بلاي حبيت نجديه

46

الصباح الساعه 5:00
ابو عبدالرحمن: اصبحنا واصبح الملك لله الصلاه ياولد
جاء عبدالرحمن عنده ابوه وقال: يرضيك يبه منيره تقول كلام ماله داعي لولد عقاب و خلته يروح لابوه يرضيك بالله
أبو عبدالرحمن التفت على منيره وقال : صدق هالكلام ؟
منيره : يوه يبه ترا بس سالته عن اسم امه بس وكبروا الموضوع
عبدالرحمن: خلك منها مشينا لصلاه
طلعوا كلهم للمسجد وخلصوا صلاه
ابو سيف بهمس : عقاب ولدك وينه ؟
عقاب: شفيك اكيد عندهم
ابو سيف: انتبه لولدك
هزاع : من تعلم عقاب !
عقاب: ياليل علامكم انتم
ابو سيف: امش بس
قطع عليهم عبدالرحمن وقال : والله مستحي منك يا عقاب بس ولدك امس من نفسه طلع ولا كان ودي يرقد عندها عساه رقد زين عندكم
عقاب باستغراب: تستهبل انت ! فارس ما جاء عندي
عبدالرحمن: كيف ما جاء عندك
عقاب بحده : ولدي ويينهوو
ابو سيف: علامكم
عقاب : فارس ماهو عندهم ولا هو عندنا يعني ويين بيكون !!
ابو سيف سحبه وشد على يده بقوه وقال : انا معلمك من اول بس ما تطيع رح دور ولدك
هزاع بعصبيه: انااا قايل لكك بس طول عمرك كذا ما همك الا نفسك
عقاب طلع وهو ماسك راسه ويتلفت يمين ويسار اما عند فارس جاه رجال كبير بالسن وقاله : من انت ولده
فارس خاف وبلع ريقه وقال بخوف ورجفه : و ولد عقاب
الرجال : ما اعرف ابوك مير وين بيتكم؟
فارس : بالرياض
الرجال: وش جايك هنا
فارس : ابوي جابني معه علشان اجي عرسه اليوم
الرجال : على بنت ابو عبدالرحمن ؟
فارس رفع كتفوفه بعدم معرفه
الرجال: لا حول ولا قوه الا بالله وليه نايم هنا؟
فارس : عبدالرحمن حلف على ابوي انام عنده و عند زوجه ابوي بس قالت لي كلام يزعل وطلعت بالليل ولا لقيت ابوي ونمت
الرجال: تعال معي
فارس هز راسه بمعنا لا
الرجال: لا تخاف انا امام المسجد تعال يمكن ابوك هناك
اخذه وبطريقه للمسجد فارس شاف ابو سيف وقال: زوج خالتي ولد عم ابوي
التفت ابو سيف وقال : فارس
ركض فارس لابو سيف وحضنه
ابو سيف: وراه تطلع من بيتهم
الرجال: ما ينلام يسمع كلام من زوجه ابوه وكلامن يكدر الخاطر طلع يدور ابوه ولا لقاه
عقاب جاء ركض وقال : فاااارسسس ( وحضنه بقوه)
هزاع تنهد وقال : وين رحت
الرجال : تدري يا ابوه ولدك وين راقد؟ شف ملابسه راقد ورا البيوت بالليل و بالبرد وجوعان ما عندكم قلب انت ؟ يا رجال اذا ما بقلبك رحمه ولا قد المسؤولية وراك جايبه ليه ما خليته عند امه ! غيرك يتمنا الولد يا عقاب
عقاب نزل راسه وعيونه امتلت دموع كان حال فارس مو بسيط كله تراب وثوبه انقطع و وجه واضح فيه الخوف
هزاع: تعال بحضني ، وانا عمك خوفتنا عليك
الرجال: الله يهديك ويصلح بالك
وراح التفت عقاب على فارس وقال : ليه طلعت؟
فارس: منيره تتكلم على امي بالغلط ! وصارخت علي و مسك يدي بقوه وكانت بتكسرها تبيني اسكت يبه
عقاب: لا اله الا الله
هزاع : ذي اللي جايبنا علشانها والله ياخوك لتاكلها انا علمتك مامثل ام فارس مثيل نصيحتي
عقاب: ياليل خلاص عاد ترا اليوم عرسي
____________________________________
صحت مها معصبه وهي شياطين الانس والجن راكبين راسها
ام سيف: صباح الخير
مها ما ردت وسكتت
ريان بالغلط كب الحليب وناظر امه بخوف
مها بصراخ : ما تشوف انت كم مرهه اقولك اذا حاارر لا تشيله وشوله العناد ما تفهم
ام سيف: مها خير سلامات وش فيتس تصارخين على الورع خوفتيه
مها: شيخه تكفين مالي خلق لشي
ام سيف ؛ اللي غلط عقابوه مو ريان اصحيي .....
