بلاي حبيت نجديه

48

ام فهد بترحيب حار: ارحبوا ارحبوا الله حيهم الغاليات بنات الغاليه
ساره : يابعد قلبي يا خالتي الله يبقتس
نجد : ياعيوني والله الله يقيتس ويسلمتس
ريما ابتسمت وقالت : الله يبقستس
ام فهد : وراكم ما تجوني ولا علشان امكم مسافره خلاص ربضتوا في بيتكم
ساره : ما يشملني انا ما اقصر يا خالتي
نجد ابتسمت وقالت : والله مبتلشين مع اغراض رمضان وعزوز وسيف بالبيت
ام فهد : ادري يا عيون خالتس تعالوا حياكم
نجد : ابي اجلس داخل راسي مصدع
ام فهد : بسم الله عليتس الرحمن شفيتس
ساره لفت لنجد وقالت : صادقه ؟
نجد : والله صادقه مدري شفيه راسي احس بثقل
ام فهد : بسم الله عليتس الرحمن نمتي زين؟
نجد : لا
ام فهد : ليه يا امي؟
نجد : مدري يا خالتي بس ابي ارتاح شوي
ام فهد مسكت نجد وتسمي عليها و ودتها الغرفه
نجد: الله يحفظتس لي يا خالتي اذا جو امي وابوي علموني
ام فهد : ابشري يامي بس ارتاحي ونامي لك لو شوي ما يصلح
نجد: ابشري
طلعت ام فهد و جلست معهم ودخلوا فهد وعبدالعزيز
ابو فهد : بنتي وينهي
فهد: بناتك حولك ( جاء وجلس ويدور نجد بعيونه)
ابو فهد: نجد بنتي وين
ام فهد: تعبانه
سيف بخوف: شفيها تو مافيها شي
ساره : مدري فجاه تقول راسي مصدع
ريما: طبيعي ما تنام زين
فهد باستغراب: وينها هالحين
عبدالعزيز: شعندي
فهد: شقلت ؟
محمد: السلام
الكل رد السلام
محمد: يبه
ابو فهد: سم
محمد: يقولون ابو سعود بيشد صح ولا
عبدالعزيز: ابو سعود ماغيره
فهد: الله لا يردهم
ابو فهد: الله يستر على المسلمين
ام صالح وابو صالح جو
ابو صالح : السلاام عليكم
الكل رد السلام يحماس وصوت عالي
ابو صالح: غريبه ما وصلوا لهالحين؟
ريما : حي الله اللي يوجبون الناس ويروحون زواجاتهم
ابو صالح: وانا عمتس تشوفين روحتنا غلط
ريما: تبي الصدق
ابو صالح: وكاد
ريما: مالها لزوم
ام صالح: صدقت
ابو فهد: خلاص عرس وراح
قطع عليهم دخول سلطان وهو يقول: السلاااممم علييكمم
الكل رد السلام وريما وساره راحوا يسلمون عليه وعلى امهم وابوهم
الكل سلم و جلس الا ام سيف اللي ما فكت عبدالعزيز
ام سيف : ورا وجهك اصفر ما تاكل انت
عبدالعزيز: لا ماعليه وجهي
ابو سيف: مافيه الا الشبعه
سيف: لنا الله
سلطان: وانا شقول طول الطريق واحد مشتاق لبناته و وحده لولدها
ام سيف: يوه يا الجور
سلطان: وانا الصادق ، انا بروح
الكل: وين
سلطان: سر ، ضحك وطلع
عبدالعزيز: رايح لزوجته اكيد
ابو سيف وهو يمينه ريما ويساره ساره ومبتسم تلفت يمين ويسار
ابو فهد : شبلاك ياخوي
ابو سيف: نجد ابوها وينهي؟
ام فهد: يوه نسيت اناديها
ام سيف: علامها ما قعدت معكم؟
ام فهد : مصدعه ضعيفتن ما ترقد زين تنتظر عيالكم و لا يجون الا على الفجر ولا ترقد وذبحها النوم وصار يجيها صداع
ابو سيف قام وقال : بروح لها عندها احد؟
ابو فهد: ما قدامك احد ياخوي دربي
ابو سيف ابتسم وقام ولحقته ام سيف طقوا الباب
ابو سيف: نجد ابوي
فتح الباب وشاف فعلاً نجد نايمه
ام سيف: بسم الله على ورعتي بيذبحها البرد
ابو سيف قرب وهو يبوس راسها و يمسح عليه
ام سيف جابت بطانيه ولحفتها
ابو سيف كان يتاملها و يبتسم
ام سيف ضحكت وقالت: شفيك يا عبدالله
ابو سيف: يازين بناتي يا شيخه مزينين لي حياتي
ام سيف: الله يحفظهم لنا
ابو سيف: امين
ابو سيف: نجد نجد يابوي انتي يانور عيون ابوها
نجد : همم
ابو سيف ضحك وقال:ماودتس تسلمين ؟
