بلاي حبيت نجديه

60

ابو سيف: وين الجوهره
ريما بحماس: الجووهره تعاللللليييييي
سيف: ياولد
ابو سيف: تعال تعال
سيف: معي اخواني ترا
ابو سيف: تعال
دخلوا كلهم وعزوز تقدم وانسدح بخضن امه
سيف: اوب اوب اوب هذا كله وش
سلطان: المحبه لناس وناس لا
عبدالعزيز: لنا الله يا اخواني
ابو سيف: تبي سلسال انت وياه؟
سيف: افا
سلطان: اجلد
عبدالعزيز : اجل العيديات بس بالذهب
ابو سيف: هذاا لامكم
ام سيف ابتسمت وكانت اسوار حلوه وقالت : مكثور الخيير
ابو سيف: لبس العافيه
مها بحب وحنيه وفرحه لاختها : تهبلل عليتس مرره
ام سيف: يابعد عيني
ابو سيف : وهذي لاخيتي ام فارس
مها : افا بس يابو سيف لا لا مايحتاج كلفت على نفسك بهديه فارس
ابو سيف: تردين اخوتس؟
مها: ماهو قصدي مير...
ريما: يا خاله لا تردين ابوي
مها ابتسمت وقالت : مكثور الخير
ابو سيف: افا عليتس وانا اخوتس بس ، وهذذا للغاليه العنود
العنود: كلفت على عمرك ياعمي
ابوسيف: اللي بيقول كلفت ولا افا ولا ما ابي ولا ما يحتاج ترا بضيق عليه
عبدالعزيز: عطني انا ما اقول لا اخذه وابيعه
ابو سيف: انت جايك نصيبك لا تتحمس
عبدالعزيز جلس وقال: احلف
ابو سيف: قدك انا؟
نجد : يبهه يالله
ابو سيف : علامتس عجله اصبري ، هذا للغاليه الثانيه الجوهره
الجوهره: مشكور و -
سلطان: انتبهي لا يطردنا ابوي
ضحكت الجوهره وقالت : مشكور يا عمي
ابو سيف: وهذا لسوير
نجد : سوير مو فيه صار من نصيبي
ابو سيف بمزح : وشهو ورثتي بنيتي وهي حيه
نجد : ايييه تراك متغير يبه
سيف: ها خذلك متغير والله ما تفكك نجد
ابو سيف ضحك وقال. : وهذا لريما
ريما : يجننن مررره الطقم مشكوورر والله يحفظك لنا
ابو سيف: امين انتي ونجد وساره و الجوهره والعنود كلكم نفس الشي بس الشكل غير
نجد : يالبى عبود ياناس
ابو سيف بصدمه ناظرنها
والعيال كلهم يضحكون
ابو سيف: عبود انا !
نجد : ايه عبود شيوخه
ام سيف شهقت وقالت : بس بس قومي ماعاد فيه حياء
نجد : والله ماقوم لين يجيني نصيبي ولا زعلت!
ابو سيف ضحك وقال : اقعدي اقعدي وهذي عيديتس
نجد: يالبى
ابو سيف: هذي لعمتي ام فيصل
ام سيف ابتسمت وقالت : كثر الله خيرك
ابو سيف: شسمها ذي اللي تشتغل عندنا
ام سيف باستغراب: ليلى؟
ابو سيف: مدري عنها مير ناديها
ام سيف: يا ليلى
ليلى : سمي؟
ام سيف: عمتس ابو سيف يبيتس
ليلى : سم ؟
ابو سيف : عطيها يا نجد
نجد : اقعد يا ليلى حتى ابوي جايب لتس عيديه
ليلي بخوف : لا لا
ابو سيف: افا عليتس وراه صرتي بنتنا ومنا وفينا
ليلى : اخاف قاسم يفهم غلط ( زوجها)
ابو سيف: ولا علتس انا اقوله
ليلى : مكثور الخير
ابو سيف: لايكون نسيت احد
ام سيف: لا محد
عبدالعزيز: وحنا !!
