواني المشافيح اسويلهم لقيمات
نوف : ياحبيبتي ذولي عيال عز ما يطبخون نفسنا
ليلى مدت الفنجال لنجد وفجاه انكسرت واحترقت نجد
ليلى بخوف : بسم الله يا عمه صارت شي
ام فهد : بسم الله عليتس
الكل التفت لنجد وقام يسمي اما نجد مسكت الدمعه و سكتت
ليلى : القهوه تو مسوينها اكيد اوجعتس
ام فهد: الله يهداتس يا ليلى كان انتبهتي
ساره : لا يا خاله الفنجال بنفسه انكسر شكله ما تحمل الحراره بس ليت الناس تذكر ربها
نوف : وي شدعوه عليتس ساره
ساره : اي وانا صادقه اسمع لي كلام واسمع مصيبه يدينها كانها لعبه !
نوف خافت وقالت : اجل معتس حق
نجد قامت وطلعت ام سيف لحقتها وقالت : وريني يدتس
نجد: خفيفه خفيفه
ام سيف: وريني
نجد مدت يدها وقالت : الحمدلله كنت احسب بتنتفخ بس صارت حمراء
ام سيف حضنتها وقالت : قريتي اذكارتس؟
نجد هزت راسها بـ ايه
ام سيف ضحكت وقالت : غريبه ذكرتيها
ضحكت وقالت : فهد غصبني
ام سيف : ياحلوتس وياحلو هالفهد
نجد : وين ريمت
ام سيف: ريما من رحتي و الدموع اربع اربع
نجد : لاتقولييين
ام سيف: والله روحي لها
_____________
عبدالعزيز جلس جمب فهد قال : اخبار النسيب
فهد ابتسم وقال : نحمد الله ونشكره
حط يدينه على ظهر عبدالعزيز وقال وانت
عبدالعزيز تالم وقال بخفه : اهخخ ياورع نزل يدك
فهد : علامك
عبدالعزيز: اسكت بس طيرني رعد وحذفني على الحواجز
فهد : غريبه عليك
عبدالعزيز: ما كنت يمه واسولف مع كامل و ماكنت نثبت نفسي
فهد : ياشيينها
عبدالعزيز: اي بالله وزين قاعد هالحين ما تشوفني ما اصب القهوه
ابو سيف: القهوه ياولد
سلطان: ابشر
ابو محمد : افا عبدالعزيز ما اخبرك كذا تخلي اخوك يقهوي عنك
ابو سيف: عبدالعزيز معذور تعيبان
ابو محمد : ما تشوف شر
عبدالعزيز ابتسم وقال : الشر ما يجيك
سلطان اشر لسيف وقال: الغدا تعال نطلعه
سيف: عز الله عزوز كان شايل عنا
فهد : لو ماني معرس ساعدتكم
حمد لف شماغه على عقاله علشان يثبت اكثر ونزل الغدا وحطه و ضبط كل شي راح لسيف وسلطان وقال
وقال وهو يلقط انفاسه : ياعيال نزلت صواني الغدا كلها باقي غدا الحريم عند الباب حطيته واحد منكم يطق الباب عليهم
سلطان: شكلتها كلها !!!!
حمد : اي خلاص
صالح جاء وقال : ياعيال ترا جبت المشروبات اللي بالبقاله كلها تخيلوا طلعت قليله وانا اطلع برا الديره وجبت من بقاله الديره اللي جمبنا وهذاني جيت وصفيتها برا كلها
سيف: ذولي النسايب الصح
سلطان : يالبييه بس باقي ذا
فهد : معرس وتبوني اشيل !
سلطان: نشوفك بعدين
فهد : افا
سيف اشر لابوه بمعنا كل شي جاهز
ابو سيف: تموا تموا على الغدا الله يحيكم اقلطوا
الكل قلط على الغدا وابو سيف وعياله واقفين و حمد وصالح
ابو سيف: ياصالح انت وحمد تغدوا
صالح : ماني بماد يدي الا معكم
سيف: فاهم الاحترام غلط ترا ابوي مايقدر ولا حنا عيب نتم مع ضيوفنا !
