بلاي حبيت نجديه

58

📍بيت ابو سيف
⏱5:30 العصر
في مقدمه البيت الحوش الرئسي حاطين الزل الاحمر والكل مجتمع عليه الكل من اهل ابو سيف وعياله ووبناته و ابو صالح وعياله و عقاب وحريمه و فيصل وعياله وبناته و احفاده وترفه وعيالها وكان البيت مليان من الناس و الكل يسولف و يتطمن عن الثانين بحماس و حب واخوه
ابو سيف: نحمد الله على اليوم اللي جمعنا
الكل : الحمدلله، اي والله ، اللهم لك الحمد
فيصل : يازين هالجمعات اي والله مير ناقصنا ابو فهد
عبدالعزيز: كلن يا خالي يدور ديرته
هزاع : السلام علييكم
الكل : رد السلام
ابوسيف: وراك تاخرت
هزاع التفت على دانه وقال : الله يسامح اللي اخرنا
كلهم ضحكوا
دانه : اهم شي جينا
ام فيصل: ماعاد باقي على الاذان شي مشينا
فيصل باستغراب: وين ماشين
ام فيصل : حنا يا الحريم لحالنا وانتم لحالكم ازين لنا ولكم
ام سيف وهي ترتب المجلس : نجد يمه شيلي هذا
نجد : يمه تعبت تعبت تعبت قسم بالله شوي واصيح
ريما : انا رجولي تكسرت
ام سيف: وش نسوي عاد تبون تخلوني لحالي
نجد : لا افا علتس وش نتركتس
مها : السلام عليكم
ام سيف بحنيه : هلااا هلاا امييي هلا باخيتي هلا ياعيون اختس
مها حضنتها وقالت : هلافيتس ياقلب اختس
ام سيف: شينه الحلايا جايه
مها : ايه جايه الله لا يحييها
ام سيف : نجد روحي للحريم انتي وريما قولوا للحريم يجيون هالمجلس
مها : اساعدتس بشي؟
ام سيف: خلصنا انا والبنات بس باقي اجيب اخر شي العصير
مها: بجيبه
ام سيف: خليه انا اجيبه
ليلى دخلت ومعها العصير
مها باستغراب: من هذي
ام سيف: جابها ابو سيف تساعدنا
مها: وفوق ذا ما لحقتي
ام سيف: خليها على ربتس
دخلوا الحريم كلهم وكانت اصواتهم عاليه بالضحك و السوالف الا منيره اللي كانت نظراتها نظرات كره لام سيف وبناتها و انقهرت زود من حلاوتهم
ام فيصل: الف مبروك يا ريما عسى الله يوفقتس و يسعدتس يارب
ريما ابتسمت وقالت : امين
نجد بهمس للجوهره: الجوهره سلاماتت تشيلين الكرتون لحالك !!!!!
الجوهره: بالغتي ترا قريب الباب !
نجد : ذا انا وريما وبالموت نشيله
ام سيف التفتت للعنود وابتسمت وقالت اخبارتس يامي؟
العنود: بخير الحمدلله يا عمه وانتي كيفتس
ام سيف: نحمد الله ونشكره
اذن المغرب والكل سكت وقام يفطر
___________________________
عمر : عزوز صب فيمتو
عبدالعزيز ناظر عمر بنظرات حاده وعمر مسك الضحكه
عبدالعزيز: سم
عمر : سلمت
صالح: صب يا عزوز لا تقصر على نسيبك
عبدالعزيز: سم
ابو سيف: صب لعمك يا عزيز
عبدالعزيز تنهد ووناظر سلطان اما سلطان ضحك وهو يشرق بالقهوه
ابو سيف بخوف : صحه صحه
ابو فيصل : طق ظهره
عقاب: فارس جب مويه
سلطان وجهه حمر وكان يكح بقوه
سيف مسكه وطق ظهره بخفه وقال : صحه صحه
——
ام سيف بخوف : الله يستر منهو اللي يكح
ام سالم : يوه يا شيخه خوافه بزود
ام سيف: صوت سلطان ولدي
نجد : يا سلطان يا عزوز
مها : ما جايه شي ان شاءالله كملي فطورتس
_______
سيف: عزوز صب قهوه
عبدالعزيز تنهد والتفت على حمد وقال : ما اكلت شي تراني !!
حمد : صب لا يجلدك عمي
عبدالعزيز: سم
عقاب: فارس ود ريان لامك
عبدالعزيز: الحين بقدر اكل
هزاع : عزوز وانا عمك صب لي عصير
عبدالعزيز: ابشر
عمر ضحك وصد
عبدالعزيز: اهخخ
ابو محسن ( زوج ترفه) : صجيتوا عزوز ماشفته اكل! اصبروا عليه
عبدالعزيز ضحك وقال : لا ماعليه ياعمي
محسن همس باذنه : كذاب واضح على وجهك
عبدالعزيز بهمس : تراني ماكل تبن مو مفطر حتى تمره ما اكلت !
