بلاي حبيت نجديه

56

ابو سيف: سليطين حظك زين
سلطان: ليه
ابو سيف: المفروض 9/7 انت راجع لشرقيه
سلطان ضحك وقال : ايييه صدفه جمعه وسبت و بكره المفروض اداوم مير بصرفها
ابو سيف: زين يابوك بس جيب الرجال بالكلام الزين علشان يسمح لك
سلطان: اعرفه انا اقولك لييين يقول عشر الاواخر بكره وتشوف سيارتي انا و الجوهره جايينكم
ام سيف ضحكت وقالت : تخليت روسكم من بعيد
الجوهره: تخيلت شكلي انا بعد كاني ضعيفه
عبدالعزيز: سلطان ماقصدي ارفع صوتي عليك بس كانت طيحتي توجعني وانت فوقها تحارشني
سلطان ابتسم وقال : تمون يا العضيد
ام سيف: تسحرتوا ؟ شربتوا ماء؟ ها ارقدوا ورانا بكره عزيمه
ابو سيف: اي بالله يبيلنا شغل مير قومن تعاونوا ما ذلوا
ريما : يبه لا تخليني اشتغل هالحين
ابو سيف: بعدي
ام سيف: شرايك يابو سيف تجيب وحده تساعدنا والله ما عاد نلحق على البيت
سلطان: اما عاد
نجد : سلطانوه اسكت !!
سلطان: الفكره فكره نجد
نجد : لا والله بس صدق نتعب ومايجون الناس الا قدنا تعبنا
ام سيف: والله البيت ماعاد نلحق عليه تبارك الله كل يوم نزيد والعزايم تكثر
ابو سيف: وكل ما جيت ابي ادخل اقعد ساعه انادي؟
ام سيف: ما تقعد عندنا اصلاً تجي تساعدنا بنفس اليوم وتروح
ابو سيف : اذا كذا تم
سلطان : احس ماله داعي
الجوهره: سلطان وراك مستقعد؟
سلطان ضحك وقال : امزح والله
ام سيف:  ناموا ورانا شغل باتسر
الكل نام بسلام وعدا اليوم على خير
الصباح الساعه 6:30
فهد : انا رايح يا عمي لحايل توصون على شي ؟
ابو سيف : ايه اوصيك
فهد : امر
ابو سيف: اول شي سلم على ابوك وعمانك وخوانك ولا تسرع و يافهد ان جاني علم انك تسرع ماهو ازين لك وانتبه لنفسك زين وسلاحك حطه تحت المرتبه
فهد : على خشمي
ابو سيف : عليه الشحم وهذي اغراض عطها ابوك وخالتك ام سيف معها اغراض لامك
فهد : يوصلهم باذن الله
ابو سيف: بحفظ ربي استودعتك الله
راح فهد و مسك خط لحايل
ام سيف: الله يحفظه من الخطوط
ابو سيف: امين يارب الا وش ناقصكم من اغراض؟
ام سيف: ودي اشتري لي كم شي
ابو سيف: امري؟
ام سيف ضحكت وقالت : شي ما تحبه مير شسوي
ابو سيف: وشهو
ام سيف: مواعين
ابو سيف: لا لا لا اخذي واحد من عيالتس انا تدرين فيني ما اواطن وقفتي عند المواعين سنتين
ام سيف ضحكت وقالت : هذا وانا باخذ ام صالح معي و ريما
ابو سيف: عز الله منتم خالصين بقول لعزوز
ام سيف: اللي تشوفه
صحى عبود وطلع من الغرفه وقال: السلام عليكم
ابو سيف: يالله انك تحييه هلا هلا متى جيت يا الشيخ؟
عبود : امس بالليل
ابوسيف: انت وابوك حراميه احد يرجع بالليل وبدون محد يشوفه؟
عبود ضحك وقال: تسحرنا فبيت يبه فيصل
ابوسيف: عافيه ياعيون جدك
ام سيف: تعال اسويلك اكل
عبود: لا انا صايم
ابو سيف: نسيت اقولكم ريما و صالح بيملكون اليوم بعد صلاه الظهر
ام سيف بحده : وهذا شي ينسى ؟
ابو سيف: اقولتس نسيت قايلي من اول يوم رمضان
ام سيف: اجل بعلم ريما ، عبود تعال معي
ام سيف راحت مع عبود للمطبخ وقالت : تعال اكل وبيني وبينك ماراح اعلم عليك
عبود : انا جوعان بس حرام افطر
ام سيف: بعدك صغير يا امي توك داخل سبع سنين و وعد مني لك ما اعلم احد
اما عند سلطان و الجوهره
الجوهره : سلطان قوم ورانا طريق سفر ولازم تروق بعدها
سلطان فتح عيونه وابتسم وقال : صباح الخير