نجد وهي ميته نوم فتحت عيونها وضمت ابوها
ابو سيف تنهد وهو يمسح على شعرها : ياجعلني ما افقدتس
ام سيف:يانجد ابوها اقل شي عطيني بوسه
ضحكت نجد وحضنت امها بقوه وباست راسها
ابو سيف: مصدع راستس؟
نجد: ايه مره
ابو سيف: بسم الله عليتس ها نامي نامي سمعت ما ترقدين
نجد: ايه اخواني على ما يرجعون صلاه الفجر يبقالها ساعتين وانا اطول على ما انام و اذا اذن لزوم اقوم
ام سيف: اوريتس فيهم بس نامي ماهو زين قله النوم
نجد ابتسمت وقالت: ابشري
___________
صالح: عبود الله يصلحك ريما لا تطيح
سيف: عبود لا تخليني اعصب نزل البنت
ساره : شفيكم عليه خلوه يلعب معها
ابو فهد : خلوكم من الوراعين ما ودكم تسيرون علينا بحايل
ابو صالح: متى ناوين تروحون
ابو فهد : باتسر
صالح الفت على فهد وقال غريييبه الفريق سالم وافق يعطيك اجازه انا طلعت نفسي وانا اقوله ويقول مالها لزوم اجازتك من 15 رمضان
فهد : اهخخ يا خوي ومن قالك عطاني اجازه بقعد هنا ولا ودي بحايل
ريما : والله لو انها نجد العذيه
ابو سيف: اجل ما يفهد ماله لزوم ترقد فبيتكم تجي فبيتي
فهد : صعبه ياعمي
ام سيف: لا صعبه ولا شي وانا امك
فهد ابتسم وقال : باذن الله
عبدالعزيز: حييه النسيب
ضحك فهد وقال : الله يبقيك
___________________________________
عقاب: مشينا يا منيره؟
منيره : ما امدانا
عقاب ضحك وقال : ما امدانا وكل الوقت حنا هنا
عبدالرحمن: هذا وبس امس الليل ما جلستي معنا لو تجينا من الرياض كم تجلسين يوم
منيره : على قلبك؟
عبدالرحمن ضحك وقال : ابد ياخوتس البيت بيتس
هند : عاد يا عقاب مو لا رحت الرياض ماعاد تجيبها
عقاب: ماهو بكيفي دوامي يحكمني
ابو عبدالرحمن: عيال ابو سيف وش يشتغلون
عقاب: سيف دكتور و سلطان محامي وعبدالعزيز مع ابوه بالمحل
ابو عبدالرحمن: عبدالعزيز يخاشر ابوه بالمحل كيف يتزوج ويصرف على نفسه وزوجته
عقاب ضحك وقال: الخير وااجد ياعمي عبدالعزيز انا وياه شركاء بعماير بالرياض و الشرقيه
ابو عبدالرحمن: ماشاءالله الله يزيده
عبدالرحمن: سمعت انك عندك ابل صح؟
هند بهمس لسعاد : طاحت بالخير منيره
سعاد : ايي عقبالننا ما نطيح بواحد ما عنده اللي يصرف على نفسه
هند : اميين يارب
عقاب : ايه عندي ابل و اشتغل بالعقار و عندي مزارع
ابو عبدالرحمن: ماشاءالله الله يزيدكم
عبدالرحمن: معروفين يا عيال ال قايد عقولكم تشتغل قبل يدينكم
عقاب ابتسم وقال : سلمت
ابو عبدالرحمن ضحك وقال : عساك تلحق عليهم و ترجع لبيتك وما تترك بنتي
ضحك عقاب وقال : افا بس تتوقعها مني ياعمي
عبدالرحمن: اذا كل ذي تروحلها اكيد منت يم البيت
عقاب ضحك وقال : الصباح بداومي وارجع للبيت لييين العصر اطلع لعمايري كل يوم للمغرب وارجع بس
ابو عبدالرحمن: ومزارعك وابلك
عقاب: ما اجيها الا خميس وجمعه العصريه وارجع
عبدالرحمن : انتبه انتبه من العمال لا تومن لهم
عقاب: ماعليك حاسب حسابي
التفت عقاب لمنيره وقال : بروح مع عبدالرحمن وها بخليتس ليين نرجع لا جيت مافيه بدري تونا جايين
ضحكت منيره وقالت : ابشر ابشر
____________________________________
سلطان طق الباب وفتح محسن
محسن : حيي الله النسيب
سلطان: هالرحببب متى جيت الديره
محسن: امس
سلطان: تغيرت علينا ولا صرت تجينا
محسن : اشغال والله تعال اقلط اقلط ما قدامك احد ابوي واخواني وامي
ابتسم سلطان وقال بصوته الثقيل : يياولد
