‏"مثل الوطن والأهل جيت أنت "

بارت ٤٢

-المجلس الخارجي-

ناصر : عساك مرتاح بالجلسه ؟
بهاج بجديه : الحمدالله
ناصر : اسمعني يا بهاج ، ادري إنك قاعد عشاني وادري لولا غلاتي عندك ما قعدت دقيقه وحده ، لكن انا ما ودي الا انك تكون قريب من اختك انت وهمام ، لانها محتاجه لكم اكثر من انكم تحتاجونها ، ولولا حبها لكم وسؤالها عنكم وغلاتكم بعيونها ، كان ما ناديتك ولزمت عليك ، لارين تحبكم وما تبي غير شوفتكم بالدنيا قريب منها وحولها ، لكن امك
بهاج بمقاطعه : وحنا مالنا غير اختنا ، ونحبها مثل ماهي تحبنا واكثر
ناصر اللي تنهد بخفه : عساه حب وقرب ما ينقطع
بهاج اللي هز راسها وهو يقوم : توصي على شيء ؟
ناصر : وين ارضك ؟
بهاج : عندي مشوار بخلصه ،و راجع
ناصر الي هز راسه وهو يناظره يعطيه ظهر ويطلع ، تنهد براحه من حس بنبرة الحب والرضى اللي فيه لاخته ، ومن قاطع كلامه يوم وصل عند طاري أمه ، ما ينلام ابد لانه مثل ماهي طفشته حتى هو طفشان منها

بهاج اللي ركب السياره وهو يناظر البيت بصمت ، تنهد وهو يدق على نغم بملامح يكسيها الجديه والحده

بهاج : انا بالسياره
نغم بهدوء ونعومه : جايه
سكر منها وهو يتنهد ، مايدري كيف تجرا ورضى مطلبه
بس اللي يعرفه ومتاكد منه ، انه مهما حاول يمسك نفسه عندها ، بلحظه وحده بتتلاشى كل المحاولات
بنظره منها ، او طاري لها

<<<<<<<<<<<<<<<<>>>>>>>>>>>>>

شدت على نقابها وهي تمسك شنطتها الصغيره بيدها
طلعت وهي تسكر الباب وراها ، نزلت من الدرج وهي تناظر البيت الفاضي والهادي ، وصلت نهاية الدرج وهي تلف من سمعت لارين ، شافتها لابسه عبايتها وجانبها رودينا اللي مركزه نظرها فيها

لارين باستغراب : نغم ! وين رايحه
نغم بهدوء : بروح لصديقتي
رودينا : سبحان الله على وقت طلعتنا
نغم بعدم فهم : ما فهمت
لارين : بروح نتمشى وكنت برقى لك اقولك تروحين معانا
نغم بابتسامه من خلف النقاب : اعوضك مره ثانيه
رودينا : اي تعوضين تعوضين يلا لارين
لارين بابتسامه : ان شاءالله مره ثانيه معنا ، وعد ؟
نغم بضحكه خفيفه : وعد

رودينا بقهر : قالت لك وعد اخلصي السواق بكره
شافتها تسحب لارين من يدها بسرعه ، استغربت حركتها وهي من البدايه مستغربتها كلها ، بس ما اهتمت لها ولا لوجودها ، طلعت وهي تناظر بهاج اللي منزل نظره على جواله ، لارين اللي من شافته ابتسمت بخفه ، اما رودينا اللي كانت كاشفه وحاطه الطرحه على شعرها ، عدلت طرحتها وهي تناظره بتركيز

رودينا بهدوء : لارين يا غبيه هذا اخوك موجود
لارين باستغراب : طيب وش اسوي له
رودينا : حماره انتي ؟ اخوك موجود تودينا بسواق ؟
لارين : ما تشووفين انتي ، نغم تركب معاه وش يودينا معهم
رودينا وهي تشوفه : يا غبيه يحطونا على طريقهم امشي امشي بسرعه لا يروحون
لارين اللي ما مداها تتكلم من سحبتها رودينا ولف عليهم بهاج ، وقفو عند دريشته بضبط ، نغم اللي استغربت من جاو عند دريشته ، ورودينا اللي كاشفه وجهها وابتساماتها ماليه وجهها ، بهاج اللي من شافهم نزل الدريشه وهو يركز نظره على لارين

