« يوم جديد - احداث جديده »
الساعه ٤ العصر ، قاعدين بصاله والتلفزيون سيد الصوت
والقهوه العربيه اللي بيد الجميع ،
بشاير وسارا اللي قاعدين جنب بعض والقهوه بيدهم والحوار اللي من قعدو وهم شغالين فيه ، اما نهله وشيخه اللي قاعدين وسوالف اللي ما انتهت بينهم واللي كانو تحت أنظار غزيل ونوره اللي الحش والنغزات المستحيل تنتهي بينهم ، الكل التفت صوبهم من تنحنحت غزيل بعد ما غمزت لـ نوره بانتباه
غزيل : نشميه مالها حس بينكم ، غريبه هذي اول مره من جت وسكنت معنا
بشاير بقرف : عمه نشميه طلعت مع ابوي
نوره بتركيز : وين طلعو ان شاءالله
بشاير : مالك شغل
نهله : بشاير !
نوره : ماشاءالله على التربيه ، الصراحه احسدك على تربيتك يا نهله
شيخه : بس يا نوره كفي الشر
غزيل : إلا الشر يسري بدمكم انتو وبناتكم
سارا : احترمي انك قاعده بينا طيب !
غزيل : والله ان الاحترام ما يعرفكم ولا يعرف طريقكم
بشاير بغضب : كفي لسانك احسن ما اخلي ابوي يقصه لك احسن لك
نوره بضحكه : تصدقين انك خوفتينا بأبوك ! شوفيني صرت ارجف
سارا : الرجفه الصح لا صرتي قدامه وقعد يربيك
نوره اللي سرعان ما قامت وتقدمت صوب سارا بغضب
بشاير اللي وقفت قدام سارا مقابل نوره وغزيل اللي كانو يبون الهوشه تبدا منهم لكن لعلها انقلبت عليهم
بشاير : بتضربينها ؟ تسحبين ابوي بيسكت ؟
نوره اللي الشرار يتطاير من عيونها : والله يا بشاير والله ثم والله لو يوصل علم لـ سلطان ، اني لأسوي خرايط بوجهك انتي واختك ، وتذكري كلامي
بشاير بابتسامه : انتي زين يمديك تسوين الخرايط ، صدقيني ابوي بيرسم بوجهك قبلك ، يعني لا تتعبين نفسك لان حقك بيجيك
غزيل اللي مسكت ذراع نوره وهي تسحبها صوبها وسرعان ما طلعو من الصاله ، بشاير اللي لفت على سارا اللي عيونها تجمعت بالدموع ، مسكت وجهها بشاير وهي تركز بعيونها
بشاير بغضب : بنت ! والله ما تنزل دمعه من عينك بسبب هالكلاب ، وشغلهم عند ابوي والله لايأخذ حق جيتها ذي
نهله وشيخه اللي قعدو بتعب من نوره وغزيل اللي ما يقعدون بمكان إلا ويحطون بصمة هواشهم فيها ،
بشاير اللي حضنت سارا وهي تمسح على ظهرها بخفه
تنهدت بشاير بغضب منهم ومن حركاتهم اللي تشيب الراس وتتعب النفس
<<<<<<<<<<<<<<<>>>>>>>>>>>>>>>
بمكان يمليه الهدوء والنعومه العميقه ، نشفت شعرها بعد ما خذت لها شور عميق يترك راسها يرتاح ، من بعد آخر موقف ما حصل بينهم الا حكي خفيف وكلها على السريع ، كل ساعه والموقف ينعاد براسها وكانه صاير بلحظتها
لبست فستانها الكحلي الماسك بخفه على جسمها النحيل ، وخصرها الملفت ، واكمامه اللي توصل لنص ذراع يدها ، بعد ما نشفت شعرها رفعته بالكامل وهي تربطه بحركة ذيل حصان اللي عطاها لوك ملفت اكثر
طبطبت ببلشر خفيف على خدودها الناعمه والبيضاء واللي تتوسطها شامه بخدها اليسار ، رفعت رموشها الكثيف بـ مسكرا خفيفه تعطي جاذبية لعيونها
طبطب روج خفيفه على شفتها الممتلئه بخفه ،
أنت تقرأ
"مثل الوطن والأهل جيت أنت "
De Todo(ألهامي الاول )...🧡 اهلن بكم يالرفاق اتمنى ان تنال اعجابكم روايتي وقراء ممتعه🌷 للكاتبه:دانا تشرفوني بحسابي الانستا: eev.39 اي شي يخص الروايه بينزل هناك مستمرة
