-الساعه ٧ ونص مساءً-
• الوادي •
من بعد وصول بهاج الوضع تغير تماماً ، صارت سوالف ونقاشات وهدوء ولو فيها بعض المناقرات الخفيفه واللي ما تنتهي ، بهاج اللي كان مبسوط والفرحه واضحه على ملامحه وعيونه وسريع الواحد يشوفه من كثر وضوحها فيه ، لكن مخه اللي مره معاه ومره بدونه ، لكنه راضي وأتم الرضى ، والكل ملاحظ مره معاهم ومره باله بعيد
همام اللي كان مركز على بهاج طول الجلسه ، ما حصلت له الفرصه لاجل يستفرد فيه ويساله ويتناقش معاه
ولا وده يكون قدامهم او احد يلاحظ
خالد : عيال الساعه قدهي ٨ وش وضع العشى !
بتال : عين من الله خير تو الوقت والليل طويل
نايف : انت تبينا نتعشى الحين ؟ وش جوك
خالد : لا ياخي بس شفتكم سجيتو منه
همام : شكل العشير جويع
غيث : وباقي تسال ؟ شف حضنه طول الوقت ياكل حب
خالد : يا شينك طيب
مطلق : محد بيقرر موعد العشى غيري أنا
غيث : ها شف
بتال : يرحملي والديك مطلق انت ما تسويه إلا قد سفر الفجر طالع عليها
بهاج : شرايكم تخلون الطبخ علي هالمره ؟
العيال : تم
مطلق بتردد : شف صحيح ما احب اكل من يد واحد فيكم لكن هالمره هالمره بس بسمح لك
نايف : والله لو أنا كان الدله صارت بجبهتي الحين
مطلق : قلتها لو انت
بهاج : لا لا ببيض الوجه معليكم
همام : دايم مبيض الوجه مب جديد
خالد : يعني اخوان
بهاج : اقول انفض الحب اللي بحضنك وأكرمنا بسكوتك
غيث : يالبيه يا بهاج قسم بالله اشتقت لنتفك
بهاج بضحكه وهو يناظر خالد
صحيح دايم ودوم يناقرون بعض لكن ما عمرهم قسو على بعض ولو ما يدرون بخاطر بعض كيف كان ما وصلو لعلاقة سنين طويله
<<<<<<<<<<<<<<<<<>>>>>>>>>>>>
بنفس الوقت لكن بمكان ثاني
طلعت من غرفتها بعد الشور الدافي اللي اخذته
وقفت عند الدرج وهي تناظر الصاله الكبيره واللي كالعاده فاضيه تماماً والانوار الكثيره المفتوحه على الفاضي
لفت على باب غرفة نغم وهي تتجه وتوقف عندها بتردد
للحظه كانت بتدق الباب لكن ما تدري ليش متردده
لفت بصدمه من شافت نغم اللي فتحت الباب بالكامل ونفس الصدمه بعيون نغم من شافت لارين قدامها
نغم باستغراب : لارين ! صاير شيء ؟
لارين بخجل : كنت بطق الباب بس
نغم ركزت اكثر : بس !
لارين بخجل : استحيت
نغم بتنهيده : خرشتيني طيب ! بعدين تستحين من ايش
عيب عليك بتزعليني منك والله
لارين : انتي الوحيده اللي ما ابيك تزعلين بس من بعد وقفتك معاي الظهر و
نغم بمقاطعه : أنا اختك ، والاخت توقف مع اختها بكل شيء ، ولا أنا غلطانه ؟
لارين بأبتسامه : انتي آختي
نغم سكرت الباب : اجل امشي ننزل تحت واسوي لك شاهي ، تراني فنانه بالشاهي وأضبطه صح
لارين بضحكه : يلا نشوف الحين
مسكت يدها وهم ينزلون ويدخلون المطبخ
لارين اللي قعدت على كرسي البار وتسولف على نغم اللي تسوي الشاهي وتشاركها السوالف ،
أنت تقرأ
"مثل الوطن والأهل جيت أنت "
De Todo(ألهامي الاول )...🧡 اهلن بكم يالرفاق اتمنى ان تنال اعجابكم روايتي وقراء ممتعه🌷 للكاتبه:دانا تشرفوني بحسابي الانستا: eev.39 اي شي يخص الروايه بينزل هناك مستمرة