الجوهره: صباح النور ياعيوني
سلطان: كم الساعه
الجوهره: سبع ونص
سلطان بكسل : فيني نوم للحين
الجوهره قربت منه وسحبت البطانيه وقالت: مافيه نوم
سلطان: غمض عيونه وقال: النوووم ذابحني
مدت يدها الجوهره وحطتها على راس سلطان و اصابعها تلعب بشعره
الجوهره: سلطاني بس عاد قوم
سلطان وهو ميت نوم ومغمض عيونه ومبتسم
الجوهره: سلطاان!! بيخرب نومك
سلطان فتح عيونه وقال: طيب احبتس
الجوهره ابتسمت وقالت : اموت فيك
سلطان : جهزتي اغراضنا؟
الجوهره: ايه من امس بالليل
سلطان: وراي خط سفر خمس ساعات
الجوهره: علشان كذا قوم  و روق وصحصح
سلطان: متى تبين نمشي ؟
الجوهره: مدري بكيفك شرايك نروح الساعه اربع منها نهايه العصر و ونوصل تسع او عشر بالليل
سلطان: نفطر بالطريق يعني
الجوهره: ايه ومنها نلحق على العزيمه لان مشتاقه لمها
سلطان وهو ماسك يدينها: من عيوني كم عندي الجوهره ؟
الجوهره: يابعد قلب الجوهره انت
سلطان باس يدينها وقال : جهزي لي ملابسي بتروش
الجوهره: ابشر
سلطان : تبشرين بالجنه
______________________________
مها : يا عقاب ما نبي نروح بدري لا حنا اللي طابخين ولا حنا اللي بنطبخ عندهم
منيره : مايحتاج
مها : الا يحتاج تبين تروح للعرب ويدينتس فاضيه !
عقاب : الساعه ثنتين ونص جاهزين وما حنا رايحين عند ناسن غريبين ومانيب رايح ادربي راسي بجيب ذبيحتنا معنا
مها : دامه كذا ماعليه
فارس: يببه ثيابنا انا وريان عند الخياط لا تنساها
عقاب: زين ذكرتني امش جب اخوك ومشينا وانتي يا منيره ومها تبون شي نجيبه شوي ما عندي وقف
مها: لا كل شي جاهز
__________________________
نجد بصراخ : ييييمممممممممهههه شوفييي عزووززز و عبوودددد
عبدالعزيز وهو ميت ضحك :عبوووددددد لا ترش علي على جود على جود
عبود وهو يضحك غرق عبدالعزيز بالمويه
عبدالعزيز مسك جود وعبود و ويضربهم بمزح
ريما : ععزووززز ياااا حيييوااان والله لا اعلم ابوي وتشوف اورييك
ام سيف بخوف : شفيه شفيكم
نجد : يممهه شوفي عزوز البيت قلبه فوق تحت قسم بالله تعبت ويديني تكسرت وصايمه ومصدعه و لا تسحرت زين ويجي الحيوان مسوي بزر وحايس الدنيا !!
ام سيف مسكت راسها وقالت : لااا اله الا الله يارب صبرني وارزقني الصبر عزوزوه وش اللي مسويه
عبدالعزيز وهو ميت ضحك والارض كلها مويه و ثوبه مغرق مويه و جود وعبود ملعوب فيهم : عادييي
ام سيف سحبته مع اذنه وقالت  بعصبيه : انت بتذبحني بتجلطني ياعزوز فكني من شرك و اذاك يا عزوز انت بتموتني الناس بيجون ولا بعد خلصت الفطور وانت تحوس علي البيت والله والله لا اوريك شغل ربي
عبدالعزيز وهو ميت ضحك ولا همه كمل يلعب
ريما بانهيار: جعل تنكسر يدي اذا نظفت والله والله ما اسوي اللي حايسه اشتغل عنده انااا !
ام سيف طلت من المطبخ وشافته باقي يلعب ولا همه راحت للمجلس و تطلع سيفها الاحمر😂
عبدالعزيز بخوف وضحك هج وقال : ييمه يمه خلاص امزح
ام سيف بعصبيه ضربته وهو يضحك ويقول : خلاص خلاص يمه
ام سيف طردته وقالت : عييينيي لا تشوفك انقلع لا بارك الله فيك
طلع عبدالعزيز وهو ميت ضحك وشاف البنت واقفه عند بيتهم
وعبدالعزيز كان مبهذل وحالته حلله ثوبه مغرق مويه وشعره مبلل و شماغه على كتفه ضحك وقال : معليش على المنظر بس من تبين
غاده ضحكت وقالت : شكلك ما عرفتني
عبدالعزيز: غاده؟!
