بلاي حبيت نجديه

55

مرت الايام بدون اي احداث مهمه في تاريخ ٩/٩ في بيت ابو سيف
فهد : ابشرك يا عمي الفريق سمح لي اروح من باتسر
ابو سيف: ماشاءالله تبارك الله زين زين وانا ابوك مير ماهو زين لنا بتروح وتخلينا
فهد ضحك وقال: مكثورين الخير يا عمي مير على قوله ابوي الديار تطلب اهلها وانا من زمان ترا ما رحت لحايل ومن غير دوامي صار هنا اي وقت تلقوني
ابو سيف: ان شاءالله خير ومتى بترجع
فهد: شكلك نسيت ياعمي خامس العيد وانا واهلي هنا علشان الزواج
ابو سيف ضحك وقال : لهالحين ماني بمصدق ان نجد بنيتي بتروح معك
الجده : ونجد وينهي كل ماجاء فهد وربضت بحجرتها ( قعدت بغرفتها)
ام سيف: وشوله تطلع
الجده : وشوله تربض وانتي الصادقه
ام سيف: تستحي البنيه
الجده : لا هين تستحي
ضحك فهد وهو مشتاق لها بالحيل صارله قريب الشهر وهو مو شايفها وتنهد وهو يذكر عنادها وهي قايله وانا بنت عبدالله منت شايفني
سلطان: السلام عليكم
الكل رد السلام
ابو سيف: وين كنت ماشفتك بالمسجد
ام سيف : ماصليت التراويح !!
سلطان: بسم الله علي الرحمن اصبروا صليت صليت
عبدالعزيز: كذاب ما شفناك
احمد : افا يا سليطين
سلطان: افا والله يا خالي تشكك فيني انا وسند رايحين لديره اللي مجاوره لديرتنا عمته فيها وديته لان سيارته خربانه وقالي اخاويه وصلينا عندهم وجيت
ام سيف: تقبل الله
سلطان: منا ومنتس
فهد: بروح باتسر واتركم يا سليطين
سلطان: افا وتتركنا
فهد : الديار تطلب اهلها
سلطان: سلم لي على العيال وعمي
فهد : يوصل
سلطان: تقولون لي لهالحين نجد بغرفتها؟
ضحك فهد وقال : الله يعين
سلطان: الجوهره وين؟
ام سيف: اكيد داخل مع البنات
ام فيصل : تروحين معي يا شيخه
ام سيف: وين
ام فيصل: باتسر بمشي لديره اخوانتس كلهم بيجون و خواتس
ام سيف : بكره بتجي مها اقعدي لبكره اقلها
ام فيصل: ان احمد ماعنده شغل ماعليه
احمد : ابد ياميمتي ماعندي شي
ام سيف : يااريما جيبي الحلى
فهد: ودي انام وراي خط سفر من بعد صلاه الفجر
ام سيف: هذا وانا ابيك تتقهوى
فهد: ماعاد اشوف من النوم
ام سيف: نوم العافيه يامي
فهد: الله يعافيتس
راح فهد وهو مايشوف من النوم
سلطان: ريما الحلى
ريما : طيب ليه ما تجيبه
سلطان: وش ذا الكسل
الجوهره: خلاص انا اجيبه
طلعت نجد وقعدت معهم
ام فيصل: ما بغيتي مسويه مستحيه هالحين
نجد : وشو قاعده اقرا قران
احمد : لا مصدقينتس
نجد : بكيفكم المهم يبه بروح لساره
ابو سيف: هالحين
نجد : ايه  بس عادي بعد ما نتقهوى
عبدالعزيز وهو طالع من الحمام ويعرج
ام سيف: شبلاك
عبدالعزيز: ااااههخخخخ يييممممه
ابو سيف: ابك علامك
عبدالعزيز: طحت طحت
سيف: تتهبد انت
عبدالعزيز: ااااهخخ جعله باللي فبالي
ضربه سيف وسحبه من كتفه وقال: من تقصد؟
عبدالعزيز: محد
ام سيف: اترك اخوك
ابو سيف: ما تترك حركاتك ياعزوز
سلطان: حركاته
عبدالعزيز: شدخلللنيييي يعني بدري اني بطيح
سلطان: عزووزز !!!
عبدالعزيز: ياخي ، خلاص خلاص
راح غرفته وهو معصب
ام سيف: الله يصلحك يا سلطان
سلطان: اخليه يرفع صوته علي !
احمد : تدري كان يتالم مو قصده
ام سيف: لو تطيع وتتزوج
احمد ضحك وقال : انا ؟
ام فيصل: ايه انت وليه ما تتزوج
احمد : مدري
ام سيف : فيه بنت حاطتها فبالي وعزوز يماطل بالموضوع وماهو صادق والبنت عاجبنتي
احمد ضحك وقال : هالحين تعجبتس و تزوجنها يا انا يا عزوز طيب يمكن ما تبينا
ام سيف: وليه علامكم يوم ما تبيكم
نجد : اهخخ يمه احبتس قسم بالله يعني عجبتس لازم واحد من ذولي يتزوجونها
ام سيف: يفضل
احمد : ابد اللي تشوفينه
ريما : امااا حمود بتتزوج مايصلح !
