‏"مثل الوطن والأهل جيت أنت "

بارت٢٨

-الساعه ١٢ الصباح-

نزلت وهي بكامل روقانها ونشاطها ، شافها ناصر وهو يبتسم لها من شافت ضحكتها له

ناصر : على وين بهالصبح ؟
لارين بابتسامه : طالعه مع هنوف صاحبتي نتغدا
ناصر : اي يابنتي زين روحي غيري جو
لارين : ماما وين ؟
ناصر بكرهه : نايمه
لارين : كالعاده راجعه من العزيمه متاخر ؟
ناصر : على صلاة الفجر داخله تدرين ؟ بعدين تقول مو مخليني على راحتي
لارين بهدوء : لا تضايق نفسك ، سو زيي انبسط واطلع وعيش ، زي ماهي قاعده تسوي
ناصر تنهد : بيحلها ربك ، يلا روحي لا تتاخرين
طلعت لارين بعد ما ودعته وهي تركب مع السواق ،
بعد ربع ساعه وصلت وهي تنزل للمطعم ، دخلت وهي تحصل هنوف وتسلم عليها ، قعدت وهي تناظر هنوف المعصبه
هنوف بغضب : يعني ما افهم يعني كل هذا التاخير ليش ؟ بيتك وين فيه برا الرياض !
لارين : بسم الله عليك هدي هدي ، كل اللي صار الشارع كان زحمه وانتي تدرين اليوم جمعه والكل يطلع ، بعدين كلها ربع ساعه اللي تاخرت شدعوى عليك
هنوف : يا سبحان الله ربع ساعه بس !
لارين بتعب : يالله انا اسفه آسفه اخر مره بس تكفين خلينا نطلب والله جوعانه حتى فطور ما افطرت بسبتك
هنوف : بنطلب بنطلب بس شوفي وعد بعد الغداء تعلميني وش اللي مروقك ومونسك ذاك اليوم
لارين : وعد يا هنوف وعد
طلبو وهم مابين سوالف وضحك ومناقر ، لارين اللي كانت تحس نفسها فوق الغيم من تتذكر بهاج وهمام.
واهتمامهم لها وسؤالهم عنها ،

<<<<<<<<<<<<<<>>>>>>>>>>

-الخيمه-

كان الكل نايم بالخيمه ، وكانت حوسة الشباب بكل مكان ، ثياب وغتر ، صحى خالد بتعب وهو يناظرهم
كان بكل مكان في شخص نايم ، ضحك بخفه على تعبهم الواضح في ملامحهم ، بعد وقت بدا الكل يصحى

مطلق بنوم : احد يسوي القهوه وكثرو زعفران خلوها تصحصحنا
خالد : مطلق والله مافي افضل من قهوتك
مطلق : لا تلمح وقم سوها
قام وهو يتجاهل ضحك الشباب له
همام بابتسامه : الله يستر عليك يا بهاج
نايف : بسم الله عليه فقيده
بتال : شوي تحصله محضر عندك
مطلق : شايفه فاضي لك يجي يحضر عندك من الصبح ؟ توه متزوج امس مب فاضي لاحد
غيث : لا بهاج مو من النوع اللي كذا
مطلق : وش نوع وش شايفه حلاو ؟
بتال بضحكه : مطلق شفيك اليوم ! مصحصح مره بالعاده اول ما تقوم النفسيه كبر راسك
مطلق : اليوم غير ، بعدين لعد تذب لانها مو حلوه وسخيفه وتافهه
همام بهدوء : يا عيال ادق عليه ؟
نايف : منهو ؟
همام : بهاج يعني مين
مطلق : لو اشوفك حتى مرسل له رساله كسرت جوالك فوق راسك
همام : وش بخونه انا اخوي ترا ! ابي اتطمن عليه
مطلق : بيجيك وتطمن عليه ، اتركه
بتال وهو يقوم : ماعليك ذا مشتطط اليوم مخه فيه شيء

قامو وهم يضبطون المكان ويسوون القهوه ومطلق اللي بدا وقته بالغداء وكان الكل مبسوط ونشاط عالي