غاده : ايه بنت عمك يا فاهي
ضحك عبدالعزيز وقال : ارحبي الله حيها بنت العم
( غاده بنت اخو ابو سيف جاسم متوفي من زمان و غاده عايشه عند امها بس بين فتره وفتره تروح عند ترفه عمتها اذا تبي تزور عمانها)
غاده: افتح الباب دام مالك فايده
عبدالعزيز: مفتوح وتوي منطرد طاردتني الوالده
غاده ضحكت وقالت : شكلي جيت بوقت غلط
عبدالعزيز: اقعد تراتس بنت عمنا ماله داعي وقت غلط ما وقت غلط
فتح الباب عبدالعزيز و ريما بصراخ : ييييمممممممههه شوفي عزوز جاء
ام سيف بصراخ : لااا اله الا الله اللهم اجرني
عبدالعزيز: يمه اصبري اصبري معي غاده جايه وبروح قسم بالله
ام سيف: انقلع وخل البنيه تدخل
عبدالعزيز: ابشري ابشري والله لا انقلع بس عادي اغير ثوبي؟
ام سيف: عطيني العصا عطيني اياها
ضحك عبدالعزيز وهج
غاده ضحكت وقالت : السلام عليكم
ام سيف ابتسمت وقالت : وعليكم السلام
غاده: شكلي جيت بوقت غلط
ام سيف: تبين ازعل منتس؟تراني ماشوفتس الا من بناتي
نجد : يعنني وقت غلط اقول امشي وبتساعدينها منتي ضيفه
غاده : ماجيت الا علشان اساعد
ام سيف: اخبار امتس
غاده بخير وتسلم عليتس كثير السلام
ام سيف: الله يسلمها
غاده: وين الجوهره
نجد : يعنني متزوجه
ام سيف: بس عاد عيب
سلطان طلع من الغرفه وقال : ياولد
ام سيف : ماقدامك الا بنت عمك
سلطان: حي الله بنت العم
غاده: الله يبقيك
سلطان: يمه توصين على شي
ام سيف: ايه قول لحمد لا يتاخر علينا ويودينا السوق الظهر مع امه
سلطان: تبين اوديكم
ام سيف : بس ترا مواعين علمتك لا تقول طفشت واخلصوا علي
سلطان: يا ذا المواعين
الجوهره: علشان تدري مو بس انا اللي اقوله
ام سيف: لهالحين ما وداتس
الجوهره ضحكت وقالت : للحين كل ما قلت له صرفني
ام سيف: مطبختس ان ماصار مليان مواعين ما صار مطبخ
سلطان: خلاص مره وحده اوديكم ويا الجوهره تخلصين هالحين بالشرقيه ما حنا رايحين محل مواعين تدرون اكره ما عندي
ريما ضحكت وقالت للبنات : مدري وش سر كره ابوي واخواني للمواعين؟
غاده: عندنا وعندكم خير عمي و اخواني ما يحبون المواعين
( امها متزوجه وعندها عيال )
نجد : ودي اروح
ريما : معليش ياقلبي قايله قبلك
نجد : نروح كلنا؟
ريما : ماهي موافقه امي
غاده : خلصتوا ترتيب ولا باقي شي ؟
ريما : بيتنا ما يخلص وامي كلمت وحده تجي تساعدنا واختفت
سلطان: يمه يالله
ام سيف: انت مطيور؟
سلطان: لا بس بسرعه
الجوهره: وش بتحلق عليه
سلطان ضحك وقال : مدري
طلعوا وبطريقهم اخذوا ساره وام صالح
سلطان: لا تطقوني ساعه انا طالبكم
ام سيف: ما حنا مطولين
سلطان: اعرفكم انا
ساره : الله يستر من صالح خليت عنده البنات وهو نايم توه راجع من الدوام خوفي جود ما تنتبه لريما
ام صالح: حمد بغرفته قايم ماعليه
سلطان وقف سيارته وقال : انزلوا
ام سيف والجوهره وساره وام صالح دخلوا اما سلطان طلب من راعي المحل ( ابو محمد يعرفونه ويعرفهم ) كرسي وجلس عند الباب
ابو محمد : وراك يابوك
سلطان: والله يا عمي ما اواطن المواعين ولا سيرتها وجايبينيزغصب
ابو محمد ضحك وقال : روق وانا ابوك الناس صيام
سلطان: هذا هو صيام ولهم قدره ماشاءالله عليهم
اما عبدالعزيز راح ويدربي راسه على قوله ابو سيف وقابل صديقه نادر
عبدالعزيز: اررررحببببببب
نادر : علامك متروش وطالع !
