بلاي حبيت نجديه

37

فهد : ما اقاطعكم مير بسالكم
كلهم : اسلم ، سم ، قل
فهد : تعرفون مساعد مسلط؟
ابو سيف: ايه واحدن من الديره
فهد: كيف عياله
ابو سيف: الله يستر على عيال المسلمين
فهد هز راسه وسكت
بعدها بساعات اللي يلعب مع البزارين واللي يلعب اونو واللي يلعبون كيرم واللي يسوون الغدا واللي عند البل واللي يسولفون ويتقهون واللي يتمشون كلن ويسوي شي
فهد راح لنجد وقال : تعالي
نجد التفت له وقالت : طيب
راحوا بعيد عن الكل
فهد: بروح الديره
سكتت نجد وهي مبين بعيونها مليون سؤال وفهد يعرف عيونها زيين ويدري بعيونها ماتبيه يروح
نجد: ايوه؟
فهد : عندي عمليه مداهمه لاكن سريه
نجد: سريه وقايل للكل؟
فهد : ماقلت لحد ولا حتى امي و ابوي واساساً ممنوع اقولهم بس انتي غير مابي اروح ولا اقولتس ، بعد ما اروح بخمس ساعات تقدرين تقولين لهم قبله لا
بلعت ريقها نجد وصدت ماتبي دموعها تنزل
فهد: نجد ان مت اعرفي اني احبتس ولاتحطين فبالتس ابددد ابد اني احب غيرتس صح اني غبي وحمار وانسى واجد اسولف مع اي احد وانسى من يكون هالشخص يعني حتى لو سولفت مع بنت ( يقصد علياء) قسم بالله كانها واحد من العيال انسى انها بنت ولا اسولف معها ماقصدي شي ابدد بس ما بالقلب غيرتس يابنت عبدالله
نجد سكتت وتناظر فهد بقهرر
فهد: اذا صارلي شي لا تخافين باذن الله ماني بميت وان مت لا تقهريني بقبري وتبكين ترا بصير شهيد وبعدين.........
ما كمل كلامه الا و نجد ارتمت بحضنه وقعدت تصيح
فهد حضنها بقووه ونجد تصيح وتشاهق
فهد حضنها بقوه ويمسح على ظهرها وراسها و ابتسم وقال : تحبيني ؟
نجد وهي تمسح دموعها : رد على سؤالك
فهد: ياليتني بس احبتس انا وصلت لمرحله ان زعلتي ما ارقد الليل انا اعشقتس ماهو بس احبتس
نجد : ما اخبر اللي يحب يضيق اللي يحبه
فهد : قايل لك انا غبي والله ماهو. قصدي اللي صار امس هي بنفسها جايتني
نجد : وماقصرت انت لو شافت الصد منك ما كملت !
فهد : ما اقدر اروح وقلبك شي علي
نجد بخوف : متى بتروح
فهد ناظر ساعته وقال : بعد نص ساعه بالضبط لازم احرك
نجد دمعت عيونها
فهد : ياا روح وعيون وقلب فهد قسم بالله ان دمعتس تحرق قلبي
نجد : انتبه لنفسك طيب
فهد : على هالخشم وانتي لا اشوفتس طاقتها سوالف مع زايد ونهيان !
نجد : علم نفسك
فهد : طيب احبتس
نجد : كل مره تسوي نفس غلطك  وتراضيني !
فهد: واخر مره بتصير
نجد : اول مره معك اشوف معك سبحه زينه
ضحك فهد وهو عارف علشان السبحه ذي هي جايبتها قال: وانتي اول مره بيدك اسواره زينه
نجد: باللهي
قرب فهد من نجد و باسها من خدها وقال استودعتس الله وانتبهي لعمرتس والله يحفظتس لي
نجد ابتسمت وقالت : امين
طلع فهد و ركب سيارته وراح بدون احد ينتبه
دانه: سويت الكرك اللي تحبونه تجمعوا
ريما : يالبييه يا دنو يا زين السناعه
دانه: ياروحي ما تجي نص سناعتس
تجمعوا كلهم واصوات ضحكهم ولعبهم عالي
ابو سيف : عزوز اليوم علامك
عبدالعزيز وهو كان ميت ضحك و وجهه احمر لف وقال : علامي
ابو سيف: اترك الرجه عنك
عبدالعزيز ضحك وقال : ابشر ابشر
ام سيف: هذا وانا ادور لك بنت الحلال وذي حركات
عبدالعزيز ضحك وقال : افااا
ابو صالح: عز الله سنعه على قولت ريما
دانه : تسلم ياعمي
عبدالعزيز: شييي علمي ريما كيف تسويه عاد ريما ماهي سنعه
ريما بحده قالت : ماشاءالله علييييككك !
