‏"مثل الوطن والأهل جيت أنت "

بارت٤

" الساعه ٢ الفجر "

من رجعت من الجمعه وهي مقفله على نفسها بغرفتها
ما طلعت الا مره وهي اللي سالت فيها جدتها اذا تحتاج حاجه ' نشميه قدرت وضعها وحزنها ولا تلومها ابد ' لان هي بنفسها انجرحت من معاملة اللي حولهم لحفيدتها بهالطريقه ' اما نغم ' اللي ما كانت حابه تتكلم بشيء ' ما تبغى الا راحتها فقط ' قامت من سريرها وهي تمسك راسها بالم ' طلعت من غرفتها حصلت الهدوء الكبير من عرفت ان جدتها متعمقه بالنوم ' اتجهت للمطبخ قررت تسوي لها شاهي لاجل يهديها ' بنسبه لها الشاهي ' رفيق كل الايام الصعبه ' وأيضًا الايام الجميله ' تنهدت وهي تمسك كوبها الساخن وتطلع لسطح ' اول ما فتحت الباب ويهفها البراد اللي شال جزء كبير من اللي بصدرها ' تنفست الهوى وهي تبتسم بأسى ' تعشق الفجر ' والقمرا ' وتتمنى لو يكون معها شخص يشاركها هالفجر والقمرا
مشت وهي تناظر السماء بحب ' تنهدت وهي تناظر القمر اللي نوره ساطع ' عرفت ان هالليله هي ليلة 14
من نور القمر ' من الهوى الهادي '
' اتجهت لفرشتها اللي مستوطنه الحوش ' قعدت وهي تغمض عيونها ' تتمنى
لو بيدها تشيل كل اللي بصدرها من تعب والم وارهاق '
وتحذفه لبعيد ' كل ما بغت تتناسى اللي صار معها امس تتضايق اكثر واكثر ' ما تدري ليش اغلب اللي حولها يعاملونها كذا ' ولو سالت ما راح تحصل اجابه '
تتمنى وتدعي ان ربي يغير حياتها الى الافضل والاجمل
وأكيد ' الأريح ' قضت وقتها لين سمعت الإمام يعلن لأذن الفجر ' ركزت مع الاذان وهي تغمض عيونها براحه
قامت وهي تنزل بهدوء وتتجه تصحي جدتها اللي من تدخل غرفتها تغمض عيونها بحب من ريحتها وهدوءها
سوت اللازم وهي تروح تصلي وتدعي كل مافي قلبها '
شالت سجادتها وهي تتجه لسريرها ' تدعي انها اذا صحت تنسى كل اللي صار ' واللي بيصير يكون أجمل

<<<<<<<<>>>>><<<<<<<<<<<<

" يوم جديد - واحداث جديده "

صحى من بعد اجمل نومه متواصله فاقدها من سنين
صحى وهو كله حماس وروقان ' طلع من غرفته وعرف من الهدوء ان همام قد راح للجامعه من وقت ' ما شافه من امس الصبح ' الا اتصال واحد فقط '
اخذ له شور ويلبس ثوبه ويلف الغتره بشكل عصبه على راسه ' تعطر من عطره اللي ريحته تمثل شخصيته وروحه ' طلع وهو يركب سيارته ' رفع جواله وهو يتصل على ' بتال '
بتال بإبتسامه : ابو سعود
بهاج بضحكه : ابو متعب ' علومك
بتال : علومي تسرك ' كيف وضعك عساك نمت
بهاج : جاتك نومه عميقه والله ' من زمان فاقدها
بتال :  ليتك تصمل كذا
بهاج تنهد : كلمة ياليت ما تصلح كل شيء
بتال بهدوء : اسمع ' بالليل لازم اقابلك ' بعلمك بشيء
بهاج : عساه خير !
بتال تنهد : خير خير ان شاء الله ' نتقابل بالاستراحه اجل
بهاج : تم
قفل وهو مستغرب صوت بتال ' بدا وقته ووقت الشغل اللي يحبه ويرتاح راحه عميقه فيه ' سم بالله واتجه يبدا يومه
<<<<<<<<<<>>>>>>>>>>>>