ابو سيف: انت وياه جايكم الخير
سيف: لعل وعسى يا الشيخ
طلع من جيبه ابو سيف ظروف فيها فلوس عيديه لعياله وقال : سيف
سيف : سم
ابو سيف حذف بحضنه ظرف
ابو سيف: سلطان
سلطان: عز
ابو سيف: عزوز
عبدالعزيز: يالبيه
ابو سيف: تعال يا فارس انت وريان وعبود خذوا عيدياتكم
نجد : يبه تراك نسيت احد !
ابو سيف: مين !
نجد : جود وريما
ابو سيف: ومن قالتس؟
ابي عزوز الحين يروح للبيت ابو صالح ويودي هذا لام صالح وهذا لساره وهذا لصالح و حمد وذا لحفيداتي
عزوز : يمكن ما تلقاني ( يقصد يسرقها )
ابو سيف ضحك وقال: رح رح بس
عبدالعزيز: على خشمي
ام سيف: اهديت العرب كلها وكبيت (تركت ) ابو صالح
ابو سيف: لا بالله مو انا اللي انسى اخيي جايب لي علم سنع
سيف: وشهو
ابو سيف: فرديه وصل سومها 3 مليون
سلطان: اقعدد عيديته غطت عليها
ابو سيف: ايه اجل وشو وخواتي بعد عطيتهم
ام سيف: الله يكثر خيرك
_________________________________
ام فهد : فهد قم الناس قاعده برا واترك النوم عنك
فهد : طيب طيب
ام فهد : ما اشتقت لنجدك
فهد فتح عيونه وابتسم وقال : الا بالله والشوق ذابحني تدرين خبري فيها متى؟
ام فهد : متى
فهد : اخر مره بعد المزرعه وبعدها ما شفتها حتى يوم اني راقد عندهم ماشفتها لو صدفه
ضحكت ام فهد وقالت: ولدي خفيف قم قم
فهد : على خشمي
ابو تركي : وينهو فهد
ام فهد : جاي هالحين ياعمي
فهد : صبحتوا بالخير
ابو تركي : هلاا هلا
نياف : ولد نجد العذيه
ضحك فهد وقال : ما اغلى من حايل الا نجد
ابو فهد ضحك وقال: ماحببنا فيها غير الخوه الطيبه
ابو تركي: بكره عيد من
ابو فهد: عيدي
ابو تركي: اجل اذبح ذبيحتك من بدري
ابو فهد: ابشر
بعدها بساعات الحريم راحوا ينظفون البيت والجد وعياله طلعوا لمجالسهم
نياف: اقول فهد
فهد : سم
نياف: شعندي ماخذ لك نجديه
فهد ضحك وقال : علامها
نايف : ويقول علامها
نياف : ايه متغير
نوف : عاد تحمست اشوف زوجتك الصدق
ترف : اووه ياهي ........
فهد : بنت !
ترف : لحول نسيتكم
فهد :نايف ونياف ومازن و سلمان ومحمد وحمد كلهم ذولي ونسيتيهم
ترف : ماعليه وانا اختك
______________________________
ليله العيد الساعه 7:30 المغرب
ام سيف: يااعيال تعالوا
سلطان بصراخ : يييمه تبين نحط الزل هنا ولا عندتس ؟؟؟
ام سيف: لا عندك عندك
سيف: عزوز يا مسطول وراك
عبدالعزيز: ويسيينننههه
نجد : وشهو اللي وينه
عبدالعزيز: الصابون !
ريما : وراك ياغبي
ام سيف : عبود امسك جود وريما واقعدوا لا تطيحون بالماء !
