بلاي حبيت نجديه

44

الجوهره: اشتقت للبحر
سلطان: وانا اشتقت لتس
الجوهره ضحكت وقالت : سلطاان
سلطان ابتسم وقال : يا روح سلطان
الجوهره: تصدق شلت هم العنود كانت متحمسه مرره
سلطان: الله يعوضها خير يارب وقدامهم الحياه باذن الله يجيبون عشره
الجوهره: اميين يارب والله يستاهلون الخير
سلطان : انتي الخير كله يا اطيب قلب
ابتسمت الجوهره وماهي الا ثواني شافوا البرق
الجوهره: بتمطر شكلها
سلطان: تبين نتمشى هنا؟
الجوهره : اخاف يجون ولا يلقونا
سلطان: انزلي انزلي بروح لسيف بشوف يبي شي وانت خليك عند السياره
الجوهره: ابشر
نزلوا وقفل السياره سلطان ودخل داخل اما الجوهره كانت تتمشى برا وكان فيه حديقه جلست فيها الجوهره وبدا الجو يمطر خفيف جت بنت عند الجوهره صغيره وقالت : ماما
الجوهره: ياروحي انا ياعيوني مو ماما انا وش تبين
البنت : ابي العاب
الجوهره: تروحين معي هناك نلعب؟ البنت هزت راسها بمعنا ايه
عند سلطان جاء عند باب الغرفه وطق الباب فتح الباب سيف وقال : سم
سلطان: تبي شي تحتاج شي ؟
سيف: سلامتك يا العضيد
سلطان: وسيارتك؟
سيف: معي
سلطان: بحفظ الله
سيف: في امان الكريم
______________
عند الجوهره كانت تلعب البنت بحماس
عساف: منى يا منى
منى : هنا بابا عند ماما
عساف استغرب وشاف الجوهره وقال : الله يعطيتس العافيه
الجوهره: الله يعافيك ومشت قطع عليها عساف وهو يقول
عساف: تشبهين امها علشان كذا وامها متوفيه
الجوهره: الله يرحمها
مشت و حاول يمسك يدها والجوهره حطت يدها على ظهرها
وقال عساف : وين مستعجله خلينا نسولف
الجوهره سحبت يدها بقوه وقالت كسرر يكسر يدك ابعد عني
عساف : هههه وعنيده بعد ؟
الجوهره بحده و صوت عالي: مريض انت مريض انقلع عني
قطع عليهم سلطان وقال : شعندك يا الاخو؟
عساف: شدخلك
سلطان: واقف مع زوجتي وتقول شدخلك ؟؟؟
عساف: اوه طلعتي متزوجه
الجوهره : هالخسيس حاول يمسك يدي !!
سلطان لف على عساف بحده
عساف : ياليل لا،،،،
ماكمل كلامه الا و سلطان صفقه بكف وطيحه على الارض
الجوهره بخوف: سلطان
سلطان بحده : امشي
___________________
عند مها وام سيف
مها : تقهوي وخلي ريان لاحقه تلعبينه
ام سيف: يازين الزين روح روح وانا خالتك العب هناك تعبت انا
ريان هز راسه بمعنا اي وراح
مها : زين انتس جبتي تغيرين لي جو
ام سيف: جهزتي لرمضان ؟
مها : اي الحمدلله خلصت وانتي عساك خلصتي
ام سيف: انا كل ما ما قلت ببدا الا ويطلع لي شي بس تقريبًا خلصت
مها: وكيف البنات عساهم بخير
ام سيف ضحكت وقالت : يوه يا البنات شوي ويموتون علشان بروح لتس ولا باخذهم
مها ابتسمت وقالت: حرام عليتس كان خليتيهم يجون معتس
ام سيف: فيه الجوهره والعنود و عزوز بعد وسلطانوه وسيف
مها: يازين عزوز له فقده
ام سيف: طايحلي بسالفه يبي يروح الشرقيه
مها : يتوظف ؟
ام سيف: ايه
مها: خليه يتوظف ويعتمد على نفسه
ام سيف: لالا ما اقوى على فرقاه
مها: والله يا اخيتي قلتيها قبل لسيف وسلطان وساره ولا نسيتي
ام سيف: كلهم يهونون اقلها بالرياض ولا بالديره اللي ما اقدر عليها نجد بتسكن بالشمال وتجي وقت دوام فهد و دوامه من غير قليل يداوم هنا
