بلاي حبيت نجديه

64

مجيد : عزوز اكل !!
عبدالعزيز: يارجال مالي نفس
مجيد: طيب مو علشاني علشان اميمتي اللي واقفه بالمطبخ علشانك
عبدالعزيز: قدرها غالي مير والله ياخوك مالي نفس واكلت لقمتين قدامك
وجدان من ورا الباب : مجيد
مجيد بحده : جاتس بس روحي
عبدالعزيز نزل نظره تحت
( حتى و وجدان ماهي داخله ولا قريبه من الباب منزل راسه احترام لاهل البيت )
وجدان: من ذا
مجيد : ورع هذا كبرتس شتبين بالرجال
وجدان: يووه مجود ترا كبرتها بس اسالك !
مجيد : عبدالعزيز ولد الشيخ
وجدان: اقعد ولد الشيخ !
مجيد: ايه
وجدان: ياحليله والله
مجيد بحده : وشهو !!
وجدان: مجود شفيك قلبت خلف المهم خذ بروح البس علشان ما اتاخر
مجيد ضحك وقال : طسي طسي
نزل الفراش مجيد وقال : فراشك يا العضيد
عبدالعزيز ابتسم وقال : مكثور الخير
مجيد: تقدر تطلع ماحولك احد وتغسل
عبدالعزيز : زين
مجيد شال الصحن ودخل لبيتهم
اما عبدالعزيز وقف عند الباب وتنحنح وقال : يااولد ، ياولد بطلع اغسل
قعد بثواني وطلع
( عزوزنا تعقد من منيره😂)
ام خلف: وراه ما اكل
مجيد : يقول ماله نفس وتعبان وميت نوم
أم خلف : طيبب يامي لا رحنا بيت جدتك تخليه؟
مجيد : بقعد معه
ام خلف : وعماتك وعمامك؟
مجيد: قولوا جايه ضيف صعبه يتركه
وجدان : ضيفك مطول؟
مجيد : هالحين انتي ورع ام 16 وش دخلتس بذي المواضيع ؟
وجدان: يووه من ولدتس يمه
ام خلف: بس عاد روحي قعدي ابوتس علشان يجهز ونروح
وجدان: من عيوني ابشري
_________________________________
نجد : ريما تكفين والله احس بغصه
ريما : اجل انا شقول والله اشتقت لعزوز محلي البيت
نجد: الله ياخذتس يامنيرووه عساتس ما تتهنين بحياتس
ساره : بنات ما خلصتوا؟
نجد : سااره
ساره بخوف : بسم الله عليكم
حضنت ريما ونجد وانفجروا بحضنها يصيحون
ساره : يابعد عيوني انتم
نجد : سااره تكفين عزوز قالك وين راح
ساره : لا ياعيوني ما علمني
نجد : انتي معتس جوال خلينها نكلمه
ساره : تدرين هالجوال ما اعترف به ولا اخذه معي بالبيت ناسيته
ريما : تكفين قولي لصالح يجيبه امانه والله مقدر ارتاح لين اسمع صوته
ساره : بنات لا تخلوني اصيح توي خلصت مكياجي بالموت ونا احط والدموع تصب
نجد : اجل امي وابوي كيف
ريما : امي ذابحتن عمرها
ساره تنهدت وقالت : ماعليه تذكروا ماراح يطول
نجد : شدراك؟
ريما : كيف قالك
ساره : ناسين زواج نجد؟
نجد نزلت دموعها وقالت : ولو ماجاء؟
ساره : مستحيل عزوز ما يجي عرستس المهم بروح لامي اجهزوا
________________________________________
سلطان تنهد وهو يجلس
الجوهره: بسم الله عليك شفيك
سلطان ناظرها وابتسم وقال: ادق على عزوز مايرد
الجوهره: ماراح يرد لان السالفة ماهي بسيطه ومن غير توها قايمه
سلطان: وهو هذا اللي حارق قلبي
الجوهره تقدمت ومسكت يدين سلطان وقالت : ادع ربك يحفظه ويبعده عن عيال الحرام
سلطان ابتسم وقال: يا طيب قلبتس طيباه يا جوهره قلبي