الجوهره: يا عبدالعزيز لا تكثر الصابون بنطيح
عبدالعزيز: ماعليه ماعليه سيف عطني اللي انا برش بالمويه
ابو سيف دخل البيت وقال : لا اله الا الله الحوسه ذي وشهي
ام سيف: وش السوات
رفع ثوبه سلطان وربطه على خصره ورفع اكمامه وقال : عطني اللي
عبدالعزيز: تكفى سلطان خله خله معي
سلطان: جيييه
عبدالعزيز رش على سلطان وقام يضحك
سيف: ورع انت
نجد : عزوزز على سيف على سييفف
تعالت ضحكاتهم وهم كانوا يلعبون بالمويه ويرشون على بعد
نجد وهي ميته ضحك : عزوززز شعرييي هههههههههه
ريما : عزوز تكفى غرق سلطان
عبدالعزيز: وليه مو انتييي
ريما ركضت وهي تصارخ : عزوزز تكففففففىىىىى
ابو سيف كان يناظرهم وهو ميت ضحك و الابتسامه شاقه وجهه و كانهم وراعين صغار
ام سيف: ياعيال الله يصلحكم خلونا نخلص ورانا شغل
ابوسيف: انا اوريتس فيهم
نزل ابو سيف شماغه و ربط ثوبه ورفع اكمامه و قال : عزوز عطني اللي(شطاف المويه)
عبدالعزيز ضحك وقال: يبه اروشك؟
ابو سيف: جيبه جيبه لا اوريك
عبدالعزيز رش على ابوه خفيف و رمى اللي وهج وهو يضحك
ام سيف: اوريك انا انا ماهو ابوك يا عبدالله لا تبرد ويدخلك برد
نجد : ماشاءالله تبارك الرحمن الخوف لناس وناس لا
الجوهره: سلطان لا لا لااا
سلطان وهو ميت ضحك: عادي بس شوي
الجوهره: سلطان فكر تراني متغطيه زود
ضحك سلطان ورش عليها شوي بس
الجوهره: سلطان!!
ضحكوا كلهم
عبدالعزيز: يوه اخوي ماعنده رومانسيه تدرون لون انا وش بسوي
ام سيف: انت تلعب وانا انظف ساعدنا وخلنا من زوجتك
سيف: دقيقه يمه بنشوف وش بيسوي لزوجته
عبدالعزيز: بهمس لسيف : بحطها بقلبي ولا يجيها شي او يلمسها لو شعره وما اقوم من حضنها
سيف صفق عبدالعزيز مع راسه وقال : يييبببببه
عبدالعزيز: اص فضحتنا
ابو سيف: بس انت وياه اخلصوا
الجوهره مسكت ظهرها و تحاول تمسك صرختها
نجد: شفيتس الجوهره
الجوهره: نجد نجد تكفين ظهرييي
نجد: يمممممه الجوهره
العنود بخوف: شفيتس الجوهره
الجوهره: ظهرييي
كتمت صرختها و الالم يقطعها نزلت دموعها
ركضت أم سيف وقالت: امي انتي الجوهره بسم الله على روحتس
سلطان بعد ما شاف امه وخواته و العنود حول الجوهره دخل الخوف قلبه و حس ببروده بجسمه وصار ما يحس باللي بحوله ركض للجوهره وحضنها
والجوهره بالم ما قدرت تتحرك وطايحه بحضنه
ام سيف: وش تحسين به
نزلت دموع الجوهره وحس فيها سلطان
سلطان: علميني وش يوجعك من وين ياقلب سلطان
الجوهره بالم وصوتها الخفيف : ظ ظهريي
سلطان: تعالي المستشفى معي
الجوهره: لا لا مابي
سلطان: مو كيفتس!
ابو سيف بخوف: علامكم
سلطان: مدري الجوهره فجاه ظهرها اوجعها
نجد جابت عبايه الجوهره و سلطان طار فيها للمستشفى
الجوهره : اههخخخ سلطان ماا اقدرر اصبر
سلطان : بسم الله عليتس بسم الله عليتس بسم الله على قلبتس
الجوهره وهي ميته من البكي : سلطااان مقدرر اتحرككك
سلطان: بسم الله عليتس يا امي انتي بنوصل هالحين
وصلوا و نزلها لطوارئ وهو يصارخ
موظف الاستقبال: سلطان ولد الشيخ ! امر
سلطان: دخلللهااااا بسسسرعهه
الموظف: ياااا شهد يا دكتوره شهد اركضي دخليها لطوارى
جلس سلطان ويدينه ترجف وهو خايف على الجوهره وخايف لان ما يدري وش فيها وهو عنده الناس كلهم الا الجوهره وقف عند الباب ويسمع صراخها