عبدالعزيز ضحكك ضحك مو طبيعي وقال : اممزح امزح
ابو فهد : عبدالعزيز وش شارب انت
عبدالعزيز ضحك وقال : يمكن مو شراب يمكن حبه ومات من الضحك
ام سيف: تمنى على نفسك !
ام فهد طقت كتفه بمزحه وسحبت اذنه وقالت : ودك انت شكلك
عبدالعزيز: اخخ اخخ اقسم بالله ما اعيدها تكفين يا خاله يدتس قويه
ام فهد : لا تعودها
عبدالعزيز: على خشمي
محمد : توك ما جربت الحركه الثانيه
عبدالعزيز: انت مير تستاهل بس انا ضعيييفف
غاده بضحكه: محد يشوف نفسه ماهو ضعيف
عبدالعزيز: لا لا انا على نياتي
عقاب: لا اله الا الله السماء لا تطيح علانا
ضحك عبدالعزيز اكثر وكان ذاك اليوم عباره عن ضحك عبدالعزيز وفصلته الغريبه
عبدالعزيز: اسمعوا بقولكم اشياء تضحك وعاد اضحكوا
عقاب: اذا سامجه تقلع
بعد ساعات راحوا الحريم والبنات بتمشون
ام سيف: يازين البراد
ام فهد: ايه والله يرد الروح
ام صالح: سبحان الله لو تفكرون بس بما خلق ربكم تسبحونه
ريما : اي والله دايم افكر كيف السماء مرفوعه
بدريه كانت نظراتها كره لام سيف
ام سيف: علامتس يا بدريه تناظريني كذا
بدريه : ما ودي احرجتس قدام الحريم !
ام سيف: قولي مافيه شي يحرجني باذن الله
بدريه بصراخ: وغوايشي اللي بيدتس يا السراقه ! ضيعتها من زواج ولدتس و شكلي ناسيتها عندكم و لبستيها صدق انتس ما تستحين يا السراقه رجل بالقبر ورجل بالدنيا وتسرقين
ام سيف بحده : ابلعي لسانك واحترمي نفستس لا اربيتس اكسر خشمك اللي رافعته هييه انتي تحسبين الناس وشو عندتس شوي و تتوطينا ترا خشمتس ذا اعرف اكسره لتس فاهمه وما السراق غييرتس متعوده على السرقه وتحسبيني نفستس شكلتس ناسيه من انا صحصحي على عمرتس انا من الشيخ بندر يا الغشيمه
بدريه قرب من ام سيفولفت يدها بقوه وسحبت غوايشها
ام سيف بحده دفتها وقالت كسر. يكسرر
بدريه: والله والله لا اخلي ولد عمي يربيتس والله لا اشكيتس عند اخواني
ام سيف بصدمه : هذي مريضه !! يا حريم فكوني عليها
ام فهد: شيخه خليها خليها
ام صالح : ماعليتس منها
ام سيف: رايحه تقول انا اسرقها !! شكلها ناسيه من تكون !
اما بدريه هذي حركاتها وكانها بزر راحت تركض لاخوانها وتصييح والدموع اربع اربع
عقاب : ابك علامتس
بدريه: سرقتنيي يا خوك سرقتنييي و قدام عينيي شايفه غوايشي كنت ناسيتها عندهم وهالحين لابستها ياخوي شوف عييني غوايشي وقولي ماهي سارقتها
هزاع: اعقب منهي
ابو سيف : عسى ما شر منهي اللي ماخذه غوايشتس
بدريه : زوجتك يا ولد عمي ياللي من لحمي ودمي ياللي دمنا واحد
ابو سيف بحده : احترمي نفستس والزمي حدودتس شكلتس نسيتي انها زوجتي !
بدريه : شف شف اللي بيدها طيب
جت ام سيف و معها ام صالح وام فهد
عقاب: وش هالكلام يا ام سيف ما توقعتها منتس
مها بحده : اعقب يا عقاب ما انخلق اللي يتهم بنات بندر ! شكلك ناسي من حنا بناته جايتك تبكبك عندك وتظلم اخيتي !!
عقاب بحده : انااا تقولين لي هالكلام
هزاع: هد ياخوي
ابو سيف : وش العلم
ام سيف امتلت عيونها بالدموع وهي ما توقعت توصل تقول عنها انها سراقه!
