‏"مثل الوطن والأهل جيت أنت "

بارت 52

حطت يدها على مسكة الباب وهي تسحب الهواء الكثير لداخل صدرها وتتنهد ذيك التنهيده اللي تعبر عن كل مافي داخلها من مشاعر تعب وإرهاق سنين طويله وكانها تشوف بعيونها كل تعب انمحى بغمضة عين ومن حطت يدها على مسكة الباب المنتظر ، فتحته وهي تناظر كل زاويه بالغرفه بكل مشاعر حب وانتظار ليالي نامت فيها وهي بداخلها تشوف المنظر اللي قدامها الحين واللي للحظه حسته حلم ، تقدمت وهي تسكر الباب وتتناقل بكل زاويه وبكل شيء يخص هالغرفه بعيون كلها تامل وحب شديد للحلم اللي تحقق ، لحد ما وصلت عند الكرسي الاساسي واللي ينتظرها قعدت وهي تحط يدها على المكتب وتقرب منه ، والابتسامه اللي ما فارقتها طول ماهي تناظر كل زاويه وكل ركن ، تجمعت الدموع بعيونها وهي تشكر وتحمد الرب على نعمته اللي رزقها فيها واللي كثير الليالي تلح بالدعاء لتحقيقه امنيتها ، ولو كثرو الأمنيات تظل الامنيه هذي المتصدره بكل مافي قلبها

رجعت كامل جسمها على مسند الكرسي وهي ترفع راسها وتغمض عيونها لتسمح بانهمار الدموع لاجل تطلع كل مافي خاطرها وتنشر مشاعرها السعيده بالمكان اللي اسعدها

اقدم لكم
المستشاره : لارين ناصر

<<<<<<<<<<<<<<<>>>>>>>>>>>>>>

مطلق اللي شاد حيله وحاط حيله كله بتجهيز اللازم وجواله اللي ما وقف من كثرت الاتصالات المهمه
دخل الخيمه وهو يناظر غيث وخالد اللي قاعدين وعيونهم وتركيزهم على الجوال

مطلق بصوت جهوري : والله يا رفقة الفلس
غيث : افا !!
مطلق بغضب : افا منكم
خالد : هي يا ولد وش وضعك انت
مطلق : الحين ما تشوفون أنا ونايف وبتال نجمع الاغراض ونحطهم بسيارات وانتو مقعدين ومريحين ؟
بتال اللي دخل على كلام مطلق : خلهم خلهم على راسهم دجاجه
خالد ببرود : طيب بدال هالصياح كله نادونا ونجي وش له
الصوت العالي ذا !

مطلق : الله يلعن ام برودك طيب
الكل لف على خروج مطلق اللي واضح العصبيه ماليه صدره
بتال : بعيال ترا مالكم داعي والله وانتو تعرفون مطلق وطبع مطلق ومب امس عارفينه سنين طويله وهذا مطلق
نايف اللي قام بتعب : يلا يلا كل شيء ولا ابونا
خالد : حسسني ذابح له احد
بتال : يوه عاد انت ما تسكت لين بكره خلاص ياخوي مش الليل وامش ساعدنا هذا إذا لقيت شيء تساعدنا فيه
مشى الوقت والكل جهز وجهز نفسه للطلعه اللي تحصل كل بداية دخول موسم الشتاء واللي ينتظرونها دايم

<<<<<<<<<<<<<<<>>>>>>>>>>>>>>

بعد ما تاكدت من دخوله للحمام حطت الطرحه على راسها وهي تنزل تحت تشوف الهدوء المليان بالبيت واللي حمدت ربها لاجل ما تواجه احد وهي بالحاله هذي والتعب اللي متعبها بجسمها جاء ببالها تعب تغيرات الجو بحكم دخول الشتاء ، اتجهت للمطبخ وهي تجهز المويه الحاره واللي قررت تسوي لها شاهي يدفيها ويلم جسمها المرهق ، جهزت لها الكوب وهي تحط ظرف الشاهي وملعقة سكر ، قعدت على كرسي البار وهي تناظر الكوب
وبالها المشغول باشياء كثيره ، للحظه مرت على بالها جدتها وحبيبتها الدئمه وارتسمت ابتسامه على شفتها وهي مبسوط بسبب مرورها ببالها اللي غير مودها بثانيه وحده ، بسبب تعمقها بصورة جدتها اللي ببالها ما انتبهت لدخول رودينا اللي من شافتها وشافت سرحانها وابتسامتها والشر يتطاير بقلبها ، شافتها ما انتبهت لوجودها وهي تقرب صوبها وتضرب الطاوله بيدها
نغم اللي رفعت عيونها بفزع من شافت رودينا اللي مستغربه وجودها معها وهي اللي ما انتبهت لها ابد

