بلاي حبيت نجديه

البارت 27

* اذا تاخرت بتنزيل لان هالفتره مرره مضغوطه ادعولي 🥺🤍

الساعه 6:30 المغرب
ام فهد : نجد تروحين معي؟
نجد : وين ؟
ام فهد : مجتمعين حريم الديره وبناتهم
نجد : ايه ما وراي شي
ام فهد : انتظرتس
تجهزت نجد وحطت ميكب خفيف و ورفعت نص شعرها والنص مفتوح وبينت رقبتها الطويله ولبست فستان ابيض وبدلت سلسالها الذهب ولبست اسواره فهد وحلق طقم السلسال وخاتم كانت قمه بالجمال
دخلت عليها ام فهد وقالت : بسم الله ماشاءالله الله يحفظك من كل عين
نجد : هههه شدعوه خالتي مو لذي الدرجه
ام فهد : يازين الزين خلصتي؟
نجد : ايه
ام فهد : شيلي معي الحلى وانا بشيل القهوه والشاهي خذيت الحلى اللي كنتي مسويته مانبي نروح لناس ويدينا فاضيه
نجد : ايه افضل بس بيذبحونا فهد وحمد هم طالبيني اسويه لهم
ام فهد : ماعليتس منهم تعالي
لبست نجد عبايتها و طلعوا
فهد : يمه صارلي ساعه برا وراكم تاخرتوا
نجد : عليك مبالغه
فهد: باللهي عليتس تمونين
ام فهد : اخلص علينا
ركبوا السياره
ام فهد : ظني انهم يبونها كشته ماهي بالبيت
نجد : اما خساره كشختي هههههه
ام فهد : اجل حظ البنات دامها كشته علشان ما تجين وتخطين عليهم
فهد: انشهد
ام فهد طقت يده بخفه وقالت : استح
فهد : عادي ترا زوجتي
ام فهد : مابعد ملكتوا
فهد : مع العيد علشان يصير العيد عيدين
ام فهد : ايه خير تشاور من راسك
فهد : سمي
لم فهد : بس وقف هنا ماتشوف الحريم
فهد : شذا الكشته اللي بنهايه الحاره تسمونها كشته؟
ام فهد : ضعيفات الحريم قريبه من بيتهم علشان يرجعون مشي
فهد : متى تبون امركم؟
ام فهد : تسع
نجد : اذا انبسطنا ممكن تتمدد
فهد : تمونون ماخذيني سواق
ام فهد طف نور سيارتك اعميتهم
فهد : ابشري
ام فهد : سلم على الناس
نزلت ام فهد و نجد وراها و فهد فتحت باب السياره و وقف وقال : السلام عليكم
الكل : وعليكم السلام
ام سامي : حي الله فهد تقهوى
فهد : سلمتي مستعجل وراي دوام والله تبون شي؟
ام حسن : هههههه والله ان كانك تقدر نسينا لنا شي
فهد : ابشري به
ام حسين : مر البقاله و جيب ملح لا نسوي عشانا بدون ملح
فهد : ههههه ابشري به مير احد ينسى الملح ياخاله؟
ام حسين : لله محد ينساه
فهد ناظر نجد وقال : شي ثاني ؟
البنات لاحظوا نظراته لنجد وقالت علياء بدلع زايد محد يحبه
( علياء نفسها اللي ام فهد حلفت ما تزوجها فهدنا🤣)
علياء: اييه فهد
فهد استنكر الصوت ولف وقال : هلا
علياء: ابي كم شي من البقاله ولا اقولك على ذوقك و خذ حقها
فهد : رجعي فلوستس مايحتاج وبجيب اللي تبونه
نجد بحده : رح قبل تتاخر على دوامك
فهد ناظرها وابتسم وقال : ابشري
علياء : نجد لذي الدرجه ما تستحين وعيب مخطوبه وتمونين لهدرجه
نجد: قليتها مخطوبه
علياء وحريم الديره كلهم يحسبون نجد وافقت على ولد عمها مو فهد
ام سامي : ماشاءالله يانجد بتسكينين بالرياض ولا بالديره ولا مع شغل رجلتس
ام فهد : وراه بالديره بتسكن بحايل
ام جاسم : وي شوديهم حايل هما عمها حمدان بالرياض
نجد : شدخل عمي جمدان؟
ام فهد ضحكت وقالت : يوه تحسبونها بتتزوج طارق ولد حمدان؟
ام حسين : منهو طيب
ام فهد : ولدي فهد
