.👀
هل اصحابي العظيمين جاهزين لاحداث جديده ؟،.لفت على لارين اللي تناظرها بابتسامه ، حاولت تخفي الخجل بابتسامه وهي ترجع تجلس جنبها بخفه
لارين اللي الابتسامه ما فارقتها من تاكدت بان الابتسامه سببها بهاج وكلمه من بهاجلارين بضحك : ياحظ بهاج بـ الاجر
نغم بعدم فهم : كيف !
لارين : كيف ! اقص يدي إذا الابتسامه ذي ماهو سببها بهاج
نغم باستغباء : مب شرط ! يمكن تذكرت شيء حلو
لارين بضحك : صح يمكن تذكرتي شيء حلو صار بينكم
نغم بعصبيه خفيفه : لارين !
لارين بضحكه من قلب : امزح امزح والله
نعم بابتسامه من سمعت ضحكتها اللي حستها من قلب
فرق كبير بين الصبح والليل بمزاج لارين ، اكتشفت بانها حرام تعيش هالجو المزعج والإهمال اللي يجيها
اللي مثل لارين ،نااااااااادر يحصلون مثل شخصيتها
لارين اللي لفت على نغم وهي تشوفها تبتسم لها بحب
ابتسمت لها وهي تنزل عيونها وتتنهد ، نغم اللي سرعان ما قامت من شافت ابتسامة لارين اللي تشالت بخفهنغم بحماس : حزة عشاء ، قومي نطبخ
لارين بصدمه من حماسها وطلبها : نطبخ ؟
نغم : اي نطبخ ! ليش ما نطبخ يعني
لارين بعدم فهم : الخدم مالين البيت نطلب منهم اي شيء نبيه ويطبخونه !
نغم بتافف : ياربي يا لارين ! أنا قلت نبي نطبخ طيب ،
نغير جو ونسوي لنا طبخه لذيذه ، ولا ما تعرفين تطبخين انتي !
لارين بخجل : الصراحه
نغم بنظره : اي !
لارين بخجل كبير : ما اعرف إلا اندومي ، ومرات يحترق بعد
نغم بصدمه بنظراتها من صارحتها ، بس سرعان ما رقعت الموقف وهي اللي ما تبي تحرجها اكثر
نغم : ماعليه أنا أعلمتسلارين بضحكه : بتتعبين والله
نغم مسكت يد لارين وهي تقومها : التعب منتس فدا
لارين اللي ابتسمت من كلامها ومسكتها ليدها وركضهم للمطبخ ، تعترف بان نغم نعمه كبير باي شخص بحياته
وتحسد بهاج على اختياره اللي الكل يتمناه<<<<<<<<<<<<<<>>>>>>>>>>>>>>>
« الوادي »
الطرب الجماعي اللي مسيطر على الجلسه والأغاني اللي ما وقفت وصوت العود اللي مخلي هالليله ليله طرّبيه للجميع ، البلوت اللي ما ينترك للحظه
ريحة الطبخ اللذيذه المنتشره بالمكان
بإشراف بهاج ومطلق ، بهاج اللي لو بيده يعطي الراحه اللي بصدره لكل شيء متضايق او مهموم ،لان الراحه اللي فيها تركت المكان كله واللي فيه يوصلهم شعور الراحه
من ملامحه من عيونه من كلامه من نبرته من ضحكته اللي واضح فيها الراحه والسعاده الكبيره ، اللي ترك الكل يلاحظ هالراحة والسعاده اللي نادر يحصّلونها فيه إلا ما بين فتره وفتره ، ماعاد هالفتره اللي كانت مرتبطه فيه لمده طويله ، يدرون سببها مين لكن محد تجرا يلمح او يقول حتى لو بضحك ، المهم انها تستمر هالراحه والسعادهغيث : عيال ادري انها ذبيحه بس ترا طولت حيل
مطلق : خلك باللعب وخل الطبخ لاهله
بهاج بضحكه : الجوع كافر ها
غيث بتعب : والله جوع ارحموني وارحمو بطني من هالقهوة والشاهي والحب خلاص ياخوي
مطلق : سد حلقك لين يجيك الخير ، مهب لازم يمتلي بطنك
همام : الحمدالله اني ما تكلمت وسديت جوعي
بهاج : همام جوعان ؟
همام بتعب : والله جوعان والله
بهاج : يخسي الجوع ، ابشر بسعدك ياخوي دقايق بس
همام اللي ضحك من نظرات غيث المصدوم
بهاج اللي يحاول يكتم ضحكته من طقطقة العيال على غيث ، اما بتال اللي كان مركز على بهاج وكيف السعاده طاغيه فيه من تصرفاته ونظراته وملامحه ، ويدعي بداخله « ياعل هالضحكه والراحه ما تغيب عن هالوجه»« انتهى »
أحبكم ترا🤍!!!!
أنت تقرأ
"مثل الوطن والأهل جيت أنت "
Acak(ألهامي الاول )...🧡 اهلن بكم يالرفاق اتمنى ان تنال اعجابكم روايتي وقراء ممتعه🌷 للكاتبه:دانا تشرفوني بحسابي الانستا: eev.39 اي شي يخص الروايه بينزل هناك مستمرة