بلاي حبيت نجديه

البارت 11

العنود : كانت بقمه من الحلاوه لابسه مخور وردي وطرحه شفافه فيها لمعه وحاطه كحل و روج وردي النود وكانت بقمه من الجمال وكعب ابيض

الجوهره: لابسه مخور اصفر الفاتح وتطريز ابيض وطرحه بيضاء وكانت حلوهه وملامحه هاديه

اوتفت العيال ✨
عبودي: لابس ثوب اسود مثل ابوه و سديريه بلون اسود وشماغه ابيض لاكن عاصب راسه
فهد : لبس ثوب كحلي على طلب اميرته وحبيبته وعيونه نجد ومعه شماغه الابيض وفيه كحلي نفس درجه لون الثوب و لابس شرقيات بلون الكحلي

سيف : كان لابس ثوب اسود و شماغ ابيض و سديريه بلون الاسود وشرقيات بلون الاسود

سلطان: كان لابس ثوب اسود و شماغ ابيض لاكن عاصب راسه وشرقيات سودا

عبدالعزيز : كان متميز باللون الرمادي والشماغ الابيض و السديريه الرماديه والشرقيات الرمادي

حمد ولد ناصر : لابس ثوب ثوب اسود وسديريه بيضاء و شماغ ابيض عاصب راسه

وحمد ومحمد تؤامنا : لابسين ثوب رمادي و عاصبين روسهم بشماغ احمر

اما الرجال الكبار كانوا كلهم ثوب ابيض وشماغ احمر وفراوي
——————————————————-
راح سيف عند قسم الحريم اللي كانت خيام وصاده عن الريجيل
سيف : ياولد ، العنود
عبود بصوت عالي : بااباا
سيف : لبيييه ياعين ابوك
لف سيف وشاف البنت اللي اقبلت عليه وهي بقمه اناقتها و انوثتها وشعرها الناعم الاسود اللي يطير من الهواء وفوقه الطرحه الشفافه اللي فبها لمعه وكان شكلها صدق ياسر القلب ما انتبه الا على صوت العنود
العنود: يمه سيوفي علامك تعايني كذا ؟
عبود: ببابا شوف ماما اميره اليوم نفس قصه الاميره الحلوه اللي حبها الامير وتزوجوا وانت اليوم نفس الامير الحلو
سيف : اشهد بالله انها اميره
العنود بضحك: ياروح روحي يا سيف وش بغيت ياعيوني
سيف غمز لها وقال : ابيتس انتي
العنود فهمت قصده وحمرت خدودها و وجها
وقالت : سيييف
سيف : يا عمر سيف
العنود : ترا عبود موجود!
سيف : ابشري المهم عطيني القهوه يا الزين كله
العنود اشرت على عيونها وراحت وجت وعطته القهوم
و عبود كان يساعد سيف وشايل الشاهي
________________\
ابو سيف : ابك ناركم ياعيال لا تطفي
سلطان: ابشر بنا
دخل عبود بينهم ونزل الشاهي ابو سيف التفت له وقال : حي الله الشيخ حيه ربي ارحب ارحب
عبود باس خشم جده وقال : ويبقى المرحب
ابو سيف: وش ذا الزين يا السمي؟
عبود : شوف يا يبه نفس بابا ويوريه السديريه
ابو سيف : نفس ابوك بس علاك ازين
سيف: توجع يبه
ابو سيف بضحك : تشوف عيال عبود وبتحبهم نفس حبه
سبف : باذن الله
ابو فهد : يااا فهدد دخل الذبيحه عند الحريم بالمطبخ   ، ولا تخليها على الباب محدن شايلها
فهد : سم ابشر بس وينهي
ابو فهد : عانها تو العامل صلخها
فهد شال الصحن وقال : ابشر
راح وجاء عند قسم الحريم وهم كانوا جالسين برا وشابين النار و مضبطين الجلسه بس كانت نارهم ضعيفه و كانت تحت صراع نجد
نجد : يمه حطبكم جاه من المطر امس كيف بشبه
ام سيف : خليها انادي سيف يزينها شوي
نجد بروح اتعطر صرت كلي حطب راحت تعطرت ودخلت المطبخ تشرب مويه
قطعهم فهد : ييياااولد
ام فهد : هلا يامي
