بلاي حبيت نجديه

البارت 17

فيصل : مشينا؟
مها : مشينا
ابو سيف: وراكم
ام سيف: وين ياخوي بدري
شروق: ورانا عرس و رقص
سلطان: انا المعرس ولاشلت هم
فيصل: انت متبلد هههههه ، يالله تمسون على خير
راحوا اهل فيصل كلهم

الجده : نشوف الزين باتسر منهي اللي بتغطي على اهل العرس
ترف: اكيد منا حنا يا الموجودين ولا بنات الديره الله يستر عليهم
ريما : اوه ما شفتوا بنات حايل كل وحده تقول الزين عندي بيجون بكره
العنود : يوه تحمست
عبدالعزيز: اصواتكم عاليه
ريما : احاول اصدق انك ما تبي تسمع
ام فهد : والله كلكم مزيونات ماشاءالله تبارك الله فيه تنافس مير وحده دايم يمدحونها
ضحكوا كلهم وهو يقصدون نجد لان صدق كانت اي مناسبه يسالون عنها
فهد تنهد بحزن ونزل راسه
ام سيف : كل ما قلتوا العرس قرب والله اني ارتاع
كلهم ضحكوا
ابو سيف : وراتس ترتاعين العروس انتي ولا الجوهره
ام سيف : ماهي سالفه العروس مير اشيل هم الضيوف والعرس كيف بيجي و يعدي والكل مافيهم شي
نجد : ايه صح معليش بعد ما نخلص بدون مطرود ولا ولد تشوفه عيني لفت على ابوها وابو صالح وابو فهد قالت اعذروني مير ابوي وعماني يرقدون بدري ماعليه
ابو سيف : لا اله الا الله حتى من بيتي انطرد
نجد بضحك : افا يا يبه تتوقعها يعني؟
ابو سيف هز راسه وضحك
سيف : على كيفتس هو وان جاني النوم؟
نجد : ارقد بمجالس ابوي ولا تشوفك عيني
العنود: اي صدق معليش بكره بالليل اهم شي باليوم اهم من العرس بنفسه
ساره : تصدقون تحمست اجهز كل شي الحين حق الليله
ام سيف كان قلبها يوجعها وهي حاسه بيصير شي
ام سيف: ان شاءالله خير لا تتحمسين يا سوير
ريما : عاد امي فيها خووف
ام صالح : يام سيف لو تتركين الخوف عنتس
ابو صالح : دامكم كلنا مجتمعين ها اسمعوا
ابو فهد : ودنا بعد كم سنه ننقل الرياض كلنا وبيوتنا هنا نجيها بالاجازات
فهد : ها؟
ابو فهد : بنروح لحايلنا و نجد مير نسكن بالرياض
ابو سيف: وبناخذ بيوت جمب بعض ومجالسنا وحده
سيف : كيف تجي ذي
ابو سيف : اقرب بشرح لك
فتحوا مخطط وبدا يشرح له ابو سيف
ابو سيف : شف الارض ذي كل بيت لحاله و مستقل وله حوشه ومدخله للبيت خاص بس ورا البيت اخر البيت فيه باب تفتحه يصير يفتح على الارض الخلفيه فيها باب من بيتي ومن بيت عمانك تصير لنا كلنا هالارض و الارض ذي نصين نص مجالس ونص و حوش لنا ولاجتمعنا وفيه يسار الاراض ذي ارض تصلح لك و لصالح وسلطان لكم يالمتزوجين تبون البيوت هذي ونخلي الفاصل بين المربع حقنا والمربع حقكم مفتوح مجالسه
والباقي ان ربي كتب لهم ياخذون اليسار ذي الفتره الرياض بدت تقوم منول مافيها بيوت واجد
ابو فهد : ولو بس نملك الاراضي ونخلي البناء بعدين

ابو سيف : فهد
فهد : سم؟
ابو سيف : شبلاك منت على بعضك
فهد : سلامتك ياعم
راحت نجد ولحقها فهد بدون محد ينتبهه قال : نجد ابي اكلمك
نجد :ناظرت فيه وصدت
فهد : طيب ردي علي !
نجد : بيوصلك الرد ياولد حايل
__________________________________
الساعه 2:30 بالليل