الجوهره: والله ياروح الجوهره اني ما اجي ربع طيبتك وخوفك على اخوانك واهلك
سلطان حضن الجوهره وباس خدها وقال : الله يحفظتس لي
______________________
عقاب: مها
مها: هلا
عقاب: استخرتي ولا من راسك؟
مها : ما استخرت وبتطلقني
عقاب تنهد وناظر فيها وقال : بوديتس عند اهلتس تعيدين عندهم وتقعدين لييننننن تطفشين وبعدها بنسافر
مها: هالحين مسوي ترضيني بسفره ؟
عقاب: لا مير لو تبين رضاوه امري وابشري باللي تبينه
مها سكتت وحطت عينها بعينه وقالت : ابي الطلاق
عقاب: طلاقق ماني بمطلق يا مها بعد عشرتنا تبين اطلقتس
فارس طق الباب وقال: يمه ادخل؟
مها : ادخل
فارس: يبه نبي نسافر نفس غازي ولد كايد يقول حنا بعد العيد بنسافر
عقاب: وحنا ماحنا مسافرين هذانا بالديره
فارس: لا يبه نبي بحر او براد
عقاب : ان امك تبي نسافر ماعندي مشكله
فارس بحماس: ها ماما شرايتس
مها : بنروح لخوالك اول
عقاب خاف ان اذا راحت ما ترجع قال: وبعدها؟
مها ناظرت عقاب بنظرات حاده و عطته نص ابتسامه وقال: اشوف
تنهد عقاب وقال: اجهزوا نروح بيت ابو صالح
_____________________________
6:30 المغرب
ام خلف : مجيد يمه قم ودنا
مجيد : خليف وينه
ام خلف: خلف مودي زوجته وسابقنا
مجيد : وابوي؟
ام خلف: ابوك بيتاخر
مجيد: انا بطلع مع خويي
ام خلف: هوو ! من اهم حنا ولا خويك
مجيد: خلاص بنروح كلنا وهو بخليه يركب قدام لان لاصار ورا جمبه وجدان مايصير!
ام خلف: اخلص علينا تاخرنا
مجيد : طيب طيب بروح له
مجيد : عزوز
دخل وشاف عزوز يصلي
مجيد: تقبل الله
عبدالعزيز ابتسم وقال: منا ومنك
مجيد: مشينا وترا اهلي معنا بنزلهم فبيت جدتي و نروح المخيم
عبدالعزيز: رح ودهم بعدين تعال لي
مجيد ؛ المخيم على طريق بيت جدتي يعني حرام اروح ثم ارجع ثم اروح؟
عبدالعزيز: يا رجال خوفي احرج الاهل
مجيد: يابن الناس اهلي هم اهلك امي بحسبه امك و اخيتي مثل اختك
عبدالعزيز: اكيد افا عليك بس
مجيد: جهز جهز ترا تاخرت عليهم
عبدالعزيز: خلهم يركبون وانا بجيكم
مجيد ضحك وقال: ياليل الاحترام الزايد
بدل عبدالعزيز ثوبه ولبس شماغه و عقاله وشخص و تعطر على السريع و طلع
وجدان همست لـ الهنوف ( بنت خالتها اخت مجيد بالرضاعه ) : هذا هو ولد الشيخ
الهنوف: ماشاءالله هييبه
ام خلف : اسكتوا الولد بيجي
مجيد فتح الشباك وقال : عزوز صك الباب كلنا طلعنا
عبدالعزيز: ابشر
ركب عبدالعزيز ووصد وقال : السلام عليكم
الكل رد السلام
ام خلف : شخبارك يا وليدي
عبدالعزيز حس بصوتها كميه حنيه وتذكر امه وتذكر كيف كانت تصيح قبل يطلع اوجعه قلبه و رد عليها وقال:بخير يا امي وانتي عساتس بخير وصحه؟
( من باب الاحترام يقولها امي)
ام خلف : نحمده ونشكره
مجيد: يمه تبون البقاله ولا خلاص ما تبون
ام خلف التفت لوجدان وقالت : وش تبين
وجدان همست لامها وش تبي
ام خلف : ماله لزوم رح بيت جدتك بس
وجدان بقهر ناظرت امها وطقت مجيد من كتفه
مجيد قمز من مكانه بخوف وقال : بسم الله الرحمن الرحيم
عبدالعزيز ضحك ونزل راسه
