بلاي حبيت نجديه

41

بالرياض بيت عقاب
مها كانت جالسه بالصاله تتتقهوى وتسوي ملابس عيالها و فارس يلون و ريان يلعب بالالعاب
فارس: يمه ريان حاس الالعاب
مها: خله عادي بينام شوي
فارس: بروح بيت بندر
مها: شوي اخلص اغراضنا و اسوي قهوه ثانيه وحلى ونروح لهم بس يا امي لا تزعجني علشان اخلص
دخل عليهم عقاب وقال : السلام عليكم
مها : وعليكم السلام
فارس قام وباس راس ابوه و ريان لحقه
عقاب جلس جمب مها وصبت له قهوه

( علاقتهم كانت حلوه بعد ما تزوج عليها وهي كانت توها عروس وحامل بفارس اضطرت تقعد عنده لاكن برضاًه بس علاقتهم ماهي نفس اول واستمرت انها تسوي واجباتها كزوجه وبس طلق زوجته الثانيه وتزوج ثلاثه ورابعه باختصار راعي حريم بس مها مهما صار ما يستغني عنها و بقت علاقتهم عاديه الى ان قال بيتزوج و صار بينهم بعد اكثر )
عقاب: ناقصكم شي
مها: لا
عقاب: بتروحين لجارتنا
مها : ان شاءالله
عقاب: لا تتاخرون عندهم برجع من دوامي جوعان وابيلي عشا
مها: زين
عقاب كان يبي اي موضوع ينفتح بس الواضح ان زعلها كايد
عقاب: بكره الساعه سبع الصباح بروح للجنوب
مها حست بقلبها حرراارره سكتت ومسكت دموعها
عقاب: بروح ونوصلهم اكيد الليل ويصير بعد بكره زواجي
مها اكتفت بالصمت وسكتت
فارس : بابا كيف تتزوج ثانيه
عقاب: عادي يابوك وبتجي بالبيت تصير امك الثانيه
فارس: بس ماعندي الا ام وحده
عقاب: اجل خالتك تصير
مها: فارس شيل مع ريان الالعاب و وده غرفته خله ينام
عقاب: بخلي عندكم فلوس تكفيكم باذن الله وهالحين طالع لدوامي
مها هزت راسها وسكتت طلع عقاب و مع طلعته نزلت دموع مها اللي كانت من حرارتها تحرق خدها مسحتها بقهر وسكتت
_____________________________________
ام سيف: ومتى رايحين ان شاءالله للعرس
ابو سيف: بعد بكره هو عرسه بعد بثلاث ايام
ام سيف: على الروحه بروح بيت اخيتي
نجد: بروح معتس ترا
ريما : وانا بعد
عبدالعزيز: وشو دفاع يعني
ام سيف بحده ناظرت عبدالعزيز
عبدالعزيز: ماقصدي شي بس ترا كله متزوج مو مسوي شي
ام سيف: لايكون ان شاءالله تحسبني رايحه علشان اللي ما ينقال بيتزوج على اختي؟ ما همني ولا همها بروح لها اونسها لحالها وهو تلقاه رايح ومخليها ولا حتى تكلف و وداها بيت امي
ام فهد بهمس لها : بسم الله عليتس ما تسوى السالفه اكلتي الولد
عبدالعزيز: ما قصدي يمه علامتس
ام سيف ناظرت عبدالعزيز بحده وسكتت
نجد تاشر لعبدالعزيز بمعنا ياويلك
عبدالعزيز ضحك وسكت
ابو صالح : بنقعد حنا يا الرجاجيل لحال وانتم لحال ازين تاخذون راحتكم بالسوالف وحنا ناخذ راحتنا
ام صالح: وش ورا راحتكم
صالح: يمه قلنا تحبين خالتي ام سيف مو معناها تعصبين لا عصبت
ام صالح: رح عني بس
صالح: ابشري
قاموا كلهم غيروا مكان جلستهم بمكان ثااني بحيث قدروا ينزلون عباياتهم
ام سيف : رمضان ماعاد باقي شي عليه
مزنه: الله يبلغناه
ام سيف : ورا ما تصومينه عندنا
مزنه: ابو خليفه بيخلينا
ام صالح: مابها شي
مزنه : بعدين خلف وسعود بالامارات
ام سيف: عاد انا لا جاء نص رمضان بروح لاهلي ان شاءالله
ام صالح: منتي رايحه بالعيد
ام سيف: وهو اقدر بروح رابع عيد و اعود السادس وعاد فيه ناسن ضعيفين يبون الروحه مير ماهي حاصله
نجد وريما ضحكوا
نجد بقهر : يمه والله جد المفروض نروح
