‏"مثل الوطن والأهل جيت أنت "

بارت ٦

-يوم جديد-

اليوم اللي قبله مر بكل هدوء على الكل ' وكان يوم جداً هادي '
-يوم الجمعه تحديدًا الساعه 12 ظهراً-

الكل صحى والكل سوا اللي عليه من مهام يوميه ' بخص انه يوم جمعه وشتاء بذات ' الكل يتجه للمخيمات والبر ' الا نغم ونشميه ' يقضون يوم الجمعه بالبيت والتنظيف والترتيب '
نغم وهي ترتب الصاله وتنظفها ' سمعت جدتها تناديها من الحوش ' ركضت لها وهي تشوفها واقفه عند الباب ومعها خالها سلطان ' استغربت وجوده واستحت من مظهرها المتكركب ' رتبت شعرها على السريع ومسحت يدها بروبها الازرق ' وهي شخص يعشق اللون الازرق وجداً اتجهت له وهي تحب راسه ' بعدت بعد ما ضمها بخفه وهي توقف جنب جدتها بهدوء ' تاملها سلطان بحب ' جميله جميله بكل ما جت هالكلمه من معاني ' عيونها الناعسّه المرسومه رسم يجذب ' رموشها اللي صفتها معطيه عيونها جاذبيه اكثر واكثر '
بياض خدودها اللي يتوسطه شامه جنب شفتها '
شفتها الممتلئه بخفه ولونها الطبيعي ' شعرها اللي رافعته فوق بحركه طفوليه ' الخصلتين اللي نازلين على عيونها ' كل شيء فيها جذاب ' صحى على نفسه من شاف نشميه تطقه على يده '
شميه بضحكه : كليت البنت بعيونك شفيك ياخوي !
سلطان بضحكه : ماشاءالله تبارك الله ' خالقها ربي تبارك الرحمن ' ( ملاحظه ، سلطان اكبر من نشميه بكم سنه ' يعني جد وعنده احفاد وعيال )
استحت وهي تنزل عيونها على يدها وتشد عليها '
سلطان : اقول نشمي ' انا جايتس وطالبتس
نشميه : لبيه امرني
سلطان : ما يامر عليتس ظالم ' هاليوم حنا والعايله طالعين للمخيم 'وبنقعد ثلاث او اربع ايام ' وودنا انكم تجون معنا ' لاجل تكتمل الجمعه '
نشميه : والله ياخوي طلعتكم وجمعتكم ما تنرد ' بس انت عارف الوضع و ..
سلطان بمقاطعه : عارفٍ كل شيء وانا اخوتس ' بس ليه نشيل هم حركات وكلام بزران ' بعدين هالشيء من يوم الكل كان صغير وجاهل ' الحين الوضع تغير والكل كبر وفهم ' ليش نتذاكر الماضي ؟
نشميه بتنهيده : صادق ياخوي ' متى بتطلعون ؟
سلطان : على ثلاث العصر ان شاءالله ' لا جينا نطلع دقيت عليتس ' وانتي
يا بنيتي
نغم رفعت راسها : لبيه يا خال
سلطان : لبيتي حاج يابوتس ' تجين مع جدتس ' لا تخليني ازعل عليتس '
نغم : كل شيء ولا زعلك ' ابشري
ابتسمت سلطان وهو يحب راس نشميه ونغم ' طلع بعد ما ودعهم
نغم بتأفف : اففف ليش ما علمتيني يا جديده ان خالي عندتس
نشميه : وليش اعلمتس ؟
نغم : ما حبيت يشوفني كذا ' شكلي مكركب وحوسه
نشميه ضحكت : انتي ما شفتي عيونه كيف بغت تطيح
وتقولين حوسه ؟
نغم : الحين صدق انا بشوف عيال وبنات خوالي ؟
نشميه : بعد هالسنين انتي مصدقه يا بنتي ؟
نغم : احس خايفه
نشميه : تخافين ؟
نغم : اي ' اول مره اشوفهم من بعد سنين ' اكيد تغيرو وانا تغيرت ' وخايفه من ردة فعلهم
نشميه : بيحبونتس وتحبينهم ' صدقيني هالخوف كله عشانتس اول مره بس '
نغم تنهدت : ان شاءالله ان كل شيءٍ يمر على خير'

<<<<<<<<<<<>>>>>>>>>>>
-استراحة مطلق-

الكل مجتمع حول الغداء '