بلاي حبيت نجديه

45

ام سيف : جيرانكم
حنين فتحت الباب ابتسمت وقالت: يا هلا والله حياكم
ام سيف: الله يبقيتس
حصه: ياهلا ياهلا تو مانور البيت
مها وحصه : منور بوجودكم
حصه : اقلطوا
______________________________________
ابو سالم: ماتشوفين شر يابوتس و معوضين خير
سيف: باذن الله
ام سالم : ماعليه يا امتس ربي بيعوضتس ان شاءالله
عبود: بابا متى نروح بيتنا
سيف: بكره امك بتطلع
ام سالم: لزوم العنود تقعد عندي
سيف: ليه ؟
ام سالم: يبيلها من يخدمها وازين لها
سيف ناظر العنود
العنود: صادقه امي اقلها لين اصير بخير
سيف هز راسه وقال: باذن الله
عبود : يعني بنرقد فبيت جدي فيصل
ابو سالم: ايه يابعد جدك بترقدون عندي لين امك تصير بخير و ترجعون بيتكم
سيف: افا ياعبود تتركني وتروح لخوالك
عبود ضحك وقال : حتى انت خوالك
سيف: بالله عليك
ابو سالم ضحك وقال : واهو صالح وليدي تراه بيت خوالك
ضحك سيف وقال : اكيد يا خال مافيها كلام
________________________________________
عند عبدالعزيز و نادر و وعساف وريان وعمر ومجيد  كانوا بالبر
عبدالعزيز: ياعيال ودي نسافر جده يومين شرايكم؟
نادر : يوه يا جده ودي فيها
عساف: جده غريب ليه جده بالضبط
عبدالعزيز: يقولون تغيرت ودنا بها وتغير جو انا من تركت وظيفتي الاوله وانا طفشان و ويوم جيت اروح لشرقيه الوالد كانه ما وده
عساف: الله يحفظه لك انا ابوي ماهو بقايل شي مير امي
عبدالعزيز وهو يضبط الشاهي : بكيفكم انا بكلم الشايب ولا تنسون
عمر : تم خلونا نتكي عند بحرهم
مجيد : يرجال خلك من بحرهم والله ياهي متغيره
ريان : خلوكم من انها متغيره هالحين انا مدري اروح ولا
عبدالعزيز: ليه يا اخوك والله ما نروح الا كلنا سوا
ريان: والله يا عزوز انت تعرف حالتي زين بمرت ابوي و عيالها والله تعبت منهم
عبدالعزيز: يارجال اسحب عليهم
ريان : شكله ذا اللي بيصير
عمر : ياعيال مالكم فايده زوجوني
عبدالعزيز: ومن نزوجك
عمر : مجيد ما عنده خوات وحيد امه وابوه و ريان ماعنده غير وحده والله يستر عليها تزوجت وانت يا عساف ماعندك خوات وانت يا ونويدر اصغرهم وانت يا عزوز مالك عذر خواتك ماشاءالله ثنتين ما تزوجوا وطامعن بنسبكم
عبدالعزيز وهو كان متلطم وقريب من النار ويضبط الشاهي : ها شتقول
عمر : ياليل اقولك ابي اخطب منكم
عبدالعزيز: ما عندنا بنات
عمر : جحدت خواتك !
