بلاي حبيت نجديه

53

اما فبيت عقاب مها سمعت الاذان و توضت وصلت  وقومت فارس وريان
مها : يمه فارس انتبه لاخوك ولا تبطون تراني احتريكم عند الباب زين يمه؟
فارس: ماما روحي نامي انا رجال وكبير لا تخافين علي وتنتظريني وتتعبين
مها ابتسمت وقالت : يابعد هالدنيا خايف اتعب؟
فارس: ايه
مها: يا امي انت ما اتعب بالعكس انبسط اذا شفتكم صليتوا الحقوا على الصلاه ولا تردون على احد لو كلمكم
فارس باستغراب: ليه بابا ما اخذنا معه نفس دايم
مها تنهدت وهمست بقلبها(وش الجديد ابوك يتغير اذا تزوج) ابتسمت وقالت: يمكن كان مستعجل الحقوا على الصف الاول بنتظركم هنا
فارس: ابشري
راح فارس هو وريان للمسجد ، لفت مها وشافت شرقيات عقاب
(يكرم القارى) واستغربت ان عقاب ما قام ! وصوت منيره قبل شوي وهي طالعه من غرفتها راحت عند غرفه منيره وطقت الباب وقالت : عقاب ترا الناس صلوا وراحت وقفت عند الباب
عقاب فز من مكانه وشاف منيره نايمه طلع من غرفته وشاف الساعه 5:10 دخل الحمام مسرع وتوضى ولبس ثوبه وركض لبرا وشاف منيره برا وفاتحه نص الباب و واقفه وراه
عقاب : وراتس هنا !!
مها لفت وقالت : انتظر عيالي اللي المفروض ابوهم رايح قبلهم!
عقاب: و وراتس ما قومتيني ان شاءالله ؟؟
مها : شرايك ادخل عليك وانت باحضان منيره؟ رح رح مو حلوه عيالي يشوفون ابوهم متاخر على الصلاه
عقاب مسكها مع يدها بقوه وقال : لااا تصرفين وراتس ما قومتيني
مها امتلت عيونها بالدموع وانقهرت زود وسحبت يدها بقوه وقالت: كسر ان شاءالله بعدين ما قلت لي اقومك!!!
عقاب: وانا امس شقايل!
مها: قلت منيره قوميني على الصلاه ، تنهدت وحطت يدها على كتفه وقالت : الظاهر القلب مع منيره و اعتمادك علي وصارت مها منيره رح رح لعيالك
عقاب تنهد وطلع وبطريقه للمسجد يفكر بكلامها معقوله ؟ معقوله قال منيره وهو كان قصده مها جاء فباله انه بحركته هذي قهرت مها انه يغلط باسمها وفوقه اوجعها
بعدها بعشر دقايق رجعوا عقاب وفارس و ريان دخلوا مها فتحت يدينها لفارس وريان وحضنتهم بقوووه ابتسم عقاب وقال: الله يرزقنا
مها ناظرته بحده وصدت
فارس: ابي انااام مابي مدرسه
ريان: انا بعد
مها: بسم الله عليك نسيت انك خلصت مدرسه؟ الحين اجازه تعالوا ناموا
دخلت مها ونومتهم اما عقاب راح لمنيره وقال: منيره قومي صلي
منيره بكسل: طيييب شوي
عقاب: وش شوي الصلاه بتروح
قامت منيره وراحت الحمام
عقاب: مها
مها كانت تبدل ملابسها ولا ردت عليه
عقاب بحده : مهااا ، فتح الباب
مها: وجع الواحد حتى ما يبدل؟
عقاب: هذاتس خلصتي بعدين تراتس زوجتي
مها تخصرت وقالت : شتبي هالحين
عقاب: جهزي لبس دوامي
مها تنهدت ولفت وقالت: طيب
عقاب: الفطور تساعدوا عليه انتي ومنيره
مها بنص ابتسامه تسليكيه: طيب
____________________
الاغلب رجع نام الا اللي عندهم دوامات
2:00 الظهر
مها : نسوي ست انواع ثنين حلى واربعه موالح يعني كل وحده ثلاث طبخات
منيره : و الاساسيات
مها : السمبوسه والشوربه والقهوه والشاهي والفيمتو كل يوم على وحده وتسوي معها حلى واحد بس ! والثانيه من بكره
منيره : اليوم على مين
مها: انا بما انك ما تعرفين طبع عقاب بالاكل للحين
منيره : وش قصدك يعني ما اعرف اطبخ ولا تبين تصجينا سويت و سويت
مها: يارب الصبر وانا صايمه روحي لا افطر عليتيس
منيره : ووالله؟؟ وريني وريني وش بتسوين
مها تذكرت كلام ام سيف يوم قالت : هي تحاول تطلع عصبيتك بس نصيحه لا تطلع الا بشي كايد و اكسري الشر واطلعي من المكان االلي هي فيه
سوت اللي قالته ام سيف بعدها بدقايق دق الجرس
مها: مين؟
بندر: انا يا خاله معي نقصه
فتحت الباب مها وابتسمت وقالت : عمري انا كثر خيركم
بندر: عافيه
مها: شفيه وجهك؟
بندر : مافيني شي بسس انتي مشغوله
مها: لا ياعمريي مو مشغوله وش تبي
بندر: ابي العب مع فارس وامي قالت لا الناس مشغوله
مها: ياروحي انت روح لامك وقولها بجيها بعد التراويح وقولها خالتي مها قالت تعال العب مع فارس
بندر بحماس: ابشرييي