مجيد: روعيتني الله يخلف علينا وعليتس
وجدان مسكت الضحكه ونزلت راسها تضحك والهنوف اقوى منها
ام خلف : بسم الله على قلبك خوفتي اخوتس
مجيد ضحك وقال : خلاص حتى اللي تبينه اعرف وشهو
وقف مجيد عند بقاله ونزل عبدالعزيز
مجيد باستغراب: تبي شي ؟
عبدالعزيز: لا بس بقعد برا
مجيد بحده : عيب عليك ياولد !! اهلك هم اهلي انا امنك على روحي مو بس على اهلي
عبدالعزيز ابتسم وقال : داري ياعيون اخوك مير ياخذون راحتهم
مجيد : عزوز اي راحه ترا ماني بمطول
عبدالعزيز ما سمع لكلام مجيد و وقف عند البقاله وجلس وينتظر مجيد يكمل اغراضه
ام خلف : ياحليله هالوليد محترم الله يحفظه لوالدينه
________________________________________
ابو صالح: يالله حيهم اقلطوا اقلطوا
تقدم ابو سيف وباس راس ابو صالح ونفس الوقت حضنه
ابو صالح :عرف ان اخوه متضايق حضنه بقوه وشد عليه وقال تتيسر تتيسر
بعدها بشوي دخل عقاب والكل مستغرب كيف امداه طلع منيره ورجعها بيت اهلها بس محد تكلم وسكتوا كلهم
عقاب : عبدالله ابيك بموضوع
ابو سيف شد على يدين عقاب وقال : الموضوع وسكره ولاني زعلانن عليك تبقى ولد عمي واخوي وكل اللي سويته من حقك لو انا مكانك سويت اكثر
عقاب تنهد وقال : اوجعت عبدالعزيز بالحيل
ابو سيف: انا انا مديت يديني عليه
ابو صالح بضحكه: عاد عقاب و عبدالله اجتمعوا ابك خلونا نسولف جميع !
هذا طبع ابو صالح مايبين انه متضايق ونفس الوقت يحب يغير عليهم ومايبقون متضايقين
مها : شيخه تروحين معي بروح لديره باتسر
ام سيف: اروح و ورعي مدري وين ارضه من سماه؟
مها : يابنت الحلال عزوز كبير وكلها كم يوم ويرجع
ام سيف: وش يضمن لي ايام ويرجع لي
مها : زواج نجد بيرجعه
ام صالح: هونيها وتهون ياخيتي  ونفس ما قالت عزوز كبير
ام سيف : اللي يشوفكم ما يقول عندكم عيال وتحسون ورعي ذا لو عمره ميه بخاف عليه
بدريه دخلت وقالت : السلام عليكم
ام سيف: هذا اللي ناقصنا بعد
ام صالح: لا تردين عليها تبي ترفع ضغطك
الكل رد السلام
وبدوا يسولفون
_________________________________________
ابو فهد : اقول يابوي باتسر رايحين لنجد العذيه علشان عرس فهد
ابو تركي ابتسم وقال : باذن الله جايينكم. سادس العيد
عساف : تركي ياخوي هما هو عرسه ثامن العيد؟
ابو فهد : هالله هالله ثامن العيد
عساف: وراكم بتروحون بدري
ابو فهد : كيف اجل حنا ضيوف ! العرس عرسنا ولزوم نجهز له من بدري والمفروض تعاونوني وتجون
عساف: ومن قالك ما راح نعاونك حنا بنمشي مع ممشاك
حمدان : يعني نمشي باتسر؟
حسين : انا بقعد عند امي وابوي لين سادس العيد ثم نجيكك
ابو فهد ابتسم وقال : الله يحفظكم لي ياخواني
عساف : افا عليك وليدنا فهد تبي نخليه؟
فهد : الله يعزكم يا عمامي
ام تركي : وعلامهم خوالك يا مليعين
ام فهد تقرب لام تركي 😂
ابو تركي : ما قلنا في خواله شي مير عمانه يعزونه
ضحك فهد وقال : انشهد عماني يعزوني ولا قصرون في خوالي
بندر : اجل ولموا الشناط باتسر