نجد : لا لا ما اتخيل تدخل علينا ومعك بنت !
احمد : افا ما يصلح ابد؟
سيف: الصدق مايصلح ياخال
ام سيف: الا يصلح
ابو سيف ضحك وقال : ابد يا احمد انت اقدم على الزواج بس وبيتك علي من اوله لييين اخره
احمد : مكثور الخير مير عاد خلاص اللي بعمري عندهم عيال
ام سيف: مير زييين استوعبت
نجد : يببه تكفى قل لعزوز انا اخاف يجلدني
سيف : وراه يجلدك
نجد: معصب وبقوله وصلني لبيت ساره عز الله تسحر علي
ابو سيف: اقوله هالحين وابيه يجيب اغراض من المحل مالي قدره اروح
احمد : تبين اوصلتس انا ؟
ابو سيف: افا عليك بس و عزوز وينهو؟
احمد : اللي تشوفه
___________________________________
فبيت عقاب
مها تتقهوى و ترتب ملابس فارس و فارس وريان يلعبون قدامها طلعت منيره من غرفتها وقالت : انتي هيه متى يجي عقاب؟
مها ناظرتها باستحقار وسكتت وكملت شغلها
منيره : وجع ما تسمعين اكلمك تراني !
مها : لا صار كلامتس نفس خلق ربي رديت عليتس حبيبتي
منيره جلست وصبت لها قهوه وتناظر مها بنظرات كره
اما مها استغفرت ربها وتكمل شغلها دخل عليهم عقاب وقال : السلام عليكم
فارس : ارررححححبببب
عقاب ضحك وقال : سلم المرحب
فارس قرب من خشم ابوه وباسه وقال : طلبتك
عقاب : اسلم يابو عقاب وتم
فارس : وان رديتني ؟
عقاب: افا انا اردك؟
فارس : يبه والله طفشنا بالبيت نبي نطلع هالحين ما نطول
عقاب: وين تبي؟
ريان : البر
عقاب عقد حواجبه وقال : البر هالحين !
فارس : ايه عادي و نتسحر هناك تكفى يبه والله طفشنا هنا
عقاب : شفت لو ما حنا رايحين لديره باتسر كان دخلتك مع عيال اخوياي بحفظ القران
مها : ازين له من انه جالس هالحين
عقاب: مير بكره ماشين جهزتوا اغراضكم؟
مها: ايه
منيره : ايه
عقاب: اغراضي جهزتوها؟
مها ناظرت منيره و منيره ناظر مها
عقاب: جهزتوها؟؟
مها : مدري عن منيره
منيره : شدخلني
عقاب: هالحين متزوج ثنتين و ولا وحده جهزت اغراضي !!
مها : وانا شدراني من يجهزها
عقاب : اي وحده المهم تكون جاهزه
مها : ابشر
منيره : زين
فارس : ها يبه شقلت؟
عقاب التفت على مها ومنيره وقال : تبون نطلع؟
منيره : اي بالله يا عقاب ضاق خلقي هنا لا ناسن سنعه ولا سوالف سنعه
مها احتدت نظرتها لمنيره و منيره انتبهت لنظراتها وسكتت
عقاب: شقلتي يا مها
مها : دام فارس وريان خاطرهم بالطلعه ماقول لا
عقاب: اجل وحده تجهيز ااقهوه والشاهي و وحده عزبه الطبخ
فارس بحماس : كففففوووو
ضحك عقاب وقال : تبشر باللي تبيه يابو عقاب
مها قامت و سوت القهوه والشاهي
منيره لحقتها بالمطبخ وقالت : ما ابي اجهز العزبه كنت ابي اسويه القهوه بس دامك سويتيها اجل بروح اجهز عمري وانتي جهزي العزبه
مها : هالكلام قوليه لعقاب ماهو لي
بعدها بـ نص ساعه
عقاب : اخلصوا علينا
فارس : اجيب حطب ؟
عقاب: الله يهداك اي حطب قلنا براد بس ما تسوى
ريان : طيب كوره؟'
عقاب: جب الكوره
مها : خلصت انا
عقاب: يا منيره
منيره : طيييييييببببب
عقاب: اقصري حسك يابنت !
منيره خافت وقالت : ابشر
عقاب : الحقوني السياره وشلت الأغراض كلها مها قفلي الباب
مها : ابشر
طلعوا كلهم وراحت مها بتفتح الباب
منيره : سلامات انطقي ورا
مها : يااارببب الصبر والثبات تقلعي عن وجهي
منيره : شتبين اقعدي مع عيالك ورا
مها عصببت ولا عاد تشوف اللي قدامها تحملت وصبرت كثير مسكت يدها بقوه ودفتها لورا
منيره : كسسسرر يكسر يدتس ان شاءالله
عقاب : وجع يوجعتس انتي وياها بس اقصروا حسكم الجيران بيسمعونكم
علامكم يا مال العمى؟
منيره : مدري عن هذي
مها : هذي عندها اسم !