مها : ياعيوني انتي باذن الله سهالات بعدين تريحين من نجد كل يوم هواش
ام سيف ضحكت وقالت : كل يوم اهاوشها وما اخليها الا ومسويه كل شي الا اني احبها حب مو طبيعي ولا اقدر عليها يمكن لانها اخر العنقود ؟
مها : يازين نجد ماخذتن قلوبنا كلنا
ام سيف: ريان تعال اكل
مها: يا حبتس لريان
ام سيف: شعليتس
مها: ياقلبي على فارس
ام سيف: دام وصيتي عبدالله ماعليه
_________________
الجوهره: سلطان الجو يجننن شرايك نطلع للبر
سلطان: اللي ودتس
الجوهره: ناخذ ريما و نجد
سلطان: اللي تبينه يصير بس على ما تجهزون انا بمر اخوياي وارجع لكم
الجوهره: طيب بس فيه كم شغله ابيك تجيبها
سلطان: ابشري باللي تبينه كم عندي الجوهره انا؟
الجوهره ابتسمت وقالت : الله لا يحرمني منك
سلطان باس يدها وقال : ولا منتس
نزل الجوهره بالبيت وراح للقهوه
الجوهره: بناات
نجد بخوف:  شصار؟
الجوهره: كانت بتجيب لنا بنوته بس ماتت الله يرحمها باذن الله شفيعه لسيف ولها
ريما : والعنود؟
الجوهره : هي بخير بس بالبدايه كانت تصيح وتبكي وجيت وهديتها و بعد ما جاء سيف هدت والحمدلله على كل حال
نجد : الحمدلله يارب
ريما : اهخ اعصابي راحت فيها
الجوهره: صح بنات قلت لسلطان نكشت وقال تم
نجد : عاد الجو يجنن وقبل شوي المطر يهبل
الجوهره: مافيه وقت راح سلطان لاخوياه يقول بعطيهم اغراض وبيجي لازم نجهز
ريما : نقول لساره
الجوهره: اذا جاء سلطان بقوله يمرها
راحوا يجهزون الاغراض بحماس
_________________________
عبود: ماما اسف
العنود مدت يدينها لعبود وحضنته وقالت : ياروحي انت مالك دخل كل اللي صار ربي كاتبه
سيف ابتسم وقال: باذن الله بيجيك اخو واخت والدنيا قدامنا
عبود بحدن : بس انا كبيت المويه وماما طاحت منها
العنود: طيب لا تفكر كذا تذكر كل شي صار ربي كاتبه صح ولا؟
عبود: صح
_______________________________
عند فهد عبدالعزيز كانوا بالمزرعه ومعهم نادر
نادر: فهد كيف شغلك؟
فهد: الحمدلله تمام التمام
عبدالعزيز: شغله دللع
فهد: دلع ! الا كرف
نادر: دلع بس مشاكله كثيره وتضرك ممكن توصل لاهلك
ضحك فهد وقال : وصلت وخلصت
نادر: لو يطيع عزوز ويروح معي الشرقيه
فهد : عمي عبدالله ماهو مخليه
عبدالعزيز: هذا هو
______________________
اما ابو فهد وابو صالح واهلهم فبيت ابو فهد ماعادا صالح وساره وبناتهم
ابو فهد : بكره الصباح نسري
ابو صالح: بجيب صالح انا وانت و فهد ومحمد وسلطان تكفي السياره
ابو فهد : ايه اكيد تكفي
ام صالح: حمد
حمد ولدها و حمد ولد تركي كلهم : هلا
ام فهد : هذا اللي يسمون نفس بعض
ام صالح: اي بالله ، اي واحد منكم يروح للبقاله يجيب للغدا لبن
حمد : ابشري يمه انت اجيبه
_________________________________
صالح: ساره
ساره : لبيه
صالح: بمشي بكره ان شاءالله
ساره : لزوم تروح
صالح: لزوم ياعينه
ساره : كم يوم
صالح: نمشي بكره و نوصلهم بالليل و العرس يصير من بكره ونرجع بعد العرس يعني يومين ثلاث
ساره : ما تشوف شر
صالح: ان بغيتوا شي حمد موجود
ساره : باذن الله ما نحتاج
جود : بابا شوف ريما
صالح: بناتس بدوا
ساره : ريما عيب فكي شعر اختس !