ام فهد : لا جاء العيد ما باقي على زواجتس شي
نجد ابتسمت وسكتت
ريما : ويييي وين لسانها
ام صالح: وانتي منتي بعيده عنها
ضحكت ام سيف وقالت : ازيين ماعاد فيه صوت
نجد : متى نرجع البيت احس مليت
ام سيف: ظني نصلي العشاء ونمشي
ام فهد : قولي لهم نبي نمشي رمضان جانا ولا جهزنا شي نبي نرجع بدري
نجد : ابشري
راحت نجد لبست عبايتها وراحت لابوها
نجد: السلام عليكم
الكل : رد السلام
زايد: شو جايبنك هني
نجد : شدخلك محسسني فيه احد غريب
ابو سيف: علامتس يابوتس
نجد: امي وخالاتي و البنات باختصار كلنا نبي نرجع ورانا اغراض رمضان ما جهزناها و الصدق طفشنا من هنا حتى مجود ما قدر ينام زين ازعاج
ابو سيف: وغيره يا ام ماجد
نجد ابتسمت بعد ما قالها ام ماجد التفت لفهد اللي ما كان اقل منها الابتسامه شاقه وجهه وعيونه بتنطق
ابو صالح : اجل مليتي يا نجد
نجد ضحكت وقالت: اي والله
ابو صالح: لجل عين نجد السمع و الطاعه
نجد: يااا بعد قلبي يا عمي
محمد: مو علشانك ياعمي اكبرنا و اقنعتك نجد نمشي كلنا ورا شورها
ابو فهد: قلتها انت كبيرنا
محمد: كبيرنا يسمع شور نجد
نجد : الحين انا ماكله حلالك يوم انك مستقعد لي كذا
فهد : ورع تراك فليتها
محمد: ياليل
وضحكت نجد وراحت
ابو فهد : مهر نجد جاهز لا رجعنا ارسلتا المهر و اللي معها
ابو سيف ابتسم وقال : على خير ، اقول فهد
فهد: سم
ابو فهد : وين بتسكن
فهد: هنا و بالشمال كلها ولا ثبتت بيوتنا بالرياض نقلنا لرياض
ابو سيف: ياوجه الله الشمال
ضحك فهد وقال : وعلامها الشمال
ابو سيف : بلاك ما تعرف نجد وغلاتها
فهد ضحك وقال بقلبه: وبلاك ما عرفت شكثر احبها
سلطان: شيقول الشاعر يا فهد
فهد ضحك وسكت
زايد: الحين مافيه تقول صدفه اكيد انها لنجد
ابو سيف : قل وعليك الامان
فهد ضحك وقال : متوكد؟
ابو سيف : قل بس
قطع عليهم ام سيف : وش يقول ودنا نمشي
ام صالح : حمد يمه شيل السله ثقيله
حمد قام من مكانه بسرعه وقال : ابشري
مزنه : ياويلي يا نوره بتس حيل ماشاءالله
فهد بضحك : امي صغيره يا خاله
مزنه : ماشاءالله عليك يعني انا كبيره
زايد : لا تصرف الموضوع يا فهد
فهد: لالا خلاص
صالح: ياليل علشان نجد جت يعني
نجد: وشو
سلطان: فهد نبيه يقول بيتين يوم جاء يقوله جيتي
نجد: شدخلني بسكته يعني
عبدالعزيز: لا تحرجين الولد
ام صالح: اسلم يا فهد
فهد ضحك وقال : بتفهموني غلط ونا كاتبها كذا
ابو سيف: خلاص قلها
فهد : يقولك
يا سعود قلبي كل ما حل طاريه
يفز له يا سعود تسعين فزه
اغليه و احبه و اوده و اداريه
و اشتاق له يا سعود بكل حزهً
العيال صارخوا و جلسوا يفصفقون ويصفرون بحماس
ابو سيف وابو فهد و ابو صالح: صح لسانك
فهد وعيونه على نجد :صح منطوقكم
نجد حست بحراره استحت وحمر وجها
سيف: متاكد ما تقصد احد
فهد ضحك وقال: مشينا بس
رجع الكل بيته وفهدراح بيت ابو فهد وطلب من ابو سيف يجلسون لحالهم و كان يوصي نجد على ماجد
نجد: ابشر بعدين انا اخاف عليه اكثر منك
فهد: لا والله
نج: ايه والله
فهد: ترا اشتقت لتس
نجد: خلاص شرايك
فهد: وشو
نجد: ما نكلم بعض الا بالعيد
فهد : افا
نجد: ايه
فهد: ترا بنصوم لين 15 بعدها ينروح !
نجد شهقت وقالت : وين؟
فهد : الديار تطلب اهلها اهخخ يا نجد عقبال ما اخذتس لم الشمال
نجد: ودوامك!