رودينا بحقد : الابتسامه بتوصل الأذن عسى ماشر ؟
نغم بتلعثم : ماشر بس اسوي لي شاهي تبين ؟
رودينا : اي اي شاهي صح ، لا ما ابي يسبب لي حرقان هالوقت
نغم بالابتسامه خفيفه : الشاهي وحرقان ؟ مستحيل يجتمعون !
رودينا بابتسامة تسليك : يجتمعون عندي
نغم : غريب !
رودينا بصوت جهوري : شقصدك ؟ يعني انا غريبه ؟
نغم بصدمه من عصبيتها وانفعالها السريع : لا ما
رودينا : وش لا ؟ حبيبتي هالحركات ترا واضحه لا تتعمقين شخصية البريئه والمسكين عندي ترا حافظتكم
نغم والصدمه تعتلي ملامحها : حركات ايش وش تقولين انتي
رودينا : حركات اللي تسوي نفسها مسكينه وطيبه وهاديه وهي من تحت لتحت تاكل الناس وتاكل حياتهم
نغم وهي تقوي نفسها : احترمي نفسك ! ما اسمح لي تتكلمين معاي بهالطريقه وانتي ما تعرفيني صح
رودينا بصوت جهوري : والله طلع لك لسان ! وقدام لارين وخالتي دور البنت الهاديه واللي بس تدور رضا زوجها ، بدت تطلع حقيقتك يا بنت
بهاج : بنت ايش ؟

لفو على وجود بهاج اللي ابهرهم وجوده واللي واضح سمع كل شيء وله مده طويله بينهم
رودينا اللي للحظه وقف كل شيء بداخلها من وجوده ومن بعد ما شافته عن قرب ، نغم اللي ودها تنشق الارض وتبلعها ولا يكون سمع اللي صار كله ،
بهاج اللي تقدم صوبهم بخفه وعيونه على رودينا وبس
بهاج : كمليها ليش وقفتي !
رودينا بتلعثم : أنا
بهاج بعصبيه كبيره : بنت ايش ؟؟؟؟؟ هذا وانتي بنت خالتي ! طلعتو كلكم نفس الاطباع ، مافيه فرق بينكم ابد
قلة الادب تمشي بعروقكم وبدمكم
نغم بهدوء : بهاج
بهاج بتلحيح : إذا كنتي بنت ابوك ، كملي جملتس بوجهي
رودينا وهي اللي كل مافيها يرجف والدموع بعيونها كثير
نغم اللي ما بيدها شيء غير اللي جاء ببالها واللي مضطره تسويه ولو الخجل يمليها بالكامل ، تقدمت صوبه وهي تمسك ذراعه وتمسح على كتفه بخفه
نغم بهدوء وخجل : إذا عندي غلا لو شوي ، اتركها
بهاج اللي للحظه كل حواسه وقفت وكل مافيه من عصبيه وتوتر وحقد ، بسبب حركتها وكلمتها ،

كل مافيه ركد وهدى ، ولا كانه اللي قبل شوي وده يحرق الارض والدنيا كلها ، رودينا اللي كل مافيها تحس بنار بصدرها بقلبها بروحها ، وخصوصً من شافت الهدوء فيه من بعد حركتها ، بهاج اللي ما حصل نفسه بهالموقف بذات غير انه يسحب نفسه ويتركهم جميع ، نغم اللي تنهدت وهي تمسك وجهها بيدها الثنتين بتعب ، رودينا اللي ناظرتها بقرف وهي تطلع وتاركتها لحالها ، جلست نغم وهي تمسك راسها وتحس التعب زاد اكثر واكثر ، ما تدري كيف بلحظة صارت كل التغيرات هذي ، بس اللي تعرفه انها تعبت

انتهى