بلاي حبيت نجديه

54

عقاب: ولا ما تبين يشوفني بحضنتس؟
مها بحده: ماهو كذا بس بيشوف ابوه اذا تعب يجي لامه واذا مافيه شي يروح لزوجته الثانيه
عقاب: تعرفين غلاتس عندي
مها: صح صادق واللي يثبت كلامك كل سنه متزوج علي لا واللي ياكد ماكملت سنتين من زواجنا وتزوجت غيري
عقاب: ياليل
فارس بملل : ماما ادخل
راحت مها وفتحت الباب وقالت : شتبي
فارس: بكلم بابا
مها تنهدت وقالت: ادخل
فارس بخوف: بابا تعبان ؟
عقاب:هلا ابوي شبغيت
فارس:انا و بندر نبي نروح بقاله
عقاب: رح بس انتبه لنفسك وخذ فلوس من بوكي
فارس:وينه
عقاب:يا مها عطيه فلوس من بومي فبدلتي العسكريه
مها:تعال فروسي
عطته مها فلوس وطلع قفلت الباب مها ولفت على عقاب
عقاب: قوميني الساعه خمس
مها : ابشر
عقاب : تبشرين بالجنه
لف للجهه الثانيه وتلحف وغمض عيونه
تنهدت مها وطفت اللمبات
________________________________
سيف شاف سياره خاله احمد وقفت عند بيتكم جاء مسرع وقال : الله حيييهم هارحبوا ارحبوا تو ما نورت الدييره
احمد ابتسم ونزل من السياره وسلمت على سيف بحراره
سيف: اخبارك يا خال عساك بخير و خوالي كلهم بخير
احمد : نحمد الله ونشكره كلنا بغيت ونعمه اللهم لك الحمد
سيف : جعله دوم دوم ، جده اخبارتس
الجده : بخير واللهم لك الحمد
سيف: اقلطي اقلطي يا جده الله يحيتس
فتح الباب ونزلت ام فيصل ( الجده)
سيف: ياازين جدتي يا عرب الله لا يحرمنا منتس
ام فيصل ضحكت وقالت : الله يبقيك ياعين جدتي يا علني ما ابكيك
ابو سند كان بعيد وشاف سيف ولهفته وحبه وترحيبه لخواله وقال : عز يا سيف
احمد التفت وابتسم وقال : اخبارك يابو سند
ابو سند : بخير ولله الحمد ، والولد ان طاب طيبه من خواله بسم الله عليك الرحمن يا سيف
احمد : تعال يابو سند تقهوى
ابو سند : نشوفك بمجالس نسيبك
احمد ابتسم وقال : ان قالها الله
سيف فتح باب بيتهم وقال : يااوللد خالي احمد وجدتي وصلوا
ام سيف بحماس راحت تسلم على اخوها بحراره وامها
ونجد وريما راحوا بحماس ويسلمون ومعهم سلطان اما عبدالعزيز كان نايم
ام سيف: لا تعبتي يمه
ام فيصل : لا ندمتي يابعدي
ام سيف: اقلطي اقلطي
نجد : تعالي جده معنا
ريما : عنتس جده عطيني يدتس
راحوا البنات اخذوا جدتهم ودخلوها
ام سيف بحنيه : اخبارك يا عيون اختك عساك بخير وصحه
احمد: ابشرتس ياخيتي باحسن حال انتي علميني اخبارتس عساتس بخير وبعدين وش هالقطاعه وراتس ما تجين الديره
ام سيف: يا امي انت تدري العيال و البنات وزواجات لهيت لهيت
ابو سيف ابتسم وقال : تو ما نورت الديره
احمد ابتسم وقال : والله منوره بشيخها
قرب احمد وسلم على ابو سيف بحراره وقال ابو سيف: اقلطوا
ام فيصل : بنقعد هنا ما نبي المجالس نبي النفاهه
ام سيف ضحكت وقالت : امي ما تحب الا الحوش قاعده لنجد( نجد طالعه عليها) ضحكت نجد وقالت : يابعد قلبي ياجده
ابو سيف: القهوه ياولد
سيف: ابشر
سلطان: عنك عنك
احمد باستغراب: عبدالعزيز علامه