الكل : ماشاءالله تبارك الله
علياء بهمس لدانه : قايله لتس ما تاخذ عقول غير المزايين
دانه : مو مبين عليها قويه باسس
علياء : ما باقي احد مزيون ههههه
دانه : تكفين ماشفتي اخوها يهبلل
علياء : اخوانها و عيال خالها ترا بعد مزايين و عيال ام فهد
دانه: عيال خالها ماش ترا مافيه حلو غير عمر وحسين
علياء : يووه ياعمرر هو وفهد وعبدالعزيز اخوها
دانه : فهد وراح
علياء : ماراح الشرع محلل اربع
دانه : اسكتي لحد يسمعها
نجد : دانه قهوه؟
دانه: ايه ياعيني
قطع عليهم صوت سياره فهد
غاده : عاد يا نجد لازم تعزمينا بزواجك
نجد : ههه ياقلبي انتي استعجلتي مرره
ام فهد لفت وقالت : فهد جاء
نزل فهد وكان لابس بدلته العسكريه و بجيبه سلاحهه وكان شكله هيبه بشكل محد يتصوره وملامحه الحاده وصوته الرجولي
نرل ومعه اكياس كثيره بيده اليمين وبيده اليسار شايل دبه مويه
فهد : وين احطها الاغراض ثقيله ان خليتها هنا
دانه : خلها واقوانا تروح تشيلها
علياء بعيط : نجد اقولنا
فهد : حي ههههههه مير دامكم خليتوها على نجد انا بوديها
ام حسين : نزلها هنا
فهد : هذا الملح اللي طلبتيه وهذا للباقي ، اشر لنجد وقال : فيه الايسكريم اللي تحبينه خذيه
ضحكت نجد وقالت : ابشرر
علياء: تسلم والله ومعليش كلفنا عليك
لف فهد وهز راسه وراح
علياء بقلبها( بجيبك على وجهك وانا علياء)
ام فهد : ظني هذا يانجد اللي جايبه فهد لتس
نجد بضحكه : ابد هو نفسه
ام سامي : ورا امتس وخواتس ما جو يا نجد
نجد : والله يا خالتي امي وابوي رايحين الرياض لم سيف و خواتي عند عمتي نوره ( ام صالح)
ام جاسم : ما قعدوا فبيتكم
نجد : لا لان عبدالعزيز اخوي راح الرياض بعد وماباقي غير ريما راحت لبيت عمي
ام فهد : وانا عاد نجد ما اقوى عليها واخذتها هههههههه
ام سامي : لا بالله نجد ماخذه قلبتس
ام فهد بضحك : اي والله
ام جاسم : يا نجد مافيه هالسنه مكشات
المكشات يسويه ابو سيف لاهل الديره بكل شتاء يروحون كلهم لمخيمات كبيييره ينبسطون فيها وياخذون كم يوم
نجد : والله مدري يا خاله مير سمعت ابوي و سيف وعمي ابو فهد يفكرون هالسنه يغيرون المكان
ام جاسم : وراه المكان كان زين
ام فهد : اي يقولون فيه مكانن ازين
علياء بهمس لدانه : بيجيبون المكشات ويجيبون فهد لي هههه
دانه : انهبلتي؟
________________________
ام صالح : يا بنات تعالوا شاهينا لا يبرد
ريما : ابشريي
ام صالح بضحكه : كم شهر وتجين بهالبيت
ساره : ما بتحس بتغير من بعد بيتنا تطلع قدام وجها
ام صالح : اي ودايم الدوم مع بعضنا
صالح : ياولد
جت ساره بتقوم
ام صالح : علشاني بس اجلسي اذا مو علشاني علشان هالضغيفتين( جود وريما)
ساره هزت راسها
ام صالح : ادخل
صالح : السلام عليكم
الكل : وعليكم السلام
صالح ابتسم لساره والتفت لجود وهي جايته تركض
صالح : هلا هلاا هلا بالغاليه بنت الغاليه
ساره بقلبها ( امحق غاليه دامك كسرتها )
صالح : شخبارتس يا سوير؟
ساره : بخير
صالح عرف ان باقي الزعل بقلبها تنهد وسكت
ام صالح : ريما جيبي الحلى بالمطبخ
ريما : ابشري
جود : جدده ابي قصه
ام صالح : تعالي تعالي جمبي
صالح بهمس: وشبلاها يدتس ( يقصد ساره)