سلطان لا ارادياً قال : بسم الله على روحتس بسم الله عليها الرحمن يارب احفظها لي
بعدها بدقايق طلعت الدكتوره
سلطان : بشري يا دكتوره كيفها زوجتي و وش اللي فيها وهل بيبقى الالم
الدكتوره: طبيعي اللي فيها علشان أجهدت نفسها وتعبت وهي لازم ترتاح
سلطان: الله يهديها
الدكتوره: ولا تخاف الجنين بخير
سلطان تلعثم بالكلام وقال : وش وش ها اي جنين
الدكتوره باستغراب: زوجتك الجوهره ؟
سلطان: ايه
الدكتوره: ايوه زوجتك حامل ولا بعد بالشهر الثاني واللي صارلها نتيجه اجهاد وشغل وتعب قاعده تسويه وطبيعي الحامل اي شي يوجها بس هاه يا سلطان لازم تنتبه لها
سلطان ضحك والابتسامة شاقه وجهه قال : الله يسسعدك سعاده يتعجب منها اهل السماوات والارض
الدكتوره ابتسمت وحست دعوته لامسه قلبه ماقد شافه واحد يستانس كذا ويخاف على زوجته هالكثره ردت عليه وقالت : الله يسعدك
سلطان بلهفه : اقدر ادخل
الدكتوره: ايه تفضل
سلطان تنحنح ودخل وقال : بسم الله على قلبي الرحمن بسم الله عليتس وش جاها قلب سلطان وروحه؟
الجوهره ابتسمت من كلامه وقالت : ما ادريي الم غريبب
سلطان عرف انها ما تدري انها حامل وقال : اجل بعد سبع شهور بتخليني اب
الجوهره باستغراب: اب !
سلطان: طلعتي حامل ولك شهرين
الجوهره بحماس والابتسامه شاقه وجها و الفرحه بتذبحها : صصدق سلطان
سلطان: اييه اييه ياروح سلطان انتي صدق صدق بيتنا بدال ما يصير هادي بنسمع صوت لعب و ضحك وصياح ، ضحك سلطان وهو يبوس راسها
الجوهره ضحكت وحضنت سلطان
سلطان همس بقلبه : اهخخخ ياربب لا تحرمني منها واحرسها بعينك التي لا تنام
الجوهره: سلطان
سلطان: عيون سلطان
الجوهره: احب عيونه متى بطلع
سلطان : هالحين بس تدرين الدكتوره شتقول
الجوهره: ايش
سلطان: تقول ما تسوي اي شي يتعبها واللي صارلتس لنتس تتعبين نفستس وانتي حامل
الجوهره: على خشمي
سلطان: عليه الشحم
رجعوا للبيت والكل فرح بالجوهره وحملها وطايرين فيها بعد ما خلصوا تترتيب البيت و تنظيفه جلسوا بتعب يتقهون
نجد: اهخخ يا التعب
ريما : البنات متى يجون وخالتي ام دانه
ما كملت كلامها الا وطقوا الباب
عبدالعزيز: جاك جاك
فتح الباب عبدالعزيز وقال : الله حيهم
ام دانه : بسم الله عليك الرحمن ورا ثوبك مليان ماء
عبدالعزيز ضحك وقال : ابد على اساس انا واخواني نساعد امي بس قلبناها لعب وشوفه عينك
ام دانه : اجل زين جيناكم نساعد
عبدالعزيز: خلصوا ابشرتس
دخلت ام دانه و عبدالعزيز ناظر غاليه و دانه وابتسم وقال : مافيه تدخلون
دانه : افا ليه
عبدالعزيز: لين احس بعصاه ابوي
غاليه : فكنا تبي يفهمون غلط
دخلت غاليه من تحت يدينه وضحك عبدالعزيز والتفت على دانه
دانه توترت وسكتت
عبدالعزيز ابتسم وناظر بعيونها وقال : محلوه يا دنو
دانه خافت زود وتوترت وتحس قلبها بيطلع من التوتر
ضحك عبدالعزيز وقال : ادخلي
دخلت وجلست جمب امها
ام سيف: : ياعيال الصباح اذبحوا الذبايح بدري
عبدالعزيز: بعد ما نرجع من الرجاجيل ابوي غدا يا يمه ماهو فطور !
ام سيف وريما كانت تحني يدينها : علمتك عاد
ام دانه : ياويلنا من برودتس يا شيخه توتس تحنين !