ترفه: حي الله ولد الغالي تعال يا امي
سلطان ابتسم وسلم على ابو محسن و علو ام محسن( ترفه عمته)
سلطان: اخباركم عساكم بخير
ترفه : نحمد الله ونشكره
ابو محسن: وين هالناس يا سلطان
سلطان: والله ياعمي انت رحت ولا جيت ومعك  و زياد و تركي
ابو محسن: والله وانا عمك رحنا والله لا يعيدها من ديره نشبنا عندهم الحروب قايمه قوم ولا قدرنا نرجع الا بالموت
سلطان: الحمدلله على سلامتكم مير والله لكم فقده
ترفه : كيفه اخواني عساهم بخير ولا تعبوا من السفر
سلطان: تسالين عن اخوانتس اللي طول الطريق يتقهون ويسولفون كيف بيتعبون؟ والله ما تعب غيري اللي ماسك خط
زياد: اخوانها  لو انهم راقدين قالت تعب عليهم
ترفه : وانا صادقه بيتعبون اخواني
سلطان: مافيهم غير العافيه خليهم عنتس بس ياعمه
تركي : من تعلم؟
سلطان وهو بعيونه يدور الجوهره
تركي: يا ولد ابوي يكلمك
سلطان التفت على ابو محسن وقال : سم ياعمي؟
ابو محسن ضحك وقال: ما قلت شي تصدق تركي انت
تركي : عيونك بتطلع من مكانها لا تموت علينا بتجيك بتجيك
سلطان ضحك وسكت
ابو محسن : يا الجوهره تعالي يا بوتس سلطان جاي
الجوهره ابتسمت وناظرت شكلها بالمرايه وابتسمت برضا عن نفسها وطلعت
كانت حللوه وملامحها هادييه ولطييفه طلعت وهي مبتسمه وقالت : السلام
الكل رد السلام وقف سلطان وسلم عليها
ابو محسن : تعالي جمبي يا بوتس لاحقتن على سلطان ان اخذتس لشرقيه شلون بجيتس
ضحكت الجوهره وقعدت جمب ابوها وسلطان كان يتاملها ويبتسم
سلطان: عاد ثلاث ايام عندكم
ابو محسن : متى ترجع الشرقيه
سلطان: سبعه رمضان باذن الله
ابو محسن: وابوك غريبه عليه سمح
سلطان: عندي مدير الله يهديه عسر زين عطاني ذا الاسبوعين
ابو محسن : الله يهديه ويسخره لك
سلطان: صابر كلها اكمل هالسنه وانقل لرياض وامورنا تصير سهالات ونجي دايم لديره
تركي : قريبه الرياض تجي نفس سيف كل خميس وجمعه وسبت
سلطان: ايه مير الشرقيه بعيده ، عاد استاذنكم انا والجوهره
ابو محسن: تعش عندنا
سلطان: مكثور الخير ياعمي مير عمي ابو فهد مسوي عشا لنا كلنا وينتظروني و ينتظرون الجوهره
تركي: الجوهره خلها الليله تجيك باتسر
سلطان ضحك باستغراب وقال : ماهي بطايره
الجوهره: سلامات تراني انسان تقررون وين ارووح مالي راي
ضحك سلطان وقال: اسلمي
الجوهره: اللي يبيه ابوي يتم
ابو محسن: يابعد عين ابوتس مير ودي اقلها تتعشين عندنا بعدها بكيفتس
سلطان: اللي تشوفونه
ترفه: لو تطيعني و تتعشى هنا
تركي: بيقعد ماهو كيفه
سلطان ؛ على هالخشم
تركي: عليه الشحم
]_________________________________
ام سيف باستغراب: العنود وينهي؟
سيف: فبيت خالي فيصل
ام سيف: ورا ماجت
سيف باستغراب: ما علمك سلطان
ام صالح: سقطت وفبيت اهلها هالحين
ام سيف بخوف: متى ومن وشو
ابو سيف: لا اله الا الله متى
سيف وهو ماسك دموعه صد وسكت
ريما: نفس اليوم اللي مشيتوا فيه العصر طاحت من مويه بالارض
ام سيف: لحول
ابو سيف: وعساها بخير
سيف: الحمدلله بخير هالحين وفبيت خالي فيصل
ابو سيف: لزوم باتسر نمرها
ام سيف: باذن الله
ام فهد: مشينا داخل يا شيخه و حصه و البنات
ساره : ايه افضل
حمد: ماش ما اعجبتكم سوالفنا
ام سيف: والله وانا امك ماهي كذا مير بناخذ راحتنا نسيت وجيه بناتي و خواتي من كثر منهم مغطيته
ضحكوا كلهم على رد ام سيف
ام فهد : لا تزعجون نجد
ام سيف : لزوم تقوم علشان تصحصح و تتقهوى والصداع يروح