نياف: عز يابن العم اجل خلاص بتتزوج
فهد ضحك وقال: هالله هالله
نادر : الله يبني بيتك يالنسيب ( زوج ترف )
فهد: اللهم امين
_________________________________________
مجيد : عزوز انزل سلم على عمامي
عبدالعزيز: ها؟
مجيد : ماعليك عمامي لحالهم ظني الحريم لحال
عبدالعزيز : اذا اهلكم فيه ماني بجاي اذا الرجاجيل لحالهم بجي
نزلوا ام خلف و وجدان و الهنوف و راحوا و دخل معهم مجيد
سلموا كلهم بحراره
مجيد : اقول يا عمامي معي ضيف
سليمان: الله يحيه ويبشر بالعشاء
مجيد : لا بس بيسلم وانا عازمه يعني مايبيلها كلافه
فواز : اجل خلوا الحريم يدخلون
ريماس بهمس : يالليلل وهو كل ما طفشوا دخلوا احد ودخلنا لعبه صرنا
وجدان : ريييماااسس
ريماس : هلاا والله
سلموا على بعض بحماس
ريماس : ياحلوتس يا الهنوف الحمدلله انتس جيتي
الهنوف : يابعد عيوني
ريماس : الضيفف جاي معكم !!
وجدان : ايه خوي مجود وبينام عندنا وقاله يسلم على عماني
ريماس باستغراب: وش ذا الخوي اللي ينام عند الناس ما عنده اهل؟
ضحكت فجر وقالت : ريمااس شدخلك بالناس
وجدان: ياحليلك انتي وهي لو تدرون بس من ذا
ام خلف : ادخلوا يا بنات الرجال بيدخل
دخلوا كلهم و وقفوا عند الشباك يبون يشوفونه ونفس الوقت بعيد عن الحريم الكبار علشان ما ينتبهون
فجر : من ذا
دخل عبدالعزيز ورفع يده بمعنا سلام وقال بصوته الحاد : السلام علييكم
الكل قام من مكانه كبير وصغير كان عبدالعزيز هييبه و محترم ومن كثر هيبته واحترامه وقفوا الكل علشان يسلمون عليه
فجر : بسم الله علينا الرحمن يمه يجنن
ريماس : ملامحه جديده ماشاءالله حاده !!
الهنوف: اييه ملامحه تبارك الرحمن حاده وعيونه ونظرته بعد
فجر : الطول يا ماشاءالله
ريماس ضحكت وقالت : بنات شوفوا سعيد طوله معه
ضحكوا كلهم
فجر : من ذا وجدان
وجدان: ذا ولد الشيخ اللي بالديره
فجر : ياقدمي يا الديره من زمان ما جيتها بس من عيال عبدالله صح
وجدان: ايه نفسه
ريماس: انا اذكر عياله بس ذا شكله جديد
وجدان : انا نسيتهم اذكر يوم كانوا يلعبون كوره بالحاره وحنا صغار وهم كانوا كبار طبيعي بيتغرون
ريماس : اي واحد منهم
وجدان: مدري مجود يقول إسمه عبدالعزيز
فجر : يمه ذا الحلو من الديره قسم بالله سعيد اللي من الديره مو ذا المزيون
ضحكوا كلهم
ريماس : سلمى بتموت من الضحك
وجدان: علامتس ساكته
سلمى : راسي بينفجر كيف ذا الحلو من الديره خير ذا نظيف نظيف
وجدان: الفلوس تنظف ههههههههه
فجر : لو الفلوس تنظف خلونا نقط لسعيد
سلمى : بنات اخذ حسناتنا
فجر : اذكر عنده خوات صح
وجدان : اي اذكر وحده نسيت اسمها بس اكبر منا بسنتين و وحده اكبر و وحده كبيره
فجر : اذكر الكبيره كانت تجنن
سلمى : ما قصرتوا كلهم شكلهم حلوين
ريماس : مالت علينا وعلى عيالنا
__________
عبدالعزيز: تامرون على شي
فواز : ابد مير لا رحت سلم على ابوك
عبدالعزيز ابتسم وقال : يوصل
مجيد : تمسون على خير
الكل رد عليهم وطلعوا