صالح: بروح انام لي ساعتين تعبت اليوم من دوامي
ساره : نام نوم العافيه
__________________________________
عند ابو سيف وعقاب وعيال عمهم بالطريق رايحين لديره العروس
ابو سيف: عقاب اخرتك تطلقها وانت تسحبنا من ديره لديره
هزاع: ياويله مني ان طلقت منت متزوج
ذيب : ما اخبر ام فارس مقصره ياخوك
عقاب: ماهي مقصره ويشهد الله وحرام اجحد جمايلها وقفت معي وقفات ما ياقفها الرجال مير عاادد ( وضحك )
ابو سيف: الله يكتب اللي فيه الخير
عقاب: عقبالك يبن عمي يا عبدالله
ضحك ابو سيف وقال : لا بعيد ما افكر بها
عقاب: افا ماخذين خوات حنا كملها واخذ اخت زوجتي الثانيه
ابو سيف: ام سيف مكفيتني
عقاب ضحك وقال: الله يحفظها لك
______________________________
نجد وهي تجهز اغراضها كانت تهوجس وافكر بفهد وهي اشتاقت له
ريما : وجع نجدد وراتس واقفه !
نجد: يوووه تخربين افكار الواحد
الجوهره جت وقالت : ها خلصتوا ؟ انا جهزت الحطب اللي بناخذه وجهزت عزبه القهوه
ريما : انا سويت الحلى
نجد: وانا ضبطت لكم الفطاير
دخل سلطان قال: السلام عليكم
كلهم ردوا السلام
سلطان: ترا مافيه روحه
الجوهره: لييه؟
سلطان : مالي قدره
نجد: سلطان مالك داعييي
ريما : سلطانوه جهزنا كل شي
سلطان ضحك وقال : امزح معكم بس بتروش ونمشي
نجد: يالبى اخوي
سلطان :الجوهره بالله جهزي لي ثوب
الجوهره: من عيوني
سلطان: لا توقفون كذا البسوا عباياتكم
دخل سلطان لغرفته ولحقته الجوهره
سلطان: اشتقت لبيتنا تصدقين؟
الجوهره: وانا بعد بس بيجي اليوم اللي تقول يازين الديره
سلطان: معروف الوقت اول ما ارجع من الدوام
الجوهره صدت وجلست تضكك
سلطان : شبلاك؟
الجوهره: تذكرت يوم قومتك وقلت الساعه سبع ونص وقمت بسرعه وقلت اخو سييف دوامي وحنا بالديره
ضحكت الجوهره لييين حمر وجها
سلطان ضحك وقال : ما تنسين؟
الجوهره: انسى كل شي الا ذاك اليوم
سلطان: جعلي قبلتس
الجوهره: بسم الله عليك بعد عمر طويل
سلطان: بدخل اتروش جهزيلي ثوبي وشماغي
الجوهره: على هالخشم
سلطان: عليه الشحم
_______________________
ام سيف: اهم شي لا جت زوجته ماعليتس منها علشان تتجنبين المشاكل كانها جدار سوي اللي عليك وبس
مها: اهخ يا شيخه ولا صارت تستفزني
ام سيف: كبري عقلك وطنشي مره مرتين ثلاث هي بنفسها تطفش
مها: الله يهونها بس
ام سيف: شايله هم وانتي بنت سليمان ؟
مها: والله يا شيخه هذا اللي صاير
ام س. لا تنسين وراتس ظهر وعزوه اخوانتس و وخواتس لا تسكتين عن حقتس
مها هزت راسها وقالت : يعيني ربي
_______________________________
عند سلطان طلع وبدل ثوبه و عصب راسه بشماغه الابيض و لبس كبك دخل الجوهره وهي مبتسمه وقالت : اقول سلطان
سلطان: ياعيون سلطان سمي
