بلاي حبيت نجديه

البارت 34

دخلت نجد وهي مستحيه من فهد ومنزله راسها و سكرت الباب وراها حست ببروده و نبضات قلبها زادت اما فهد من شافنا طار عقله ما توقعها بذي الحلاوه ملامحها كانت تجذبه وتجذب العين ضحك وقال : ارحبي ثم ارحبي ثم ارحبي
نجد ابتسمت وقالت : الله يبقيك
فهد فتح يدينه لنجد وقال : قد فتحت هاليدين لك وقلتي ما احل لك وهالحين صرتي حلالي تعالي تعالي اخذك واحطك بهالقلب وابعد عنتس الضيق والزعل
نجد ابتسمت وكان كلام فهد يسعدها ودخل بقلبها وهي تحس معه بالامان قربت منه وهو يحضنها باقوى مافيه وداهمته ريحه مسكها و العود اللي تتميز فيه وقرب وجهه من خدها وعطاها بوسه وهمس باذنها : احبك
نجد استحت و وجها قلب احمرر ضحك فهد وقال :نجد ابوي شفيتس
نجد : احس اني بحلم وان كان حلم يارب ما اصحى منه
فهد : نجد وش سويتي فيني ؟ بيوم وليله قلبتي موازيني لا ليلي ليل ولا نهاري نهار تليتي قلبي من اقصاه حتى دوامي نقلته هنا علشانتس وصرت اتعذر عن روحاتي لحايل علشان ما تغيبين عني ثانيه
نجد: ولا انت خليت فيني عقل صرت افكر فيك حتى وانا نايمه وبكل وقتي افكر فيك وبعدين تراك حيوان
فهد : افا ليه
نجد: اخاف اني اوجعتك توه جرحك
فهد : فهد بكبره حلالك لو وش تسوين فيه
نجد : احبك
فهد : يااا جعل ما يقول احبك في ذا الدنيا غيرتس ، بعدين وش ذا الزين ؟ ( ناظر عيونها لثواني وقال ) ليه العيون هذي تلتني من اقصاي ؟ وبعدين ليه ما قلتي لي عندتس غمازات حلوه؟
نجد : فهد بس عادد
فهد : ههههههه ياا قلب فهد انتي
نجد : طالع منها وانت احلى مني ! مشكله ذي
فهد: اعقب والله انتس ازين
نجد : لا والله انت ازين
فهد : نقعد نتعازم؟
نجد: متى بتمشون ؟
فهد : تروحين معي؟
نجد : ها ؟
فهد: وشهو ها علامتس اذكرتس انتس حلالي
نجد: لا بس اعرف عماتي وش بيقولون
فهد : ويقولون دامتس حلالي بالطقاق يابوي ماعليتس منهم
نجد:  ناقصه اجيب على عمري كلام
فهد : خلاص ياروحي على راحتس ، انا بمشي تامرين على شي ؟
نجد : ولو قلت اي بتجيبه
فهد : لو تبين النجوم جبتها لتس
نجد: لا لا طلبي هوين حتى جود تجيبه
فهد : افاا
نجد: ههههههههههههه
فهد : دوم دوم يارب
نجد: تدوم لي
فهد : امنيبن امين
نجد: هو لان ابوي واخواني حالفين ما يحيبونه لي قلت مالي غيرك
فهد : ابشري به
نجد: بس الايسكريم اللي احبه هههههههههه
فهد : يحضرلتس افا عليك
______________________
الساعه 2:30

المكشات مختصر على اهل ابو سيف و اخوانه وخواته وعيال عمه وطبعاً ابو فهد اكيد واهله

تعريف بسيط
العمه مزنه اخت ابو سيف و ابو صالح الكبيره متزوجه عندها خمس عيال ( متزوجه اماراتي ) عيالها خليفه و زايد و سعود ونهيان
واللي موجودين بالمكشات زايد و نهيان انا خليفه و سعود مع ابوهم بالامارات