محسن : اكل اكل الحين
ابو سيف: الصلاه يا عيال نصلي ونرجع
الكل قام علشان يصلي الا عبدالعزيز اللي انقهر
ابو سيف: قم لاحق على الاكل
عبدالعزيز: يببهه ما اكلتتت !!!
ابو سيف: كلنا ما اكلنا امش
سلطان وهو ميت ضحك سحب عبدالعزيز وحط يدينه على كتفه وقال:عادي
عبدالعزيز : مو عادي اقولك جوعان ولا اكلت شي !
ام صالح: يابنات قوموا نصلي
——————-
بعد الصلاه جاء عبود وقال : يبه عبدالله ويبه فيصل قالوا حطوا القعده كلنا سوا
ام سيف: زين يا امي
عبود : ماما للحين زعلانه مني؟
العنود: ايه زعلانه وروح عني لا تكلمني
عبود : ليييه
العنود: روح عني
عبود زعل وراح
الجوهره: حرام عليتس
العنود: يستاهل اللسان وش طوله صاير
الجوهره ضحكت وقالت: الله يهديه
منيره : انتي بنت اخت عقاب ؟
علياء: ايه
منيره: وين امتس
علياء : هذي امي
بدريه أبتسمت و جت جمبها وقالت بصوت عالي : الله حيها مرت اخوي الغاليه
ام سيف ناظرتها بطرف عينها وقال : الحمدلله على نعمه العقل
اما مها ناظرتهم بقرف وصدت
ام فيصل : وييي دامها الغاليه وراتس توتس تشوفينها هههه امحق غاليه
ضحكت ام سيف ومعها مها
مها : يازين امي وردودها
بدريه : والله حدتني الظروف اني ما اجيها ولا يازينها ويازين طاريها
مها : الطيور على اشكالها تقع
بدريه : وش تقصدين؟
نجد دخلت على صوت بدريه وقالت : شعندها عجوز النار؟
العنود: نجد عيب
الجوهره: نجد ماعليتس منها
بدريه: واعيباه يانجد هذي وانتي مطيرينتس بالادب والاخلاق
نجد : ياقلبي انتيي الادب والاخلاق معروفه لام سيف شييخه زوجه الشيخ عبدالله ال قايد معروفه بالادب والاخلاق وطبيعي ورثت بناتها وعياالها الادب
كانت نجد متعمده تجيب طاري ابوها علشان تنقهر
الجوهره: يمه انا بروح لشرقيه
ترفه : توصلون بالسلامه يارب
الجوهره: امين
سلطان سلم على ابوه واخوانه وامه وخواته و طلع شناطهم لسياره جاء عند مجلس الحريم وطق الباب وقال : يا الجوهره
الجوهره: لبيه؟
سلطان: لبيتي حاجه مشينا؟
الجوهره: ايه
طلعت الجوهره هي وسلطان ومشوا لشرقيه
ابتدت سوالفهم تتعالى والبنات بالمطبخ يرتبون عبدالعزيز بقهر: عاجبك حالي؟
سيف: علامه حالك
عبدالعزيز: طقني الجوع ولا افطرت
سيف: اما عاد ما افطرت
عبدالعزيز: قسم بالله قهر اسمع اسمع
طلع صوت بطن عزوز وضحك سيف وقال : ياعزتي لك ياخوي
عبدالعزيز: بروح المطبخ
سيف: فيه البنات !
عبدالعزيز: ماني بداخل عليهم ترا
سيف: رح رح
قام عبدالعزيز وتوجه للمطبخ تنحنح وقال : نجد
نجد : بسم الله شجابك !
عبدالعزيز: السلام
البنات ردوا السلام
عبدالعزيز: تكفون ميت من الجوع اي اكل موجود طلعوه
ريما : بسم الله توك ماكل !
عبدالعزيز: هنا المصيبه ما اكلت من قراده حظي قاعد عند العصاير و القهوه ! وكل شي واحد متسلط علي اصب له ويوم قلت بسم الله قال ابوي الصلاه ولا اكلت شي !
دانه : ياقلبي عليك ياولد لعم ابشر ابشر
عبدالعزيز : بعدي
غاده : ياقلبي !!
نوادر : وعليك !
غاليه: وابشر !
دانه : تكبير المواضيع !!!
نجد : طيب كيف بتاكل قدامهم !
عبدالعزيز: نجد ترا احس بدوخه عطيني اي شي حولك
ريما : بسم الله عليك دقيقه
عبدالعزيز مسك راسه وقام يرجف من الجوع
نجد : بنادي امي
عبدالعزيز: لا لا
ريما : عزوز لا تجلس عند الباب كذا
عبدالعزيز وهو ماسك راسه : صبر صبر ريما
نجد ركضت لامها وقالت بهمس : يمه تعالي
ام سيف بخوف : شصاير؟
نجد : تعالي شوي
قامت ام سيف مع نجد وشافت عبدالعزيز قاعد عند باب المطبخ وماسك راسه وريما جمبه
ام سيف بخوف : علاامهه عزوز
عبدالعزيز: مافيني شي
ريما وهي ماده يدينها وفيها الاكل : اكل تكفى عزوز لو لقمه مايصلح كذا !!
