وصلو المكان المعتاد وجهزو جلستهم واللازم في هذي الجلسه ، مطلق اللي ضبط القهوه والشاهي على الضو واللي معروف فيها " مطلق هو راعي القهوه والشاهي الزين "
صحيح مكانهم بر لكن على مطل الشوارع والسيارات اللي رايحه وجايه فيه ،
بتال بابتسامه : حيك يا مطلق حيك
مطلق بتنهيده : الحين ورا ما تعطوني مركى !
نايف اللي حلف عليه المركى اللي كان متكي عليه
نايف : خذ خذ طالع مع شايب مب خويي
مطلق : تعلمو احترام الكبير
غيث : تكفى يالكبير ترا انت بس عرض وطول اللي كبير لا تحسسني صاك الثلاثين وانت اكبر مني بكم سنه
مطلق : اكبر منك بسنه بسنتين ان شاءالله ثلاث دقايق مردك تحترم الكبير
بتال : ما تستحي على وجهك ؟ من اليوم امدح فيك واعزز لك ولا فاد بعينك شيء ؟ الشرهه علي
همام : انتو طالعين تغيرون جو وتنبسطون ولا طالعين تتهاوشون ؟
خالد : وهو صادق نفسكم نفسكم لو قاعدين بالخيمه ابرك ما تغير شيء غير المكان
مطلق : اقول تبيني اصطر وجهك بدله اللي قدامي الحين
غيث : شوفو الجو شوفو وش زينه غيوم ونسمة براد خليكم هادين لو دقيقه وحده
نايف : بهاج ما راح يجي ؟
همام : إلا بيجي بس قال بيتاخر شوي
مطلق : الرجال متزوج وعنده مسؤليات خلوه على راحته لحد يشغل
همام : تراك ابلشتنا كل ما جبنا طاريه خلوه وخلوه بنشوف لا تزوجت وش بتسوي
خالد يضحكه : بينسى طريق الخيمه يمكن
مطلق بتقليد : بينسى طريق الخيمه ! تعال تعال خل اغز وجهك بهالضو يمكن تعقل شوي
بتال : ترا ما صارت قهوه من قعدنا وريحتها فايحه ولا شربناها
مطلق : لا تبدأ أنت بعد عشان لا اسوي بك مثل البزران ذولا
بتال : خلص خلص نبي نتقهوى نبي نعدل مزاجنا
خالد : يلعن بليسك لو انها ذبيحه قد خلصت
همام : يرحملي والديكم خلاص خلوه يسوي اللي يبي
مطلق بابتسامه : ما سميتك محزم عبث
همام بضحكه : ابشر بسعدك
بتال بتنهيده : الله يعين
غيث : انتبه همام حبتين ويقلب عليك
همام : فداه
مطلق : اول من يمسك فنجال القهوه انت
همام وهو يغيض العيال : تسلم تسلم
<<<<<<<<<<<<<>>>>>>>>>>>>>>>
دخلت البيت والفرحه والبهجه ماليه قلبها وملامحها
صوتها العالي بالبيت وهي تنادي لامها بنبرة يمليها الفرح
وقفت وهي تناديها لكن ما حصلت اي صوت لردها
للحظه بهتت ملامحها من ما حصلت احد يشاركها فرحتها ، استوعبت الوقت وهو الظهر ويمكن تكون نايمه لاجل كذا ما سمعتها ، رقت الدرج بركض وهي تنادي
بـ ماما ، ماما البشاره ، ماما باركي لي ،
لحد ما وقفت عند باب غرفة " مزن " طقت الباب بخفه وهي تدخل وتشوف الانوار طافيه ، فتحت النور الخافت وهي تركز نظرها على السرير ، شافته مرتب وكانه محد نام عليه من امس ، قربت بخفه وهي تركز أكثر للأسف ما حصلت اي شيء يدل بان امها موجوده ، حتى جوالها اللي دايم تحطه بطاولة اللي جنب السرير ماهو موجود ،
رسمياً بهتت فرحتها بالكامل ، طلعت وهي تسكر الباب بملامح يكسيها بهتت الفرحه والبهجه اللي كانت موجوده من دقايق ، نزلت لتحت بهدوء والدموع مجتمعه بعيونها
متاكده بان عندها خبر بهاليوم ، وهي امس مرسله لها رساله وراده عليها ،
جت ببالها ومتاكده من اللي ببالها بانها بهاذي اللحظه مع صديقاتها وناسيه كلياً موضوع هاليوم ، وهو اللي يترصد فيه قبول لارين بالمستشفى
بـ المستشاره ، لفت على دخلو نغم اللي جايه من المطبخ
نغم اللي شافت عبوس ملامح لارين وبيدها ورقه ،
للحظه تجمع الخوف بقلبها من تقدمت صوبها لارين بسرعه وهي تحضنها بقوه ، نغم اللي مليون سوال براسها
من ملامحها الزعلانه من الورقه اللي بيدها من ضمتها لها
شدت عليها بخفه وهي تمسح على ظهرها ، حست للحظه بانها بتنفجر بالبكي والدموع ، بعدتها عن حضنها وهي تمسك وجهها وتمسح الدمعه اللي تمردت وطاحت من عينها الجميله ،
نغم بقلق : لارين !
لارين بنبرة بكي : اكرها
نغم باستغراب : مين ؟
لارين ببكي : اكرهه امي
نغم اللي الصدمه اعتلت ملامحها بالكامل ، والاسأله الكثيره اللي تدور ببالها ، مسكتها مع كتفها وهي ترقيها لغرفتها ، لارين اللي حطت راسها على كتف نغم وهي تسمح لدموعها تنهمر وتترك صدرها ينشرح بالبكي ،
نغم اللي تمسح على كتفها وهي حاضنتها من جنبها ،
تعرف بـ مزن كثير ، بس اللي ما تعرفه ايش اللي ترك لارين تقول هالكلمه الكبيره بحق امها ، وهي كلمه مو سهله تنقال لشخص مثل امها ، إلا بسبب كبير او اسباب
•انتهى•
أنت تقرأ
"مثل الوطن والأهل جيت أنت "
Acak(ألهامي الاول )...🧡 اهلن بكم يالرفاق اتمنى ان تنال اعجابكم روايتي وقراء ممتعه🌷 للكاتبه:دانا تشرفوني بحسابي الانستا: eev.39 اي شي يخص الروايه بينزل هناك مستمرة