ساره : مابها شي
صالح عقد حواجبه وسحب يدها وسمى عليها وناظر عيونها
ساره حست بحنيته وقالت بلقبها ( ياقلبيي اقوى اقوى مو من حركه اسامحه لا تنسى وش سوالك ! )
ساره سحبت يدها بخفه وسكتت
حمد : يااوللدد
صالح : دقيقه
حمد : اخلص
صالح : ادخل
حمد : السلام عليكم
الكل وعليكم السلام والرحمه
حمد : يالبيييههههه جوجو عندنا ؟؟
جود : اييهه رجعنا بيتنا  ، ولفت على ساره وقالت للابد صح ماما
ساره : لين يرجعوا يمه شيخه و يبه عبدالله
حمد سكت لثواني وقال : اهم شي عندنا هالحين
جود : ايييي ويمه حصه علمتني قصه
حمد : ماشاءالله يا حصه وانا ما تقولين لي
ام صالح بضحكه : هالحين وين راحت يمه صرت حصه؟
حمد : جود تقول يمه حصه ما تستحي
__________]__________________
بعيد عن العالم والضجيج بغرفه باااردده و النور خافت و المكان كئيب
فهد بحده : دامك تحديت عيال تركي اعرف انك غلطان غلطان
نواف: وان شكلك ناسي اني ولد مساعد
ما كمل كلامه الا وفهد صفقه كف
فهد : هذي تعليمه علشان لا جيت يم اخوي تذكرها و تتراجع
نـواف: والله لتندم والله
فهد: هههههههههههه نشوف ياكلبب
طلع نواف وركب سيارته وراح
سلمان: فهد احس براسه شر
فهد : ما انخلق اللي يهدد عيال تركي
بهذي اللحظه راح نواف واخذ اخواه مسلط و حازم وراحوا للقهوه اللي يقعد فيها حمد و نادوا ورع وقالواا له ينادي حمد و صار اللي يبونه و مسكوا حمد و صفقوه كللهم كلهم عليه وهجوا
___\____________________________
ام سيف: العنود اكلي لاس شي يا امي
العنود:مقدر يا خالتي مدري شفيني
ام سالم : طيب لو .......
راحت العنود ركض للحمام يكرم القارئ وطلعت الحمام
سيف : امشي
العنود: فاضي انا شايله هم عبود وانت تفكر بشي نفس كذا
سيف: ارحميني انا شايل همتس وهم عبود !
اخذها ونزل تحت عند زياد خويه
زياده: تحتاج تحليل دم بعده بساعه تعالوا
راحت العنود وسحبوا دمها و جاها سيف ركض ومعه عصير
سيف : اشربي
العنود: ما وديي
سيف: علشاني علشان ما تدوخين
شربت العنود و تعبت وحضنها سيف
سيف بحنيه : انا معتس لا تخافين وعبود مافيه شي ان شاءالله وانتي باذن الله مايتس شي ياقلب سيف
العنود: سيف وربي مو قاادرره اصبر اكثر
سيف : العنود امي انتي ابوي طالعيني والله والله لا اسوي اللي بيدي وعلي بس انتي صيري قويه معي تصبري
العنود حضنت سيف بققوه وهي بكذا تعبر عن حبها
بعد ساعه دخل سيف و معه العنود
زياد : السالفه ما تستاهل خوفكم
سيف : بشر؟
زياد : بشرط !
سيف : زياد والله مالي خلق لشي اخلص
زياد : ابد يابو عبدالله تبارك الله زوجتك حامل مير علمتك ان ولد تسميه زياد
ضحك سيف والتفت للعنود اللي ابتسمت من بين ضيقتها
زياد: بسس فيه مشكله
سيف: عسى ماشر
زياد: ماهو شر ان شاءالله بس الواضح اختي العنود ما تتغذين زين هالفتره و هذا ياثر عليك وعلى الجنين
سيف: لا ولا عليك بسيطه ذي
زياد: اللف سلامه عليكم
سيف : الله يسلمك
طلعوا والعنود تضحك
العنود: ماتخيل يصير عندنا نونو صغير
سيف: باذن الله نجيب اخو او اخت لعبود ويفرح
العنود: ياقلبي على عبود
سيف : ان ضيقتي نفستس بتاثرين على ورعتس الثاني
ا