حمد : ضيوف عمي ضيوفنا واقطع
سيف: تمون يا النسيب
سلطان: علشانك انت واخوك اللي مجهزين كل شي
ابو سيف: بس انت وياه
سيف: يبه تدري صالح فر الديره كلها ولا كفت المشروبات وطلع لديره اللي بجمبنا وجاب منهم وذيبان ( يقصد حمد ) نزل صحون الغدا كلها كان بيموت
سلطان: بغينا نذبح زوج ريما
ضحكوا كلهم
ابو سيف: بس عيب ياولد انت وياه
حمد : سم
____________________________________
ام سيف: تو ما نور المكان
حصه : يابعد عيني والله منور بـ اهله
ام سيف: وه ياززييينن. البنات
لين : عاد جينا علشانتس وعلشان بناتس
ام سيف: يابعد قلبي تعالوا تعالوا
قعدوا وام سيف بينهم
ام سيف: هذي نجد بنتي الاخيره وذيك ساره واللي تصب القهوه ريما
حصه : ياحلوهم حلواه الله يحفظكم لتس ويرزقتس برهم
ام سيف: امين يارب
عبود جاء يركض وقال : يمه يمه
ام سيف: هلا امي
عبود : خالي احمد يبيتس
ام سيف: زين سلم علم خالتك
حصه : يازين  الزين وش اسمك يا حلو؟
عبود: عبدالله بن سيف
حنين : وه ياربييي احلى عبدالله
عبود : لا جدي احلى
ضحكوا كلهم
ام سيف: زين قوله بتجي الحين
بعدها بدقايق
ام سيف ضحكت وقالت : ابك نسيتك
احمد : اني داري قلت كل ذا علشان تجي
ام سيف: ياعيون اختك سم شبغيت
احمد : ابي لي حبوب لصداع راسي مصصدع
ام سيف : علامك مصدع
احمد : مدري والله مير اقرب مسكن
ام سيف: زين برسلك ريما
احمد : انتظرتس
دخلت ام سيف وقالت لريما تطلع لـ احمد
ريما : حمود تخيييل
احمد : اسلمي
ريما: شفت زوجتك
احمد : من زوجتي
ريما : اما نسيت ترا الموضوع ما صارله شهرين
احمد: اييييه
ريما: ايي وايي والله ياهي حللوه
احمد ضحك وقال : صدق
ريما: اي تهبل
احمد: اي اخيتي ذويقه
ريما : طيب انتظرني بجيب لك مسكن
احمد : تكفين بسرعه مصدع
ريما: ابشر
وقف احمد عند الباب وكان يسولف مع عبود ويغني معه ويضحك
طلعت حنين من الحمام اللي كان بجمب الباب بس ما انتبهت ان فيه احد برا وقفت عند المرايه تضبط شعرها و زادت الروج ابتسمت لنفسها بالمرايه وطلعت شافت الباب مفتوح وشهقك ورجعت اما احمد شافها من المرايه وشاف حركاتها كلها شافها وصد وقال لا اله الا الله معقوله فيه احد حلو كذا
ريما : حنين انتبهي ترا خالي هنا
حنين : الحمدلله انتبهت ولا بغيت اطلع
ضحكت ريما وقالت : ماعليه
احمد همس وقال : حنين
ريما : حنين انتظريني دقيقه، حمودد
احمد: هلا
ريما : خذ اكل حبه وحده لانها قوي وذي المويه وامي تسالك تقول تقهويت؟
احمد : اي
ريما: غريبه اجل
احمد : لا الحمدلله الحين خف
ريما ضحكت وقالت : امداك
احمد : علشان شفتس
ريما : ايه ايه بس تسلك لي
احمد : تبين شي
ريما : سلامتك
راحت ريما و شافت حنين وقالت : ذا خالي احمد مايصلح خال ابد
حنين ضحكت وقالت : الحين ورا اللي داخل كلهم نظراتهم غريبه
ريما: اهخ تكفين ما اواطنهم بس مغصوبه تعالي والله ودي احش بس ساره مشغوله و نجد مسويه عروس وجمب ام زوجها
حنين ضحكت وقالت : ياحلوتس امشي امشي انا اختس
ريما : اكيييد تعالي