ام سيف بخوف تمسح وجه عبدالعزيز بالمويه ونزلت شماغه وقالت : امي انت عزوز يمه لا تخوفني
عبدالعزيز: يمه مافيني شي بس .. بس ... علشان ما اكلت
ام سيف: وليه وليه الاكل واجد وخير وارزاق
عبدالعزيز: ابلشوني كلهم مخليني اصبصب لهم ويوم جيت باكل قالوا الصلاه ولا طب فمي شي وصايم للحين
ام سيف: اكل طيب هالحين
عبدالعزيز: مقدر مقدر
ام سيف: غاده عطيني مويه وراتس ، اشرب اشرب لو شوي عزوز امي
شرب عزوز مويه و اكل حبتين تمر علشان يرفع السكر عنده
ام سيف وهي تناظر عيونه : ها امي احسن الحين؟و
عبدالعزيز: يمه مافيني شي والله بس علشاني لعبت كوره وانا جوعان ودايخ خلقه ولا اكلت شي
ام سيف: ريما جيبي الاكل لاخوتس
عبدالعزيز : مقدر اكثر ومعدتي فاضيه
ام سيف: اكل لو شوي
____________________________
سلطان: افطرتي زين؟
الجوهره: ايه الحمدلله
سلطان: اليوم عزوز صرعني من الضحك لدرجه شرقت بالقهوه
الجوهره: انت اللي شرقت قبل شوي !؟
سلطان: ايه اقولتس عزوز استلموه الشياب و العيال كلهم كل شوي واحد يقوله صب صب و لا افطر وكل ما احد ناداه عيونه شوي وتطلع من مكانها
ضحكت الجوهره وقالت : حرام عليييكم ولا احد فزع له !
سلطان: المشكلة وين يوم جاء بياكل قال ابوي الصلاة الصلاة قال عزوز يبه ما اكلت قال كلنا ما اكلنا ههههههههههههه
الجوهره: ضعيييفف يمديه ميت جوع هالحين
سلطان: يازين عزوز قسم بالله احبه بس ما ابين له
الجوهره: طيب انا احبك
سلطان الابتسامه شاقه وجهه ومسك يدينها وباسها وقال : ياجعلي ما افقدتس
الجوهره: امين يارب تتوقع متى نوصل؟
سلطان: وحده وحده ونص حولها
الجوهره: يوه مطولينن واحس فيني نوم
سلطان: يا جوهره قلبي انتي وشفيتس احس صاير فيتس خمول و وجهتس متغير تعبانه؟
الجوهره: شوي
سلطان: افاا من متى؟
الجوهره: من قبل بس عادي خفيف
سلطان: وش عادي ! مو عادي عندي
الجوهره: فتره ويروح
سلطان: اول ما نجي الشرقيه بوديتس المستشفى
الجوهره: ما يحتاج
سلطان: قلت بوديتس ما قلت شرايتس !!
الجوهره: اللي تبيه ياعيونها
سلطان مد يدينه وقال : حطي راستس هنا ونامي
الجوهره: بوجعك!
سلطان: اوجعيني حلاتس انا
الجوهره: اذا اوجعتس قومني
سلطان ضحك وقال : من عيوني
بعدها بدقايق نامت الجوهره بتعب و سلطان كان مركز بالطريق وكل دقيقه يخطف نظره لها ويبتسم وقف على جمب علشان يصلي العشاء طلع بطانيه من ورا خفيفه وحطها فوق الجوهره و حط مخده صغيره علشان ترتاح بنومتها اما هو صلى جمب السياره ورجع ركب و جلس يتامل الجوهره ويبتسم ويناظر ملامحها الهاديه حط يدينها على وجها ويلمس فكها و خدودها تقدم وهو يبوسها بخفه و رجع مكانه وقال : يارب احفظها لي طول العمر و كمل الطريق
اما عند عبدالعزيز رجع لوعيه وجلس معهم يتقهوى وطول الوقت ام سيف نظراتها على عبدالعزيز
ابوصالح: تقولي يا فيصل بتشدون الرياض معنا
فيصل : قد شرينا الاراضي
نجد : اف يا الطفش بنات تبون نجلس لحالنا؟
علياء : نجد من هذا
نجد: اي واحد
علياء: ذا
نجد : خالي احمد
علياء: اها
غاليه : دانه وين الناس ؟
دانه : معكم
غاليه : وين معنا وانتي طول وقتك تناظرين عبدالعزيز!
دانه : خليتي ذولي الناس كلهم وتقولين عبدالعزيز!
غاليه : وي اكذب عيوني يعني !
دانه : بالغتي جداً