____________________________________
ابو سيف: ابك يا عيال تعالوا شيلوا الحطب
عبدالعزيز بهمس : يبه مو علشان الباقي عيال عمك و عيال اختك ما تقولهم شي
سلطان: نهيان تعال لا ارنك مخمس مسوي ضيف
نهيان : وابويه تريا عليا
سلطان: اترياك وليه ما اترياك
زايد: هههههه من هو اللي قايلن لك يا سلطان ان حن نرمس شراتك؟
سلطان: قالي طناختي ياشيخ لهجتكم صعبه
زايد : لهجتنا سهله ولهجتكم
سلطان: اتحداك تهرج نفسنا
نهيان : انا انا اروم ارمس شراتكم
عبدالعزيز : يبه بنيخيك ذولي مب فالحين غير بالسوالف
ابو سيف: علامك على بنيخي؟
نهيان : والله يا خالي ولدك هذا خديه
ابو سيف: اص اص لا يسمعك
عبدالعزيز : انت الخديه
زايد: اخوي خديه؟
عبدالعزيز: شفت يعني سبه !
نجد : عزوزز امي تبيكك
زايد : نجدوه الخديه اخوج غربلني خذيه وياج
نجد : ياويلك يا زايدوه اذا تسب اخوي مير ابشر
نهيان فطست من الضحك
مزنه : بسكم عاد ما ارضى على عيال اخوي
نجد : عمه معليش ما تتكلمين نفس ذولي تراتس بنتنا
مزنه: يابعد عيني ابشري يمه من عيوني
ابو صالح : بس يا عيال حطوا الزل منا و الرواق لا تنسونه و كلنا مع بعضنا ماعاد فيه وقت
ام سيف : لحول الله
نوره ( ام فهد ) : علامتس شيا شيخه؟
شيخه ( ام سيف ) : فيني بدريه !
نوره : يوه يا شيخه ما نسيتي
شيخه : انا اللي ما نسيت؟ هي اللي ما نست شوفي كيف حركاتها
نوره : اهم شي هو عينه على مين؟ عليتس  وسبحان الله بنتها عليها مدري علامها تدور حور فهد
شيخه : منهي علياء!؟
نوره : ومن غيرها تدور حول فهد الله يستر على وليدي
شيخه : لا تدري عنها نجد
نوره : على قولتس
حصه ( ام صالح ) : شفيكم جالسات تسولفون امشوا
ترفه : يا حريم اخواني يقولون جلستنا سوا
شيخه : ما ذبحنا غير اخوانتس
ترفه : هههههه شمسوين
نوره : امشوا بس خلوا السوالف
اجتمعوا كلللهم كلهم ال قايد من بناتهم وعيالهم وطبعاً عايله ابو فهد اللي يعتبرون منهم وفيهم
ابو سيف: اخبارتس يا مزنه
مزنه : نحمد الله ونشكره
ابو سيف : وانت يا نهيان عساك توظفت؟
نهيان : هيه يا خال
عبدالعزيز: انت الهيه ! ترا عاد نقولها ذي لا تحسب تتكلم لغه ثانيه
زايد : هههههههه يا عزوز هيه يعني ايه
عبدالعزيز: ياليل
سيف: عزوز قلنا انك غبي بس مو لذي الدرجه
عبدالعزيز: تمون
عقاب ( ولد عم ابو سيف اخو بدريه) : اخباركم يا عيال عمي
الكل : بخير الحمدلله
ابو صالح : ويين الناس ياخوك ما عاد نشوفك
عقاب : الدنيا اشغال قدني اشتغل بالجنوب
ابو سيف : اوه بعيد عليك
عقاب : بس تستاهل اللي يتعنا لها
هزاع ( اخو عقاب ) : تستاهل لشغل ولا اللي خبري خبرك
عقاب ( ابو فارس ) بضحكه : كلها ، اعزمكم يا عيال عمي على زواجي الثاني بالجنوب