ماكملت كلامها ام سيف الا وانهارت مها تصيح
ام سيف: افا عليتس بسس تصيحين علشانه يعقب ينزل دمعتس
مها : الييوم اليوم عرسه يا شييخه
ام سيف: الله يحررق قلبه مثل ما حرق قلبك
مها وهي تصيح : لاا تدعيين علييه لا تدعيين
ام سيف: حتى من الدعاء تمنعيني الا بدعي عليه وبدعي ويستاهل من يدعي عليه
_____________________________________
نجد: ريما
ريما : هلا
نجد: شي يخوف الجوهره راحت لعمتي لان سلطان راح و العنود راحت بيت خالي وعزوز له يومين مختفي و سيفوه ما شفناه ابد وش السوات
ريما : صدق يخوف شرايتس نروح لعمتي أم صالح او ام فهد
نجد: ام فهد لا
ريما : ليه
نجد: مابي اشوف فهد
ريما: مسوي لك شي؟
نجد: هو يقدر؟
ريما : الله الله يا الثقه
نجد: ننتظر سيوف و عزوز ونروح
ريما : اي اكيد
_________________________________
عبدالعزيز: بروح لاهلي عاد سحبت عليهم يومين
نادر: لا غاب القط؟
عبدالعزيز ضحك وقال : العب يا فار
عمر : انا بمشي بعد
عساف: كلنا نمشي
مجيد: بسم الله مشينا
راحوا كل واحد بيته وراح عبدالعزيز لبيتهم دخل واستغرب شاف البيت هادي و صوت الراديو على القران والصوت قصير والقهوه بالحوش لحالها والبيت هااد
عبدالعزيز: ياولد
ريما طلعت من المطبخ وقالت : هلا بالسحبه
عبدالعزيز: افا
نجد : حي الله ولد اخوياه
عبدالعزيز: اسلم ولد اخوياه !
نجد سحب شعره بمزح وقالت : فاتتك اشياء
عبدالعزيز: زينه ولا شينه
نجد تنهدت وقالت : العنود اللي فبطنها مات
عبدالعزيز وجهه تغير لونه وقال : افاا يا ذا العلم
ريما : والله حتى فبيت خالي راحت
عبدالعزيز: ولحالكم كذا
نجد: امس طلعنا مع سلطان واليوم الصباح سافر والجوهره فبيتهم
عبدالعزيز: اوهووو طيب طفشانين؟
نجد: ودنا نروح جمعه البنات
عبدالعزيز: اوديكم ؟
ريما: اي تكفى من اول ننتظر سيف
عبدالعزيز: لا ابشروا بعزكم مير متى
نجد: شوي مو الحين
عبدالعزيز: ابشروا بي مير جوعان
ريما : يخسي الجوع ابشر بالغدا
عبدالعزيز: غدا هالحين!