عبدالعزيز: لا والله ما اكذب عليه ياعيال ترا كلها ثلاث شهور رايحين عني ما تعرفون شصار من غير اخيتي الكبيره رجلها صالح تعرفونه والثانيات الصغار وحده خاطبها حمد اخو صالح وا لاخيره تملكت قبل كم يوم على فهد
عمر : يعني راحت علي
عبدالعزيز ضحك وقال :راحت بس كانك تبي وصامل ابشر بسعدك بنات خوالي واجد
عمر : خلاص ماعاد ودي
نادر: يعني ياواحد منا نسبيك ولا خلاص
عمر: ايه
__________________________
عند عقاب كان مشتط ومتحمس ومحد قده
عبدالرحمن: حي الله النسيب
عقاب: الله يبقيك
عبدالرحمن: عاد اخيتي مالي غيرها حطها بعيونك
عقاب: افا يا عبدالرحمن لا توصي حريص
فارس: بابا ابي انام
عقاب: اصبر نروح نرقد هالحين
عبدالرحمن: خله يدخل عند منيره
عقاب: خوفي يزعجها
عبدالرحمن: يا رجال عند امي وخواتي و مرت ابوه محد غريب
عقاب: رح مع عبدالرحمن بوديك عند خالتك منيره زوجتي الثانيه
فارس: ابي انام معك
عقاب: رح لاحق علي
فارس هز راسه بمعنا ايه
ابو سيف: خله معي يا رجال
عبدالرحمن: والله والله واللي نفسي بيده ما يجي الا عندنا حمدلله مابها شي
ابو سيف: الله يهديك وراه حلفت امه موصيتني عليه
عبدالرحمن: طلقت عاد تعال يا فارس
راح فارس مع عبدالرحمن
عبدالرحمن: يااولدد
*** تعريف بسيط لزوجه عقاب الجديده واهلها ***
عايله متكونه من ست بنات وام و اب وماعندهم ولد الا عبدالرحمن
هي الاخت الرابعه الوحيده اللي بتتزوج الباقيات ما تزوجوا كانت كياده وقويه باس ومن تحت لتحت قدامك تحبك وهي ناويه لك الشر
البنات ( جميله و ثريا و سعاد منيره هند بدريه)
ام عبدالرحمن كانت كياده فيها من كيد النساء و كيدها عظيم
آم عبدالرحمن: ادخل
عبدالرحمن دخل ومعه فارس
بدريه : من ذا ولده يهبل ماشاءالله
هند : يووه الخديدات ( قربت وهي تبوسه)
عبدالرحمن: هذا فارس
ام عبدالرحمن: منهو فارس
سعاد : بسم الله على قلبه الرحمن مزيون الولد
عبدالرحمن: فارس ولد عقاب
منيره باستغراب: جايب زوجته !؟
عبدالرحمن: لا بس جايب ولده يقول ابيه يحضر عرسي رح رح يافارس سلم على خالتك منيره
منيره بثقل وشوفه نفس سلمت عليه
فارس: كيفك يا خاله
منيره بنص ابتسامه: الحمدلله بخيير
عبدالرحمن: يبي يرقد وانا حلفت ما يرقد الا هنا ، ياا نوره
نوره زوجته ، ردت : لبيه
عبدالرحمن: لبيتي حاجه انتبهي للولد
ام عبدالرحمن بحده : وش بيجيه يعني اللي كبره يفهم ويعرف
تنهد عبدالرحمن وقال : يمه مو علشانه ولد عقاب من مرته الاولى تسوين كذا تذكري انه ورع وماله ذنب تدرين شلون ؟ لا شفتيه اذكريني اذكري ايام ابوي ياخذني لمرته الثانيه يوم اني صغير كيف تبينهم يعاملوني لا جيتهم؟
ثريا : اف عاد كبرت الموضوع يا عبدالرحمن وش مسوين به حنا ما بعد سوينا شي
طلع عبدالرحمن و موصي نوره عليه
فارس: خاله منيره وين انام؟
منيره تاففت وقالت : ازعاج انت اصبر ادبر لك مكانن ترقد فيه
نوره: تعشيت يا فارس
ام عبدالرحمن بحده : ما يبي عشا
منيره: مكلفين فيه حنا؟ ارقد بس ولا تزعجني زياده
فارس خاف وسكت
ثريا: فارس شسم اخوك الثاني
فارس بخوف: ريان
هند : هاه ؟ ارفه صوتك
فارس برجفه وخوف : ريان
ام عبدالرحمن: والخيبه
ضحكت منيره بصوت عالي
جميله واللي ماجاها الجمال : وامك؟
فارس: مها
منيره : ووع
فارس بحده : انتي الوع !