فهد : ابدخل المطبخ تغطوا معي الذبايح وثقيله علاكم
تغطوا البنات
ترف : ادخل ياخوي
فهد تنحنح ودخل وهو صاد وشايل الصحن الكبير اللي فيه ذبيحتين
ودخل المطبخ ونزل الصحن انتبه قدامه فيه احد واقف !
رفه راسه وشاف صدمته شاف بنت جميييييله جميييله جميييله جميله بكل ما تعنيه الكلمه شاف نجد بكشتها و ريحه عطرها وبخورها شاف شعرها المنثور على ظهرها و الطرحه اللي على كتفها هو يدري انها جميله من مدح الناس وخصوصا اهله و يدري انها جميله من عيونها بالبرقع بس ماتوقع انها بهالجمال و الرقه كانت تجذب العيون والواحد وده يتلمها 24 ساعه عرف انها نجد من عيونها الوسيعه و الرموش الكثيفه و زولها اللي يعرفه كانت بقمه الجمال
نجد بخوف : يمه شجابك هنا
فهد : اشهد بالله انتس موتن حمرر
نجد كانت طول وقت يتاملها فهد كانت تتامل وفيه وهو اللي جاب راسها شافته داخل وهو بالثوب الكحلي وكان طويل و اكتافه عريضه و ابتسامته الحلوه وكانت ملامحه حااده وهي دايم تتامله بس اليوم غير
نجد : فهود
نجد : ياروح فهود وقلب فهود وعيون فهود
نجد وهي تناظر بعيونه : الليله ابي اكلمك يصير ؟
فهد : وليه ما يصير يصير وغصب
ضحكت نجد وقالت : اطلع قبل احد يشوفنا
فهد : اشر على خشمه
نجد : عليه الشحم
طلع فهد ونادته ام فهد
فهد : سميي
ركضت نجد بخفه علشان محد يشوفها وخذت عبايتها وطلعت
فهد : افا ورا ناركم طافيه
ام سيف: حطبكم فيه مويه
فهد : وين نجد اللي شابتها لنا الصباح
دخلت نجد وهي لابسه عباياتها وسكتت
فهد : بجيبل لكم من الحطب حقنا هناك راح جابه ورجع وبدا يشب النار وماعي الا دقايق وشبها
ام صالح: بعدي يافهد
فهد : سلمتي يا خاله
طلع فهد وهو يتذكر نجد ويحاول ما ينسى ملامحها كانت ايه بالجمال
سمعوا صوت البواري وهي تعلن وصول ابو طارق واهله كلهم
عايله ابو طارق بسيطه
ولده طارق و ولده جاسر و في و ضي وزوجته ام طارق
نزل ابو طارق بس كان بقمه الكشخه ومرتب ! والواضح عليه مو بايع شاهي الا تاجر ومن هوامير السوق تقدم فهد وقال ارحب ياعمي مير خل اهلك يروحون قسم الحريم اذا ما يضايقك اوصلهم للباب
ابو طارق : بحسبه ولدي انت وصلهم
فهد : ابشر ياعم
في : يمه في ياحللوه تكفين
ضي: ذا انسان من حلاوته ! والله لا اجيب راسه
ابو طارق: هذا الرجال امشوا وراه بيدلكم على قسم الحريم
ام طارق : ابشر ، امشوا يا بنات
فهد كان معطيهم ظهره
ام طارق : كيفك ياولدي
فهد بصوته الرجولي و الثقيل : بخير ياخاله وانتي عساتس بخير
ام طارق : نحمده ونشكره ، عز الله انك رجال ولزوم امدحك عند امك علشان تفرح
فهد بضحكه : الله يقويك يا خاله طيريني لسماء
وقف فهد عند الباب وقال يااولدد الضيوف لفوكم
كانت نجد عند المدخل تقريبًا وشافتهم يدخلون وشافت ضي تتقدم وصكت كتف فهد ، فهد استغرب وصد عنها
ام طارق دخلت قبل بناتها ونادت : مساكم الله بالخير
ضي : اووه اسفه ياقلبي مادريت
فهد استغرب مين هذي و واضح صكتها لكتفه مو صدفه ولا تقوله ياقلبي !
فهد : لا عادي
ضي : مسكت كتفه وقالت يوجعك؟
فهد لمح نجد واقف قال لالا وبعد يدها
نجد بحده :فهد !! وش موقفك !