نجد : لا طبعاً بس اصبر لين يجي حزه الغدا
عبدالعزيز: اجل باخذ لي نومه حقها نص ساعه واقوم
ريما : نوم العافيه ياعين اختك
عبدالعزيز قرب وهو يبوس راسها وراح غرفته
طق الباب ريما : غريبه مين؟
نجد : مدري
راحت ريما للباب وقالت : ميين؟
حمد ابتسم من سمع صوتها وقال : انا انا حمد
ريما : سم وش بغيت؟
حمد : ابد امي تقول غداكم اليوم عندنا
ريما : عمتي ام فهد عندكم؟
حمد : لا
ريما تذكرت ان فهد رايح معهم ونجد غبيه كانت ما تبي تروح علشانه قالت : زين بنجي ان شاءالله انا واخواني
حمد : باذن الله
_________________________
ام سيف: نفس ما قلت لتس زين
مها مسحت دموعها وقالت : ابشري
ام سيف: شرايتس تعزمين حصه العصر و نتقهوى ونسوي حلانا ونعين من الله خير ولا عليتس من عقابوه ولا حرمته وعيشي حياتس ذا بيتس ماهو بيتها
مها : الله لا يحرمني منتس
ام سيف: يابعد روحي ولا منتس
مها: ريان روح لخالتك حصه قول لها تجينا العصر
_______________________
الساعه 8:30 العشاء
عنذ منيره وعقاب
دمل عقاب بهيبته وسلم على ام عبدالرحمن و باس راس منيره وهمس لها : مبروك ياعروس قلبي
ضحكت منيره بخفه وناظرت عيونه وابتسمت
ام عبدالرحمن: مبروك عليك بنيتي والله يبني بيتكم على العز والطاعه
عقاب بحده ىصوته الرجولي : امين يا خاله ويطول انا بعمرتس
ام عبدالرحمن: اتركم لحالكم
—————————————————
ابو سيف: يا فروس مايصلح تروح اقعد معي
فارس: بروح لابويييي
ابو سيف: بس عاد ورع انت؟ اقعد لا اعلمك
________________
عقاب: ماتوقعتس حلوه كذا يا منبره
على ان منيره حلوه بس تبقى مها غير غير
منيره ابتسمت وقالت : يابعد عيوني يا عقاب وانت شيخ الرجاجيل كلهم
ضحك عقاب وقال : اخليتس تبدلين وانتظرتس برا
منيره ابتسمت وطلع عقاب وبيروح لسياره وبطلعه عقاب ركض فارس لابوه وقال : بابا وين بتروح
عقاب : خلك مع عمك هزاع وعمك عبدالله انا ماراح اتاخر
فارس : ماا ابي بروح معك
عقاب : وللد لا تعاند
ابو سيف: تعال يا فارس ننام علشان بعده نرجع لرياض
فارس التفت لابوه وقال : وانت؟
عقاب : بعد بكره بجي وخلاص لا يكثر رح مع عمك واسمع كلامه
ابو سيف بحده : عقااب !!
عقاب: يا عبدالله الله يحفظك لي ماهو وقته
______________________________
الساعه 11:30
عقاب : منيره
منيره : لبيه؟
عقاب ابتسم وقال : لبيتي حاجه بكره بنقعد هنا و نمشي بعد بكره لرياض
منيره استغربت وسكتت
عقاب: باذن الله بعد العيد ما يبقى ديرتن ما اوديتس لمها
منيره: ليه بعد العيد؟
عقاب: هالحين ورانا رمضان ولا يصلح رمضان نسافر باذن الله نرو نهايه رمضان بالديره
منيره بدلع : اللي تشوفه واللي تبيه يصير
عقاب قرب منها وووو..........
____________________________
الصباح الساعه 6:00
عقاب: منيره
صحت منيره وابتسمت وقالت : صبحت بالخير ياعيون منيره
ضحك عقاب وقال : صبحتي بالنور يا بعد عقاب
عقاب: بروح اجيب الفطور واجيتس
منيره بدلع قربت منه وقالت بصوت خفيف : انتبه لعمرك
عقاب حط يده ورا ظهرها وقال : ياا لبى الزين يا ناس
قرب منيره وباست نص شفته و خده وقالت : احبك
ابتسم عقاب وقال: اشهد بالله خذيتي قلبي
طلع عقاب وطلع بوجهه هزاع ومعه فارس
هزاع: صبحه بالخير معرسنا
عقاب: مساك ربي بالنور
فارس: بابا جبنا لك فطور
عقاب ضحك ومد يدينه لفارس
عقاب: هزاع تنتظرني ؟ بدخل فروس شوي و اطلعه
هزاع: خذ واحتك
دخل عقاب ومعه الفطور و فارس ودخلوا عند منيره
منيره بدلع وخبث قربت من فارس وضمته
عقاب ابتسم واشر لفارس يبوس راسها
فارس: بابا بنمشي الرياض الحين
عقاب: زين يا بابا حنا بكره بنمشي انتبه لنفسك واخوك و امك انت رجال البيت بغيابي
فارس : على خشمي
عقاب: عليه الشحم
طلع فارس وراح مع هزاع وابو سيف لرياض
بعد ما افطروا التفت عقاب على منيره وقال : نروح لاهلتس؟
منيره: ايه لازم
عقاب: تجهزي انتظرتس