منيره : ياشيخه روحي بس
عقاب: الظاهر ماعاد فيه احترام لي ! منيره روحي ورا
منيره : سلاماات وليه ان شاءالله
عقاب: اللي بتركب هالحين قدام بالرجعه تروح ورا وانتهى
مها شافته معصب ولعبتها صح راحت ورا لان تبي بالرجعه تكون قدام وافضل لها لان الطريق بيكون كله هواش
عقاب : أعوذ بالله
منيره : شفيك خلاص انحلت السالفه
عقاب: ومن غير هالحين ما تعلموني انا متزوج ثنتين ولا وحده جهزت ملابسي ليه؟؟ وليه ان شاءالله واهو شي ينسي
مها : خلاص اجهزها انا
_______________________________
فبيت فيصل
فيصل : اخبار اميمتي ؟
سيف: بخير الحمدلله
فيصل: والله ابوك مو هين اجل امي عندكم
سيف: ايه استولينا عليها
سالم : عمي احمد اخباره
سيف: بخير وتراه شرهان عليكم يقول ماجوني وسلموا
العنود: يووه عمي احمد اشتقت له هو وجدتي
سيف: عاد كل ما قلنا شي قال العنود والعنود
العنود ضحكت وقالت : ان شاء الله يقول شي زين
سيف: افا اجل تسوين انتي شي ماهو زين؟
عمر : خل الرومانسيه عنك بس بكره اكيد بنجيكم
فيصل: عقاب بكره بيجي و ابو سيف عازمنا كلنا
عبود : بابا بروح معك ليمه شيخه
سيف: صار
عبود : علشان تقولي قصه ثانيه اليوم يمه مها ( ام سالم و العنود ) قالت لي قصص كثييييييرره
عمر : ادوخنا ولدك كل شوي قصه قصه
سيف: وش وراك قوله قصه
عبدالرحمن: وش عندنا غير عبود نقوله قصه
شهد : كذاب علشان عياله مستفيدين
عبدالرحمن: افاا
ضحكوا كلهم وقال سيف : انا بروح هالحين
فيصل: اقعد اقعد منت متعدي الباب الا وانت متسحر
سيف: ما يحت........
فيصل قطع كلامه وقال : وانا خالك بتقعد و تتسحر عندي غيره مافيه
سيف: على خشمي
عبود: ابي تجيب لي خيل نفس حقك وحق خالي عمر و عمي عبدالعزيز
سيف: ان وافق يبه فيصل تم
عبود التفت لجده فيصل وضحك وقال : شقلت يبه؟
فيصل كان مشغول مع نادر وقال : سم يا عبود
عبود : ابوي يقول ان وافقت جابه لي
فيصل: اوهو اجل فيها موافقه تعال تعال جمبي وش اللي تبيه
عبود : ابيلي خيل نفس ابوي وخالي عمر وعمي عبدالعزيز
فيصل: غالي والطلب رخيص يحضر لك الخيل وانا بجيبه لك
سيف: من قدك
نادر : وانا بعد ابي عمي عمر علمتي وصرت خيال
فيصل: صدق هالكلام يا عمر
عمر : هالله هالله نادر و عبدالله هالحين بينهم منافسه
فيصل: حيي ابشروا والله بالخيول
العنود: والله يا ذا الخيل شاغلهم شغل
عبود : بس حلو
العنود: اللي تحبه اكيد حلو
سيف بمكر همس باذنها وقال : يعني تشوفيني حلو؟ ( ضحك وصد)
العنود انصدمت وقالت : باللهي؟
شروق: السحور
عبدالرحمن: لبى السنعه
شروق : من يومي
سيف: كفو والله
شروق : كفوك الطيب
فيصل : تموا تموا على السحور
________________________
ام سيف: عزوز السحور
ابو سيف بحده و واضح انه عصب وهو اذا عصب ما يعرف احد و لان نادر يعصب : عزوز ما تسمع انت !!!
عبدالعزيز: سم طيب
سلطان: نجد صبي لبن
نجد : طيب
ابو سيف: تسحر فهد؟
ام سيف: ايه ضعيف ذابحه النوم تسحر ورجع نام على طول ما كمل صحنه حتى
سلطان: كان خليتوه يتسحر معنا
ام سيف: قال يبي لحاله علشان يكمل نومه
نجد : سلطانوه يدي انكسرت بسرعهه خذ
ام سيف: الجوهره ورا ما تاكلين
الجوهره: مدري مالي نفس
ابو سيف: وراتس
الجوهره : مدري