نجد وهي ميته ضحك : والله ما خالي كان يلعب وهو صايم واكلها داخ علينا ورقد
احمد ضحك وقال : الله يصلحه تعالي تعالي ياعيون خالتس جمبي وعطيني اخبارتس
( احمد اقرب واحد لبنات خواته وعيالهم وبنات وعيال اخوانه كان باختصار الخال المفضل للكل اخر عنقود اهله و الكل يحبه عمره 33)
ابو سيف : علومك يا احمد شحالك
احمد : والله حالي يسرك
ابو سيف: الحمدلله
ريما : اقول حمود ورا ما تنقلون الرياض كلها كم سنه وننقل لرياض حنا ونصير قريبين لبعضنا
احمد : ابشرتس ام فيصل وافقت وباذن الله انا واخواني كلنا بنسكن بالرياض وبيوتنا جمب بعض وان نقلتوا لرياض نصير حول بعض وابد كل ما فضيت جيت عندكم
ام سيف: اي بالله ازين لكم
احمد : امي بعد ما مها و الهنوف تزوجوا و ياسر الله يهديه سافر وماعاد باقي غيري انا وياها قالت بنروح لرياض عند اخوانك
ابو سيف التفت على ام فيصل وقال : ابد ازين ما اختارتس عمتي
أم فيصل ابتسمت وقالت : وانا صادقه قاعدتن لحالي قلت اجمع عييلي حولي ابرك
نجد : جده مافقدني احد؟
ام فيصل : الا خابره عزيزان وينهو
ريما : هذا هو ياجده عليتس فيه عصاتس بيمناتس
ام فيصل : علامه راقد
ام سيف: ضعيف ظني ذبحته الشموس
احمد : خلوه خلوه لحد يقومه
ام سيف: ريما فهد ترا بيجي
ريما : نسيته اصلاً بروح اجهز طرحتي وبرقعي جمبي ماراح البسها الحين
احمد : فهد عندكم؟
ابو سيف: هالله هالله دوامه لين 15 رمضان واهله راحوا حايل وحلفت يقعد عندي صار نسيبي
احمد : ايييهه نسيت انه خطيب نجد
ام سيف: ولهالحين لا سمعته جاء هجت غرفتها ولا شافها غير مره
احمد ضحك وقال : وراه خلاص صرتي زوجته تراتس
نجد : يوه ياخالي لا تصير نفسهم مصلحتي واعرفها واسوي اللي ابيه ماعليكم مني
ابو سيف: من يقدر على عنادتس يا نجد؟
نجد ضحكت وقالت : رب العالمين
الجوهره جت وقالت : السلام عليكم
الكل رد السلام
ام فيصل: يا هلا ورا ما علمتوني ان بنيتي هنا
نجد : يووه طاح سوقنا عاد جدتي تموت فيتس
الجوهره بحياء : الله يسلمتس يا خاله
احمد: اخبارتس يا الجوهره
الجوهره: الحمدلله
احمد : و العنود وينهي سقى الله ايام تهربني فبيت فيصل
كلهم ضحكوا
نجد : وش تهربك مسجون؟
احمد اقوا لا تاخرت وانا نايم عند فيصل ما يفتح لي الباب بالليل غيرها
سيف :كفو زوجتي
احمد : ورع تراها بنت اخوي قبل تصير زوجتك
سيف: هالحين وشو
ام فيصل: خلوا عنكم الهروج وجيبوا لي عبدلله
سيف: أبشري
أم سيف: شوي يمه بنروح لبيت فيصل
آم فيصل : على قولتس
عبدالعزيز صحى وقال بسم الله الرحمن
أم فيصل : الناس تقول يالله حيهم مو بسم الله الرحمن
ام سيف: وش شايف يوم انك تسمي
عبدالعزيز: اصبروا احسب اني بحلم
ام فيصل : نجد وينهو مجود الصغير ؟
نجد : مع عمتي ام فهد قالت علشان هالفتره بتنشغلين بعد زواجي بتجيبه
آم فيصل: الله يجزاها خير
فهد طق الباب وقال : يااوللد
سلطان: دقيقه يافهد
فهد: ابشر
نجد دخلت بسرعه لغرفتها ولحقتها ريما
سلطان ضحك وقال : تعال يا فهيد
فهد بتعب و وجهه متغير لونه : السلام عليكم