الكل التفت لام فارس كانت تحاول تخقي زعلها بالابتسامه سكتت وتبين انها مشغوله مع ولدها الثاني ابو سنتين
ام سيف بقلبها اعوذبالله من قسوه القلب
بدريه : بالعكس يازبنه اللي يعدد متفيها شي اذا بيعدل بينهم
ام سيف: زين بنظرتس
بدريه : وي عاد المفروض ترضين قد لك عشره عمر مع عبدالله ا
ام فهد : عاد تشوفينه زين ومافيها شي؟
بدريه : اي والله مافيها شي
ام فارس احتدت نظرتها
و ابو سيف ناظر ابو فهد و وضحكوا وصدوا عرفوا انها قبست
ام فهد : اجل ماله داعي طلاقتس الاولي علشان رجلتس اخذ الثانيه هما تقولين مافيها شي
ابو سيف : خلوكم من السوالف الحين الغدا وينه ذبحنا الجوع
بدريه : يخسي الجوع ياولد عمي ياللي من لحمي ودمي ابشر بغداك
الكل عارف باللي تسويه بدريه مع ابو سيف و وش تبي
ام سيف كانت بتتكلم ومسكت يدها ام فهد بمعنا مشيها
نجد حست بحراره بقلبها وقالت : عنتس يا بدريه عاد ما توقع تقدرين على شيل الذبيحه
بدريه : ليه شايفتني كبيره قدني شباب
نجد : هههه اي شباب يا خالتي استريحي علشان عظامتس ما توجعتس وظهرك ينكسر
بدريه انقهرت من حركه نجد وسكتت اما ام سيف ضحكت بانتصار و هي ودها تضم نجد وكل عادتها نجد الا حق امها وخواتها واخوانها وابوها ترد الكلمه بعشر
ضحك ابو سيف وصد
دخل عليهم فهد و سيف وصالح وحمد و عمر وكلهم بصوت واحد : السلام علييكمم
الكل وعليكم السلام
ابو سيف : عمر
عمر : سم ياعمي
ابو سيف: وينهو ابوك ورا ما جاء واهلك كلهم
عمر : افا ياعمي و اخيتي هنا صارت منكم يعني ماهي من اهلي؟
ابو سيف : هههههه العنود صارت بنيتي مير ابوك واخوانك كانوا بيجون
عمر : ابوي واهلي كلهم راحوا يم الديره عند عماني وانا الصراحه اشوف ما تزين الديره الا بوجود عمتي ام سيف
ام سيف: يابعد عيني
ابو سيف : تلمح لشي انت
سيف : وانت بتصوم رمضان لحالك يا النسيب !
عمر : اي فبيتنا
ابو سيف: ماهو على كيفكم بتجي عندي بالبيت
عمر : لا ياعم....
ابو سيف : ما استشيرك انا ياولد
عمر ابتسم وقال : سم
علياء همست لدانه وقالت : ياربي لا تحير مسلم
دانه: كلهم مزايين حتى صالح و حمد
علياء: ههههه لا تخافين على بنات الساحره ( ام سيف ) ياخذون الزين
هزاع : يا عيال عاد نبيكم تصلخون الذبايح
صالح : ما يشمل المتزوجين الموضوع
هزاع : لا ماعليك مايشمل
سيف: عزوز قم
سلطان: يارب لك الحمد توي متزوج
فهد: انا يعتبر تزوجت !
علياء بهمس لدانه يسمي هذي زوجه !!
سلطان: تعقب مابعد تزوجت
ابو سيف: ههههههههههههه يالله يا عياال

فهد وعبدالعزيز و عمر وحمد رفعوا ثيابهم وتعصبوا
عبدالعزيز: ريماا خذي عقالي لا يضيع
ريما : وشوله تنزله
عبدالعزيز: بعصب راسي
نجد: تهاوشون الذبايح انتم ولا تلصخونها