بهاج : عسى ماشر ؟
رودينا بدلع : ممكن تحطونا بالسوق على طريقكم ؟

بهاج اللي لف على نغم وهو يناظر عيونها اللي تناظره
لف نظره عليهم وهو يحاول قد ما يقدر يشتت نظره عن رودينا القريبه منه ، لارين اللي مصدومه بالكامل من رودينا وحركاتها الواضحه جداً ، لدرجه انربط لسانها ولا قدرت تنطق بحرف ، بهاج اللي حس نفسه بموقف لا يحسد عليه ، ما وده يقول ويرفض اخته تركب مع رجال غريب ، وهو اشد ماعليه الغيره ، وهو رجل غيور بعادته ،

بهاج : اركبو
رودينا اللي طارت وهي تمسك يد لارين ، ركبو ورا تحت اناظر نغم المصدومة من اللي تشوفه ، بهاج اللي ابتسم بخفه من لاحظ سكون نغم ، ونظراتها لهم ، تاكد من سكرو الباب وهو يحرك ، لارين اللي العصبيه بجوفها كبيره ، عكس رودينا اللي تحس نفسها فوق الغيم ، من ركزت بملامحه ، ومن سمعت صوته ، ومن وافق بركبوهم معه ، نغم اللي لفت وهي تناظر دريشتها ، ما تدري ولا عندها اي رد يفسر شعورها حاليًا
تحس بجوفها شيء يتعبها ، بس فضلت الصمت والهدوء ، بهاج اللي ما اهتم ابد لوجودهم معاه كثر اهتمامه بهدوء وسكون نغم ، اللي ما نطقت بحرف واحد ولا بينت اي شي فيها ، كان طول الطريق الهدوء والصمت سيد مكانهم وجلوسهم ،

<<<<<<<<<<<>>>>>>>>>>>>>>>

-الخيمه-

كالعاده ، صوتهم وضحكهم العالي على البلوت ، وناصر اللي يجهز القهوه والشاهي عندهم

نايف : ياغشيييم
همام بضحكه : اذا ما تعرف تلعب قولي اعلمك مره ثانيه
خالد : اضحك يعني الحين ؟
غيث : ترا تنرحمون والله
همام : ننحرم ها ؟؟ اقول العب العب
بتال : يا عيال ترا طولتوها متى دوري
خالد : اذا رحت تجيب مويه جاء دورك
بتال : هه اضحك يعني ؟ اقول قم قم
خالد وهو يقوم : تعال ورني جيدك فيهم
بتال اللي قعد مكان خالد
غيث : اتمنى انك تكون تعرف مو مثل الثور اللي قبلك
خالد : والله ماغيرك الثور ، بتال بالله عليك شف لعبه كيف وحدد من فينا الثور

همام : ما يحتاج يحدد لان كلكم
بتال بضحكه : مطلق شاهي
مطلق : خدام عند ابوك انا ؟ قم صب لك
نايف : اوف اوف شكل نفسية مطلق اليوم ماش
غيث : تبي لحم ؟ عادي قول لا تستحي
مطلق : اقول العب العب لا اجي واخليك لحم
همام : لا صدق وش فيك ؟ ترا من جيت وانت ماش
مطلق : مافيني شيء ، عشاني هاديه اليوم تشوفون فيني شيء
خالد : هذا البلا لا تصير هادي عشان ما نشوف
بتال : غيث قم خل مطلق يلعب
غيث : على كيفك خلني اخلص هالقيم بعدها يجي هو
مطلق اللي قام وهو يدز غيث ، غيث اللي طاح على جنب همام اللي يضحك من قلب ،
مطلق : قال ايش قال لا خلصت . ياشيخ من زين لعبك انتظرك بعد
غيث : ها ورني الحين لعبك اذا كانك صادق
لعبو بوسط ضحكهم وطقطقتهم ومناقرهم المستمر ، الكل كان في اعلى سعادته وراحته ، والكل يحمد الله بداخله على هـ الجمعه ،

انتهى