منيرة: منهو ذا ومن بتروحين له بعد التراويح اساساً كيف بتروحين وانتي ما استاذنتي من عقاب حبيبي
مها ناظرتها بقرف وراحت غرفتها بعدها بدقايق جاء بندر ودخل عند فارس
بندر : مين هذي
فارس: زوجه ابوي
بندر: الثانيه
فارس: ايه
__\____________________________
نجد : يمه نجلس ويين يا البنات
ام سيف: ما ودكم كلنا بالحوش
ريما : لا نبي ناكل براحتنا مانقدر من العيال
ام سيف: اجل المجلس ومافيه غير حنا و ترفه وام صالح
الجوهره: ياليت العنود معنا
ام سيف: ودكم نروح لها بعد التراويح
نجد: ام خوله بتجي بعد التراويح وحريم الديره نسيتي
ام سيف: خلوكم من ذا امي على صول
ريما : يازين جدتي
نجد: علشان تحبتس
ريما: وانتي بعد
نجد : لا انا فويسده تقولي
ضحكت ام سيف وقالت: بس عاد امي ما ارضى عليها الا يا الجوهره شفيتس وجهتس اصفر
نجد: من الصيام
الجوهره: مدري شفيني احس بدوخات
ريما : عادي علشان صايمه
ام سيف: ارتاحي اجلسي
الجوهره: لا ما يحتاج
نجد: ترا خلصنا سويت العصاير وحطيتها بالثلاجه و الاكل جهزت كل شي على العصر نطبخه
ام سيف : رتبن البيت اهم شي
ريما : انا اللي بحط العود
نجد : امانه ريما انا بحطه
ريما : لا معليش قلت قبلتس
ام سيف: الله يهديكم بس عاد
الجوهره حست بدوخه وطلعت برا
عبدالعزيز: ياولد
ام سيف: رح وراك شتبي
عبدالعزيز: ابيتس
الجوهره: خليه يجي بتغطى
ام سيف ابتسمت ولفت على الباب وقالت : تعال امي
عبدالعزيز: يمه تكفين داايييخ
ام سيف: بسم الله عليك تعال علامك
انسدح عبدالعزيز بحضن امه وقال : يمه راسي راسي
ام سيف: علامه راسك
دخل ابو سيف وقال : تستاهل انا معلمك بس ماتسمع الهرج
سلطان: السلام عليكم
الكل رد السلام
ام سيف: علامه شفيه
عبدالعزيز: اهخخ يمه لعبت كوره مع عيال الحاره وانا خلقه جوعان وجتني دوخه
ريما : احد يلعب وهو جوعان !
عبدالعزيز: والله ما اشوف زين الدنيا تدور
ام سيف بخوف : قووميي يانجد جيبي لاخوتس ماء
ابو سيف بحده : ما يكسر صيامه !!
ام سيف: بمسح وجهه بماء ماني مخليته يشرب
نجد بخوف : عزوز تروح تنام وترتاح؟
ام سيف مسحت على وجهه وقالت : الله يهديك ويصلحك الله يهديك
عبدالعزيز حط يدينه على راسه وقال : بنام شوي
ام سيف وهي تمسح على شعره : نام يا امي
سلطان التفت على الجوهره وقال : شفيتس؟
الجوهره: مدري حسيت بتعب شوي
سلطان باستغراب: وش تحسين فيه؟
الجوهره: عادي دوخه خفيفه
آبو سيف: متى بتجي عمتي
ام سيف: هالوقت
ابو سيف: نفس كل سنه بعد التراويح عندتس احد؟
نجد: مو احد مليون شخص
ابو سيف ضحك وقال: الله يحيهم
___________________________________
دخل عقاب لبيته بتعب ومر من الصاله
منيره بدلع قامت لعقاب وقالت : تبي اجهز ملابسك؟
عقاب : لا ما يحتاج
راح عقاب ودخل غرفه مها منيره بقهر لحقته ودخلت الغرفة وقالت: سلامات باقي انا عروس المفروض تجي عندي !!
عقاب وهو منسدح بلبس دوامه وحاط يده على وجهه قال: اطلعي ماهو انتي اللي تعلميني اروح عند مين طلعت منيره وسكرت الباب بقوه اما مها كانت بالحمام اللي داخل الغرفه كانت تتروش ولبست لبس مرتب وحطت ميكب خفيف و رفعت نص شعرها طلعت واستغربت من وجود عقاب
مها: اجهز ملابسك؟
عقاب بعد يدينه من راسه وقال: تعالي بقولتس شي
جت مها وجلست على حافه السرير وقالت باستغراب: سم
انسدح عقاب بحضنها وقال تعبان انا مررره تكفين ابي ارتاح بحضنك
مها تجمعت الدموع بعيونها وصدت
عقاب مسك يدينها وحطها على قلبه سكتت مها وقالت: ابشر بس علشاني بدل ملابسك
عقاب: من عيوني
راح بدل بتعب وبدل ملابسه ورجع حط راسه بحضن مها وقال: شوفي حرارتي
مها بخوف: فيك حراره! من متى
عقاب بتعب : مدري
مها راحت وجابت كمادات لعقاب وتحطها لم
مهما صار مها تحب عقاب ولا ترضى عليه و عقاب نفس الطفل اللي يحتاج امه في اي وقت يحتاجها وتكون قريبه منه
عقاب مسك يد مها وباسها وقال : بدونتس اضيع
ابتسمت نص ابتسامه وقالت: بدت تخف حرارتك نام انت
عقاب: لاني عندتس
طق الباب
مها: مين
فارس: انا ماما
مها: لعد بفتح له
عقاب: يفتح لنفسك خليه ولا ماتبين