فهد: يعطوني اجازه
نجد : مو لازم تاخذها
فهد: احبتس
نجد: فهود خلني اعرف اهرج
فهد: خليتس مني بتروحين زواج عقاب
نجد:لا يخسي
فهد: وراه
نجد: من غير شر بي بحاول نا احضر زواج وأحد متزوج ثانيه
فهد : الا انتي بتحضرين زواجي لا تزوجت الثانيه والثالثه و الرابعه
نجد بحده : بعيده عنك
فهد: ليه بعيده من حقي
نجد: لا مو من حقك اذا انا مو مقصره
فهد : وريني وجهتس وراتس مغطيته تراني زوجتس
نجد : نسيت بعدين ماراح انزل عن وجهي الغطا بعد كلامك
فهد: نجد صدق بشوفك ورب البيت مشتاق لتس
نجد: خل زوجاتك يوروونك وجيهم
وقف نجد كامن بتروح وسحبها فهد بحضنه وضمها بقوه وقال : احبتس يا قلب الشمالي
نجد: احلف
فهد : ورب البيت
نجد : طيب تراني اعشقك
فهد : وانا اموت فيتس بس لو توريني وجهتس
نجد : بعد يدك بعدين مو حاطه ميكب
فهد: عادي تراني زوجتي ركزي
نجد: حتى ولو ..،
ما كملت كلامها الا وسحب الطرحه فهد وقال : انا اعرفت لتس
نجد حطت عينها بعينه وقالت : خلاص ؟
فهذ انصدم من ملامحها كيف بالطبيعه حلوووه وحتى وهي بدون ميكب تسحر العين و الواحد كله قال بخفه: اااههخ يا نجد وحارمتني من الزين
نجد ابتسمت و صدت
فهد بمزح: غمازاتك شييينه
نجد: حاصله لك؟
فهد ضحكت من ردها  و حضنها بقوه وقام يضحك
نجد اول مرره تبادر و حضنت فهد بقوه وسحبته لها و لاول مره تجرأت و باست خده
فهد بتمثيل : اههخخ يا البوسه بموت بموت بموت
ويمثل انه بيطيح عليه
نجد: فهودد
فهد وهو يمثل انه بيطيح : اهخ يا الزين الزين ماشاءالله تبارك الله
نجد : يوه التعزيز
فهد : جعلييي اكلتس
نجد : فهود صدق صدق وش تفكر فيه؟ صاير تهوجس واحد
فهد : افكر بحياننا مع مجودي
نجد : وشفيه
قهد : مافيها شي بس شي جديد صرت اب بدون اتزوج
نجد : عاد تصدق تعلقت فيه واحس بحبه اكثر من عيالي اللي بجيبهم
فهد بمزح عطاها نظره وغمز وقال : عيالنا
نجد ضربت كتفه بخفه وقالت : سخييييففف
فهد ضحك بقوه وقال : اهخخخ يا نجد والله اني احبتس
نجد: اقول بس شرايك ما تروح الشمال
فهد : انا بشتاق لتس انتم ما تجون عندنا
نجد: والله اذا جيت عندكم يضحك وضعي ما اعرف احدد
فهد : ازين شي
نجد : لا والله مو ازين شي
فهد : عاد يووه بيقولون زوجه فهد مزيونه
نجد: ووواااووو
فهد ضحك وقال : احبتس طيب
نجد: تحبني لا تروح اجل
فهد: 15 رمضان بروح مطولين
نجد: متى تجي
فهد: سادس عيد
نجد : اوفف
فهد : وباقي ما خلصت اجازتي
نجد : باللي
فهد: زواجنا ثامن العيد
نجد: ايوه
فهد : من بكره زواجنا تروحين لاهلتس ونقعد لين العصر ونمشي لحايل ونقعد هناك يومين عند اهلي و عمامي وخوالي وبعدها نروح شهر العسل يا العسل كله وبعدها نجلس شهر بحايل ونمشي لديره لدوامي عاد عند اهلتس
نجد : اصبر صار الموضوع صدق
فهد ضحكت وقال : هههههههه اجل مزح؟
نجد : علشان كذا ماراح تشوفني ليييننن يوم زواجنا
فهد : مو كيفتس
نجد : الا كيفي
فهد : مصيري شافتس
نجد : لا ماعليك سهالات صح ادري ما تقدر بدوني بس استحمل
رفع حواجبه فهد بصدمه وقال : قد كلامتس يابنت عبدالله
نجد ضحكت بقوه
فهد حضنها وقال : الله لا يرحمني منتس
نجد : ولا منك وترا مجود بيبقى عندي لا رحت حايل
فهد : ولدي !
نجد : تعقب ولدي بعد !
فهد : ابشري
نجد: زين اشوفك 8 شوال
فهد : اقول بس تعالي...
ما كمل كلامه ونجد راحت وهي تضحك وسكرت الباب
فهد : هههههه ماهي صاحيه
قام فهد وجاء عند الباب وقال : يا ولد
ام سيف: روحي له
نجد : ما ابي
ريما : تستهبلين روحي !
نجد : ماني طالعه
ام سيف: تعالي يا امك مافيه احد
طلع فهد و وجهه احمر من الضحك قال : استودعتكم الله
ام سيف: اجلس تعش
فهد : مكثورين الخير يا خاله
ام سيف: شبلاك وش فيها نجد
فهد : اساليها
ام سيف: لا اله الا الله