ام سيف: شسوي تعبت وانا اشتغل
ام دانه : انا الحمدلله قبل اجينس مغسلتها
ام سيف ابتسمت وقالت : ياحلو لونها عليتس
ام دانه ضحكت وقالت : كلنا نعرف وندري ان الحنا على يدتس تهبل وتاخذ العقل وما تجي زينه الا على يدتس
عبدالعزيز: اقول يمه
ام سيف: هلا امي
عبدالعزيز: وين حطيتوا ثيابي؟
ام سيف: اي ثياب !
عبدالعزيز بخوف : هااه يمه وش اي ثياب سلطان ما جاب ثيابي معه !!
ام سيف: لا دخل بثيابه وحطها بغرفته
عبدالعزيز: يممه امانه صادققه وانا اعيد مع الناس بوش !
ام سيف: محد قالك تعتمد على اخوانك
عبدالعزيز: وانا وين بلقاه
ام سيف: منهو
عبدالعزيز: كومار راعي المغسله !
ضحك نجد وقالت : يارب لا تبلانا
عبدالعزيز : نجد نادي سلطان عيب انا اناديه
نجد : كم تعطيني ؟؟
عبدالعزيز: نجد !!
ام دانه : حرام عليكم
ريما : خلاص بروح انا
جلس عبدالعزيز يتحلطم عليهم
ام دانه : العيد ماهو لازم جديد البس شي نظيف وبس
عبدالعزيز: ياا خاله ثيابي ذي مفصلها من زماان وقماشها لو تدروين بنجد كلها ما تلقين نفسها شاري القماش لحاله يوم رحنا الامارات عند عمتي قبل كم شهر ومفصله ومتحمس له وسلطان يسحب علي
جاء سلطان وهو معه ثياب عبدالعزيز وقال : ماهو انا اللي اسحب على اخوي
عبدالعزيز ركض واخذ ثيابه وقال : ياااربيي لك الحمد
سلطان: حتى ما سالتني انت
عبدالعزيز: شدراني احسبك بتعطيها امي
سلطان ناظر ام دانه وابتسم وقال : مسيتي بالخير يا خاله
ام دانه : مسيت بالنور
نجد : دانه و غاليه تعالوا غرفتي خلوها نلبس هناك
ام دانه : البسو من هالحين ما تخلصون غير لا جو الضيوف
ام سيف: حريم الديره قالوا ما حنا مجتمعات الا على الغدا بس ظني  ما يجينا الا ام صالح و ترفه و وحريم عقاب نعيد سوا الصباح ولا جاء الظهر بيجون الحريم
ام دانه : ازين لحالنا
ام سيف: اي والله
كلهم راحوا يتجهزون واغلب العيال ناموا علشان يصحصحون بكره الا البنات
سيف بتعب دخل غرفته وشاف العنود تجهز اغراضها وابتسم
سيف: بنام لي شوي وقوميني
العنود: تدري ان الساعه ثلاث
سيف: داري باقي ساعتين ثم نصلي الفجر وبعدها عيد
العنود: وانا ما خلصت
سيف انسدح على سريره ولف وجهه عند العنود وقال: حلوه حلوه لو ما تحطين شي
العنود: يايعد هالدنيا يا قلب العنود
—————-
سلطان: وهذا وش
الجوهره: هذا كحل
سلطان: طيب وذا
الجوهره ضحكت وقالت : روج
سلطان: وذا وذا
الجوهره: سلطان خلني اتجهز
سلطان: طيب ما وريتيني فستانتس
الجوهره: احسن تشوفه الصباح
سلطان : يعنني مابيك تشوفه حتى انا ماراح اوريك ثوبي
الجوهره ضحكت وقالت : ثوبك ابيض وش بيكون يعني
سلطان: هو ابيض بس غير
الجوهره ضحكت وقالت : ايه صح غير غير
سلطان: ابي انام
الجوهره: ورا ما تنام
سلطان: ما انام الا بحضنتس
الجوهره: طيب بجفف شعري توي تروشت الحين
سلطان: بنتظر
الجوهره: بكيقك
سلطان كان يتامل الجوهره وهي تجفف شعرها وتمشطه والابتسامه شافه وجهه بعدها خلصت الجوهره ورشت عطر على رقبتها و حطت مسك على اماكن النبض لفت وشاف سلطان يناظرها ضحكت وقالت : احسبك نمت
سلطان: قلت لتس ما انام الا بحضنتس تعالي