الكل رد السلام
احمد : حي الله الحايلي
فهد ضحك وقال : ماعادني حايلي صرت نجدي
احمد : ونعم
فهد : ماعليك زود
ام سيف: فهد يامي وراك تعيبان؟
فهد ابتسم وقال : ابد ياميمتي صيام وتعب الشغل
ام سيف: ارتاح ونام لك كم ساعه قبل الفطور
فهد : على خشمي
ام فيصل: اخبارك يا فهد
فهد: الحمدلله بخير ، عزوز علامك تهوجس
عبدالعزيز: الحين انا احلم ولا
ام سيف : بسم الله عليك
سلطان: يبه عطه مخمس خله يصحصح
فهد : علامك ليه بحلم
عبدالعزيز: كل اللي اذكره كنت تعبان من الكوره وحطيت راسي بحضن امي ونمت بثواني قمت اشوف جدتي وخالي احمد
احمد ضحك وقال : الله يهديك
فهد : والله وانا اخوك بلاك من الكوره
عبدالعزيز: خلها على ربك
فهد : استاذنكم بريح لي شوي
ابو سيف: رح وانا ابوك ريح لك شوي وقم قبل الفطور
فهد : ابشر
_________________________
الساعه 5:30 العصر
مها: بندر قول لامك انك بتفطر عندنا
بندر : لا يا خالتي ابوي قال تجي قبل الفطور وبروح الحين
مها : طيب خذ هذا الصحن وعليكم بالعافيه وقول لامك لا تنسين بعد التراويح وعدنا
بندر : ابشري
مها : اوقف لك عند الباب ؟
بندر : اي لين ادخل
مها: فروس تعال وقف معي
راح بندر بيتهم ودخل
مها: فروس شي العابكم ابوك بيقوم ويفطر مايبي البيت حوسه
فارس: ابشري
__________________
ابو صالح: يالله مشيناا
ام صالح : علامك عجل من بعد البيت
ساره : جووود انتبهي لريما
ام صالح: ساره لا تشيلين الثقيل
ساره: ماهو جايني شي ان شاءالله
صالح: ها ما خلصتوا؟
جود: بابا شرايك بفستاني
صالح: اوب اوب اوب يا الزييينن كله عطينا من زينتس
حمد: طالعه على عنها
صالح: تعقب على ابوها
حمد ابتسم وهو يشوف ان صالح رجع نفس قبل وصار يهتم لزوجته وبناته
________________________________
ابو تركي ( ابو ابو فهد) : فهد وراه ما جاء لمنا
ابو فهد: عنده دوام يا ابيي وبينكس لمنا يوم 15
ابو تركي: يابعد حيي ياحمد بعدي
ام فهد: ياقلبي على وليدي ضعيف ما صام معنا
ام مصلح: وراه ماجاء
ترفه: دوامه كيف يخليه
ام هنادي: ومن يفطره
ام فهد: ام سيف ما تقصر ولا ام صالح  اصلاً هو راقد عندهم
ام هنادي: الله يجازيها الخير الا منهو ولده اللي معتس
ام فهد: ولد خوي فهد توفى وموصي فهد عليه وضعيف هالوليد ماعنده عمام وخوال ماعنده الا واحد ومتبري منه
ام هنادي: وزوجته ماقالت شي
ام فهد: نجد؟ ياليت كل العرب نجد حليله حليه تنوكل ما شد على فهد يحفظ الامانه غير نجد
ام مصلح: ياحليها
——————————————-
منيره كانت بغرفتها اما مها راحت لغرفتها ودخلت بشويش علشان ما يصحى عقاب دخلت الحمام وتروشت بعد الطبخ والجهاد بالمطبخ بدلت ملابسها ولبست جلابيه مناسبه لرمضان وحطت ميكب خفيف وفكت شعرها ولبست طقم اكسسوار ناعم وتعطرت وطلعت جت عند عقاب وقالت : عقاب
عقاب: هىمم
مها: قوم حطينا الفطور باقي شوي وياذن
عقاب : كم الساعه
مها : ست الاربع
عقاب: زين بقوم هالحين
_______________________________