ام فهد : سدي فمتس و اقظبي الوطا(انطقي بالارض)
ابو سيف بحده : وش العلم يا ام سيف
ام سيف : ابد تقول هالغوايش اللي بيدي حقتها وانها ناسيتها عندي بالبيت !
ابو سيف : اي وحده؟
ام سيف مدت يدها وشافها ابو سيف وضحك ولف على بدريه وقال : متاكده؟
بدريه : ايهه متاكده
ابو سيف: متى شريتيها
بدريه : قبل سنه
ابو سيف : ابشرتس ذي الغوايش ما فيه مثلها بالعالم غير 12 حبه زين ؟ وانا مصممها تصميم خاص من عندي و ست عطيتها الغاليه ام سيف
عقاب : الله والست الثانيه يمكن اللي شرتها بدريه !
ابو سيف : الست الثانيه عطيتها ام فهد و ام صالح واخيتي ترفه كل وحده ثنتين
لف على ام صالح وام فهد وقال : صح هالكلام ولا
ام فهد : صدقت
بدريه : يعني تطلعني انا الغلطانه؟
ابو سيف: لا حشاتس لاكن انا ما وصلتني الا قبل كم يوم وانت قبل سنه كيف صارت
التفت عقاب عليها وتنهد وسكت اما مها راحت عند آم سيف وحضنتها وقالت : ماعليتس منه والله لا اخذ حقنا
ام سيف: اصبري وانا اختس فتره وربي يهديه صدقيني اهم شي معاملته معتس
مها : ياكل تبن من اخته بدريه كيف ينفاهم معي؟؟
ام سيف تنهدت وقالت : الله يصلح الحال
مها : يدتس ورا قلب لونها
ام سيف غطت يدها وقالت : مافيها شي
مها سحبت يدها وشافت لونها صار على بنفسجي ولا تقدر تحركها ام سيف
مها : شيخه امي حركي اصابعتس
ام سيف تجمعت الدموع بعيونها وقالت : مقدر تعورني
نجد جت وقالت ؟ شفيكم
ام فهدد همست لنجد باللي صاير وقالت تجد : ماشاءالله ماشاءالله نعم يا عجوز النار اشوف طالع لتس لسان جايه يا الشحاده تقولين امي سارقتس لاا يا حبيبتي تعقبييينن وتهبييين تجيبين طاري امي فاهمهه
ابو سيف بحده : بس يا يبنت
نجد : لا بس ولا شي تعقببب دامها جابت طاري امي تفهمين؟؟
مها : يابو سيف يد شيخه انقلب لونها و ما تحرك اصابعها زين
ام سيف: مافيها شي ما عليك
مها : الا فييهاا ، التفت على بدريه وقالت : الله يكسرر يدك الله يكسر يدكك مثل ما مديتي يدتس على اخيتي
جت ريما وسمعت كلام مها وهي تقول : الله يكسر يدتس مثل ما مديتي يدتس على اخيتي
ريما : ميين !
نجد : عجوز النار بدرييه ماده يدها على امي
ريما بعصبيه جت ومسكت يد بدريه ولفتها بقوهه
بدريه دفت ريما وابو سيف مسك ريما وقال : بس انتي وياها
نجد عصبت وما تشوف قدامه دفت بدريه على الارض وقالت : ما طلع من بطن امه اللي يمد يده على خواتي ولا اميي فاهمممهه؟ فاهممممههه
ابو سيف راح لام سيف ومسك يدها وقال : وش تحسين بع
ام سيف: مافيه شي عادي
ابو فهد مسك نجد وباس راسها ( يحل لها صارت زوجه ولده ) وقال : يا عيون عمتس تعالي ما تسوى السالفه يابوتس
نجد: الا ياعمي تسوى
ابو فهد همس باذنها : خلينا نكسر الشر ياعمي
نجد التفت على امها وشافت يدينها وقالت : الله يشل يدها
ابو سيف : اللي حضر وش صار هنا يبقى هنا لا اشوف واحد من العيال داري
الكل : ابشر
ابو سيف ناطر ام سيف وقال : اوديتس المستشفى ؟
ام سيف: ما يحتاج خفيفه
ابو سيف: اذا ذي الخفيفه كيف القريه !
___________
سلطان: جوجو ما طفشتي من عند امتس
الجوهره ضحكت وقالت : لا بعدين امداك تشتاق ماغير امس بدوني
سلطان : حتى نوم بالمكشات ما نمت زين
الجوهره: يبعد روحي يا سلطان
سلطان: يا قلب سلطان انتي ، قرب وعطاها بوسه
الجوهره حضنته بقوه وقالت : الله يحفظك لي
سلطان: احبك