منيره : ننعم نعم ؟ ايشش ما اسمعع ، سحبته مع يده وضغطت عليها بقوه وقالت : ان قلتها مره ثانيه كسرت يدك
فارس سحب يده وراح ركض برا
بدريه: منيره حرام عليك خافي ربك تراه صغير ما يعرف شي !
منيره : فكيني انتي
سعاد : منيره لا تسوين لي فيها زوجه الاب خافي ربك صدق
ام عبدالرحمن : بس عاد !
طلع فارس يركض لبرا وكان الوقت اخر الليل رمحد صاحي بهالوقت او بالاصح الكل فبيته تلفت فارس ولا عرف وين يروح راح للمكان اللي كان فيه ابو ولا كان ليه احد راح عند زاويه و راح يصيح ويبكي لييين غفى ونام
نوره بخوف : وينهو الولد؟
ام عبدالرحمن: مدري عنه طلع
نوره : كيف خليتوه يطلع وانا رحت اجهز مكان ينام فيه
هند: يوه ازعجتينا ترا خلاص وين بيروح اكيد لابوه
_______________________________
عند مها وام سيف و حصه ولين وحنين كانوا جالسين فبيت مها
حصه : تاخر الوقت
مها : لا والله ما تروحون دام ابو ناصر مسافر خلوكم عقاب مسافر ولاهو جاي
ام سيف: وراكم شي؟
حصه : لا والله ما عندنا شي بس عاد لازم ما نصير ثقال
ام سيف: اقول خلوكم ليلنا طويل ورجاجيلنا سوا
حصه : على قولتس
ام سيف ناظرت حنين وابتسمت
بعدها بثواني
ام سيف : حنين تدرسين ولا خلصتي
حنين : ثاني سنه بالجامعه
ام سيف: بسم الله الرحمن ماخذه الزين كله
حنين : ياقلبي يا خالتي الله يسلمك وصدقيني ما يجي ربع زينتس
مها : حنين؟ حنين الزين كله والاخلاق عز الله انتس ربيتي ياحصه
حصه ضحكت وقالت : اكيد ذي حنين
ام سيف: ولا قصورن ب لين
لين ضحكت وقالت : ياحلوتس يا خاله
حصه : ماشاءالله يا شيخه كم عندتس ولد
ام سيف: عيالي ثلاثه وبناتي ثلاث
حصه : ماشاءالله تبارك الرحمن
مها : بندر انتبه ريان لا يطيح
بندر : ويين فارس
مها : فارس مع ابوه
حصه : غريبه على عقاب وراه ياخذه
مها : ينقال بيحضر عرس ابوه
حصه : بتسكر هنا؟
مها : اي الله يعيني
حصه : ويي اجل ما نقدر نجيتس
لين : تخسي ماهو بيتها تراه بيت خالتي مها
ام سيف ضحكت وقالت : يا سبحان الله تذكرني بـ نجد
مها : تلوموني فبنات حصه؟
حصه: نجد عاد متزوجه
ام سيف: لا باقي بناتي الثلاث اولهم ساره متزوجه وعندها بنتين وحامل هالحين و بنتي الثانيه ريما مخطوبه لاخو زوج ساره اما نجد اصغرهم لكن ملكت تو على ولد خوي ابو سيف وزواجهم ثامن العيد ولزوم تجون انتي و البنات كلهم
لين وحنين التفوا لامهم
حصه : يووه ياربي عندي بنات يحبون العروس
ام سيف ضحكت وقالت : عاد امانه امانه انكم تجون ابو سيف اكيد بيحرص على زوجتس وتعالوا معه
حنين : او نجي مع نصور
لين: اي صح
ام سيف: ولا عليكم لو اجيكم من الديره واخذكم انا بنفسي وارجعكم
حنين: ياقلبي يا خاله
لين : ورا ما عرفناتس من زمان؟
ام سيف ضحكت وقالت : الدنيا
حصه : وعيالتس كلهم متزوجين
ام سيف: كلهم عدا ورعي عزوز
حصه : دامتس قلتي ورعي يعني صغير
ام سيف: ايه توه
مها : وشهو توه ياخيتي عزوز ورع !