ضي : ولا شي بس صكيت كتفه بالغلط واعتذر منه
نجد : حياك تفضلي
دخلت ضي ومعها في و فهد ناظر نجد كان بيبتسم بس شاف نظرات نجد اللي فيها عتاب ولفت عنه ودخلت
نزلت عبايتها نجد وعي تشوف الحريم
ام طارق عرفوني على نفسكم وبالتفصيل ماعليكم ماراح امل وهي تضحك
ام سيف : ابشري ياعيني انا زوجه الشيخ عبدالله
وهذي بنتي ريما وهذي بنتي الثانيه نجد و اكبر بناتي متزوجه و عندها بنتين هذي هي ساره
ام طارق : ماشاءالله تبارك الرحمن اهو الزين عندكم وراثه وضحكت
ام سيف : حلت دنياتس
و لفت على ترفه وقالت : هذي استحي اقول اخت زوجي المفروض اقول اخيتي ورفيقتي ، وهي تضحك وقالت ، هذي اخت الشيخ عبدالله
ام طارق : ونعم
صبت نجد القهوه لام طارق وابتسمت
ام طارق : تبارك الرحمن يا الزين يا نجد
نجد : سلمتي يا خاله
ام سيف : وهذي ام صالح ، ابو صالح اخو الشيخ عبدالله وهذي زوجته
ام طارق : لا بالله ونعم
ام صالح : ماعليتس زود
ام سيف : صالح ولدها يصير زوج بنتي ساره
اما هذي اختي وورفيقتي من وانا توي عروس  -وضحكت - ام فهد
ام فهد ضحكت ما تقرب لنا بالصله لاكن اقرب من روحي لي ابو فهد خوي ابو سيف من وهم صغار
ام طارق : هذي المطلوبه وضحكت
ام فهد : هو مطلوبه وعسى ماهو بشي كايد
ام طارق: لا بالله شي زين وتفتخرين فيه ، عز الله انتي ربيتي ابو طارق قال لولدتس ينتظرنا ويودينا للباب ماشاءالله تبارك الله عيونه بالارض ولا يقولي غير يا خاله وهو ما يعرفني
ام فهد : سلمتي يا الغاليه مير منهو حمد ولا محمد ؟
ضي بضحكه : لا فهد
ام فهد احتدت نظرتها وهي مو مرتاحه لهم وقالت : هو وش عرفتس في فهد
ضي : شدعوه ياخاله اهو قال اسمه
ام طارق: ايه انا سالته وش اسمه قلت بمدحك عند امك
ام فهد حست فيه شي والام قلبها دليلها ضحكت وقالت : اي فهد نور عيوني الله يحفظه
كلهم ردوا امين ، دخلت عليهم العنود وهي معها الحلى سلمت عليهم وجلست جمب ام سيف
ام طارق : والمزيونه ذي بنتس ؟متزوجه؟
ام سيف بضحك : هذي بنت اخوي زوجه ولدي البكر سيف
ام طارق: بسم الله ماشاءالله مو مبين انها متزوجه
ترف : ياقلبي يا العنود وهذا عندها ولد
ام طارق : زين سمعت صوتس اشوفتس مستحيه
ترف استحت وسكتت
ام سيف : هذي ترف بحسبه بنتي بنت ام فهد
واشرت على الجوهره وقالت وهذي الحلوه الغاليه بقلبي تصير خطيبه ولدي الثاني وبعد كم اسبوع زواجهم وتراكم معزومين
ام طارق: باذن الله اول الحاضرين
ام سيف : وابد بناتي وعرفتس عليهم وعيالي ثلاث والثنتين المزايين ذولي زوجاتهم و باقي ورعي الثالث عبدالعزيز باقي ورع
نجد بضحكه : والله يا خالتي مو ورع بس امي تشوفه ورع ولا فيه ورع عمره 26
ام طارق : يوم تقولي ورع احسبه عمره ما تعدا الست
ام سيف ضحكت
ام فهد عرفينا عن نفسك وبناتس الحلوات
نجد لفت لام فهد وحست قلبها يوجعها وتذكرت موقف فهد معه ضي !
لو حطت الفكره براسه ام فهد وفهد كان يناظرها بنظرات غريبه يمكن يوافق
نجد طردت الافكار من راسها وكانت تسمع لام طارق
ام طارق : انا اعرفكم اسم بس يمكن ما تعرفوني
انا زوجه قايد يمكن قد سمعتي اسمه يا ام سيف من زوجتس وقديم