الجوهره: بتروح بكره صح
سلطان: ايه بسم الله عليتس قايل لتس
الجوهره: الله يستر لا تصير نفس المعرس
ضحك سلطان وقال : لا ماعليتس ماني نفسه
الجوهره: ماعلنا منه بوريك شريت لك شي
طلعت العطر الجوهره ومدته سلطان
سلطان بحماس: يالبييييه
الجوهره: ارش عليك؟
سلطان : ايه ايه
رشت على يدينها و مسحت على اكتافه و صدره
الجوهره: علشان ما يكتمك حطيت خفيف
سلطان: ريحته جامدده
ضحكت الجوهره و حضنها سلطان وقال : ليه كلفتي على نفسك
الجوهره: لا كلافه ولا شي المهم تاخرنا على البنات
سلطان: يا قلبه انتي ها بشيل العزبه و الحطب واسبقكم لسياره
الجوهره: تمام ياروحي
________________________________
نادر: فهد وين رايح ؟
فهد : بروح ارقد وراي خط سفر
عبدالعزيز: بتروح يا النسيب
فهد : هالله عالله
عبدالعزيز : بحفظ الله
فهد : في امان الكريم
نادر: عزوز شرايك بعد العيد تروح معي الشرقيه سفره لك اسبوعين كذا وترجع
عبدالعزيز: ماهي شينه الفكره
نادر: وابرك؟
عبدالعزيز: ابوي ماهو قايل شي ابوي كل قصده اني ما اسكن سكن
نادر: ايييه اجل زين تعال وشف كيف الشرقيه تغيرت و اذا اعجبك ألوضع
عبدالعزيز: تم اعتبرني جيت
___________________________________________
مها : نروح عند جارتنا تراها طيييبه وكل عصر يا تجيني يا اجيها
ام سيف: ما عندي مشكله
مها : بجهز القهوه ونروح
ام سيف: ولنا بجهز ريان معي
مها : لا يا شيخه لا تتعبين نفسك
ام سيف: حمدلله لا تعب ولا شي ريان يتعبني !
مها : براحتس اجل بروح ازين القهوه
ام سيف: ارسلي ريان يقولها ان حنا بنجي
مها : ريااان
ريان : هلا ماما
مها : رح بيت خاله حصه وقول ماما و خالتي بيجون عندتس وتعال لا تتاخر
ريان : طيب
طلع ريان ركض لبيت جارتهم وطق الباب
حنين : ميييين؟
ريان : انا ريان
حنين : ياقلبي انا ، هلا وش بغيت؟
ريان: امي وخالري بيجون عندكم
حنين : حياهم الله ياعيوني
ريان لف بيروح
حنين : بوقف لك عند الباب انتظرك تدخل
راح ريان دخل بيتهم وسكرت الباب حنين
حنين : يييممه
حصه : هلاا
حنين : خالتي ام فارس بتجي و معها اختها
حصه : حياهم الله
ركض ريان لبيتهم ودخل
ريان: تقول حنين حياكم الله
ام سيف: الله يبقيها ها تعال غير ثوبك عليه قهوه
ام سيف لبست ريان ثوب
ريان مد لها الشماغ الاحمر وقال : اعصبينا لي
ام سيف: ابششر ياعيوني ييووه يا مها يازين الزين صغير ويعرف ان العصبه زينه
مها وهي رافعه صوتها وتكلمها من المطبخ : ييوه يعرف الدنيا كلها
ام سيف: ها سويتها لك لا تخربها واقعد هنا انتظر انا وامك نخلص
مها : ترا ماهو لازم تكشخين تراهم هوينين
ام سيف: اول مره اروح لهم لزوم اكشخ
مها بدلت ملابسها وحطت ميكب خفيف و ام سيف بدلت وطلعوا كلهم
طقوا الباب
حنين : ميين؟