ام سيف: اي ورع لهالحين
ام سيف: اولهم سيف وعنده ولد سمي عبدالله و زوجته الحمدلله هالحين حامل و ولدي الثاني عرسه قبل شهور
حنين باستغراب: والاخير هو الصغير ؟
ام سيف ضحكت وقالت: ايه هو ماهو صغير صغير
حنين: احس من كلامتس ان عمره 16 او 17
حصه: انا بعد احسه غلييم
مها: ياويلي وش صغير عزوز ندور له عروس تصدقون كلام شيخه بيكمل 26
ضحكت ام سيف وقالت : ورع ماهو كبير
حصه ضحكت وقالت: لا اله الا الله 26 و ورع كيف قلتيها
ام سيف ضحكت وقالت : عزوز الوحيد اللي احسه صغير لانه اخر عيالي
حنين: ياقلبي ياخاله بس صغرتيه واجد احسبه اصغر مني
مها : يمكن تشوفون لا جيتوا بعرس نجد وتعلموني الصدق اذا ورع ولا
ام سيف : يازين عزوز
مها: وقدامه تهاوشه
حنين: نفس امي مع نصور اخوي
ضحكت حصه وكملوا سهرتهم
__________________________
عند سلطان ونجد وريما والجوهره
سلطان: ماشاءالله عليكم ما طفشتوا امسى الليل
نجد : وش وراك
ريما : اقول بس سلطان تراك متغير
سلطان: متغير علشان قلت ما طفشتوا
الجوهره: نكمل شاهينا بس
سلطان : قولوا بعدين سلطان ما يطلعنا
نجد: اقول سلطان
سلطان: هلا
نجد: بالله قول لابوي يودينا عمره
سلطان: يعني لو قلتي لابوي بيرفض؟
نجد: لا بس استحي من كثر ما اطلب
ريما الحمدلله فيه حياء
حذفت نجد الفنجال على ريما وقالت : ماشاءالله عليتس يعني مافيني حياء!
ريما : من زمان توتس تدرين ؟
سلطان: طالعين نتهاوش ولا نستانس
مدت الشاهي الجوهره لسلطان وقالت : سم
سلطان ابتسم بحب وقال : سلمتي يا عيوني
_________________________
فهد : صالح
صالح: سم
فهد: يوه ياالطريق يتعب!لايكون الرجعه كذا
صالح: والله تعب صدق بس من يقدر
فهد: تذكرت لا رحنا الشمال
صالح: عذاب المهم ارقد
فهد: سم
كان فهد يفكر بنجد والابتسامه شاقه وجهه وهو يتذكر ملامح وجها وكيف انها حلوه وتحذب اشتاق لها واشتاق لسوالفها تنهد وقال : هانت
ابو سيف وهو متوضي وطالع من الحمام:وش اللي هان يا فهد
فهد: ياقلبي يا عمي اشياء واجد
____________________________
مها فجاه حست فيه شي وقلبها اوجعها مسكت قلبها بالم وقالت : بسم الله عليك الرحمن
ام سيف: علامتس
حصه : بسم الله عليتس شفيتس
معا : فارس فيه شي قلبي يقرصتي فروسي فيه شي مو طبيعي كذا ولدي واعرفت شفيه بس
حنين : هدي يا خاله
لين: وهالحين بتخاففين اكبر زود ماعليتس ام سيف:باذن الله مافيه شي وعنده عقاب و ابو سيف
مها : ادري واخبرهم بس عقاب ماهو يمه ابو سيف يمكن يقنعونه طيب ولا يرد احد