ام سيف : احس الاسم مار علي
ام طارق : لو تجيتس سالفتي بتذكرينها ، عيالي ثنين طارق وجاسرما بعد تزوجوا وابد بناتي هذي ضي وهذي في
كلهم ترددت كلماتهم مع بعض : ونعم ، الله يحفطكم
ام طا ق : قايد قبل تقريبًا 28 سنه كنت توي متزوجته ومعي طارق ولدي
كان معروف بسوق الذهب لين جاء اليوم اللي اخوه سرقه فيه لعب عليه بتوكيل ما توكيل وقايد تكلم معه بالطيب ما نفع كلم اخوه وشكاه ما نفع
وكان عبدالله يعرفه وقتها بحكم كلهم نفس الشغله وقاله عبدالله وانا اخوك دامك متزوج وعندك ولد لا تقعد كذا اشتغل اي شي لين يرجع لك حلالك و وقتها صدق راح يبيع شاهي عاد شوفوا الدنيا من ذهب لشاهي بالشارع
واخذتنا الدنيا سنه سنتين ثلاث لييينن تعب اخوه وكاان ما على موته الا شعره وقبل يموت رجع حلال اخوه كله وكان يطلبه انه يسامحه ويعفو عنه
وابو طارق ماكان يقسى على اخوه ابد سامحه وبعدها باسبوعين توفى رجع له حلاله وخيره لاكن للحين يبيع شاهي برا على العصريه ثم يرجع
وضحكت
ام سيف : حب الشاهي وضحكت
ام طارق: كان كل ما جاه فلوس مت هالشاهي يدعي لعبدالله وعاد الحين عاهد نفسه الشاهي ما يقطع عنه ومرات يوزعه مجاني ومرات يبيعه ما يبيعه واجد مرات مره بالشهر ومرات مرتين ومرات بالسنين ، وضحكوا
وابد ذي سالفتنا مع الشاهي
ام سيف : ايه يوم اني رجعت من المستشفى مريناه ولا دفعنا شي حلف علينا
كانت نجد تونا مطلعينها من المستشفى
ام طارق : وش اسم المستشفى
ام سيف : المستشفى****
ام طارق : ضحكت وقالت عسى دكتوركم طارق وليدي
ام سيف : نجد
نجد كانت بعيد عن العالم وتفكر وقطع على تفكيرها امها : لبيه
ام سيف : وشهو اسمه دكتورك اليوم
نجد وهي تحاول تتذكر : نسيت بس اتوقع طارق سمعتهم ينادونه
ام طارق ضحكت وقالت : لا الصدف تجمعنا مع بعض
رجعت ريما وجلست
ام طارق : لا تعبتي
ريما بضحك : لا تدمتي
ام صالح وهي كانت تحب ريما وحاطه عينها عليها لحمد قالت : وين كنتي
ريما : ابد اشوف عشانا شصار عليه
ام صالح : تسلم هاليدين
ريما : سلمتي يا عمه
الجوهره بهمس : بنات نقوم نجلس لحالنا طفش
توف : اي وبقول للبنات الجديدات هههههههه
الجوهره : وانا بنادي نجد وريما وساره و العنود
ترف قامت وجلست جمب في وضي وقالت : بنات شرايكم نقعد هناك مع بعض ونسولف زين احس هنا كلهم كبار ويسولفون ولا فيه مجال نتكلم
ضي وهي تبتسم من عرفت انها اخت فهد وقالت : ايه عادي

قاموا كلهم. ام طارق : هو وين رايحين
ترف : ابد ياخاله بنروح نتمشى ورا وبنقعد سوا ونخليكم تسولفون على راحتكم
ام سيف: روحي وانا امتس
راحوا وبمشيتهم سوا
ريما : ترفوه بديت اغار منتس
ترف ضحكت وقالت : وراه
ريما : امي تقولتس وانا امتس توجع
ضحكوا البنات وحطوا الفرشه وكانوا يسولفون الا نجد
ترف : هيه نجد شفيتس
نجد: مافيني شي
في : وي لايكون ما حبيتينا
نجد كانت مرتاحه لفي اما ضي لاا
نجد: لا ياروحي انتي بس ممكن تعبانه شوي
في : خل نناديلتس طارق شكلتس تعودتي عليه وضحكوا البنات
نجد بضحك: كيف اصارحك اني ما اذكر كيف شكله وانتي تقولين تعودتي عليه
___________________________