عبدالعزيز: خلها على ربك
نادر : ولد شيخ الديره عبدالله ال قايد اللي كلن يحترمه ويهابه طالع كذا
عبدالعزيز: ولد الشيخ عبدالله مطرود من البيت خلها على ربك
نادر : افاا
عبدالعزيز: خل الرسميات تخاويني ؟
نادر : تم بس وين؟
عبدالعزيز: الله يسلمك بروح لابوي وبيوصيني على اشياء والله مدري وشهي ودامك فاضي رح معي
نادر : بس بعلم أبوي علشان مايفضح فيني يقول نادر ضايع
عبدالعزيز: ماعليك دامك معي امورك بالسليم
نادر : ابوي كل ما شافني قال خلك من السلق اللي بالشوارع والحواري وخلك مع ولد الشيخ ما يدري ولد الشيخ ازق منهم
عبدالعزيز: افااا وش مسكت علي يوم تقول كذا
نادر : ميزتك الشياب يحبونك
عبدالعزي: اييه هذا افضل شي امش بس بعصب شماغي قبل ادخل المجالس علشان ابوي ما يفطر ضيوفه فيني جايهم وثوبي رايح فيها ومبهذل كبيره
عبدالعزيز ضبط ثوبه و اخذ شماغه اللي كان على كتفه و عصب راسه وجاء بيدخل عبدالعزيز ومعه نادر قابل واحد من الصبيان اللي يشتغلون عند ابو سيف ( عيسى )
عبدالعزيز: عيسى
عيسى: سم طال عمرك
عبدالعزيز: ابوي داخل؟
عيسى: هالله هالله الشيخ داخل
عبدالعزيز : المبخره اللي معك جمرها مولع ولا طافي
عيسى : افا عليك مولع
عبدالعزيز: بالله حط فيها كسره عود وجبها
عيسى: افا عليك العود بمخباي
عبدالعزيز: كفو
نادر: تعجبني تدبر نفسك بنفسك
عبدالعزيز: افا عليك بس تعال
تبخر عبدالعزيز ومعه نادر دخلوا
رفع يده عبدالعزيز بمعنا سلام وقال بصوته الحاد : السلام عليكم
الكل : وعليكم السلام
ابو سيف ابتسم وهو يغلي عبدالعزيز واجد بحكم انه اصغر عياله وللحين يشوفه صغير ويخاف عليه
عبدالعزيز تقدم وباس راس ابوه وهمس باذنه : شيوخه طردتني
ابو سيف ضحك وقال : شمسوي
عبدالعزيز: انا في وجهك يا الشيخ تراها حالفه تعلمك
ابو سيف ضحك وقال: ابشر ابشر
عبدالعزيز: توصيني بشي انا ونادر فاضين
سيف : دامك فاضي خذ عبود صجني وده لامه
عبدالعزيز: على خشمي
ابو سيف: مر ابراهيم و قاسم وقلهم وش صار على الذبايح اخذها و ودوها للبيت
عبدالعزيز: ابشر
نادر راح لابوه وقال : يا الغالي لا تفقدني تراي مع عبدالعزيز بيقضي اشغال بيتهم وانا ماعندي شي وبخاويه
ابو نادر : بعدي خلك مع عيال الشيخ
نادر: علشانهم عيال خويك؟
ابو نادر : رح رح الله يصلحك
نادر: على خشمي
عبدالعزيز: نادر
التفت نادر وعبدالعزيز اشر براسه وقال : مشينا؟
نادر : ايه
طلعوا كلهم وعبدالعزيز قال : ياوك بغيت اقول يا سريبيت وتذكرت اننا بالمجالس
نادر : احمد ربك بغيت ارد عليك بوجعاه هههههههههههههههه
عبدالعزيز: علشان يصلبونا
نادر: وش نسوي الحين؟
عبدالعزيز: بنودي البناخي لبيت امه
عبود : ما ابيي اروح بيتنا
عبدالعزيز: الكلام ذا قوله لابوك
عبود : يالليل
عبدالعزيز ضحك وقال : اقعد